Andi da dee soni dee i buta u du a di njunjun diniwooko jaa di ta ko?

Dee soni dee u ta buta u du a di dini u Jehovah, da soni di u ta mbei möiti u du, u di u kë dini Jehovah ku hii u hati, söseei u di u kë faa ta wai ku u. Dee soni aki ta heepi u fuu go a fesi a di biibi, nöö fëën mbei u ta tei u ten ku u kaakiti u du dee soni dë (1Ti 4:15). Faandi mbei u musu ta öndösuku dee soni dee u buta u du hii juu baka? Wë u di soni sa tooka a u libi. Kandë wa sa du wan soni di u bi buta taa u kë du, nasö kandë u du di soni dë kaa, nöö u sa toona buta wan woto soni di u kë du.

A möön bunu u toona luku dee soni dee i bi buta taa i kë du a bigi u wan njunjun diniwooko jaa. A bi o dë wan bunu soni u taki u di soni aki a di wosudendu dini fuunu, na sö nö? Baka di dë, nöö un luku andi un sa du.

Andi da dee soni dee i buta taa i kë du te a nama ku dee soni dee sikifi a basu aki, nöö andi ku andi i seeka fii sa du de?