Psalm
Singi wan nyun singi gi Yehovah.
Meki den sma di tai hori na en kon makandra fu prèise en.
2 Meki Israel prisiri nanga a Bigi Mekiman fu en.
Meki den manpkin fu Sion breiti nanga a Kownu fu den.
3 Meki den dansi te den e prèise a nen fu en.
Meki den prei tamboerijn nanga harpu te den e singi prèisesingi* gi en.
4 Bika Yehovah e prisiri nanga a pipel fu en.
A e ferlusu den safr’ati sma. Na so a e gi den grani.
5 Meki den sma di tai hori na en breiti fu di sani e go bun nanga den.
Meki den bari fu prisiri te den e d’don na tapu den bedi.
6 Meki den opo den mofo fu singi prèisesingi gi Gado.
Meki den hori wan fet’owru na ini den anu di e koti na tu sei,
7 so taki den kan pai den pipel fu grontapu gi den sani di den du
èn so taki den kan strafu den sma fu den difrenti kondre.
8 Meki den tai den kownu fu den pipel nanga keti
èn den heihei man fu den nanga isri bui.
9 Meki den strafu den soleki fa a skrifi.
Den sma di tai hori na Gado o kisi a grani dati.
Prèise Yah!*