DI LIBI FUU KUMA KEESITU SËMBË
Si iseei kumafa Jehovah ta si i
„Jehovah ta wai ku dee sëmbë fëën” (Ps 149:4). Hii fa u da zöndu libisëmbë, tökuseei a ta si dee bunu fasi dee u abi, ku dee soni dee u sa du. Ma so juu a sa taanga da u fuu si dee bunu fasi dee useei abi. Nöö kandë di fasi fa sëmbë ta libi ku u, sa mbei u fii kuma wa dë wan hojo soni. Nasö ee u ta buta pakisei a dee föutu dee u bi mbei a di ten di pasa, nöö di soni dë sa mbei u ko ta si kuma Jehovah an lobi tuutuu. Andi sa heepi u te u ta fii sö?
Hoi a pakisei taa Jehovah ta si soni di u kuma libisëmbë an ta si (1Sa 16:7). Di soni dë ta lei u taa Jehovah ta si soni a u di useei an ta si. Di Bëibel ta heepi u fuu ko sabi unfa Jehovah ta si u. U ta ko sabi unfa a ta si u te u ta lesi so tëkisi ku so woto a Bëibel di ta lei unfa Jehovah lobi dee dinima fëën tjika.
LUKU DI FËLÖN KO DË SEIKI TAA JEHOVAH AN TA KUUTU I, NÖÖ BAKA DI DË, PIKI DEE HAKISI AKI:
Unfa di woto u wan tata ku di womi mii fëën di ta kule wan fia kule ta lei u unfa Jehovah ta si u?
Ee wan sëmbë di du wan gaan zöndu du dee soni dee a musu du fu hën ku Jehovah ko dë mati baka, nöö andi sa mbei a dë seiki taa Jehovah an ta kuutu ën?—1Jo 3:19, 20
Unfa di baaa bi feni wini di a bi pakisei fundu u di woto u Dafiti ku Josafati, di a bi lesi?