Heepi de u de ta dini Jehovah nango nöömö

Dee njunjun peleikima di de ta heepi u fusutan taa a dë fanöudu u de ta peleiki hii juu, söseei u ta peleiki fajafaja, de ta ko toon dee möön bunu peleikima (Nön 22:6; Fp 3:16). Luku wantu soni a basu aki di u sa du u heepi wan njunjun peleikima faa ko toon wan möön bunu peleikima:

• Te di studie fii toon wan peleikima, nöö wantewante i musu bigi ta lei ën unfa a musu peleiki (km 8/15 bld. 1, 2). Heepi ën faa ko fusutan taa a dë fanöudu faa nango hiniwan wiki a di peleikiwooko (Fp 1:10). Na taki hogi u dee sëmbë u di pisiwata ka un ta peleiki (Fp 4:8). Dëën degihati faa ta wooko makandi ku di baaa di ta tei fesi a di peleikiwooko kulupu ka a dë, söseei ku dee woto peleikima, faa sa ko sa u’ peleiki möön bunu.​—Nön 1:5; km-SR 10/12 bld. 6 pal. 3

  

• Baka te a tei dopu, nöö ja musu disa u dëën degihati, söseei ja musu disa u heepi ën faa ko toon wan möön bunu peleikima, möönmöön ee an kaba u lei soni a di Gado lobi-buku jeti.​—km-SR 12/13 bld. 9

  

• Te i ku wan njunjun peleikima ta peleiki, nöö peleiki a wan fasi di an o taanga dëën faa djeesi i. Baka te i bi haika unfa a bi peleiki da wan sëmbë, nöö gafëën u di möiti di a bi mbei. Piki ën andi a bi o sa du möön bunu.​—km-SR 5/10 bld. 7