DI LIBI FUU KUMA KEESITU SËMBË

I dë seekaseeka ee a ko pasa taa möni soni u di köndë an nango bunu ö?

An ta foondo u te soni ta pasa di ta mbei taa möni soni a hii së u goonliba an nango bunu. Faandi mbei? Wë u di u ta libi a di kaba pisi u dee lasiti daka, nöö di Bëibel ta bai u fu wa buta u futoou a gudu di an o dë u nöömö (1Ti 6:17; 2Ti 3:1). Andi di woto u Könu Josafati ta lei u u di dë di u musu dë seekaseeka ee a ko pasa taa möni soni u di köndë nango a baka?

Josafati bi ta buta futoou a Jehovah di dee felantima u de bi kë ko feti ku de (2Klo 20:9-12). Nöö a bi seeka dee sëmbë a fesi te dee felantima u de bi o ko feti ku de. Söseei a bi mbei dee peni u di foto ko möön taanga u de an bi sa booko, nöö a bi buta sodati a so kamian u di foto (2Klo 17:1, 2, 12, 13). Leti kuma Josafati, u kë buta futoou a Jehovah, söseei u kë dë seekaseeka te soni o ko möön taanga.

ANDI U SA DU FUU DË SEEKASEEKA EE A KO PASA TAA MÖNI SONI U DI KÖNDË NANGO A BAKA?

Mbei di biibi fii ko möön taanga: Lei u dë tifihedi ku dee soni dee i abi, nöö ko abi möön futoou a Jehovah taa a o da i dee soni dee i abi fanöudu hiniwan daka (Mt 6:26; 1Ti 6:8). Na disa u libi ku dee mama wëti u Bëibel u dee soni dee i abi fanöudu hedi (Lo 2:21). Luku unfa i sa seeka soni fii sa ta lesi di Bëibel ku dee woto buku fuu ee a ko pasa taa sitolomu ku Internet an dë. Tei wantu buku tjubi, nöö ee a sa, nöö download buku ku fëlön a fesi buta a di tëlëfön nasö di tablet fii.

Seeka woto soni: Mbei möiti fii ja abi paima, söseei na bai soni di an dë fanöudu, sö taa soni an taanga da i poi te möni soni u di köndë bigi nango a baka (Nön 22:7). Ee a sa, nöö bai njanjan soni ku woto soni di joo abi fanöudu buta a wosu. Sö sëmbë ta pakisei u paandi soni, nöö an dë u de ta puu möni ta bai so soni.

LUKU DI FËLÖN I DË SEEKASEEKA EE WAN GAAN HOGI O PASA U? NÖÖ BAKA DI DË, PIKI DEE HAKISI AKI:

Wan pisi u di fëlön „I dë seekaseeka ee wan gaan hogi o pasa u?” Wan peentje ka i ta si wan Bëibel, wan tasi, wan tëlëfön, ku sëmbë di ta wooko.

Andi hiniwan fuu sa du fuu dë seekaseeka ee wan gaan hogi ko pasa?

Your answer

Wan pisi u di fëlön „I dë seekaseeka ee wan gaan hogi o pasa u?” Baaa ta heepi mbei wan wosu baka di wan gaan hogi pasa, nöö wantu woto sëmbë ta heepi puu lai a wan toloki.

Unfa u sa dë seekaseeka u heepi wotowan?

Your answer