Na lasi hati te i dë ku möni fuka

Di libi a dee lasiti daka aki, lai ku sömëni fuka. U di di kaba u di goonliba aki zuntu, mbei di libi o ta ko möön taanga. A kan taa woo dë ku hangi pena, söseei ku woto bookohedi tu (Hab 3:16-18). Andi o heepi u fuu hoi dou te u dë ku möni fuka? U musu ta buta futoou nöömö a Jehovah, di Gadu fuu. A paamusi taa a o sölugu dee dinima fëën, nöö a sa da u hiniwan soni di u abi fanöudu fuu sa libi ku dee fuka fuu.​—Ps 37:18, 19; Heb 13:5, 6.

Andi i sa du?:

• Begi Jehovah faa tii i, faa da i köni, söseei faa da i taanga.​—Ps 62:8

• Dë kabakaba u du hiniwan wooko di ja bi du wan daka jeti.​—g-O 1/10 bld. 8-9, ku dee pisi

• Du soni u di biibi fii ko möön taanga. I musu ta lesi di Wöutu u Gadu hiniwan daka, i musu nango a dee kemeente komakandi, söseei i musu nango a di peleikiwooko

LUKU DI FËLÖN HEEPI DEE SËMBË FII WOSUDENDU U DE HOI DOU​—UN „MUSU TA TIFEEDI KU DEE SONI UN ABI KAA,” NÖÖ PIKI DEE HAKISI AKI:

• Un bookohedi sëmbë u tookatooka wosudendu bi abi?

• Andi da di möön fanöudu soni a di libi?

• Unfa u sa heepi dee sëmbë dee dë ku möni fuka?