ISAYA
1 Umbono lowabonwa ngu-Isaya*+ indvodzana ya-Amozi lomayelana nesive sakaJuda neJerusalema, ngetikhatsi tabo-Uziya,+ Jothamu,+ Ahazi+ naHezekiya,+ emakhosi akaJuda:+
2 Lalelani nine mazulu, ulalele nawe mhlaba,+
Ngobe Jehova ukhulumile:
3 Inkunzi imati kahle umtsengi wayo,
Nembongolo iyati kahle indzawo yekudlela leyentelwe ngumnikati wayo;
Kodvwa ema-Israyeli akangati mine,*+
Bantfu bami abatiphatsi ngendlela lekhombisa kucondza.”
4 Maye ngalesive lesinesono,+
Bantfu labacindzetelwe ngemaphutsa,
Intalelwane yebantfu lababi, tikhohlakali tebantfwana!
Bamlahlile Jehova;+
Abakamhloniphi Longcwele waka-Israyeli;
Bamfulatsele.
5 Nyalo-ke senitawushaywa ngakuphi njengobe nichubeka nalokuvukela kwenu?+
Inhloko yenu iyagula,
Nenhlitiyo yenu iyagula.+
6 Kusukela elunyaweni kuya enhloko, kute lokuphilile.
Kunemanceba nemihuzuko netilondza letivulekile,
Atikelashwa, atikaboshwa futsi atikagcotjiswa nangemafutsa.+
7 Live lenu alisahlali muntfu.
Emadolobha enu ashiswe ngemlilo.
Bantfu bekuhamba bayatitsatsela nje live lenu nibukile.+
Selifana nelihlane ngenca yekoniwa bantfu bekuhamba.+
8 Indvodzakati yaseSiyoni ishiywe njengemtfunti* losensimini yemagilebisi,
Njengendlu yatjani lesensimini yemakhukhamba,
Njengelidolobha lelivinjetelwe.+
9 Kube Jehova wemabutfo akasishiyelanga labambalwa labasindzile,*
Besitawuvele sifane ncamashi neSodoma,
Futsi besitawufana neGomora.+
10 Lalelani livi laJehova nine babusi baseSodoma labacindzetelako.+
Nakisisani umtsetfo* waNkulunkulu wetfu, nine bantfu baseGomora.+
11 Jehova utsi: “Imihlatjelo yenu leminyenti ingisita ngani mine?+
Sengenele yiminikelo yenu yekushiswa, yetimvu letindvuna+ nemanoni etilwane letondlekile,+
Futsi ayingijabulisi ingati+ yetinkunzana+ nemazinyane etimvu netimbuti.+
12 Nangabe nita nitewuvela embikwami,+
Kusuke kushito bani kutsi wotani,
Nitawugcobagcoba emabala ami?+
13 Sale niyekela lokungiletsela iminikelo yalokutinhlavu lengasho lutfo.
Imphepho yenu iyenyanyeka kimi.+
Kwetfwasa kwenyanga,+ emasabatha,+ nekubitwa kwemihlangano,+
Angeke ngikhone kukubeketelela kusetjentiswa kwemilingo+ kanye nembutsano wenu lokhetsekile.
14 Sengiyayitondza* imikhosi yenu leniyenta ngekwetfwasa kwenyanga.
Seyingumtfwalo kimi;
Sengidziniwe kuyibeketelela.
15 Naniphakamisa tandla tenu niteneka,
Nginifihlela buso bami.+
17 Fundzani kwenta lokuhle, nifune kulunga,+
Lungisani umuntfu locindzetelako,
Melelani emalungelo entsandzane,
Nimkhulumele kahle nemfelokati.”+
18 Jehova utsi: “Buyani, asilungiseni tindzaba emkhatsini wetfu.+
Nome ngabe tono tenu tibovu njengengati,
Titakwentiwa tibe mhlophe njengelichwa;+
Nome ngabe tono tenu tinjengendvwangu lebovu tju,
Titawuba mhlophe njengeboya.
19 Nangabe nitimisele kulalela,
Nitakudla tintfo letimnandzi talelive.+
20 Kodvwa nangabe ningavumi kulalela futsi nivukela,
Nitawudliwa yinkemba niphele nya,+
Ngobe umlomo waJehova ukhulumile.”
21 Lelidolobha leletsembekile+ seligucuke laba yingwadla.+
23 Tindvuna takho tinenkhani futsi titihlanganisa nemasela.+
Tonkhe titsandza kudizelwa futsi titifunela tipho.+
Atitehluleli kahle tintsandzane,
Futsi atiyinaki indzaba yemfelokati ledzinga kusetjentwa ngumtsetfo.+
24 Ngako-ke, iNkhosi yeliciniso, Jehova wemabutfo,
Lonemandla waka-Israyeli, utsi:
“Awuva-ke! Ngitatikhulula etitseni tami,
Futsi ngitatiphindziselela etitseni tami.+
25 Sandla sami sitawumelana nawe,
Ngitatincibilikisa tonkhe letintfo takho letingadzingeki,
Futsi ngitawususa konkhe kungcola kwakho.+
26 Ngitawubuyisela behluleli bakho njengasekucaleni
Nebeluleki bakho njengasekucaleni.+
Ngemuva kwaloko, utawubitwa ngekutsi uLidolobha Lekulunga, Lidolobha Leletsembekile.+
27 ISiyoni itawukhululwa ngekulunga,+
Bantfu bayo labatawubuya, batawukhululwa ngekulunga.
29 Ngobe batawudliwa ngemahloni ngenca yetihlahla letinkhulu lenitifisako,+
30 Ngobe nitawufana nesihlahla lesikhulu lesinemacembe labunako,+
Futsi nitawufana nengadze lete emanti.
31 Indvodza lenemandla itawufana nentsambo leshako,
Imisebenti yayo ifane nenhlase;
Konkhe kutawusha kanyekanye,
Kutawuba bete lotakucisha.”
2 Naku lokwabonwa ngu-Isaya indvodzana ya-Amozi mayelana nesive sakaJuda neJerusalema:+
2 Encenyeni yekugcina yemalanga,*
Intsaba yendlu yaJehova
Iyawukuma icine ngetulu kweticongo tetintsaba,+
Iyawuphakanyiswa ibe ngetulu kwemagcuma,
Futsi tonkhe tive tiyawugeletela+ kuyo.
3 Bantfu labanyenti bayawuhamba batsi:
“Wotani sikhuphukele entsabeni yaJehova,
Endlini yaNkulunkulu waJakobe.+
Utasifundzisa tindlela takhe,
Futsi sitawuhamba etindleleni takhe.”+
Tiyawugucula tinkemba tato tibe ngemakhuba,
Tikhali tato titente tikelo tekutsena tihlahla.+
Sive ngeke siphindze silwe nalesinye sive,
Futsi ngeke tiphindze ticeceshelwe kulwa imphi.+
5 Awu wena ndlu yaJakobe buya,
Asihambe ekukhanyeni kwaJehova.+
6 Ngoba wena ubalahlile bantfu bakho, indlu yaJakobe,+
Ngobe lelive seligcwele tintfo taseMphumalanga;
Benta imilingo+ njengemaFilisti,
Futsi bagcwalise bantfwana baletinye tive.
7 Live labo ligcwele lisiliva neligolide,
Futsi banemcebo lomnyenti kakhulu.
Live labo ligcwele emahhashi,
Futsi tincola tabo tinyenti kakhulu.+
8 Live labo ligcwele tithico letingenamsebenti.+
Bakhotsamela imisebenti yetandla tabo,
Bakhotsamela loko iminwe yabo lekwakhile.
9 Ngako umuntfu uyaguca, futsi uyahlazeka,
Angeke ubacolele.
10 Ngenani emhumeni nitifihle emhlabatsini
Ngenca yekuba khona kwaJehova lokwesabekako
Kanye nebukhulu bakhe lobukhatimulako.+
11 Bantfu labatikhukhumetako batakwehliswa,
Bantfu labatatiko batawutfotjiswa.
NguJehova kuphela lotawudvunyiswa ngalelolanga.
12 Ngobe leli lilanga laJehova wemabutfo.+
Litawufikela wonkhe umuntfu lotigcabhako nalotiphakamisako,
Litawufikela wonkhe umuntfu, nome ngabe usesigabeni lesisetulu nobe lesiphansi,+
13 Litawufikela yonkhe imisedari yaseLebanoni lesetulu nalephakanyisiwe
Lifikele nato tonkhe tihlahla tem-okhi taseBhashani,
14 Litawufikela tonkhe tintsaba
Nawo onkhe emagcuma laphakeme,
15 Litawufikela yonkhe imibhoshongo lephakeme nalo lonkhe lubondza lolucinile,
16 Litawufikela yonkhe imikhumbi yaseThashishi+
Nato tonkhe tikebhe letitsandvwako.
17 Bantfu labatigcabhako batakwehliswa,
Bantfu labatatiko batawutfotjiswa.
NguJehova kuphela lotawuphakanyiswa ngalelolanga.
18 Bonkulunkulu labangenamsebenti batawunyamalala.+
19 Bantfu batawungena emihumeni yemadvwala
Nasemigodzini lesemhlabatsini,+
Ngenca yekuba khona kwaJehova lokwetfusako
Nangenca yebukhulu bakhe lobukhatimulako,+
Nakefika kuze abangele kutsi umhlaba utanyatanyiswe kwesaba.
20 Ngalelolanga bantfu bayawutsatsa bonkulunkulu babo labangenamsebenti belisiliva nebeligolide
Labo lababakhile kuze babakhotsamele
Futsi bayawubalahla lapho kunemagundvwane lashwabadzelako khona, nalapho kunemalulwane khona,+
21 Kuze bangene emigodzini lesemadvwaleni
Nasetimfeni temadvwala,
Ngenca yekuba khona kwaJehova lokwetfusako
Kanye nebukhulu bakhe lobukhatimulako,
Nakefika kuze ente umhlaba utanyatanyiswe kwesaba.
22 Kuze kusitakale nine, yekelani kubeka litsemba lenu kumuntfu,
Ufana nemoya nje lophuma emakhaleni akhe.
Kungani kufanele alandzise?
3 INkhosi yeliciniso, Jehova wemabutfo,
Isusa eJerusalema nakaJuda tonkhe tintfo letibasekelako naletilusito,
Konkhe kudla nemanti,+
2 Lisotja lelinemandla, nengwazi,
UMehluleli nemphrofethi,+ umphenguli nemuntfu lomdzala,
3 Indvuna yemasotja langu-50,+ sitatanyiswa nemeluleki,
Umenti wemilingo longuchwephesha kanye nemtsakatsi.+
4 Ngitakwenta bafana babe tindvuna tabo,
Baholi babo kutawuba bantfu labangenangcondvo.*
5 Bantfu batawucindzetelana,
Umuntfu utawucindzetela lomunye wesive sakubo.+
Umfana utawushaya indvodza leseyikhulile,
Umuntfu longatetsembi utakwedzelela umuntfu lohlonishwako.+
6 Ngamunye wabo utawubamba umnakabo losendlini yababe wakhe atsi:
“Wena unesembatfo sangephandle, bani ngumholi wetfu.
Akube nguwe lolawula lemfucuta yetindzala letincotjiwe.”
7 Kodvwa ngalelolanga utawufaka sikhalo atsi:
“Angeke ngiwabhandishe emanceba akho;*
Ngite kudla nobe kwekwembatsa endlini yami.
Ungangenti umholi walesive.”
8 Ngobe iJerusalema ikhubekile,
Nesive sakaJuda siwile,
Ngobe bamelene naJehova ngemavi nangetento;
Badzelela bukhosi+ bakhe.
Maye kubo,* ngoba batiletsela inhlekelele!
11 Maye kumuntfu lomubi!
Utawehlelwa yinhlekelele,
Ngobe lakwente ngetandla takhe kulabanye kutakwentiwa nakuye!
12 Mayelana nebantfu bami, bantfu labaphetse imisebenti yabo bayabahlukumeta,
Babuswa bafati.
Nine bantfu bami, baholi benu banenta nizulazule,
Badukisa tinyatselo+ tenu.
13 Jehova utsatsa sigaba sakhe sekubabeka licala;
Sewukulungele kukhipha sehlulelo kubantfu.
14 Jehova utakwehlulela emadvodza lamadzala nebaholi bebantfu bakhe.
“Niyishisile insimu yemagilebisi,
Futsi lenikwebele timphuya kusetindlini+ tenu.
15 Nisitsetsephi sibindzi sekucotfula bantfu bami
Nesekugaya buso betimphuya ekungcoleni?”*+ kusho iNkhosi Lephakeme, Jehova wemabutfo.
16 Jehova utsi: “Ngobe emadvodzakati aseSiyoni ayatigcabha,
Ahamba alule tintsamo,
Alalisa emehlo, futsi ayantjikita,
Abanga umsindvo ngeticakala tawo,
17 Jehova utawuveta tilondza etinhloko temadvodzakati aseSiyoni,
Futsi Jehova utawubangela tinhloko tawo kutsi tibe netimphandla.+
18 Ngalelolanga, Jehova utawemuka buhle lobusemabhengeleni awo,
Atsatse emabhande asenhloko nemihlobiso lemise kwelucetu lwenyeti,+
19 Utawutsatsa emacici, emabhengela netimvakazi,
20 Emaduku, imihlobiso yasemacakaleni, imigaco,
Emabhodlela emakha kanye netigujana temihlobiso,
21 Tindandatho tesandla netindandatho temphumulo,
22 Tembatfo letindze telikhetselo, tembatfo tangephandle, emajazi kanye netipatji,
23 Tibuko+ netembatfo telineni,
Imishuculo kanye netimvakazi.
24 Esikhundleni semafutsa ebhalisamu,+ kutawuba neliphunga lelinuka kabi;
Esikhundleni selibhande, kube nentsambo;
Esikhundleni setinwele letilungiswe kahle, kube nemphandla;+
Esikhundleni sesembatfo selikhetselo, kube nesembatfo lesakhiwe ngendvwangu yemasaka;+
Esikhundleni sebuhle kube nesibati.*
25 Bantfu bakho batawubulawa ngenkemba,
Nemasotja langemachawe atawufela emphini.+
4 Labasikati labangu-7 batawubamba indvodza yinye ngalelolanga+ batsi:
“Sitawudla kudla kwetfu
Sigcoke timphahla tetfu;
Sicela kumane nje sibitwe ngelibito lakho
2 Ngalelolanga, loko Jehova lakuhlumisile kutawuba kuhle kakhulu futsi kumengetele, umkhicito walelive utawuba ligcabho nebuhle bebantfu labasindzile baka-Israyeli.+ 3 Nome ngubani losele eSiyoni nalosele eJerusalema kutawutsiwa ungcwele, bonkhe bantfu labaseJerusalema batawubhaliswa kute bachubeke baphila.+
4 Ngalesikhatsi Jehova asusa kungcola* kwemadvodzakati aseSiyoni+ aphindze asuse kucitfwa kwengati eJerusalema ngemoya wekwehlulela nangemoya wekushisa,*+ 5 Jehova utawuphindze ente lifu nentfutfu emini nemlilo lomkhulu ebusuku kuyo yonkhe iNtsaba yaseSiyoni nasendzaweni yayo yemibutsano;+ ngobe kutawuba nemtfunti ngetulu kwako konkhe lokukhatimulako. 6 Kutawuphindze kube nelidlangala lemtfunti emini lekuvikela kushisa,+ lekukhosela nekuvikeleka nakunesiphepho nemvula.+
5 Ase ngihlabele, ngihlabelele lengimtsandzako
Ngihlabele ingoma lemayelana nalengimtsandzako kanye nensimu yakhe yemagilebisi.+
Lengimtsandzako bekanensimu yemagilebisi egcumeni lelivundzile.
2 Wayilima wase ususa ematje lebekakuyo.
Wahlanyela emagilebisi labovu elikhetselo,
Wakha umbhoshongo emkhatsini wayo,
Futsi walungisa kahle litje lekuhlutela liwayini kuyo.+
Bekasolo anelitsemba lekutsi itawukhicita emagilebisi,
Kodvwa yona yatsela emagilebisi esiganga.+
3 “Bantfu baseJerusalema nani madvodza akaJuda,
Ngicela nikhiphe sehlulelo emkhatsini wami nensimu yami yemagilebisi.+
4 Yini lenye lebengingayentela lensimu yami yemagilebisi
Lengisengakayenti nyalo?+
Kwentiwe yini-ke lokutsi ngalesikhatsi nginelitsemba lekutfola emagilebisi,
Yona itsele emagilebisi esiganga?
5 Nyalo ngicela kunitjela
Naku lengitakwenta kulensimu yami yemagilebisi:
Ngitawususa lutsango lwayo,
Futsi lutawushiswa lungcongce.+
Ngitawubhidlita lubondza lwayo lwematje,
Futsi itawunyatselwa.
6 Ngitayenta ibe yindzawo lengenamsebenti;+
Angeke itsenwe nobe ihlakulwe.
Itawugcwala umena wetihlahla temanyeva nelukhula,+
Futsi ngitawutjela emafu kutsi angayinisi imvula kuyo.+
7 Ngobe insimu yemagilebisi yaJehova wemabutfo yindlu yaka-Israyeli;+
Bantfu bakaJuda bayinsimu lebekayitsandza.
Bekasolo alangatelela kutsi bantfu behlulele kahle,+
Kodvwa bona bebangehlulelani kahle;
Walangatelela kulunga,
Kodvwa kwaba nekukhala ngenca yelusizi.”+
8 Maye kulabo labatsatsa tindlu letinyenti+
Nakulabo labatsatsa emasimu lamanyenti+
Kuze kube bete lokusalela labanye,
Bese bahlala bodvwa eveni!
9 Jehova wemabutfo ufungile etindlebeni tami
Kutsi tindlu letinyenti, ngisho nome titinkhulu futsi titinhle,
Titawuba yintfo leyetfusako,
Kungasahlali muntfu+ kuto.
10 Ngobe insimu lenkhulu* yemagilebisi itawukhicita sivuno lesingemalitha langu-22* nje kuphela,
Nenhlanyelo lengemalitha langu-220* itawukhicita sivuno lesingemalitha langu-22.*+
11 Maye kulabo labavuka lokwa ekuseni bayonatsa tjwala,+
Labo labahlala kuze kube sebusuku kakhulu baze badzakwe liwayini bangasalawuleki!
12 Baphetse lihabhu netinsimbi temculo letinetintsambo,
Ithamborine, umntjingo neliwayini;
Kodvwa abanendzaba nemisebenti yaJehova,
Futsi abayiboni imisebenti yetandla takhe.
13 Ngako bantfu bami batawutfunjwa
Ngenca yekweswela lwati;+
Bantfu labahloniphekile batawulamba,+
Nabo bonkhe bantfu babo batawukoma kakhulu.
14 Ngako liThuna* livuleke kakhulu
Futsi liwuvule kakhulu umlomo walo langasayekeli;+
Bantfu bakhona labasetikhundleni letisetulu, ticumbi tebantfu bakhona letinemsindvo netidzakwa takhona letinemsindvo
Batakwehlela kulo.
15 Bantfu batawuguca,
Bantfu batawutfotjiswa,
Futsi labatigcabhako batawutfotjiswa.
16 Jehova wemabutfo utawuphakanyiswa ngesehlulelo* sakhe;
Nkulunkulu weliciniso, Longcwele+ utatingcwelisa ngekwenta lokulungile.+
17 Emazinyane etimvu atawudla kube shengatsi adla emadlelweni awo;
Bantfu bakuletinye tive batawudla etindzaweni letingasahlali muntfu lesetingemadlelo etilwane letondlekile.
18 Maye kulabo labadvonsa emacala abo ngetintsambo tekukhohlisa
Nakulabo labadvonsa tono tabo ngetintsambo tenkalishi;
19 Labo labatsi: “Nkulunkulu akawusheshise umsebenti wakhe;
Awute masinyane kuze siwubone.
20 Maye kulabo labatsi lokuhle kubi nalabatsi lokubi kuhle,+
Kulabo labatsi bumnyama kukhanya nalabatsi kukhanya bumnyama,
Kulabo labatsi lokubabako kuyanongotela nalabatsi lokunongotelako kuyababa!
21 Maye kulabo labahlakaniphile emehlweni abo
Nakulabo labatibona shengatsi bahlakaniphile!+
22 Maye kulabo labanatsa kakhulu liwayini
Nakulabo labanelikhono lekudidiyela tinhlobonhlobo tetjwala,+
23 Nakulabo labakhulula bantfu lababi ecaleni ngekudizelwa+
Nakulabo labangabenteli umusa labalungile!+
24 Ngako-ke, njengobe umlilo ushisa tinhlanga
Netjani lobomile bushabalala emalangabini emlilo,
Timphandze tabo titawubola,
Netimbali tabo titawusakateka njengemphuphu,
Ngobe bawulahlile umtsetfo* waJehova wemabutfo
Futsi baledzelele livi laLongcwele waka-Israyeli.+
25 Kungako intfukutselo yaJehova ibavutsela bantfu bakhe,
Utakwelulela sandla sakhe kubo futsi ababhubhise.+
Tintsaba titawutamatama,
Kantsi tidvumbu tabo titawuba yimfucuta etitaladini.+
Ngenca yako konkhe loko, intfukutselo yakhe ayikabuyeli emuva,
Kodvwa sandla sakhe solo selulekile kuze sibhubhise.
26 Uphakamisele sive lesikhashane luphawu;+
Usishayele inkwela kuze site sivela emkhawulweni wemhlaba;+
Futsi sita ngelitubane lelikhulu.+
27 Kute emkhatsini waso lodziniwe nome logilekako.
Kute lowetelako nome lolalako.
Libhande leliselukhalo lwaso aliceki,
Ngisho netintsambo tetincabule taso atikadzabuki.
28 Yonkhe imicibisholo yaso icijile,
Nabo bonkhe butjoki baso bugobene.*
Tinselo temahhashi aso tifana nematje lamnyama,
Nemasondvo etinkalishi taso afana nemoya wesiphepho.+
Sitawuhlasela siphindze sibambe inyamatane
Sitayetfwala sihambe nayo kube bete lotayilamulela.
30 Ngalelolanga sitayibangela umsindvo
Njengemsindvo welwandle.+
Nome ngubani lobuka lelive utawubona bumnyama lobubangela kucindzeteleka;
Ngisho nekukhanya sekugucuke kwaba bumnyama ngenca yalamafu.+
6 Ngemnyaka leyafa ngawo iNkhosi Uziya,+ ngabona Jehova ahleti esihlalweni sebukhosi lesisetulu nalesiphakanyisiwe,+ futsi umphetfo wesembatfo sakhe wagcwala lithempeli. 2 Bekume emaserafi ngetulu kwakhe; ngalinye linetimphiko letisitfupha. Liserafi ngalinye lativala buso ngetimphiko letimbili, lativala tinyawo ngaletinye letimbili futsi ngalinye kuwo belindiza ngetimphiko letimbili.
3 Lamanye abetsi kulamanye:
“Ungcwele! Ungcwele! Ungcwele! Jehova wemabutfo.+
Umhlaba wonkhe ugcwele inkhatimulo yakhe.”
4 Kwazizitela tinsika teminyango ngenca yemsindvo walokumemeta futsi lendlu yagcwala intfutfu.+
5 Ngase ngitsi: “Maye mine!
Kufana nekutsi ngifile,*
Ngobe ngingumuntfu lonetindzebe letingcolile,
Nebantfu lengiphila nabo banetindzebe letingcolile;+
Ngobe emehlo ami ayibonile iNkhosi, Jehova wemabutfo lucobo lwakhe!”
6 Nangicedza kusho njalo, lelinye liserafi landiza leta kimi liphetse lilahle lelivutsako+ lebelilitsetse ngeludlawu e-al’thare.+ 7 Langitsintsa umlomo lase litsi:
“Loku sekutsintse tindzebe takho.
Licala lakho selesuliwe,
Nesono sakho sesihlawulelwe.”
8 Ngase ngiva livi laJehova litsi: “Ngitawutfuma bani, ngubani lotasiyela?”+ Ngaphendvula ngatsi: “Nangu mine! Tfuma mine!”+
9 Yena wase utsi: “Hamba ufike utsi kulabantfu:
‘Nitawuva tikhatsi letinyenti,
Kodvwa angeke nicondze;
Nitawubona tikhatsi letinyenti,
Kodvwa angeke nati lutfo.’+
10 Yenta inhlitiyo yalabantfu inganaki,+
Yenta tindlebe tabo tingalaleli,+
Uvale nemehlo abo,
Kuze bangaboni ngemehlo abo
Futsi bangeva ngetindlebe tabo,
Kuze inhlitiyo yabo ingacondzi
Bangatoshintja bese bayaphiliswa.”+
11 Nangiva loko, ngatsi: “Awu Jehova, kutawuze kube ngunini?” Yena watsi:
“Kutawuze kube ngulapho lamadolobha asabhujisiwe, angasahlali muntfu
Naletindlu tingasahlali muntfu
Nalelive selitindzala futsi selishiyiwe;+
12 Kuze kube ngulapho Jehova asabakhweshisele khashane kakhulu labantfu+
Nendzawo lenkhulu yalelive seyisele ingenalutfo.
13 “Kodvwa kubantfu baka-Israyeli kutawusala munye kulabangu-10, futsi lelive litawuphindze lishiswe njengesihlahla lesikhulu nanjengem-okhi, lokutawutsi nasekujutjiwe, kusale siphunti; inhlanyelo lengcwele itawuba siphunti sayo.”
7 Ngemalanga a-Ahazi+ indvodzana yaJothamu, loyindvodzana ya-Uziya inkhosi yakaJuda, iNkhosi Resini yaseSiriya kanye naPhekha+ indvodzana yaRemaliya, inkhosi yaka-Israyeli, bahamba bayokulwa neJerusalema kodvwa abakhonanga kuyincoba.+ 2 Kwefika umbiko endlini yaDavide lotsi: “ISiriya itihlanganise nelibutfo laka-Efrayimu.”
Ngako inhlitiyo ya-Ahazi kanye netinhlitiyo tebantfu bakhe tacala kuvevetela, njengetihlahla telihlatsi nakuhhusha umoya.
3 Jehova wabese utsi ku-Isaya: “Ngicela uphume uyohlangana na-Ahazi, uhambe nendvodzana yakho Sheyari-jashubi,*+ niyohlangana naye lapho kuphela khona umsele wemanti welichibi lelingenhla,+ ngasemgwacweni lomkhulu losensimini yemwashi wetimphahla. 4 Ubotsi kuye: ‘Ungetfuki. Ungesabi futsi ungaphelelwa ngemandla ngenca yaletiphunti letimbili tetingodvo letibhunyako, nangenca yentfukutselo levutsako yaResini neyeSiriya kanye neyendvodzana yaRemaliya.+ 5 Ngobe iSiriya nesive saka-Efrayimu kanye nendvodzana yaRemaliya bakhe lisu lekukulimata, batsi: 6 “Asikhuphukeni siyohlasela live lakaJuda silicotfule* futsi sitincobele lona bese sibeka indvodzana yaThabeyali kutsi ibe yinkhosi+ yalo.”
7 “‘Naku lokushiwo yiNkhosi Lephakeme Jehova:
“Ngeke kuphumelele,
Futsi ngeke kwenteke.
8 Ngobe inhlokodolobha yeSiriya yiDamaseko,
Futsi inkhosi yaseDamaseko nguResini.
Kungakapheli ngisho neminyaka lengu-65
Sive saka-Efrayimu sitawucotfulwa, ngeke sisaba sive.+
Ngaphandle kwekutsi ube nekukholwa lokucinile,
Angeke ume ucine.”’”
10 Jehova wachubeka akhuluma na-Ahazi watsi: 11 “Cela luphawu kuJehova Nkulunkulu wakho;+ kungenteka lujule njengeliThuna* nobe luphakame njengesibhakabhaka.” 12 Kodvwa Ahazi watsi: “Angeke ngilucele futsi angeke ngimvivinye Jehova.”
13 Isaya wase utsi: “Awu wenandlu yaDavide, ngicela ulalele. Akukeneli yini kutsi nivivinya kubeketela kwebantfu? Kufanele yini nize nivivinye kubeketela kwaNkulunkulu?+ 14 Ngako-ke, Jehova lucobo lwakhe utakuniketa nalu luphawu: Intfombi itawutetfwala ibeleke indvodzana,+ iyibite ngekutsi ngu-Imanuweli.*+ 15 Itawudla bhotela neluju naseyikwati kwala lokubi futsi ikhetsa lokuhle. 16 Ngobe ngaphambi kwekutsi lomfana akwati kwala lokubi futsi akhetse lokuhle, lelive lemakhosi lamabili leniwesabako litawushiywa ngalokuphelele.+ 17 Jehova utawuletsela wena, nebantfu bakho kanye nendlu yababe wakho sikhatsi lesingakaze sibe khona kusukela ngemalanga bantfu baka-Efrayimu labahlukana ngaso nebakaJuda,+ ngobe Nkulunkulu utawuletsa inkhosi yase-Asiriya+ kutsi ikuhlasele.
18 “Ngalelolanga Jehova utawushaya inkwela abite timphungane emifuleni lekhashane yeNayili leseGibhithe kanye netinyosi taseveni lase-Asiriya, 19 futsi tonkhe titawuta tifike tihlale etindzaweni letehlelako, emaweni nakuto tonkhe tihlahla temanyeva nakuto tonkhe tindzawo letinemanti ekunatsa tilwane.
20 “Ngalelolanga, Jehova asebentisa lohhulako futsi locashiwe losuka esifundzeni seMfula,* lokuyinkhosi yase-Asiriya,+ utakuhhula inhloko kanye neboya lobusemilenteni futsi utakuhhula naso sonkhe silevu.
21 “Ngalelolanga, umuntfu utaligcina liphila litfokati lemhlambi kanye netimvu letimbili. 22 Ngenca yebunyenti belubisi, utawudla bhotela, ngobe wonkhe umuntfu lotawube asele kulelive utawudla bhotela neluju.
23 “Ngalelolanga nome ngukuphi lapho bekuvame kuba netihlahla temagilebisi letingu-1 000 letingabita tinhlavu tesiliva letingu-1 000, kutawutfolakala kuphela tihlahla temanyeva nelukhula. 24 Bantfu batawuya kulendzawo baphetse butjoki nemcibisholo ngobe lonkhe lelive litawugucuka libe netihlahla temanyeva nelukhula. 25 Tonkhe tintsaba lebetivame kuhlakulwa ngelikhuba, angeke usondzele kuto ngobe wesaba tihlahla temanyeva nelukhula; titawuba ngemadlelo etinkunzi tiphindze tibe tindzawo tekugcotjwagcotjwa timvu.”
8 Jehova watsi kimi: “Tsatsa sibhelekece lesikhulu+ ubhale kuso ngelutsi lwekubhala utsi, ‘Maheri-shalali-hashi-bazi.’* 2 Bo-Uriya umphristi naZakhariya, indvodzana yaJeberekhiya akube ngibo labatangimelela* babe bofakazi bami labetsembekile.”+
3 Ngabese ngilala* nemphrofethikati* futsi wakhulelwa watala indvodzana.+ Jehova wase utsi kimi: “Yetse ligama utsi nguMaheri-shalali-hashi-bazi, 4 ngobe ngaphambi kwekutsi lomfana akwati kutsi ‘Babe!’ nobe ‘Make!’ umnotfo waseDamaseko netintfo letitsetfwe kulabehluliwe baseSamariya kutawutsatfwa, futsi inkhosi yase-Asiriya itawube ibuka.”+
5 Jehova waphindze wakhuluma nami watsi:
6 “Ngenca yekutsi labantfu bawalile emanti aseShilowa* lageleta kahle+
Futsi bajatjuliswa nguResini nendvodzana yaRemaliya,+
7 Ngako-ke Jehova utawubangela kutsi bahlaselwe
Ngemanti lamanyenti futsi lanemandla eMfula,*
Yinkhosi yase-Asiriya+ kanye nalo lonkhe ludvumo lwayo.
Itawufika kuyo yonkhe imifula yayo
Futsi iphuphumele elusentseni lwayo
8 Itsanyele lonkhe lakaJuda.
Itawugcwala futsi iphuphume yendlule, ifike entsanyeni;+
Timphiko tayo letivulekile titawugcwala lonkhe live lakho,
9 Yentani umonakalo nine bantfu kodvwa nitawuphihlitwa nibe ticucu.
Lalelani nonkhe nine lenichamuka etindzaweni letikhashane temhlaba!
Tilungiseleleni imphi,* kodvwa nitawuphihlitwa nibe ticucu!+
Tilungiseleleni imphi, kodvwa nitawuphihlitwa nibe ticucu!
10 Yakhani licebo, kodvwa angeke liphumelele!
11 Angibambe ngesandla sakhe lesicinile, naku Jehova lakukhuluma kimi angecwayisa kuze ngingayilandzeli indlela yalabantfu:
12 “Ningakubiti ngekutsi kuvukela loko labantfu labakubita ngekutsi kuvukela!
Ningakwesabi loko labakwesabako;
Kunganetfusi.
13 NguJehova wemabutfo lokufanele nimati kutsi ungcwele,+
Nguye lokufanele nimesabe,
Futsi nguye lokufanele anente nesabe.”+
14 Yena utawuba njengendzawo lengcwele,
Kodvwa utawuphindze abe njengelitje lekuhlasela
Nanjengelidvwala lelibangela kugileka+
Kuto totimbili tindlu taka-Israyeli,
Abe njengelugibe nesitsiyo
Kubantfu baseJerusalema.
15 Linyenti labo liyawukhutjwa, liwe bese liyephuka;
Bayawutsiywa bese bayabanjwa.
17 Ngitawuhlale ngilindzele* Jehova,+ lofihlele indlu yaJakobe buso bakhe,+ futsi ngitawubeka litsemba lami kuye.
18 Mine nebantfwana lengibanikwe nguJehova+ sifana netimphawu+ futsi sifana netimangaliso ka-Israyeli letivela kuJehova wemabutfo lohlala eNtsabeni iSiyoni.
19 Nangabe batsi kini: “Butani etangomeni nobe kulabaphengulako labahhomutelako futsi bakhulumele phansi,” akukafaneli yini kutsi bantfu babute kuNkulunkulu wabo? Kufanele yini babutele labaphilako kubantfu labafile?+ 20 Esikhundleni saloko, kufanele bafune timphendvulo emtsetfweni nakulesicinisekiso* lesibhalwe phansi!
Nabangakhulumi lokuhambisana nalelivi, bete kukhanya.+ 21 Ngamunye wabo utawuhamba adzabule lelive ahluphekile futsi alambile;+ ngenca yekutsi utawube alambile futsi atfukutsele, utakwetfuka inkhosi yakhe kanye naNkulunkulu wakhe nakabuka etulu. 22 Utawubese ubuka emhlabeni abone kucindzeteleka nebumnyama, kuphelelwa litsemba netikhatsi letimatima, kanye nebumnyama nekuba bete kukhanya.
9 Nome kunjalo, bumnyama ngeke bufanane nangalesikhatsi lelive lihluphekile. Ngeke kufanane nesikhatsi sangaphambili lapho live lakaZebuloni kanye nelive lakaNaftali edzelelwa.+ Kodvwa ngekuhamba kwesikhatsi Nkulunkulu utawubangela kutsi lihlonishwe endleleni leyendlula ngaselwandle, esifundzeni saseJordane, iGalile yebetive.
2 Bantfu lebebahamba ebumnyameni
Sebabone kukhanya lokukhulu.
Labo labahlala eveni lelinelitfunti lelimnyama,
Kukhanya sekubakhanyisele.+
3 Usente sandza lesive;
Wente kujabula kwaso kwaba kukhulu kakhulu.
Siyajabula embikwakho
Njengebantfu labajabulako ngesikhatsi sekuvuna,
Nanjengebantfu labehlukaniselana ngenjabulo tintfo labatitsetse kulababancobile.
4 Ngobe wena uphihlite lijoka lemtfwalo wabo laba ticucu,
Uphihlite indvuku lesemahlombe abo, indvuku yalobaphetse lolindzele kutsi basebente kamatima,
Njengalelilanga lokwancotjwa ngalo lakaMidiyani.+
5 Lonkhe libhudze lelinyakatisa umhlaba nalimasha
Nato tonkhe timphahla letenyiwe engatini
Kutawuba tintfo tekuvutsisa umlilo.
Libito lakhe kutawutsiwa nguMeluleki Lomangalisako,+ Nkulunkulu Lonemandla,+ Babe Waphakadze, Sikhulu Sekuthula.
7 Kwandza kwekubusa* kwakhe
Nekuthula angeke kuphele,+
Esihlalweni sebukhosi saDavide+ nasembusweni wakhe
Kuze usimamiswe+ futsi ulondvolotwe
Kusukela nyalo kuze kube phakadze.
Inshisekelo yaJehova wemabutfo itakwenta loko.
8 Jehova utfumele livi lelimelene naJakobe,
Futsi selimelene na-Israyeli.+
9 Bonkhe bantfu bayawukwati loko
Baka-Efrayimu nebantfu baseSamariya.
Ngekutikhukhumeta nangekudvwala kwenhlitiyo batsi:
10 “Titini tidzilikile
Kodvwa sitakwakha ngematje lalungiswe kahle.+
Tihlahla temsikhamori tigawuliwe,
Kodvwa sitawusebentisa temsedari esikhundleni sato.”
11 Jehova utawubangela kutsi titsa taResini timvukele
Futsi utawubangela kutsi titsa takhe timtsatsele sinyatselo,
12 ISiriya emphumalanga kanye nemaFilisti enshonalanga,*+
Batawucotfula ema-Israyeli ngemilomo lekhamisile.+
Ngenca yako konkhe loko, intfukutselo yakhe ayikabuyeli emuva,
Kodvwa sandla sakhe solo selulekile kuze sibhubhise.+
13 Ngobe bantfu abakabuyeli kuLoyo lobashayako;
Abakamfuni Jehova wemabutfo.+
15 Lomdzala lohlonishwa kakhulu uyinhloko,
Futsi umphrofethi loniketa ticondziso letingemanga, ungumsila.+
16 Baholi balabantfu bababangela kutsi bazulazule,
Labo labaholwako badidekile.
17 Kungako Jehova angeke ajabule ngemajaha abo,
Futsi angeke abe neluvelo ngebantfwababo labete bobabe* kanye nebafelokati babo
Ngobe bonkhe batihlubuki, benta tintfo letimbi+
Futsi bonkhe bakhuluma tintfo letingenangcondvo.
Ngenca yako konkhe loko, intfukutselo yakhe ayikabuyeli emuva,
Kodvwa sandla sakhe solo selulekile kuze sibhubhise.+
18 Ngobe bubi bushisa njengemlilo,
Bushisa tihlahla temanyeva nelukhula.
Butawushisa emahlatsi,
Futsi benyuke njengentfutfu lesamafu.
19 Ngentfukutselo yaJehova wemabutfo
Lelive selilunyekwe ngemlilo,
Futsi bantfu batawuba tintfo tekuvutsisa umlilo.
Kute lotawusindzisa ngisho nemnakabo.
20 Umuntfu utatijuba yena ngesekudla
Kodvwa utawube solo alambile;
Lomunye utatijuba ngesencele
Kodvwa ngeke esutse.
Nguloyo naloyo utawudla inyama yemkhono wakhe,
21 Manase utawushwabadzela Efrayimu,
Efrayimu ashwabadzele Manase.
Batawumelana naJuda kanyekanye.+
Ngenca yako konkhe loko, intfukutselo yakhe ayikabuyeli emuva,
Kodvwa sandla sakhe solo selulekile kuze sibhubhise.+
10 Maye kulabo labashaya imitsetfo leyingoti,+
Labahlale babhala imitsetfo lecindzetelako,
2 Kute babangele kutsi indzaba yeluphuya ledzinga umtsetfo ingakhulunywa,
Kute bente kutsi umuntfu lophansi angehlulelwa kahle,+
Batsatsa tintfo tebafelokati
4 Kute leningakwenta ngaphandle kwekutsi nikhase emkhatsini wetiboshwa
Nome nibulawelwe emkhatsini walababulewe ngesibhuku.
Ngenca yako konkhe loko, intfukutselo yakhe ayikabuyeli emuva,
Kodvwa sandla sakhe solo selulekile kuze sibhubhise.+
5 “Hawu! Um-Asiriya,+
Uyintfonga yekukhipha intfukutselo yami+
Nendvuku layiphetse yekukhipha sehlulelo sami!
6 Ngitamtfumela kutsi ayohlasela sive lesihlubukile,+
Ahlasele bantfu labangitfukutselisile;
Ngitamtjela nekutsi atitsatsele tintfo letinyenti nakayohlasela
Aphindze abagcobagcobe njengeludzaka etitaladini.+
7 Kodvwa angeke ente ngalendlela
Futsi inhlitiyo yakhe angeke yakhe lisu ngalendlela;
Ngobe kubhubhisa kusenhlitiyweni yakhe,
Kutsi acotfule tive letinyenti, hhayi nje letimbalwa.
8 Ngobe utsi,
‘Tonkhe tindvuna tami atisiwo yini emakhosi?+
9 IKhalino+ ayifani yini ncamashi neKhakhemishi?+
IHamathi+ ayifani yini ne-Aphadi?+
ISamariya+ ayifani yini neDamaseko?+
10 Sandla sami sibambe imibuso yabonkulunkulu labangenamsebenti,
Labo labanetithico letibatiwe lebetitinyenti kunetaseJerusalema netaseSamariya!+
11 Angeke yini mine ngikwente eJerusalema nasetithicweni tayo
Loko lengikwente eSamariya nasetithicweni tayo letingenamsebenti?’+
12 “Utawutsi Jehova nakacedza wonkhe umsebenti wakhe eNtsabeni iSiyoni naseJerusalema, bese ujezisa inkhosi yase-Asiriya ngenca yenhlitiyo yayo leyedzelelako, nekubukelana phansi kwayo lokuhambisana nekudvwala.+ 13 Ngobe yona itsi,
‘Loko ngitakwenta ngemandla esandla sami
Nangekuhlakanipha kwami, ngobe ngihlakaniphile.
Ngitawususa imincele yebantfu+
Ngiphindze ngiwutsatse ngenkhani umcebo wabo,+
Futsi ngitawuncoba labantfu njengaloyo lonemandla.+
14 Njengemuntfu lokhona kufika esidlekeni,
Sandla sami sitawutsatsa umcebo walabantfu;
Futsi njengemuntfu lobutsa emacandza lashiyiwe,
Ngitawuhlanganisa wonkhe umhlaba!
Kute lotawubhengutisa timphiko takhe nobe avule umlomo wakhe, nobe antjilote.’”
15 Lizembe lingatiphakamisa yini kuloyo lokabha ngalo?
Lisaha lingatiphakamisa yini kuloyo losaha ngalo?
Indvuku+ ingamjikitisa yini loyo loyiphetse?
Intfonga yona ingamphakamisa yini loyo longakentiwa ngesigodvo?
16 Ngako-ke, iNkhosi yeliciniso, Jehova wemabutfo,
Itawubangela kutsi labakhuluphele bakhe bondze,+
Futsi ngephansi kwenkhatimulo yakhe utawucala umlilo lohhehhako.+
17 KuKhanya kwaka-Israyeli+ kutawuba ngumlilo,+
Futsi Longcwele wakhona utawuba lilangabi;
Litawuvutsa lishise lukhula lwakhona netihlahla takhona letinemanyeva, ngelilanga linye.
18 Yena utayicedza nya inkhatimulo yelihlatsi lakhe nengadze yakhe;
Kutawufana nalapho umuntfu logulako sekondzile.+
19 Tihlahla letisele telihlatsi lakhe
Titawuba tincane kangangekutsi nemfana angatibala.
20 Ngalelolanga labo labatawube basele baka-Israyeli
Nalabatawusindza bendlu yaJakobe
Angeke basetsembela kuloyo lowabashaya;+
Kodvwa batawetsembela kuJehova,
Longcwele waka-Israyeli, ngekwetsembeka.
21 Kutawubuyela labasele kuphela,
Labasele entalelwaneni yaJakobe, babuyele kuNkulunkulu Lonemandla.+
22 Awu Israyeli, ngisho naloku bantfu bakho
Babanyenti ngangesihlabatsi saselwandle,
Ngulabo labasele kuphela labatawubuya.+
23 Kunjalo nje! Lokubhubhisa kuncunywe yiNkhosi Lephakeme, Jehova wemabutfo,
Kutakwenteka kulo lonkhe lelive.+
24 Ngako-ke, naku lokushiwo yiNkhosi Lephakeme, Jehova wemabutfo: “Ningesabi bantfu bami, nine lenihlala eSiyoni, ningamesabi um-Asiriya lobekavame kunishaya ngendvuku+ futsi aniphakamisele intfonga yakhe njengobe bekwenta iGibhithe.+ 25 Ngobe ngesikhashana nje kunilahla kwami ngelicala kutawuphela; intfukutselo yami itawubabhubhisa.+ 26 Jehova wemabutfo utamshaya ngesiswebhu sakhe,+ njengalesikhatsi ancoba Midiyani ngasedvwaleni i-Orebi.+ Intfonga yakhe itawuba setikwelwandle futsi utayiphakamisa njengobe enta eGibhithe.+
27 Ngalelolanga umtfwalo wakhe utawusuka emahlombe akho,+
Lijoka lakhe lisuke entsanyeni yakho+
Futsi lelijoka litakwephuka+ ngenca yemafutsa.”
30 Memeta ukhale, wena ndvodzakati yaseGalimu!
Nakisisa wena Layisha!
Ngivelana nawe, wena Anathothi!+
31 IMadmena ibalekile.
Bantfu baseGebimu bafune indzawo yekukhosela.
32 Kulelilanga lalamuhla utakuma eNobi.+
Ujikitisa sibhakela sakhe entsabeni yendvodzakati yaseSiyoni,
Ligcuma laseJerusalema.
33 INkhosi yeliciniso, Jehova wemabutfo,
Ijuba emagala ngendlela leyesabekako;+
Tihlahla letindze kakhulu tiyagawulwa,
Letiphakeme tiyehliswa.
34 Ugawula tihlahla letikulelihlatsi ngelithulusi lensimbi,*
ILebanoni itawuwiswa ngulonemandla.
11 Lihlumela+ liyawuhluma esiphuntini saJese,+
Futsi lihlumela+ lelivela etimphandzeni takhe liyawutsela titselo.
2 Umoya waJehova uyawuhlala kuye,+
Umoya wekuhlakanipha+ newekucondza,
Umoya weseluleko nemoya wemandla,+
Umoya welwati newekwesaba Jehova.
3 Yena utawujabula ngekwesaba Jehova.+
Angeke ehlulele ngaloko lokubonakala emehlweni akhe,
Futsi angeke amane nje asole ngaloko lakuva ngetindlebe takhe.+
4 Yena uyawumehlulela ngekulunga umuntfu lophansi,
Uyawusola ngekulunga, entele labo labalungile labahlala emhlabeni.
5 Kulunga kuyawuba libhande lelukhalo lwakhe,
Futsi kwetsembeka kuyawuba libhande letingculu takhe.+
6 Imphisi iyawuhlala sikhashana nelizinyane lemvu,+
Ingwe iyawulala eceleni kwelizinyane lembuti,
Litfole nelibhubesi nesilwane lesikhuluphele kuyawuba ndzawonye;*+
Kuyawuholwa ngumfanyana nje.
7 Inkhomo nelibhele kuyawudla ndzawonye,
Nematfole ako ayawulala ndzawonye.
Libhubesi liyawudla tjani njengenkunzi.+
8 Umntfwana losamunya uyawudlala emgodzini waphemphetfwane,
Nemntfwana lolunyuliwe uyawufaka sandla sakhe emgodzini wenyoka lenebutsi.
Futsi angeke tibangele umonakalo kuyo yonkhe intsaba yami lengcwele,+
Ngobe umhlaba uyawugcwala lwati ngaJehova
Njengobe nemanti agcwalisa lwandle.+
10 Ngalelolanga, imphandze yaJese+ iyawukuma ibe luphawu lwebantfu.+
11 Ngalelolanga, Jehova uyawuphindze anikele ngesandla sakhe kwesibili, kuze abuyise bantfu bakhe labasele e-Asiriya,+ eGibhithe,+ ePhathrosi,+ kumaKushe,+ e-Elamu,+ eShinari,* eHamathi nasetichingini telwandle.+ 12 Uyawuphakamisela tive luphawu aphindze ahlanganise bantfu baka-Israyeli+ labasakatekile, futsi uyawuhlanganisa bantfu bakaJuda labasakatekele emagumbini lamane emhlaba.+
13 Umona wa-Efrayimu uyawuphela,+
Futsi labo labahlupha Juda bayawucedvwa.
Efrayimu angeke amdlele umona Juda,
NaJuda angeke amhluphe Efrayimu.+
14 Bayawukwehla etindzaweni letehlelako* temaFilisti enshonalanga;
Bakanyekanye, bayawutitsatsela bantfu lababahlaselako baseMphumalanga.
Ngemoya wakhe loshisako, uyawushaya imifudlana lengu-7 lesuka kuwo,*
Futsi uyawubangela bantfu kutsi bawele bafake tincabule.
16 Kuyawuba nemgwaco lomkhulu+ losuka e-Asiriya webantfu bakhe labasele labatawuphuma khona,+
Njengobe wawukhona newema-Israyeli ngelilanga laphuma ngalo eveni laseGibhithe.
12 Ngalelolanga, nome kanjani utawutsi:
“Awu Jehova, ngiyakubonga,
Ngobe naloku bewungitfukutselele,
Intfukutselo yakho yabohla kancane kancane futsi wangidvudvuta.+
2 Nkulunkulu uyinsindziso yami.+
Ngitakwetsembela kuye futsi ngeke ngesabe;+
Ngobe Jehova, Jehova ungemandla ami,
Futsi sewube yinsindziso yami.”+
3 Ngenjabulo nitawukha emanti
Emitfonjeni yensindziso.+
4 Ngalelolanga niyawutsi:
“Bongani Jehova, bitani libito lakhe,
Yentani imisebenti yakhe yatiwe kubantfu!+
Memetelani kutsi libito lakhe liphakeme.+
5 Hlabelani nidvumise Jehova,+ ngobe wente tintfo letimangalisako.+
Loko akwatiwe emhlabeni wonkhe.
6 Phakamisa liphimbo umemete ngenjabulo, wena lohlala* eSiyoni,
Ngobe mkhulu emkhatsisini wenu Longcwele waka-Israyeli.”
13 Nasi simemetelo lesimayelana neBhabhulona,+ lesabonwa ngu-Isaya+ indvodzana ya-Amozi embonweni:
2 “Phakamisa luphawu+ entsabeni lenemadvwala kuphela.
Bamemete, ujikitise sandla sakho,
Kuze bete batewungena emagedeni etitatanyiswa.
3 Ngikhiphe umyalo kulabo lengibakhetsile.*+
Ngitjele emasotja ami latingwazi kutsi avete intfukutselo yami,
Lawo lajabule kakhulu.
4 Lalela! Sicumbi lesisetintsabeni;
Umsindvo waso uvakala njengewesicumbi sebantfu labanyenti!
Lalela! Kubhodla kwemibuso,
Kubhodla kwetive letibutsene ndzawonye!+
Jehova wemabutfo uhlanganisa libutfo kute lilungele imphi.+
5 Basuka endzaweni lekhashane,+
Basuka emikhawulweni yemazulu,
Jehova uta kanye netikhali tentfukutselo yakhe,
Kuze baletse imbhubhiso kuwo wonkhe umhlaba.+
6 Lilani ngobe lilanga laJehova lisondzele!
Litawufika njengembhubhiso levela kuSomandla.+
7 Kungako nje tonkhe tandla tiyawukhubateka,
Futsi tonkhe tinhlitiyo tebantfu tiyawukwesaba.+
8 Bantfu betfuke kakhulu.+
Babanjwe kuvevetela netinhlungu,
Njengemfati lophetfwe ngumhelo.
Babukana bodvwana ngekwesaba,
Buso babo bugcwele lusizi.
9 Lilanga laJehova liyeta,
Linesibhuku lesihambisana nelulaka lolukhulu kanye nentfukutselo lenkhulu,
Kuze lente lelive libe yintfo lebangela kwesaba+
Futsi kucotfulwe toni letihlala kulo.
10 Ngobe tinkhanyeti temazulu nemitsala yato+
Ngeke kukhanyise;
Lilanga litawuba mnyama naliphuma,
Nenyeti angeke ikhanyise.
11 Ngitawenta bantfu labahlala emhlabeni kutsi balandzise ngebubi babo,+
Nebantfu lababi ngitabenta balandzise ngetono tabo.
Ngitakucedza kutikhukhumeta kwalabo labenta tintfo labete lilungelo lekutenta,
Futsi ngitawutfobisa kutati kwebabusi labacindzetelako.+
12 Ngitawubangela kutsi umuntfu abe yindlala kwendlula ligolide lelicwengisisiwe,+
Nebantfu batawuba yindlala kwendlula ligolide lase-Ofiri.+
13 Kungako ngitawubangela kutsi emazulu achachatele,
Nemhlaba utawutamatama ususwe endzaweni yawo+
Loko kutawubangelwa yintfukutselo lenkhulu yaJehova wemabutfo ngelilanga lelulaka lwakhe.
14 Njengenyamatane letingelwako nanjengemhlambi lote umelusi,
Nguloyo naloyo utawubuyela kubantfu bakubo;
Nguloyo naloyo utawubalekela eveni lakubo.+
15 Noma ngubani lotawutfolakala utawugwazwa,
Futsi noma ngubani lotawubanjwa utawubulawa ngenkemba.+
16 Bantfwababo batawufihlitwa babe ticucu embikwabo babukile,+
Tindlu tabo titawugcekezwa,
Nebafati babo batawudlwengulwa.
17 Ngitawuvusa emaMede kutsi amelane nabo,+
Lawo latsatsa lisiliva njengelite
Futsi langajatjuliswa naligolide.
18 Butjoki bawo butawubulala emajaha;+
Angeke abe nesihawu esitselweni sesibeletfo
Futsi angeke abe nemusa kubantfwana.
19 IBhabhulona, inkhatimulo* yemibuso,+
Buhle neligcabho lemaKhaledi,+
Itawufana neSodoma neGomora ngesikhatsi Nkulunkulu akuketula.+
20 Angeke kuphindze kuhlale muntfu kuyo,
Futsi angeke isaba yindzawo yekuhlala, titukulwane ngetitukulwane.+
Um-Arabu angeke akhe lithende lakhe khona,
Kute nebelusi labatakwelusela imihlambi yabo khona.
21 Tilwane taselugwadvule titawuhlala khona;
Tindlu tabo titawugcwala tikhova.
22 Tilwane letishaya umkhulungwane, titawushayela emibhoshongweni yayo
Bojakalazi batawukhala etigodlweni tayo takanokusho.
Sikhatsi sayo sisondzele futsi emalanga ayo angeke elulwe.”+
14 Ngobe Jehova utawentela Jakobe umusa+ futsi utawuphindze akhetse Israyeli.+ Utabahlalisa* eveni labo+ futsi bantfu bakuletinye tive batawuba nabo, batihlanganise nendlu yaJakobe.+ 2 Labantfu batabatsatsa baye nabo endzaweni yabo, futsi indlu yaka-Israyeli itabenta lifa layo, babe tinceku netincekukati+ tayo eveni laJehova; batawutfumba labo bebabatfumbile futsi batawutfotjelwa ngulabo bebabaphocelela kutsi basebente.
3 Ngelilanga Jehova layokunika ngalo kuphumula ekuhluphekeni naselusizini lwakho, nasekugcilatweni,+ 4 utawusho lesaga* mayelana nenkhosi yaseBhabhulona:
“Iyamangalisa indlela lawe ngayo lona lobekaphocelela labanye kutsi basebente!
Iyamangalisa indlela lokuphele ngayo kuhlukumeteka!+
5 Jehova sewephule intfonga yalomubi,
Wephule indvuku yebabusi,+
6 Labo labashaya bantfu ngentfukutselo bangayekeli,+
Labo labancoba tive ngentfukutselo nekuhlukumeta lokungapheli.+
7 Nyalo wonkhe umhlaba uyaphumula, ute tiphatamiso.
Bantfu bamemeta ngenjabulo.+
8 Ngisho netihlahla temjunipha tiyajabula ngenca yakho,
Kanye netihlahla temsedari taseLebanoni.
Titsi, ‘Solo wawa,
Kute umuntfu logawula tingodvo lota kutosihlasela.’
9 Ngisho neliThuna* liyanyakata ngaphansi,
Kuze likuhlangabete nawuta.
Ngenca yakho, livusa labo labangenamandla labafile,
Bonkhe baholi* bemhlaba labacindzetela bantfu.
Lenta onkhe emakhosi etive kutsi asukume etihlalweni tawo tebukhosi.
10 Onkhe ayakhuluma atsi kuwe,
‘Nawe sewute emandla njengatsi yini?
Sewufana natsi yini?
Timphetfu tigcwele ngephansi kwakho njengembhedze,
Futsi tibungu tikumbonyile.’
12 Uwe ngendlela lemangalisako usuka ezulwini,
Wena lomanyatelako, ndvodzana yentsatsakusa!
Ugecwe ngendlela lemangalisako walahlwa phansi emhlabeni,
Wena loncobe tive!+
13 Utsite enhlitiyweni yakho, ‘Ngitawukhuphukela emazulwini.+
Ngitawuphakamisa sihlalo sami sebukhosi sibe ngetulu kwetinkhanyeti taNkulunkulu,+
Futsi ngitawuhlala phansi entsabeni yekuhlangana,
Emajukujukukwini enyakatfo.+
14 Ngitawuhamba ngiye ngetulu kwemafu;
Ngitawutenta ngifanane naLosetikwako Konkhe.’
15 Esikhundleni saloko, utakwehliselwa phansi eThuneni,*
Emajukujukwini emgodzi.
16 Labakubonako batakubukisisa;
Batawusondzela batokubuka kahle, bese batsi,
‘Lena ngulendvodza lebeyinyakatisa umhlaba yini,
Leyachachatelisa imibuso,+
17 Leyenta lomhlaba waba njengelihlane
Futsi yacumba phansi emadolobha awo,+
Lengavumanga kukhulula tiboshwa tayo?’+
19 Kodvwa wena ulahliwe, wangangcwatjwa,
Njengelihlumela* lelenyanyekako,
Wembetse tidvumbu letagwazwa ngenkemba,
Letiya phansi ematjeni emgodzi,
Njengesidvumbu lesigcotjwagcotjwa ngetinyawo.
20 Angeke ube kanye nabo ethuneni,
Ngobe ulibulele nya live lakho,
Ubabulele bantfu bakho.
Intalelwane yalabenta lokubi angeke iphindze ibe khona.
21 Lungisa indzawo yekubulalela emadvodzana akhe
Ngenca yelicala labokhokho bawo,
Kuze angavuki bese abusa lomhlaba
Aphindze agcwalise lelive ngemadolobha awo.”
22 “Ngitawumelana nabo,”+ kusho Jehova wemabutfo.
“EBhabhulona ngitawucedza ligama, nalabasele, nentalelwane kanye netitukulwane letitako,”+ kusho Jehova.
23 Jehova wemabutfo utsi: “Ngitayenta ibe yindzawo yetingungumbane nesifundza lesinematete futsi ngitayishanyela ngemshanyelo wembhubhiso.”+
24 Jehova wemabutfo ufungile watsi:
“Njengobe nje ngihlosile, kutakwenteka kanjalo,
Futsi njengobe ngincumile, nguloko lokutakwenteka.
25 Ngitawufihlita um-Asiriya eveni lami,
Futsi ngitamgcobagcoba etintsabeni tami.+
Lijoka lakhe litawususwa kubo,
Nemtfwalo wakhe utakwehliswa emahlombe abo.”+
26 Nguloku lesekuncunyelwe wonkhe umhlaba,
Futsi nasi sandla leselulelwe* kumelana nato tonkhe tive.
27 Ngobe Jehova wemabutfo sewuncumile,
Ngubani longakuvimba loko?+
Sandla sakhe selulekile,
Ngubani longasijikisa?+
28 Ngemnyaka iNkhosi Ahazi leyafa ngawo,+ kwakhishwa nasi simemetelo:
29 “Ungajabuli wena Filistiya, akube bete lojabulako kuwe,
Ngenca yekutsi nje indvuku yalokushayako seyephukile.
Ngobe emphandzeni yenyoka+ kutawuphuma inyoka lenebutsi,+
Futsi intalelwane yayo itawuba yinyoka lendizako lekhipha umlilo.*
30 Kutakutsi kusadla litibulo lemuntfukatana
Nalabaphuyile balale baphephile,
Ngitawubulala imphandze yakho ngendlala,
Futsi lokusele kwakho kutawubulawa.+
31 Lila wena sango! Khala kakhulu wena dolobha!
Nonkhe nitawuphelelwa litsemba, awu Filistiya!
Ngobe kuchamuka intfutfu enyakatfo,
Futsi kute bantfu labanwabulukako ebutfweni lakhe.”
32 Kufanele batiphendvule batsini titfunywa tesive?
Kufanele batsi Jehova ubeke sisekelo saseSiyoni,+
Baphindze batsi bantfukatana bakhe batawukhosela kuyo.
15 Simemetelo lesimelene nelakaMowabi:+
Ngenca yekutsi libhujiswe ngebusuku bunye,
I-Ari+ yakaMowabi ithulisiwe.
Ngenca yekutsi ibhujiswe ngebusuku bunye,
IKhiri+ yakaMowabi ithulisiwe.
Mowabi ulilela iNebo+ neMedeba.+
Tonkhe tinhloko tihhulwe taba lumanyu,+ tonkhe tilevu tikelwe kahle.+
3 Etitaladini takhona bagcoke tindvwangu temasaka,
Eluphahleni lwetindlu tabo nasetindzaweni tabo tawonkhewonkhe, bonkhe bayalila;
Batsi behla babe balila.+
Kungako emadvodza lahlomile akaMowabi achubeka amemeta.
Lesive siyavevetela.
5 Inhlitiyo yami iyamkhalela Mowabi.
Bakhoseli bakhona babaleke baze bayofika eSowari+ nase-Eglathi-shelishiya.+
ELuhithi bayakhala njengobe bakhuphuka;
Endleleni leya eHoronayimu bakhala bamemete ngenca yalesehlakalo.+
6 Ngobe sekute lonatsa emanti aseNimrimu;
Tjani lobuluhlata sebushile,
Lotjani abusekho futsi sekute lokuluhlata lokusele.
7 Kungako bahamba nalokusele endzaweni labagcina kuyo tintfo nemcebo wabo;
Bewela sihosha lesinetihlahla tasesihosheni.*
8 Ngobe lokukhala lokukhulu kuhokoma sonkhe sifundza sakaMowabi.+
Lesililo sifika nase-Eglayimu;
Lesililo sifika naseBheri-elimu.
9 Ngobe emanti aseDimoni agcwele ingati,
Futsi kunyenti lengikubekele iDimoni:
Libhubesi litawuhlasela labo labaphunyulile bakaMowabi
Kanye nalabo labasele eveni.+
16 Tfumelani imvu lendvuna kumbusi walelive,
Kusuka eSela kwendlula ehlane
Kuyofika entsabeni yendvodzakati yaseSiyoni.
2 Njengenyoni lecoshwe esidlekeni sayo,+
Nemadvodzakati akaMowabi atawuba njalo ematubukweni ase-Anoni.+
3 “Niketani seluleko, khiphani sincumo.
Yentani sitfunti senu sasemini sibe njengebusuku.
Fihlani bantfu labahlakatekile futsi ningabatsengisi labo lababalekako.
4 Awu Mowabi, shengatsi labo labahlakatekile bangahlala eveni lakho.
Bani yindzawo yekubhaca kubo ngenca yaloyo lobacedzako.+
Umcindzeteli utawufika ekupheleni kwakhe,
Nekucotfulwa kutawuphela,
Futsi labo labagcobagcoba labanye batawushabalala emhlabeni.
5 Sihlalo sebukhosi sitawubese siyasimama ngekwetsembeka.*
Loyo lohlala kuso ethendeni laDavide utakwetsembeka;+
Utakwehlulela ngekungakhetsi futsi ngekushesha utakwenta kutsi kube nekulunga.”+
6 Sivile ngekutikhukhumeta kwesive sakaMowabi, sidvwale kakhulu+
Siyatati, sidvwalile futsi sitfukutsele kakhulu;+
Kodvwa inkhulumo yaso lengumbhedvo, itawugucuka ibe lite.
7 Ngako bakaMowabi batawulilela bakaMowabi;
Bonkhe batawulila.+
Labo labashayiwe batawubalisa bafune sinkhwa semagilebisi lomisiwe saseKhiri-heresethi.+
8 Ngobe emasimu aseHeshboni+ abunile,
Emagilebisi aseSibima+ abunile,
Babusi betive bagcobagcobe emagala akhona labovu tju;*
Ahambe aze ayofika eJazeri;+
Endlulele nasehlane.
Emahlumela awo enabe aze ayofika elwandle.
9 Kungako ngitawukhalela nemagilebisi aseSibima nangikhalela aseJazeri.
Awu Heshboni nawe Eleyale, ngitakumantisa ngetinyembeti tami,+
Ngobe sekuphelile kumemeta ngenca yesitselo sakho sasehlobo nangenca yesivuno sakho.*
10 Kutfokota kanye nenjabulo kususiwe ensimini yetitselo,
Futsi sekute tingoma tenjabulo nobe kumemeta emasimini emagilebisi.+
Umuntfu lohluta liwayini akasalihluti,
Ngobe mine ngibangele kutsi lokumemeta kuphele.+
11 Kungako ngekhatsi kimi ngilikhalela lakaMowabi,+
Njengekukhala kwelihabhu,
Nelingekhatsi lami likhalela iKhiri-heresethi.+
12 Ngisho nome sive sakaMowabi sitibangela kudzinwa endzaweni lephakeme futsi siya kuyothantaza endzaweni yaso lengcwele, angeke sifeze lutfo.+
13 Leli livi lebelikhulunywe nguJehova mayelana nelive lakaMowabi. 14 Nyalo Jehova utsi: “Eminyakeni lemitsatfu, njengeminyaka yesisebenti lesicashiwe,* ludvumo lwakaMowabi lutawuba lihlazo lelihambisana nalo lonkhe luhlobo lwesiphitsiphitsi futsi labo labatawusala batawuba bancane kakhulu futsi bedzeleleke.”+
17 Simemetelo lesimelene neDamaseko:+
“IDamaseko ngeke isaba lidolobha,
Futsi itawuba tindvundvuma tetindzala.+
2 Emadolobha ase-Aroyeri+ atawushiywa;
Atawuba tindzawo tekulala imihlambi yetilwane
Kute umuntfu lotatesabisa.
3 Emadolobha labiyelwe atawunyamalala ka-Efrayimu,+
Nembuso waseDamaseko;+
Futsi labo labatawusala eSiriya
Batawufana nenkhatimulo yema-Israyeli,”* kusho Jehova wemabutfo.
4 “Ngalelolanga inkhatimulo yaJakobe itawuncipha,
Nemtimba wakhe lokhuluphele utawondza.
5 Kutawufana nalapho umuntfu lovunako abutsisa lokutinhlavu ensimini,
Nalapho umkhono wakhe uvuna kolo,
Kufanane nalapho umuntfu abutsa kolo losele eSihosheni* semaRefa.+
6 Kutawusala kuphela loko labatakubutsa,
Njengalapho sihlahla semncumo siphundlwa:
Kusale titselo temncumo letimbili nome letintsatfu kuphela egaleni lelisetulu,
Kusale letine nome letisihlanu emagaleni aso latselako,”+ kusho Jehova Nkulunkulu wema-Israyeli.
7 Ngalelolanga, umuntfu uyawubuka uMdali wakhe futsi emehlo akhe ayawubukisisa Longcwele waka-Israyeli. 8 Angeke abuke ema-al’thare+ layimisebenti yetandla takhe;+ angeke abuke loko iminwe yakhe lekwakhile, futsi angeke abuke tinsika letingcwele* nobe tindzawo tekushisela imphepho.
9 Ngalelolanga emadolobha akhe labiyelwe atawufana nendzawo leshiyiwe lesemahlatsini,+
Njengeligala lelashiywa embikwema-Israyeli;
Atawuba yindzawo lenganalutfo.
10 Ngobe umkhohliwe Nkulunkulu+ wensindziso yakho;
Wehlulekile kukhumbula Lidvwala+ lendzawo yakho levikelekile.
Kungako uhlanyela emasimu lamahle
Uwafake emahlumela emuntfu longatiwa.*
11 Emini ungawabiyela ngekucophelela emasimu akho,
Ekuseni umilise inhlanyelo yakho,
Kodvwa sivuno sitawunyamalala ngelilanga lesifo netinhlungu letingelapheki.+
12 Lalelani! Kukhona kudideka kwebantfu labanyenti,
Lababanga umsindvo njengelwandle!
Kukhona kuhokoma kwetive,
Umsindvo wato ufana nekuhokoma kwemanti lamanyenti!
13 Tive titawubanga umsindvo lonjengekuhokoma kwemanti lamanyenti.
Utawutikhuta, futsi titawubalekela khashane
Titawufanana nemakhoba etintsaba emoyeni lomkhulu,
Njengembali lenemanyeva* lejikitiswa sivunguvungu.
14 Kusihlwa kunekwesaba.
Nasekutakusa abasekho.
Leli lifa lalabasihluphako
Nesabelo salabo labatsatsa tintfo tetfu.
18 Maye kulelive lelinetilokatana letibhengutisa timphiko
Esifundzeni semifula yaseTopiya!+
2 Litfumela titfunywa ngelwandle,
Tidzabula emantini ngetikebhe letakhiwe ngephaphira.* Lelive litsi:
“Hambani nine titfunywa letisheshisako,
Niye esiveni lesinebantfu labadze nalabanesikhumba lesibusheleleti,
Niye kubantfu labesatjwa kuyo yonkhe indzawo,+
Niye esiveni lesinemandla nalesincobako,*
Live laso likhukhulwa yimifula.”
3 Nonkhe nine takhamuti talelive nani nonkhe nine lenihlala emhlabeni,
Lenikubonako kutawufana neluphawu loluphakanyisiwe etintsabeni,
Futsi nitawuva umsindvo lofana newekushaywa kweluphondvo.
4 Ngobe naku lokwashiwo nguJehova kimi:
“Ngitawuchubeka ngingaphazanyiswa futsi nginake indzawo yami lesimeme,
Njengekushisa lokukhulu lokuhambisana nekukhanya kwelilanga,
Njengelifu lematolo nakushisa ngesikhatsi sekuvuna.
5 Ngobe ngaphambi kwekutsi kuvunwe,
Ngesikhatsi timbali seticedzile kuchakaza futsi imbali seyiligilebisi lelisavutfwa,
Emahlumela atawujutjwa ngetikelo tekutsena tihlahla
Nemliba utawujutjwa ususwe.
6 Bonkhe batawusala babe kudla kwemangce asetintsabeni
Nekwetilwane tesiganga.
Lamangce atawucitsa sikhatsi sasehlobo kubo,
Futsi tonkhe tilwane tesiganga titawucitsa sikhatsi sekuvuna kubo.
7 Ngaleso sikhatsi kuyawuletfwa sipho kuJehova wemabutfo,
Lesivela esiveni lesinebantfu labadze nalabanesikhumba lesibusheleleti,
Lesivela kubantfu labesatjwa kuyo yonkhe indzawo,
Lesivela esiveni lesinemandla nalesincobako*
Live laso likhukhulwa yimifula
Siye endzaweni lenelibito laJehova wemabutfo, iNtsaba iSiyoni.”+
19 Simemetelo lesimelene neGibhithe:+
Jehova ugibele lifu leligijima kakhulu, uta eGibhithe.
Bonkulunkulu labangenamsebenti baseGibhithe batakwesaba embikwakhe,+
Futsi inhlitiyo yeGibhithe itawuncibilika ngekhatsi kwayo.
2 “Ngitawubangela kutsi emaGibhithe avukele emaGibhithe,
Futsi atakulwa odvwana,
Nguloyo naloyo utawuvukela umnakabo namakhelwane wakhe,
Lidolobha litawuvukela lidolobha, umbuso uvukele umbuso.
3 Umoya weGibhithe utawudideka,
Ngitawudidanisa tinhlelo tayo.+
Itawufuna lusito kubonkulukulu labangenamsebenti,
Kulabenta imilingo nasetangomeni kanye nakulababhulako.+
4 Ngitawunikela iGibhithe esandleni sembusi lolukhuni,
Futsi inkhosi lecindzetelako itayibusa,”+ kusho iNkhosi yeliciniso, Jehova wemabutfo.
5 Emanti elwandle atawukoma,
Nemfula utawukusha, wome kheshe.+
6 Imifula itawunuka;
Imisele yemanti yeNayili leseGibhithe itawubohla bese iyoma.
Umhlanga nelukhwane kutawubola.+
7 Tihlahla letiseceleni kweMfula iNayili, emlonyeni weNayili,
Nayo yonkhe indzawo lehlanyelwe inhlanyelo eceleni kweNayili+ itakoma.+
Itawuphephuka futsi ngeke iphindze ibe khona.
8 Badwebi batawulila,
Labo labajika emadweba eNayili batawulila,
Labendlala emanethi abo emantini batawuba mbalwa.
9 Bantfu labasebenta ngeflekisi lelungiswe kahle+
Nalabo labenta indvwangu lemhlophe ngembongolo yekweluka, batawuhlazeka.
10 Beluki bakhona batawupitjitwa;
Tonkhe tisebenti leticashiwe, titawuba lusizi.*
11 Tindvuna taseSowani+ tilibele.
Beluleki baFaro labahlakaniphe kakhulu baniketa seluleko lesingenangcondvo.+
Ningasho kanjani nje kuFaro nitsi:
“Siyintalelwane yetihlakaniphi,
Siyintalelwane yemakhosi asendvulo”?
12 Tiphi-ke letihlakaniphi takho?+
Atikutjele nangabe tiyakwati loko Jehova wemabutfo lakuncumile mayelana neGibhithe.
13 Tindvuna taseSowani tente bulima;
Tindvuna taseNofi*+ tiyengiwe;
Baholi betive bakhona badukise iGibhithe.
14 Jehova utfululele umoya wekudideka kuyo;+
Futsi badukise iGibhithe kunome yini leyentako,
Njengemuntfu lodzakiwe loyendzela emahlanteni akhe.
15 IGibhithe angeke ibe nemsebenti letawenta,
Nome lotawentiwa sihloko nome umsila, lihlumela nome tjani lobudze.*
16 Ngalelolanga iGibhithe iyawufana nebafati, itfutfumele futsi yesabe ngenca yesandla saJehova wemabutfo lesiyingoti lasiphakamisele kumelana nayo.+ 17 Live lakaJuda litawuba yimbangela yekwesaba kweGibhithe. Batakwesaba nabeva kukhulunywa ngayo ngenca yesincumo Jehova wemabutfo lasitsetse lesimelene nayo.+
18 Ngalelolanga, kutawuba nemadolobha lasihlanu eveni laseGibhithe lakhuluma lulwimi lwaseKhenani+ futsi ente sifungo sekwetsembeka kuJehova wemabutfo. Linye lidolobha kutawutsiwa Lidolobha Lekudzilita.
19 Ngalelolanga kutawuba neli-al’thare laJehova emkhatsini welive laseGibhithe nensika yaJehova emnceleni walo. 20 Kutawuba luphawu nebufakazi kuJehova wemabutfo eveni laseGibhithe; ngobe batawukhalela Jehova ngenca yebacindzeteli futsi yena utawutfumela uMsindzisi lomkhulu lotabasindzisa. 21 Jehova utawutiveta kumaGibhithe kutsi ungubani, nemaGibhithe atawumati Jehova ngalelolanga. Ayawukwenta imihlatjelo neminikelo futsi ayawufunga kuJehova bese ayasigcwalisa sifungo sawo. 22 Jehova utawushaya iGibhithe,+ ayishaye aphindze ayelaphe; atawubuyela kuJehova futsi yena utativa ticelo tawo bese uyawelapha.
23 Ngalelolanga kutawuba nemgwaco lomkhulu+ losuka eGibhithe uye e-Asiriya. I-Asiriya itawubese ita eGibhithe, neGibhithe itawuya e-Asiriya, futsi iGibhithe itawukhonta Nkulunkulu ikanye ne-Asiriya. 24 Ngalelolanga, live laka-Israyeli litawuba lesitsatfu likanye neGibhithe ne-Asiriya.+ Atawuba sibusiso emkhatsini wemhlaba, 25 ngobe Jehova wemabutfo utawube awabusisile. Utawutsi: “Babusisiwe bantfu bami, emaGibhithe, nemsebenti wetandla tami, ema-Asiriya nelifa lami ema-Israyeli.”+
20 Ngemnyaka iNkhosi Sagoni yase-Asiriya leyatfumela ngawo Tharithani* e-Ashdodi, yalwa ne-Ashdodi+ futsi yayincoba.+ 2 Ngaleso sikhatsi, Jehova wakhuluma na-Isaya+ indvodzana ya-Amozi, watsi: “Hamba uyokhumula lendvwangu yelisaka leselukhalo lakho bese ukhumula naletincabule letisetinyaweni takho.” Isaya wavele wenta njalo, wahambahamba angakagcoki kangako* futsi angakafaki lutfo etinyaweni.
3 Jehova wabese utsi: “Njengobe nje inceku yami Isaya beyisolo ihambahamba ingakagcoki kangako futsi ingakafaki lutfo etinyaweni iminyaka lemitsatfu, kuze kube luphawu+ nesibonakaliso lesimelene neGibhithe+ kanye neTopiya,+ 4 ngaleyondlela inkhosi yase-Asiriya itawuhola bantfu labatfunjiwe baseGibhithe+ nebakhoseli baseTopiya, lokubafana nemakhehla, labangakagcoki kangako futsi bahamba ngetinyawo netibunu tabo tisebaleni, lokulihlazo leGibhithe. 5 Batakwesaba futsi batativa bahlazekile ngenca yeTopiya lelitsemba labo nangeGibhithe leligcabho* labo. 6 Ngalelolanga bantfu labahlala kulolugu batawutsi, ‘Asenibuke kutsi kwentekeni kulelitsemba letfu lesabalekela kulo sayofuna lusito nesivikelo, sibalekela inkhosi yase-Asiriya! Sesitawuphunyula njani-ke nyalo?’”
21 Simemetelo lesimelene nelihlane laselwandle:*+
Kuyeta, njengesivunguvungu lesitsanyelako lesisuka eningizimu,
Kusuka ehlane, kusuka eveni lelesabekako.+
2 Ngitjelwe umbono lowesabekako:
Umuntfu lokhohlisako uyakhohlisa,
Nembhubhisi uyabhubhisa.
Khuphuka wena Elamu! Vimbetela wena Mediya!+
Ngitawucedza konkhe kububula lakubangela.+
3 Kungako ngisebuhlungwini lobukhulu.*+
Ngibanjwe kuchachatela,
Njengemfati lobelekako.
Ngicindzeteleke kakhulu, angikhoni nekuva;
Ngiphazamiseke kakhulu, angikhoni nekubona.
4 Inhlitiyo yami iphelelwa ngemandla; ngifikelwa kwesaba lokukhulu.
Kuhlwa lebengisolo ngikulindzele kungenta ngesabe.
5 Lungisani litafula nihlele kahle titulo!
Dlanini, ninatse!+
Sukumani nine tindvuna, gcobani lihawu ngemafutsa!
6 Ngobe nguloku lokwashiwo nguJehova kimi:
“Hamba, uyobeka gadzi bese umtjela kutsi abuye atoletsa umbiko walakubonile.”
7 Logadzi wabona incola yemphi idvonswa sipani semahhashi,
Nencola yemphi lebeyidvonswa timbongolo,
Nencola yemphi lebeyidvonswa ngemakamela.
Wabuka ngekucophelela, wanaka.
8 Wabese ubhodla njengelibhubesi watsi:
“Awu Jehova, ngima lilanga ngelilanga etikwesicongosekulindza,
Futsi ngima busuku nebusuku endzaweni yami yekugadza.+
9 Buka naku lokutako:
Emadvodza agibele incola yemphi ledvonswa ngemahhashi laboshelwe!”+
Wabese ukhuluma nami utsi:
“Iwile! Iwile iBhabhulona!+
Tonkhe tithico letibatiwe tabonkulunkulu bayo utiphihlitele phansi!”+
10 Awu bantfu bami lenigcotjwagcotjwe njengalokutinhlavu,
Umkhicito* welibala lami lekubhulela,+
Nginibikele loko lengikutjelwe nguJehova wemabutfo, Nkulunkulu wema-Israyeli.
11 Simemetelo lesimelene neDuma:*
Kunalongimemetako loseSeyiri:+
“Yegadzi! Kusele sikhatsi lesingakanani kutsi kuse?
Yegadzi! Kusele sikhatsi lesingakanani kutsi kuse?”
12 Logadzi wabese utsi:
“Kuyeta kusa, kepha nebusuku buyeta.
Nangabe ufuna kubuta, buta.
Ubobuya futsi!”
13 Simemetelo lesimelene nendzawo lelugwadvule:
Nitawucitsa busuku bonkhe emahlatsini endzawo lelugwadvule,
Awu nine cembu lebantfu baseDedani lenihamba nemakamela.+
14 Letsani emanti kuze nihlangabete labomile,
Nine bantfu labahlala eveni laseThema,+
Letsani nekudla kwalababalekako.
15 Ngobe bayibalekele inkemba, inkemba lelungele kubulala,
Babalekele butjoki lobulungele kudubula, babalekela nekuhlukunyetwa yimphi.
16 Ngobe naku Jehova lakushito kimi: “Ngemnyaka munye, njengeminyaka yesisebenti lesicashiwe,* yonkhe inkhatimulo yeKhedari+ itawuphela. 17 Batawuba bancane labasele emasotjeni aseKhedari langemachawe futsi lasebentisa butjoki, ngobe Jehova Nkulunkulu wema-Israyeli ukhulumile.”
22 Simemetelo lesimayelana neSihosha seMbono:*+
Kwentiwa yini kutsi bonkhe bantfu bakho bakhuphukele eluphahleni lwetindlu?
2 Bewugcwele siphitsiphitsi,
Ulidolobha lelinemsindvo nalelitiphakamisako.
Bantfu bakho abazange babulawe ngenkemba,
Futsi abazange babulawe emphini.+
3 Bonkhe babusi bakho labacindzetelanako babaleke kanyekanye.+
Bayiswe ejele kungakasetjentiswa ngisho nebutjoki.
Bonkhe labatfolakele baboshiwe,+
Ngisho nome besebabalekele khashane.
4 Kungako ngitsite: “Ningangibuki,
Futsi ngitawukhala kabuhlungu.+
5 Ngobe leli lilanga lekudideka, lekuncotjwa nelekwesaba,+
Kuvela eNkhosini Lephakeme, Jehova wemabutfo,
ESihosheni seMbono.
Kubhidlitwa lubondza+
Kukhona nekukhala lokuvakala ngisho nasentsabeni.
7 Ematsafa akho elikhetselo
Atawugcwala tincola temphi,
Emahhashi* atawuba sendzaweni yawo egedeni,
8 Sivikelo sakaJuda sitawususwa.
“Ngalelolanga, utawubuka tikhali letiseNdlini Yelihlatsi,+ 9 futsi nitawubona timfa letinyenti teliDolobha laDavide.+ Nitawukha emanti echibini lelingentansi.+ 10 Nitawubala tindlu taseJerusalema, niphindze nibhidlite tindlu kuze nicinise lubondza. 11 Nitakwakha bhesini emkhatsini wetibondza letimbili kuze ufake emanti elichibi lelidzala, kodvwa angeke nimnake uMakhi walo Lomkhulu, futsi angeke nimbone Loyo lowalakha kadzeni.
12 Ngalelolanga, iNkhosi Lephakeme, Jehova wemabutfo,
Itawutsi akukhalwe futsi kulilwe,+
Itawutsi akuhhulwe tinhloko kugcokwe netindvwangu temasaka.
13 Esikhundleni saloko, kunekuhalalisa nenjabulo,
Kuhlatjwa tinkhomo netimvu,
Kudliwa inyama kunatfwe neliwayini.+
Nitawutsi: ‘Asidleni sinatse ngoba kusasa sitawufa.’”+
14 Jehova wemabutfo ukwembulile loku kimi, ngakuva: “‘Angeke nicolelwe leliphutsa nize niyofa,’+ kusho iNkhosi Lephakeme, Jehova wemabutfo.”
15 INkhosi Lephakeme, Jehova wemabutfo, itsi: “Hamba uye kuShebna indvuna,+ lowengamele sigodlo, ufike utsi: 16 ‘Ufunani lana, ufuna bani lana, kutsi sewungaze utilungisele nendzawo lotawungcwatjwa kuyo?’ Utilungisela lithuna lakhe endzaweni lephakeme; utakhela indzawo yekuphumula edvwaleni. 17 ‘Jehova utakujikijela phansi ngemandla, wena ndvodza, akubambe kabuhlungu. 18 Nakanjani utakubopha akucinise futsi akujikijele njengebhola endzaweni lebanti. Utawufela lapho, netincola takho temphi letikhatimulako titawusala khona lapho, kube lihlazo endlini yemphatsi wakho. 19 Ngitakwemuka sikhundla sakho, ngikuyekelise umsebenti wakho.
20 “‘Ngalelolanga ngitawubita inceku yami, Eliyakimu+ indvodzana yaHilkiya, 21 ngimgcokise sembatfo sakho, ngimbophe ngentsambo yakho,+ bese ngimnika sikhundla sakho. Yena utawuba ngubabe webantfu labahlala eJerusalema newendlu yakaJuda. 22 Sikhiya sendlu yaDavide+ ngitasibeka emahlombe akhe. Lapho avule khona kute lotawuvala; lapho avale khona kute lotawuvula. 23 Ngitambetsela njengesikhonkhwane endzaweni yaphakadze futsi utawufana nesihlalo sebukhosi senkhatimulo endlini yababe wakhe. 24 Batawukhungela kuye yonkhe inkhatimulo yendlu yababe wakhe, situkulwane nentalelwane,* tonkhe titja letincane, titja letigubhile kanye nawo onkhe emajeke lamakhulu.
25 “Jehova wemabutfo utsi: ‘Ngalelolanga, lesikhonkhwane lesishayelwe endzaweni yaphakadze sitawukhishwa,+ sitawujutjwa siwe futsi umtfwalo lebewusime kuso utakuwa wonakale, ngobe Jehova lucobo lwakhe ukhulumile.’”
23 Simemetelo lesimayelana neThire:+
Lilani nine mikhumbi yaseThashishi!+
Ngobe sikhumulo semikhumbi sibhujisiwe; akusangeneki kuso.
Kusukela eveni laseKhithimu+ basivile lesimemetelo.
2 Thulani nine bantfu labahlala eceleni kwelwandle.
Batsengisi baseSidoni+ labawela lolwandle sebagcwele khona.
3 Ngetulu kwemanti lamanyenti kuhambe lokudliwako lokutinhlavu* kwaseShihori,*+
Sivuno seNayili, inzuzo yayo,
Iletsa inzuzo yetive.+
4 Awu Sidoni, dliwa ngemahloni, wena ndzawo levikelekile yelwandle,
Ngobe lwandle lutsite:
5 Njengesikhatsi beva umbiko lomayelana neGibhithe,+
Bantfu batawuva buhlungu kakhulu nabeva umbiko lomayelana neThire.+
6 Yewelelani eThashishi!
Lilani nine bantfu lenihlala eceleni kwelwandle!
7 Leli ngilo yini lelidolobha lakho lebelisolo lijabulile kusukela kadzeni, etikhatsini talo takucala?
Tinyawo talo betivame kulitsatsa tiliyise etindzaweni letikhashane liyohlala khona.
8 Ngubani lowente lesincumo lesimelene neThire,
Leyo lebeyibeka babusi,
Batsengisi bayo bebatindvuna,
Batsengisi bayo bebahlonishwa kuwo wonkhe umhlaba?+
9 Jehova wemabutfo lucobo lwakhe uncume kwenta loku,
Uncume kuyicedza umgcabho ngebuhle bayo,
Nekubatsela ngelihlazo bonkhe labo labebahlonishwa emhlabeni wonkhe.+
10 Dzabula live lakho njengeMfula iNayili wena ndvodzakati yaseThashishi.
Sekute ngisho nayinye indzawo yekulungisa imikhumbi.*+
11 Welulele sandla sakhe etikwelwandle;
Utamatamise imibuso.
Jehova ukhiphe umyalo wekutsi kucotfulwe tindzawo letivikelekile taseFenisiya.+
12 Yena utsi: “Angeke usajabula,+
Awu wena locindzetelwe, ndvodzakati yaseSidoni leyintfombi ntfo.
Sukuma uwelele eKhithimu.+
Ngisho nakhona ngeke ukutfole kuphumula.”
13 Buka live lemaKhaledi!+
NgemaKhaledi, akusibo bantfu base-Asiriya+
Labayente yaba yindzawo yetilwane tesiganga.
Batakhele imibhoshongo yekuyivimbetela;
Batibhidlite ngalokuphelele tigodlo tayo,+
Bayishiya itindzala.
14 Lilani nine mikhumbi yaseThashishi,
Ngobe indzawo yenu levikelekile ibhidlitiwe.+
15 Ngalelolanga, iThire batayikhohlwa iminyaka lengu-70,+ kufanane nebudze beminyaka yekuphila* kwenkhosi. Ekupheleni kweminyaka lengu-70, iThire itawufanana nengwadla lokuhlatjelwa ngayo ingoma letsi:
16 “Awu wena ngwadla lesebayikhohliwe, tsatsa lihabhu uhambahambe utungelete lelidolobha.
Dlala lihabhu lakho ngelikhono;
Hlabelela tingoma letinyenti,
Kuze kutsi bakukhumbule.”
17 Ekupheleni kweminyaka lengu-70, Jehova utawunaka iThire. Itawubuyela emsebentini wayo webugwadla futsi itawugwadla nayo yonkhe imibuso yemhlaba. 18 Kodvwa inzuzo yayo naloko lebhadelwe kona kutawuba ngcwele kuJehova. Angeke kugcinwe nobe kubekwe endzaweni letsite ngobe loko lebhadelwe kona kutawuba kwalabo labahlala embikwaJehova, kuze badle besutse baphindze bagcoke timphahla takanokusho.+
24 Jehova utsatsa tintfo letikulelive* futsi ulenta lingasabi nalutfo.+
Ulibhekisa phansi+ futsi uyabahlakata bantfu labahlala kulo.+
2 Tintfo titabafananela bonkhe:
Bantfu batawuba njengemphristi,
Inceku ibe njengemphatsi wayo,
Incekukati ibe njengenkhosikati,
Umtsengi abe njengemtsengisi,
Umbolekisi abe njengalobolekako,
Lokweledwako abe njengalokweledako.+
3 Lelive litawusala lingenalutfo sanhlobo;
Titawutsatfwa tonkhe tintfo talo,+
Ngobe Jehova ukhulumile.
4 Lelive liyalila;*+ alisakhiciti.
Indzawo letselako iyabuna; iyaphela.
Bantfu labasetikhundleni letisetulu balelive bayawa.
6 Kungako sicalekiso silicedza lelive,+
Futsi labahlala kulo batfolakele banelicala.
Kungako bantfu labahlala kulelive bancipha ngesibalo,
Sekusele bantfu labambalwa kakhulu.+
7 Liwayini lelisha liyalila,* tihlahla temagilebisi tiyabuna,+
Bonkhe labatsakasile enhlitiyweni bayabubula.+
8 Injabulo yemathamborine seyiphelile;
Umsindvo walabatijabulele sewuphelile;
Umsindvo wenjabulo lokhishwa lihabhu sewuphelile.+
9 Banatsa liwayini ngaphandle kwengoma,
Futsi tjwala buyababa kulabo lababunatsako.
10 Lidolobha lelishiyiwe, libhidlitiwe;+
Tonkhe tindlu tivaliwe, akungeni muntfu.
11 Bakhalela liwayini etitaladini.
Sekuphele yonkhe injabulo;
Injabulo yalelive seyiphelile.+
12 Lelidolobha lisele litindzala;
Ligede lifohlotiwe laba yindvudvuma yeticucu.+
13 Kutawuba njena-ke kulelive, emkhatsini webantfu:
Kutawufana nalapho sihlahla semncumo siphundlwa,+
Kufane nemagilebisi lasele nasekuphele sikhatsi sekuvuna.+
14 Batawuphakamisa emavi abo,
Bamemete ngenjabulo.
Bamemetele bukhosi baJehova kusukela elwandle.*+
15 Kungako batawudvumisa Jehova emphumalanga;+
Badvumise libito laJehova Nkulunkulu wema-Israyeli etichingini telwandle.+
16 Siva tingoma letivela emikhawulweni yemhlaba:
Kodvwa ngitsi: “Ngiyondza, ngiyondza!
Maye kimi! Labakhohlakele bente ngekukhohlakala;
Ngekukhohlakala, tikhohlakali tente kukhohlakala.”+
17 Umelwe kwesaba, nemigodzi kanye netingibe, wena lohlala kulelive.+
18 Nome ngubani lobalekiswa ngumsindvo wekwesaba utawugcumkela emgodzini,
Futsi nome ngubani lophuma kulomgodzi utawubanjwa lugibe.+
Ngobe emafasitelo etikhukhula asezulwini atawuvuleka,
Futsi tisekelo telive titawutamatama.
20 Lelive liyayendza kuhle kwemuntfu lodzakiwe,
Liyajikita, njengendlu yetjani nayipheshulwa ngumoya.
Kuphambuka kwalo sekukhulu kangangekutsi kuyalesindza,+
Litakuwa lingasaphindzi livuke.
21 Ngalelolanga, Jehova utawunaka libutfo lasemazulwini
Kanye nemakhosi emhlaba lasemhlabeni.
22 Atawuhlanganiswa ndzawonye
Njengetiboshwa tihlanganiswe ndzawonye emgodzini,
Futsi atawuvalelwa ejele;
Anakwe ngemuva kwemalanga lamanyenti.
23 Inyeti legcwele itawuhlazeka,
Nelilanga lelibalele lihlazeke,+
Ngobe Jehova wemabutfo sewube yiNkhosi+ eNtsabeni iSiyoni+ naseJerusalema,
25 Awu Jehova, wena unguNkulunkulu wami.
Ngiyakuphakamisa, ngidvumisa libito lakho,
Ngobe wena wente tintfo letimangalisako,+
Tintfo letahloswa* kusukela etikhatsini tasendvulo,+
Ngeliciniso nangekwetsembeka.+
2 Ngobe wente lidolobha laba yindvundvuma yematje,
Lidolobha lelivikelekile ulente laba tindzala.
Umbhoshongo webantfu baletinye tive awusesilo lidolobha;
Angeke liphindze lakhiwe.
3 Kungako bantfu labanemandla batakukhatimulisa;
Lidolobha letive leticindzetelanako litakwesaba.+
4 Ngobe sewube yindzawo levikelekile yebantfukatana,
Ube yindzawo levikelekile yalophuyile ekucindzetelekeni kwakhe,+
Waba yindzawo yekukhosela emvuleni lenesiphepho,
Nemtfunti wekutivikela ekushiseni.+
Ngesikhatsi intfukutselo yebabusi labacindzetelanako ifana nemvula lenesiphepho futsi lebhidlita lubondza,
5 Ifanana nekushisa eveni lelilugwadvule,
Wena utawuncoba kubhodla kwebantfu labangatiwa.
Njengekushisa lokuncotjwa sitfunti selifu,
Ithuliswa ngaleyondlela-ke ingoma yebabusi labacindzetelako.
6 Kulentsaba,+ Jehova wemabutfo utakwentela bonkhe bantfu
Lidzili lekudla lokunotsile,+
Lidzili leliwayini lelimnandzi,
Lidzili lekudla lokunotsile futsi lokunemsoco,
Lidzili leliwayini lelimnandzi lelicwengiwe.
8 Uyawugwinya* kufa kuze kube phakadze,+
Futsi iNkhosi Lephakeme Jehova iyawusula tinyembeti kubo bonkhe buso.+
Lihlazo lebantfu bakhe uyawulisusa kuwo wonkhe umhlaba,
Ngobe Jehova lucobo lwakhe ukhulumile.
9 Ngalelolanga bayawutsi:
“Lona nguNkulunkulu wetfu!+
Lona nguJehova!
Setsembele kuye.
Asijabuleni, sitfokote ngenca yensindziso levela kuye.”+
10 Ngobe sandla saJehova sitawuhlala kulentsaba,+
BakaMowabi batawugcotjwagcotjwa kulendzawo+
Njengetjani lobugcotjwagcotjwa buze bube yindvundvuma yemcuba.
11 Utakwelulela tandla takhe kuyo
Njengemuntfu lobhukushako lowelula tandla takhe nakabhukusha,
Futsi utakwehlisa kutikhukhumeta+ kwayo
Ngetandla takhe letihamba ngelikhono.
12 Lidolobha lelivikelekile, lelinetibondza letiphakeme,
Utalidzilita;
Utalidzilitela phansi, khona kanye emhlabatsini.
26 Ngalelolanga, kaJuda+ kuyawuhlatjelwa nayi ingoma:+
“Sinelidolobha lelicinile.+
Yena wenta insindziso ibe lubondza lwalo netivikelo talo.+
2 Vulani emagede+ kuze sive lesilungile singene,
Sive lesitiphetse ngekwetsembeka.
3 Wena utabavikela labo labetsembela kuwe ngalokuphelele;*
Utabaniketa kuthula lokuchubekako,+
Ngobe betsembele kuwe.+
5 Ngobe yena wehlise labahlala endzaweni lephakeme, lokulidolobha leliphakeme.
Uyalehlisa,
Ulehlisela phansi emhlabeni,
Ulilahlela phansi elutfulini.
6 Lunyawo lutaligcobagcoba,
Netinyawo talabacindzetelwe, netinyatselo tebantfukatana.”
7 Indlela yalolungile icondzile.*
Ngobe wena ucondzile,
Utawulungisa indlela yalabalungile.
8 Awu Jehova, njengobe sihamba indleleni yekulunga kwakho,
Litsemba letfu silibeke kuwe.
Silangatelela* libito lakho nesikhumbuto* sakho.
9 Ebusuku ngikulangatelela ngemphefumulo wami wonkhe,
Umoya wami uchubeka ukufuna;+
Ngobe nakunetehlulelo temhlaba letivela kuwe,
Bantfu labaseveni bafundza ngekulunga.+
10 Ngisho nome ngabe lomubi entelwa umusa,
Angeke akufundze kulunga.+
Ngisho nome aseveni lalabalungile,* utakwenta tintfo letimbi,+
Futsi angeke abubone bukhosi baJehova.+
11 Awu Jehova, sandla sakho siphakanyisiwe kodvwa abasiboni.+
Batawubona inshisekelo lonayo ngebantfu bakho futsi batawuhlazeka.
Umlilo wetitsa takho utabacedza.
13 Awu Jehova Nkulunkulu wetfu, labanye babusi ngaphandle kwakho basibusile,+
Kodvwa sikhuluma ngelibito lakho kuphela.+
14 Bafile; angeke baphile.
Bete emandla ekufeni, angeke bavuke.+
Ngobe sewubanakile
Kuze ubabhubhise uphindze ubacedze nya.
Sewuyenwebe kakhulu yonkhe imincele yalelive.+
16 Awu Jehova, ngetikhatsi tekucindzeteleka beta kuwe;
Bathantaza kuwe ngelivi leliphansi nawubajezisa.+
17 Njengemfati lotetfwele nasekatawubeleka,
Lophetfwe ngumhelo futsi lokhaliswa tinhlungu,
Natsi sibe njalo ngenca yakho, awu Jehova.
18 Sikhulelwe, saphatfwa ngumhelo,
Kodvwa kufana nekutsi sitele umoya.
Asikayiletsi insindziso kulelive,
Futsi kute lotelwe kuze ahlale kulelive.
19 “Labafile bakho bayawuphila.
Phaphamani nimemete ngenjabulo,
Nine lenihlala elutfulini!+
Ngobe ematolo akho afana nematolo asekuseni,*
Futsi umhlaba uyawubangela kutsi labafile baphindze baphile.*
21 Ngobe Jehova uyeta usuka endzaweni yakhe
Kuze ente bantfu balelive balandzise ngesono sabo,
Futsi kutakwembulwa kucitseka kwengati lokwenteka kulelive
Tidvumbu talo angeke likhone kutimbonya.”
27 Ngalelolanga, Jehova uyawutsatsa inkemba yakhe lengenabubele, lenkhulu futsi lecinile,+
Agucukele esilwaneni lesikhulu saselwandle,* inyoka lehumako,
Lokusilwane lesikhulu saselwandle, inyoka letigocako,
Futsi utasibulala lesilwane lesikhulu lesiselwandle.
2 Ngalelolanga, nibomhlabelela* nayi ingoma:
“Insimu yemagilebisi lakhipha liwayini lelinengwebu!+
3 Mine Jehova, ngiyamvikela.+
Ngimnisela ngaso sonkhe sikhatsi.+
Ngimvikela busuku nemini,
Kuze kungabi nemuntfu lomlimatako.+
4 Angikatfukutseli.+
Ngubani lotangicondza emphini aphetse tihlahla temanyeva nelukhula?
Ngitakugcobagcoba konkhe bese ngikushisa ngemlilo kanyekanye.
5 Nangabe angeke ente njalo, akafune sivikelo endzaweni yami lephephile.
Akente kuthula nami;
Kuthula akakwente nami.”
6 Emalangeni letako, Jakobe utawuma acine,
Ema-Israyeli atawuchakaza aphindze akhiphe emahlumela,+
Futsi atawugcwalisa lelive ngemkhicito.+
7 Kufanele yini atfole imivimba yaloyo lomshayako?
Nome kufanele yini abulawe ngendlela lababulawa ngayo lababulewe bakhe?
8 Ngekumemeta lokwetfusako, wena utawumelana naye nawumcosha.
Yena utamcosha ngemoya lomkhulu nalowesabekako ngelilanga lemoya wasemphumalanga.+
9 Sitawuhlawulelwa ngaleyondlela-ke sono saJakobe,+
Futsi loku kutawuba sitselo lesigcwele nakususwa sono sakhe:
Utakwakha onkhe ematje eli-al’thare
Njengematje laphushukako laphushutiwe,
Futsi kute tinsika letingcwele* nobe tindzawo tekushisela imphepho letitawusala.+
10 Ngobe litawushiywa lidolobha lelibiyelwe;
Emadlelo atawushiywa futsi atawulahlwa njengelihlane.+
Kuleyo ndzawo, litfole litawudla tjani liphindze lilale khona
Futsi litawudla emagala alo.+
11 Ngesikhatsi emagala alo asomile,
Bantfu labasikati batawufika bawephule,
Babase umlilo ngawo.
Ngobe labantfu abalaleli.+
Kungako uMenti wabo angeke abavele,
Futsi Loyo lowabadala, angeke abentele umusa.+
12 Ngalelolanga, Jehova uyawushaya sitselo eMfuleni* logeletako uze uyofika eSihosheni* saseGibhithe+ futsi nine ma-Israyeli, niyawubutfwa ngamunye ngamunye.+ 13 Ngalelolanga kuyawushaywa luphondvo lolukhulu+ futsi labo lababhubhako eveni lase-Asiriya+ nalabo labahlakatekile eveni laseGibhithe,+ bayawufike bakhotsame kuJehova entsabeni lengcwele leseJerusalema.+
28 Maye kulomchele* wekubukisa* wetidzakwa taka-Efrayimu+
Nembali lebunako yebuhle bakhona lobukhatitelako,
Lokusesicongweni seligcuma lelisesihosheni lesivundzile sebantfu labadzakwe liwayini!
2 Jehova unalotsite locinile futsi lonemandla.
Lonjengesangcotfo lesinemsindvo lomkhulu, nesiphepho lesibhubhisako,
Lonjengemvula lenkhulu lenekudvuma nembane, lokuhambisana netikhukhula,
Utakusacata phansi emhlabeni.
4 Lembali lebunako yebuhle bakhona lobukhatitelako,
Lesesicongweni sesihosha lesivundzile,
Itawuba njengelikhiwa lekucala lelivutfwe lisengakangeni lihlobo.
Lokutsi umuntfu nakalibona, alimite ngekushesha nje nasekalikhile.
5 Ngalelolanga, Jehova wemabutfo utawuba ngumchele lokhatitelako nemchele lomuhle lowakhiwe ngetimbali, kubantfu bakhe labasele.+ 6 Utawenta kutsi behluleli behlulele ngekulunga, aphindze abe ngumtfombo wemandla kulabo labacosha titsa letihlasela egedeni.+
7 Laba bayaduka ngenca yeliwayini;
Tinatfo tabo letidzakanako tiyabayendzisa.
Baphristi nebaphrofethi bayaduka ngenca yetjwala;
Liwayini libenta badideke,
Futsi bayendziswa tjwala babo;
Indlela lababona ngayo ibabangela kutsi baduke,
Futsi abehluleli ngendlela lefanele.+
8 Ematafula abo agcwele emahlanta lenyanyekako
Agcwele yonkhe indzawo.
9 Umuntfu utalwendlulisela kubani lwati,
Ngubani umuntfu latamchazela lomlayeto?
Ngulabo labasandza kulunyulwa yini,
Ngulabo labasandza kuyekeliswa libele yini?
10 Ngobe batsi: “Ngumyalo emuva kwemyalo, ngumyalo emuva kwemyalo,
Yintsambo yekukala etikwentsambo yekukala, yintsambo yekukala etikwentsambo yekukala,+
Kancane lana, kancane lena.”
11 Ngako utawukhuluma nebantfu bakhe asebentisa bantfu labangingitako kanye nelulwimi lwalesinye sive.+ 12 Wake watsi kubo: “Lena yindzawo yekuphumula. Lodziniwe akaphumule; lena yindzawo yekucabuleka,” kodvwa abazange balalele.+ 13 Ngako livi laJehova litawutsi kubo:
“Ngumyalo emuva kwemyalo, ngumyalo emuva kwemyalo,
Yintsambo yekukala etikwentsambo yekukala, yintsambo yekukala etikwentsambo yekukala,+
Kancane lana, kancane lena,”
Kuze kutsi nabahamba,
Bagileke futsi bawe ngesiphundvu
Bephuke, bangene elugibeni bese bayabanjwa.+
14 Ngako lalelani livi laJehova nine lenitikhukhumetako,
Nine babusi balabantfu labaseJerusalema,
15 Ngobe nine bantfu nitsi:
Nakwendlula sikhukhula lesinemandla,
Angeke sifike kitsi,
Ngobe sente emanga aba siphephelo setfu
Futsi sitifihle emangeni.”+
16 Ngako-ke, naku lokushiwo yiNkhosi Lephakeme Jehova:
“Ngibeka litje lelivivinyiwe kutsi libe sisekelo eSiyoni,+
Litje leliligugu lekusimisa+ indlu, lelisisekelo lesetsembekile.+
Kute lonekukholwa lotakwesaba.+
17 Ngitakwenta kwehlulela kahle kube yintsambo yekukala+
Ngente kulunga kube yintsambo yekucondzisa.+
Sangcotfo sitawushanyela lesiphephelo semanga,
Emanti atawukhukhula lendzawo yekubhaca.
18 Sivumelwane lenisente neKufa sitawucedvwa,
Nesivumelwane lenisente neliThuna,* angeke sichubeke sikhona.+
Ngesikhatsi sikhukhula lesinemandla sendlula,
Sitanifihlita.
19 Nome nini nasendlula,
Sitanikhukhula;+
Ngobe sitakwendlula njalo ekuseni,
Sendlule emini nasebusuku.
Kwesaba kakhulu kuphela lokutabenta bakucondze loko lokuvakele.”*
20 Ngobe lombhedze mfisha kakhulu, awukhoni kutelula kuwo,
Indvwangu leyelukiwe yincane kakhulu kutsi ungatigoca ngayo.
21 Ngobe Jehova utawusukuma njengaseNtsabeni iPherasimu;
Utawusukuma njengasesihosheni* lesiseceleni kweGibeyoni,+
Kuze ente umsebenti wakhe, lokungumsebenti wakhe longaketayeleki,
Kuze afeze umsebenti wakhe, lokungumsebenti wakhe longakavami.+
22 Nyalo-ke yekelani lokuphukuta,+
Kuze tinketane leniboshwe ngato tingaciniswa kakhulu kunakucala,
Ngobe ngivile eNkhosini Lephakeme Jehova wemabutfo,
Kutsi sekukhishwe sincumo sekutsi lonkhe lelive* litawubhujiswa.+
23 Bekani indlebe, nilalele livi lami;
Nakani futsi nilalele loko lengikushoko.
24 Umlimi uchubeka alima lilanga lonkhe yini ngaphambi kwekutsi ahlanyele?
Uyachubeka yini agucula, futsi abulale emagadze ensimini yakhe?+
25 Nasekayilungise kahle,
Akasakati yini ikhumini lemnyama, ahlanyele ikhumini,
Akahlanyeli yini kolo, emabele kanye nebhali etindzaweni tako
27 Ngobe ikhumini lemnyama ayibhulwa ngesihliphi,+
Lisondvo lenkalishi alihanjiswa etikwekhumini.
Kunaloko, ikhumini lemnyama ibhulwa ngendvuku,
Futsi ikhumini ibhulwa ngemzaca.
28 Umuntfu nakabhula uyakusila yini lokutinhlavu kuze ente sinkhwa?
Cha, akakubhuli siphelane;+
Futsi nakachuba emasondvo enkalishi yakhe yekubhula etikwako ngemahhashi akhe,
Akakusili.+
29 Loku nako kubuya kuJehova wemabutfo,
Loneseluleko* lesihle
29 “Maye nge-Ariyeli,* i-Ariyeli lidolobha Davide lamisa kulo emathende.+
Chubekani umnyaka ngemnyaka;
Imijikeleto yemikhosi+ ayichubeke.
2 Kodvwa ngitawuletsa kucindzeteleka etikwe-Ariyeli,+
Futsi kutawukhalwa kulilwe,+
Kimi itawufana nelitiko leli-al’thare laNkulunkulu.+
3 Ngitawumisa emathende kuto tonkhe tinhlangotsi takho,
Ngitakuvimbetela ngelutsango lwetingodvo
Futsi ngitakwakha tintfo tekukuvimbetela.+
4 Wena utawutfotjiswa;
Utawukhuluma uphansi emhlabatsini,
Futsi lokushoko kutawudliwa lutfuli.
Livi lakho litawusuka phansi emhlabatsini+
Njengelivi lesangoma,
Emavi akho atawunswininita avela elutfulini.
5 Sicumbi setitsa* takho sitawufana nemphuphu lecolisakele,+
Sicumbi sebabusi labacindzetelanako sitawufana ncamashi netimphephelezi letipheshulwa ngumoya.+
Loko kutakwenteka ngekuphatima kweliso, ngekushesha lokukhulu.+
6 Jehova wemabutfo utawugucukela kuwe
Ngekudvuma kwelitulu, ngekutamatama kwemhlaba nangemsindvo lomkhulu,
Ngemoya wesiphepho, ngesivunguvungu nangemalangabi emlilo locotfulako.”+
7 Ngemuva kwaloko, sicumbi sato tonkhe tive letilwa imphi ne-Ariyeli,+
Tonkhe leto letilwa nayo,
Imibhoshongo yekuyivimbetela,
Nalabo lababanga kucindzeteleka kuyo,
Batawuba njengeliphupho, babe njengembono wasebusuku.
8 Kutawufana nalapho umuntfu lolambile aphupha adla,
Kodvwa avuke alambile,*
Futsi kutawufana nalapho umuntfu lowomile aphupha anatsa,
Kodvwa avuke adziniwe futsi omile.*
Kutakwenteka ngaleyondlela esicunjini sato tonkhe letive
Letilwa imphi neNtsaba iSiyoni.+
Badzakiwe kodvwa abakadzakwa liwayini;
Bayayendza kodvwa abayendziswa tjwala.
10 Ngobe Jehova utfululele umoya webutfongo lobukhulu kini;+
Uvale emehlo enu, baphrofethi,+
Umbonye tinhloko tenu, baboni bemibono.+
11 Wonkhe umbono kini ufana nemagama lasencwadzini levaliwe.+ Nabayiniketa lotsite lokhonako kufundza, batsi: “Sicela ufundze nayi incwadzi, ufundze kuvakale,” yena utawutsi: “Angeke ngikhone ngobe ivaliwe.” 12 Nabayiniketa lotsite lencwadzi longakwati kufundza, batsi: “Sicela ufundze nayi incwadzi,” yena utawutsi: “Angikwati sanhlobo kufundza.”
13 Jehova utsi: “Labantfu bakhuluma nami ngemilomo yabo
Futsi bayangidvumisa ngetindzebe tabo,+
Kodvwa inhlitiyo yabo ikhashane kakhulu nami;
Futsi kungesaba kwabo kusekelwe emiyalweni labayifundziswe bantfu.+
14 Ngako, ngimi lotawuphindze ente tintfo letimangalisako ngalabantfu,+
Ngesimangaliso etikwesimangaliso;
Futsi kuhlakanipha kwebantfu bakhona labahlakaniphile ngitakwenta kushabalale,
Nekucondza kwebantfu babo labanekucondza, kutawufihlwa.”+
15 Maye kulabo labahamba emabanga lamadze kute bayofihlela Jehova emachinga*+ abo.
Imisebenti yabo yentelwa endzaweni lemnyama,
Babe batsi: “Ngubani losibonako?
Ngubani lowatiko ngatsi?”+
16 Niguculela tintfo!*
Umbumbi angafananiswa yini nelubumba?+
Loko lokwentiwe kungakhuluma yini ngaloyo lokwentile kutsi:
“Akazange angakhe”?+
Loko lokubunjiwe kuyasho yini ngembumbi wako kutsi:
“Akati lutfo”?+
17 Ngesikhashana nje, iLebanoni itawentiwa insimu yetitselo,+
Futsi lensimu yetitselo itawutsatfwa njengelihlatsi.+
18 Ngalelolanga, labangeva etindlebeni bataweva emavi alencwadzi,
Futsi emehlo alabangaboni atawubona ebumnyameni lobukhulu.+
19 Labamnene batawujabula kakhulu ngaJehova,
Labeswele batawujabula ngaLongcwele waka-Israyeli.+
20 Ngobe umbusi locindzetelako ngeke asaba khona,
Nemuntfu lotishaya sifuba utawuphela,
Nabo bonkhe labahlale balungele kwenta umonakalo batawubhujiswa,+
21 Labo labakhuluma emanga kuze bente labanye balahlwe licala,
Labambekela lugibe loyo loteka emacala egedeni lelidolobha,+
Nalabo labamehlulela kabi lolungile ngekusebentisa timphikiswane letilite.+
22 Ngako-ke, naku Jehova lakushoko endlini yaJakobe, loyo lowahlenga Abrahama:+
23 Ngobe nakabona bantfwana bakhe,
Labangumsebenti wetandla tami, emkhatsini wabo,+
Batawungcwelisa libito lami;
Nakanjani batawungcwelisa Longcwele waJakobe,
Futsi batakuma bamangaliswe nguNkulunkulu wema-Israyeli.+
24 Labo labanhlanhlatsako batawutfola kucondza,
Futsi labo labakhononako batakwemukela sicondziso.”
30 Jehova utsi: “Maye kulamadvodzana lanenkhani,+
Lenta tintfo letingakahlelwa ngimi,+
Akha budlelwane* kodvwa hhayi ngemoya wami,
Kuze engete sono etikwalesinye.
2 Ehlela eGibhithe+ angakatsatsisi kimi,*+
Kuze akhosele ngephansi kwesivikelo saFaro*
Aphindze akhosele emtfuntini waseGibhithe!
3 Kodvwa kuvikelwa nguFaro kutanibangela kutsi nidliwe ngemahloni,
Kukhosela emtfuntini waseGibhithe kutanibangela kutsi nihlazeke.+
4 Ngobe tindvuna takhe tiseSowani,+
Futsi bantfu labahamba naye sebafike eHanesi.
5 Bonkhe batawuhlazeka
Batawuhlaziswa bantfu labangeke babazuzise ngalutfo,
Labangabasiti ngalutfo nalabangabazuzisi ngalutfo,
Kodvwa lababaletsela lihlazo nje kuphela nekudliwa ngemahloni.”+
6 Simemetelo lesimelene netilwane taseningizimu:
Eveni lekucindzeteleka nebumatima,
Eveni lelibhubesi, lokulibhubesi lelibhodlako,
Eveni lenyoka lenebutsi nenyoka lendizako lekhipha umlilo,*
Balayisha umcebo wabo emihlane yetimbongolo
Netintfo tabo batilayisha emalundzeni emakamela.
Kodvwa letintfo angeke tibasite labantfu.
7 Ngobe lusito lweGibhithe alunamsebenti nje sanhlobo.+
Ngako lona ngimbite ngekutsi: “NguRahabi,*+ lohlala anganyakati.”
8 “Nyalo-ke, hamba uyokubhala etjeni lelisibhelekece babe bakhona nabo,
Bese ukubhala encwadzini,+
Kuze kusebente esikhatsini lesitako
Ibe bufakazi lobuhlala njalo.+
10 Batsi kubaboni bemibono: ‘Yekelani kubona imibono,’
Batsi nakubaphrofethi: ‘Ningasitjeli tiphrofetho letiliciniso.+
Sitjeleni tintfo letitasichaza;* nibone imibono lekhohlisako.+
11 Sukani endleleni; khweshani kulendlela.
Yekelani kubeka Longcwele waka-Israyeli embikwetfu.’”+
12 Ngako-ke, naku lokushiwo nguLongcwele waka-Israyeli:
“Njengobe anililaleli lelivi+
Netsembele ekukhwabaniseni nasekukhohliseni
Futsi netsembele kuletintfo,+
13 Ngako leliphutsa litawuba lenu njengelubondza lolubhidlikile,
Njengelubondza loludze kakhulu loselutakuwa.
Lutawubhidlika ngekutumeka lokukhulu, ngesikhashana nje.
14 Lutawuphihlika njengeludziwo lolukhulu lwembumbi,
Lutawuphihlika ngalokuphelele kangangekutsi ngeke kusale ngisho nelucetu
Kute kususwe umlilo etiko
Nobe kukhiwe emanti esicojeni.”
15 Ngobe naku lokushiwo yiNkhosi Lephakeme Jehova, Longcwele waka-Israyeli:
“Ngekubuyela kimi nangekuphumula nitawusindza;
Nitawuba nemandla nangabe ningeke nesabe futsi nitawetsembela kimi.”+
Kodvwa nine beningakatimiseli kwenta njalo.+
16 Esikhundleni saloko nitsite: “Hhayi, sitawubaleka ngemahhashi!”
Nitawubaleka vele.
Natsi: “Sitawugibela emahhashi lagijima kakhulu!”+
Ngako labo labanicoshako nabo batawugijima ngelitubane lelikhulu.+
17 Bantfu labayinkhulungwane batawesatjiswa kuhlaselwa ngumuntfu munye;+
Nitawubaleka ngenca yekuhlaselwa bantfu labasihlanu
Kuze kube ngulapho tintfo tenu letisele tifana nelipali lelidze lelisetulu entsabeni,
Kufane nelipali leliluphawu lelisetulu egcumeni.+
Ngobe Jehova unguNkulunkulu lowehlulela ngekulunga.+
Bayajabula bonkhe labo labahlale balindzele* yena.+
19 Angeke nikhale+ ngesikhatsi bantfu sebahlala eSiyoni, lokuyiJerusalema.+ Nakanjani utanentela umusa nakeva kukhalela kwenu lusito; utaniphendvula ngekushesha.+ 20 Ngisho nome Jehova ataninika sinkhwa njengekucindzeteleka, nemanti njengekuhlushwa,+ uMfundzisi wenu Lomkhulu angeke asatifihla futsi nitambona uMfundzisi wenu Lomkhulu+ ngemehlo enu. 21 Tindlebe tenu titawuva livi emvakwenu litsi, “Nayi indlela.+ Hambani ngayo,” nakutakwenteka niye ngesekudla nome niye ngesencele.+
22 Nitawungcolisa lisiliva lokuhucwe ngalo tithico tenu letidvwetjiwe neligolide lokuhucwe ngalo tithico tenu tensimbi.*+ Nitatilahla njengendvwangu yalomsikati losesikhatsini bese nitsi kuto, “Hambani!”*+ 23 Yena utawunisa imvula yenhlanyelo yakho loyihlanyele emhlabatsini,+ nekudla lokukhicitwa ngumhlabatsi kutawuba kunyenti futsi kube nemsoco.*+ Ngalelolanga imfuyo yakho itawudla emadlelweni lamakhulu.+ 24 Tinkhomo netimbongolo letitawube tilima tiyawudla ifolishi lenongwe ngembhidvo, leyeliwe ngelifosholo nemfologo. 25 Kuto tonkhe tintsaba letindze nakuwo onkhe emagcuma lamadze, kuyawuba nemifudlana kanye nemisele yemanti+ ngelilanga lokuyobulawa ngalo bantfu labanyenti, mhlazana kuwa imibhoshongo. 26 Kukhanya kwenyanga legcwele kutawufana nekukhanya kwelilanga; nekukhanya kwelilanga kutawuba nemandla ngalokuphindvwe kangu-7,+ kufane nekukhanya kwemalanga langu-7 lokuhlanganisiwe kwakhanya ngelilanga linye, ngelilanga Jehova latawubabopha ngalo linceba lebantfu bakhe,+ aphindze elaphe emanceba lamakhulu labangelwa sishayo labaletsele sona.+
27 Libito laJehova lisuka khashane kabi,
Livutsa lulaka lwakhe kanye nemafu lamnyama.
Tindzebe takhe tigcwele intfukutselo,
Lulwimi lwakhe lunjengemlilo locotfulako.+
28 Umoya wakhe ufanana nesikhukhula lesinemandla lesifika entsanyeni,
Lesinyakatisa tive ngesisefo sembhubhiso;*
Futsi bantfu batawufakwa ematomu ladukisako emihlatsini yabo.+
29 Kodvwa ingoma yenu itawufana nengoma lehlatjelwa ebusuku
Futsi inhlitiyo yenu itawujabula njengeyemuntfu
Lohamba ashaya* umntjingo
Nakaya entsabeni yaJehova, eDvwaleni laka-Israyeli.+
30 Jehova utakwenta livi lakhe lelihloniphekile+ livakale
Aphindze embule umkhono wakhe+ njengobe wehla ngentfukutselo lenkhulu,+
Ngelilangabi lemlilo locotfulako,+
Ngemvula lenkhulu+ lefika ngekushesha nekudvuma kanye nangesangcotfo.+
32 Konkhe kujikita kwentfonga yakhe yesijeziso
Leso Jehova latasiletsa e-Asiriya,
Kutawuhambisana nemathamborine nemahabhu+
Nakelula umkhono wakhe ulungele kubahlasela emphini.+
Wente indvundvuma yetinkhuni yaba yindze futsi yaba banti kakhulu,
Ngemlilo lomkhulu netinkhuni.
Kuphefumula kwaJehova kufana nemfula wesibabule,
Utayilumeka ngemlilo.
31 Maye kulabo labehlela eGibhithe kuze batfole lusito!+
Labo labetsembele emahhashini,+
Labetsembele etincoleni temphi ngobe titinyenti,
Nasemahhashini emphi* ngobe anemandla.
Kodvwa abaketsembeli kuLongcwele waka-Israyeli,
Futsi abatihluphi ngekufuna Jehova.
2 Yena uhlakaniphile futsi utawuletsa inhlekelele,
Ngeke awahocise emavi akhe.
Utawusukuma amelane nendlu yebenti balokubi
Kanye nalabo labasita benti balokubi.+
3 Kodvwa baseGibhithe babantfu nje, abasuye Nkulunkulu;
Emahhashi abo ayinyama awasiwo umoya.+
Ngesikhatsi Jehova elula sandla sakhe,
Nome ngubani lotawuniketa lusito utawugileka
Futsi nome ngabe ngubani lotawusitwa utakuwa;
Bonkhe batawubhubha ngesikhatsi sinye.
4 Ngobe naku Jehova lakushito kimi:
“Njengobe nje libhubesi libhodla, libhubesi lelincane lelinemandla, nalibona silwane lelingasidla,
Nakubitelwa licembu lebelusi ndzawonye kutsi litolwa nalo,
Lelibhubesi aletfuswa ngumsindvo walelicembu
Nobe lesatjiswe ngumsindvo walo,
Kanjalo naJehova wemabutfo utakwehla atokulwa imphi
EtikweNtsaba iSiyoni nasegcumeni layo.
5 Njengetinyoni letindizako, naJehova wemabutfo utayivikela iJerusalema.+
Utayivikela aphindze ayisindzise.
Utayisindzisa aphindze ayilamulele.”
6 “Awu nine bantfu baka-Israyeli, buyelani kuLoyo lenimvukele.+ 7 Ngobe ngalelolanga, nguloyo naloyo utawulahla bonkulunkulu bakhe belisiliva labangenamsebenti kanye nabonkulunkulu bakhe beligolide labangasiti ngalutfo, labentiwe tandla tenu letinesono.
8 Um-Asiriya utawubulawa ngenkemba, hhayi ngenkemba yemuntfu;
Futsi utawushwabadzelwa yinkemba lengasiyo yemuntfu.+
Utawubaleka ngenca yalenkemba,
Nemajaha akhe atawusetjentiswa ngenkhani.
9 Lidvwala lakhe litawushabalala ngenca yekwesaba,
Futsi tindvuna takhe titakwesatjiswa lipali lelisibonakaliso,” kusho Jehova,
Loyo kukhanya* kwakhe lokuseSiyoni nemlilo wakhe lomkhulu loseJerusalema.
2 Ngamunye wato utawuba njengendzawo yekukhosela nakunemoya,
Indzawo yekukhosela nakunemvula lenesiphepho,
Utawuba njengemitfombo yemanti eveni lelite emanti,+
Utawuba njengemtfunti welidvwala lelikhulukati eveni lelome kakhulu.
3 Emehlo alabo lababonako angeke asavaleka,
Netindlebe talabo labevako titawulalelisisa.
4 Inhlitiyo yalabanemawala itawucabangisisa ngelwati,
Nelulwimi lolungingitako lutawukhuluma ngekushelela futsi lutawuvakala kahle.+
5 Umuntfu longenangcondvo angeke kusatsiwa uyephana,
Nalongatiphatsi kahle angeke kusatsiwa ucotfo;
6 Ngobe umuntfu longenangcondvo utawukhuluma umbhedvo,
Nenhlitiyo yakhe itakwakha emachinga lamabi,+
Kuze akhutsate kuhlubuka* nekukhuluma tintfo letimelene naJehova,
Kuze abangele lolambile* kutsi ahambe angakadli
Aphindze abangele kutsi lowomile angakutfoli kwekunatsa.
7 Emachinga emuntfu longatiphatsi kahle mabi;+
Ukhutsata kutiphatsa lokuhlazisako
Kuze one locindzetelekile ngemanga,+
Ngisho nome lohluphekile akhuluma lokuliciniso.
8 Kodvwa umuntfu lowephanako unetisusa tekwephana,
Futsi akayekeli kwephana.
9 “Nine bafati lenenetiswa nguloko leningiko, sukumani nilalele livi lami!
Nine madvodzakati leningenandzaba nalutfo,+ nakisisani loko lengikushoko!
10 Ngetudlwana nje kwemnyaka, nine leningenandzaba nalutfo nitawuchachateliswa kwesaba,
Ngobe kute titselo letitawube tivuniwe nakuphela sikhatsi sekuvunwa kwemagilebisi.+
11 Chachateliswani kwesaba nine bafati lenenetiswa nguloko leningiko!
Chachateliswani kwesaba nine leningenandzaba nalutfo!
Khumulani nibe ngcunu,
Bese nibopha tindvwangu temasaka etinkhalo.+
12 Tishayeni emabele nilile
Nililele emasimu latsandzekako nemasimu emagilebisi latselile.
13 Ngobe indzawo yebantfu bami itawugcwala emanyeva netimbali tesiganga letinemanyeva;
Titawugcwala kuto tonkhe tindlu lokuhlala kujatjuliwe kuto,
Kutawuba njalo-ke edolobheni lenjabulo.+
14 Ngobe umbhoshongo lovikelekile sewulahliwe;
Lidolobha lelinemsindvo selishiyiwe.+
I-Ofeli+ nesicongosekulindza sekusiganga lesingeke siphindze sibe nalutfo,
Sekube yindzawo lakujabula khona timbongolo tesiganga,
Nelidlelo lemihlambi,+
15 Kuze kube ngulapho umoya lovela ezulwini utfululelwa kitsi,+
Lugwadvule selube yinsimu yetitselo,
Nensimu yetitselo seyitsatfwa njengelihlatsi.+
16 Ngemuva kwaloko, kwehlulela kahle kutawuhlala ehlane,
Nekulunga kutawuhlala ensimini yetitselo.+
17 Umphumela wekulunga sibili utawuba kuthula,+
Nesitselo sekulunga sibili sitawuba kuthula lokungapheli kanye nekuphepha.+
18 Bantfu bami batawuhlala endzaweni lenekuthula kwaphakadze,
Batawuhlala etindzaweni letiphephile nasetindzaweni tekuphumula letinekuthula.+
19 Kodvwa sangcotfo sitalilalisa phansi lelihlatsi,
Nalelidolobha litawuphela nya!
20 Niyajabula nine lenihlanyela inhlanyelo nobe ngukuphi lakunemanti khono,
Nine lenikhulula inkunzi kanye nembongolo.”+
33 Maye kuwe, wena mbhubhisi longakabhujiswa;+
Wena mtsengisi longakatsengiswa!
Utawutsi nawucedza kubhubhisa, nawe ubhujiswe.+
Utawutsi nawucedza kutsengisa labanye, nawe utsengiswe.
2 Awu Jehova, sentele umusa.+
Litsemba letfu likuwe.
3 Ngesikhatsi semsindvo wekudideka, tive tiyabaleka.
Nawusukuma wena, tive tigcwala tiganga.+
4 Njengesikhonyane lesishwabadzelako lesibutsana ndzawonye, tintfo lenititsatsele tona titawubutsiswa ndzawonye;
Bantfu batawugijimela kuto njengelibulo letintsetse.
5 Jehova utawuphakanyiswa,
Ngobe uhlala etulu endzaweni lephakeme.
ISiyoni utayigcwalisa ngekwehlulela kahle nangekulunga.
6 Nguye lonenta nivikeleke;
Ugcwele insindziso,+ kuhlakanipha, lwati kanye nekwesaba Jehova,+
Loku kungumcebo wakhe.
7 Emachawe abo ayamemeta esitaladini;
Titfunywa tekuthula tikhala kabuhlungu.
8 Imigwaco lemikhulu ilahliwe;
Kute lohamba kuleto tindlela.
9 Lelive liyalila* futsi liyabuna.
ILebanoni ihlazekile;+ ibole phuhlu.
ISharoni seyifana nelugwadvule,
Futsi iBhashani neKhameli ihhohlota emacembe.+
11 Nemitsa tjani lobomisiwe, nitale tinhlanga.
Umoya wenu utanidla njengemlilo.+
12 Tive titawuba njengekuvutsa kwemcakatfo.
Njengemanyeva lageciwe, titawushiswa ngemlilo.+
13 Nine lenikhashane, lalelani loko lengitakwenta!
Nani lenidvutane, wavumeni emandla ami!
14 Toni letiseSiyoni tiseluvalweni;+
Kwesaba kubambe letihlubuki:
‘Ngubani kitsi longaphila lapho kunemlilo locotfulako khona?+
Ngubani kitsi longaphila lapho kunemalangabi langacimeki khona?’
15 Loyo lochubeka ahamba ngekulunga,+
Lokhuluma liciniso,+
Lolahla kungetsembeki, nenzuzo yekukhwabanisa,
Loyo tandla takhe letingakwemukeli kudizelwa,+
Loyo lovala indlebe yakhe kulabo labakhuluma ngekucitsa ingati,
Naloyo lovala emehlo akhe kute angakuboni lokubi
16 Nguye lotawuhlala etindzaweni letiphakeme;
Siphephelo* sakhe sitawuba semadvwaleni lokulukhuni kufika kuwo,
Utawuniketwa sinkhwa,
Futsi emanti akhe angeke aphele.”+
17 Emehlo akho atawubona inkhosi lekhatimulako;
Atawubona live lelikhashane.
18 Enhlitiyweni yakho utawukhumbula* lenhlekelele, bese utsi:
“Uphi mabhalane?
Uphi loyo lobekakala tetfulo?+
Uphi loyo lobekabala imibhoshongo?”
19 Angeke uphindze ubone bantfu labaluhlata,
Lokubantfu labakhuluma lulwimi lolulukhuni* kakhulu kutsi ungaluva,
Labo labanelulwimi lolungingitako futsi longeke ubeve.+
20 Buka iSiyoni, lidolobha lemikhosi yetfu!+
Emehlo akho ayawubona iJerusalema iyindzawo yekuhlala lenekuthula,
Lithende lelingeke lisuswe.+
Tikhonkhwane talo angeke tinyomulwe,
Futsi kute tintsambo talo letitawudzatjulwa.
21 Kodvwa kuleyondzawo, Loyo Lohloniphekile, longuJehova,
Utawuba sifundza semifula kitsi, nemisele lebanti,
Kute imikhumbi letawuhamba khona
Futsi kute nemikhumbi lehloniphekile letakwendlula lapho.
22 Ngobe Jehova unguMehluleli wetfu,+
Jehova unguMnikimtsetfo wetfu,+
Jehova uyiNkhosi yetfu;+
Nguye lotasisindzisa.+
23 Tintsambo takho titawulenga tingakaboshwa;
Angeke tikwati kumisa lipali futsi angeke tikwati kuvula liseyili.
Ngaleso sikhatsi, kutawuhlukaniselwana tintfo letinyenti letatsatfwa emphini;
Ngisho nalabachutako batatitsatsela tintfo letinyenti kakhulu.+
24 Kute lohlala khona* loyawutsi: “Ngiyagula.”+
Bantfu labahlala eveni batawube bacolelwe emaphutsa abo.+
34 Sondzelani nitokuva nine tive,
Nakisisani nine bantfu.
Umhlaba nako konkhe lokugcwele kuwo akulalele,
Live kanye nawo wonkhe umkhicito walo akulalele.
2 Ngobe intfukutselo yaJehova itawuvutsela tonkhe tive,+
Futsi lulaka lwakhe lutawuvutsela onkhe emabutfo ato.+
Utawabhubhisa onkhe awacedze;
Utawabulala.+
3 Bantfu baletive lababulewe batawulahlwa ngaphandle,
Liphunga lelibi letidvumbu tabo litakwenyuka;+
4 Lonkhe libutfo lasemazulwini litawubola,
Futsi emazulu atawugocotwa njengemculu.
Lonkhe libutfo lawo litawubuna,
Njengelicembe lelibunile lelidzilika esihlahleni semagilebisi
Nanjengelikhiwa lelishwaphene lelidzilika esihlahleni semkhiwa.
5 “Ngobe inkemba yami itawuba manti nte isemazulwini.+
Itakwehlela ka-Edomu nesehlulelo,+
Kubantfu lengibabhubhisile.
6 Jehova unenkemba; itawugcwala ingati.
Itawugcwala emafutsa,+
Itawugcwala ingati yetimvu letindvuna letisetincane neyetimbuti letindvuna letisetincane,
Itawugcwala emafutsa etinso tetimvu letindvuna.
Ngobe Jehova unemhlatjelo eBhosra,
Utawenta kutsi kucitseke ingati lenyenti eveni laka-Edomu.+
7 Tinkunzi tesiganga titakwehla naletilwane,
Tinkunzana tehle nemachawe.
Live labo litawugcwala ingati,
Nelutfuli lwelive labo lutawugcwala emafutsa.”
9 Imifudlana yakhona* itawuguculwa ibe litiyela,
Nelutfuli lwakhona lutawuba sibabule,
Futsi live lakhona litawuba njengelitiyela lelivutsako.
10 Angeke licime busuku nemini;
Intfutfu yalo itawubhunya kuze kube phakadze.
Litawuhlala litindzala titukulwane ngetitukulwane;
Kute umuntfu lotakwendlula khona phakadze naphakadze.+
11 Livuba nengungumbane kutawutsatsa lelive libe lako,
Tikhova letinemadlebe lamadze kanye netinyoni titawuhlala khona.
Yena utakwelulela intsambo yekukala etikwalo kuze akhombise kutsi litawusala lingenalutfo
Elulele nentsambo yekucondzisa* lekhombisa kutsi litawusala litindzala.
12 Kute labahlonishwako bakhona labayawubitwa kutsi batsatse bukhosi,
Futsi tonkhe tindvuna takhona tiyawuba lite.
13 Kutawumila emanyeva emibhoshongweni yakhona levikelekile,
Kutawumila emanyeva nelukhula lolunemanyeva etindzaweni takhona letivikelekile.
14 Tilwane taselugwadvule titawuhlangana netilwane letishaya umkhulungwane,
Imbuti yesiganga* itawubita umngani wayo.
Tinyoni tasebusuku titawuhlala khona tititfolele indzawo yekuphumula.
15 Inyoka iyawukwakha sidleke sayo khona, italele emacandza,
Itawachobosela bese iwabutsela emtfuntini wayo.
Nabolohheya batawubutsana khona, nguloyo naloyo ahlale nesingani sakhe.
16 Tifuneleni nine encwadzini yaJehova futsi niyifundze ngelivi lelivakalako:
Kute ngisho nakunye lokutawushoda;
Kute ngisho nakunye lokutaweswela umlingani,
Ngobe ngumlomo waJehova lokhiphe lomyalo,
Futsi ngumoya wakhe lokwente kwahlangana ndzawonye.
17 Nguye lobashayele inkatho,
Nesandla sakhe ngiso lesikale indzawo lababelwe yona.*
Itawuba lifa labo kuze kube phakadze;
Batawuhlala kuyo kuto tonkhe titukulwane.
35 Lihlane nendzawo leyomile kutawujabula,+
Indzawo lebekile lelugwadvule itawujabula kakhulu, ichakaze njengembali.*+
2 Nakanjani itawuchakaza;+
Itawujabula, imemete ngenjabulo.
Batawubona inkhatimulo yaJehova, babone buhle baNkulunkulu wetfu.
3 Cinisani tandla letibutsakatsaka,
Nicinise nemadvolo lacegako.+
4 Khulumani nalabo labanetinhlitiyo letikhatsatekile nitsi:
“Cinani. Ningesabi.
Nkulunkulu wenu utawuta atophindzisela,
Nkulunkulu utawuta nesijeziso.+
Utawuta atonikhulula.”+
6 Ngaleso sikhatsi, labachutako bayawugcumagcuma njengenyamatane,+
Nelulwimi lwalabangakhulumi luyawumemeta ngenjabulo.+
Ngobe kuyawuphuma emanti ehlane,
Kube nemifudlana endzaweni lebekile lelugwadvule.
7 Indzawo leyomiswe kushisa iyawuba sitiba lesigcwele umhlanga,
Nendzawo leyomile iyawuba netiyalu temanti.+
8 Umgwaco lomkhulu uyawuba lapho,+
Umgwaco lobitwa ngekutsi Ngumgwaco Webungcwele.
Umuntfu longakahlanteki angeke ahambe kuwo.+
Lomgwaco waloyo lohamba kuwo kuphela;
Kute silima lesiyawudukela kuwo.
9 Kute libhubesi leliyawuba lapho,
Futsi kute tilwane tesiganga letiyingoti letiyawuhamba kuwo.
10 Labo labatawube bahlawulelwe nguJehova bayawubuyela+ eSiyoni bamemeta ngenjabulo.+
Injabulo lengapheli iyawuba ngumchele etinhloko tabo.+
Injabulo nentfokoto kuyawuba kwabo,
Lusizi nekulila kuyawubaleka.+
36 Ngemnyaka wesi-14 wekubusa kweNkhosi Hezekiya, Senaheribi inkhosi yase-Asiriya,+ wakhuphuka wayohlasela onkhe emadolobha labiyelwe akaJuda futsi wawancoba.+ 2 Inkhosi yase-Asiriya yabese itfumela Rabushake*+ nelibutfo lelikhulu lebelisuka eLakhishi,+ yalitfumela eNkhosini Hezekiya yaseJerusalema. Lafike lamisa emathende eceleni kwemsele wesitiba lesingenhla,+ lesisemgwacweni lomkhulu wensimu yemwashi wetimphahla.+ 3 Eliyakimu+ indvodzana yaHilkiya, lobekabuke indlu,* naShebna+ mabhalane kanye naJowa umgcini mabhuku futsi loyindvodzana ya-Asafa, babese bayaphuma baya kuye.
4 Ngako Rabushake watsi kubo: “Ngicela nitsi kuHezekiya, ‘Naku lokushiwo yinkhosi lenkhulu, inkhosi yase-Asiriya, itsi: “Wena wetsembeni?+ 5 Utsi: ‘Nginelichinga nemandla ekulwa imphi,’ kodvwa lawo mavi alite. Ulibeke kubani litsemba lakho kutsi ungaze ube nesibindzi lesingaka sekungivukela?+ 6 Wetsembele ekusitweni ngulomhlanga lofohlokile, lokuyiGibhithe, lokutsi ngisho umuntfu angatsi ubambelela kuwo angahlabeka sandla alimale. Unjalo-ke Faro inkhosi yaseGibhithe kubo bonkhe labetsembele kuye.+ 7 Naningatsi kimi: ‘Setsembele kuJehova Nkulunkulu wetfu,’ akusuye yini lona Hezekiya lasuse tindzawo takhe letiphakeme nema-al’thare,+ abe atsi kubantfu bakaJuda nebaseJerusalema: ‘Kufanele nikhotsame embikwaleli-al’thare’?”’+ 8 Ngako nyalo ngicela ubheje nenkhosi yami, inkhosi yase-Asiriya,+ ngitakunika emahhashi langu-2 000 nawungakhona kuwatfolela bagibeli. 9 Ungakwenta kanjani-ke kutsi ubuyisele emuva indvuna yembuso lenesikhundla lesiphansi kakhulu etincekwini tenkhosi yami, ube ubeke litsemba lakho eGibhithe kutsi ikunike tincola nebagibeli bemahhashi? 10 Akusuye yini Jehova lokhiphe umyalo wekutsi angikhuphuke ngitoyihlasela? Jehova lucobo lwakhe utsite kimi, ‘Khuphuka uyohlasela lelive uphindze ulincobe.’”
11 Nabeva loko, bo-Eliyakimu naShebna+ kanye naJowa batsi kuRabushake:+ “Sicela ukhulume netinceku takho ngelulwimi lwesi-Aramu*+ ngobe ngilo lesiluvako; ungakhulumi natsi ngelulwimi lwemaJuda ngobe kuva bonkhe labantfu labaselubondzeni.”+ 12 Kodvwa Rabushake watsi: “Inkhosi yami ingitfume kutsi ngikhulume lamavi enkhosini yenu nakini kuphela yini? Ayikangitfumi yini kutsi ngiwakhulume nakulamadvodza lahleti elubondzeni, latakudla emangcoliso awo, anatse nemichamo yawo kanye nani?”
13 Rabushake wabese uyasukuma, wamemeta ngelulwimi lwemaJuda+ watsi: “Lalelani livi lenkhosi lenkhulu, inkhosi yase-Asiriya.+ 14 Naku lokushiwo yinkhosi, ‘Ningamvumeli Hezekiya aniyenge ngobe angeke akhone kunisindzisa.+ 15 Ningamvumeli Hezekiya kutsi anente netsembele kuJehova+ ngekutsi atsi: “Jehova utasikhulula nakanjani, futsi lelidolobha angeke linikelwe esandleni senkhosi yase-Asiriya.” 16 Ningamlaleli Hezekiya, ngobe naku lokushiwo yinkhosi yase-Asiriya: “Yentani kuthula nami futsi nitinikele. Ngamunye wenu utakudla ensimini yakhe yemagilebisi nasesihlahleni sakhe semakhiwa aphindze anatse emanti emtfonjeni wakhe, 17 kuze kube ngulapho ngita ngitonilandza nginiyise eveni lelinjengelive lenu,+ live lelinalokutinhlavu neliwayini lelisha, live lelinesinkhwa nemasimu emagilebisi. 18 Ningamvumeli Hezekiya kutsi anidukise ngekutsi atsi: ‘Jehova utasikhulula.’ Ukhona yini kulabonkulunkulu betive lokhonile kusindzisa live lakhe esandleni senkhosi yase-Asiriya?+ 19 Baphi bonkulunkulu baseHamathi nase-Aphadi?+ Baphi bonkulunkulu baseSefavayimu?+ Bayikhululile yini iSamariya esandleni sami?+ 20 Ngumuphi emkhatsini wabo bonkhe labonkulunkulu balamave lokhonile kukhulula live lakhe esandleni sami, lokunenta nicabange kutsi Jehova angakhulula iJerusalema esandleni sami?”’”+
21 Kodvwa bebabindzile futsi bangasho lutfo kuye, ngobe inkhosi beyibayale yatsi: “Ningamphendvuli.”+ 22 Ngemuva kwaloko Eliyakimu indvodzana yaHilkiya, lobekabuke indlu,* Shebna+ mabhalane kanye naJowa umgcini mabhuku futsi loyindvodzana ya-Asafa, beta kuHezekiya badzabula tembatfo tabo futsi bamtjela emavi aRabushake.
37 Ngekushesha nje iNkhosi Hezekiya nayiva ngaloku, yadzabula tembatfo tayo, yagcoka indvwangu yelisaka yabese iya endlini yaJehova.+ 2 Yabese itfumela Eliyakimu lobekengamele indlu,* Shebna mabhalane, kanye nebaphristi lababaholi, bonkhe bebagcoke tindvwangu temasaka futsi yabatfumela kumphrofethi Isaya+ indvodzana ya-Amozi. 3 Bafike batsi kuye: “Naku lokushiwo nguHezekiya: ‘Leli lilanga lekucindzeteleka, lilanga lekwetfukwa* nelelihlazo; ngobe bantfwana sebalungele kutalwa* kodvwa kute emandla ekubabeleka.+ 4 Mhlawumbe Jehova Nkulunkulu wakho utaweva emavi aRabushake lotfunywe yinkhosi yase-Asiriya kutsi atohlambalata Nkulunkulu lophilako.+ Yena utamenta atiphendvulele ngemavi Jehova Nkulunkulu wakho lawevile. Ngako ngicela uthantazele+ labantfu labasele futsi labasindzile.’”+
5 Ngako letinceku teNkhosi Hezekiya taya ku-Isaya,+ 6 yena wase utsi kuto: “Naku lokufanele nikusho enkhosini yenu, ‘Nguloku lokushiwo nguJehova: “Ungesabi+ ngenca yalamavi lowevile, emavi tinceku tenkhosi yase-Asiriya+ letingihlambalate ngawo. 7 Ngifaka imicabango engcondvweni yayo,* futsi itawuva umbiko bese ibuyela eveni layo;+ ngitawubese ngibangela kutsi ibulawe ngenkemba eveni layo.”’”+
8 Ngemuva kwekutsi Rabushake sekevile kutsi inkhosi yase-Asiriya iyekele kuvimbetela iLakhishi, wabuyela kuyo wayikhandza ilwa neLibna.+ 9 Lenkhosi yase ibikelwa ngeNkhosi Thihakha yaseTopiya, kwatsiwa: “Nayi, seyifikile itokulwa nawe.” Ngako lenkhosi yase-Asiriya yatsi nayikuva loko, yaphindze yatfumela titfunywa kuHezekiya+ yatsi: 10 “Naku lokufanele nikusho eNkhosini Hezekiya yakaJuda, ‘Ungamvumeli loNkulunkulu wakho lowetsembele kuye kutsi akuyenge ngekutsi atsi: “IJerusalema ngeke inikelwe esandleni senkhosi yase-Asiriya.”+ 11 Angitsi sewuvile kutsi entani emakhosi ase-Asiriya kuwo onkhe emave, awabhubhisa.+ Wena wedvwa-ke ungasindza kanjani? 12 Bonkulunkulu baletive letacotfulwa bokhokho bami, batisindzisa yini?+ Iphi iGozani, iHarani,+ iResefu nebantfu base-Edeni lebebaseThelasari? 13 Iphi inkhosi yaseHamathi, inkhosi yase-Aphadi, nenkhosi yasedolobheni laseSefavayimu,+ laseHena nelase-Iva?’”
14 Hezekiya watsatsa letincwadzi kuletitfunywa wase uyatifundza. Ngemuva kwaloko, wakhuphukela endlini yaJehova wafike watendlala* embikwaJehova.+ 15 Hezekiya wabese uyathantaza embikwaJehova+ watsi: 16 “Awu Jehova wemabutfo,+ Nkulunkulu wema-Israyeli, wena lohleti esihlalweni sebukhosi ngetulu* kwemakherubhi, nguwe wedvwa longuNkulunkulu weliciniso kuyo yonkhe imibuso yemhlabeni. Wena wadala emazulu nemhlaba. 17 Awu Jehova, beka indlebe yakho futsi ulalele!+ Awu Jehova, vula emehlo akho, ubone!+ Lalela onkhe lamavi Senaheribi lawatfumele kute ahlambalate Nkulunkulu lophilako.+ 18 Awu Jehova, kuliciniso kona kutsi emakhosi ase-Asiriya acotfule onkhe emave+ kanye nelive lawo. 19 Ajikijele nabonkulunkulu balamave emlilweni,+ ngobe bebangesibo bonkulunkulu kodvwa bebayimisebenti yetandla temuntfu,+ batingodvo nematje. Kungako akhonile kubabhubhisa. 20 Kodvwa manje, awu Jehova Nkulunkulu wetfu, sisindzise esandleni sakhe, kuze yonkhe imibuso yemhlaba yati Jehova kutsi wena wedvwa unguNkulunkulu.”+
21 Isaya indvodzana ya-Amozi wabese utfumela umlayeto kuHezekiya lotsi: “Naku lokushiwo nguJehova Nkulunkulu wema-Israyeli, ‘Ngenca yemthantazo lowentile kimi mayelana neNkhosi Senaheribi yase-Asiriya,+ 22 nali livi lelikhulunywe nguJehova mayelana nayo:
“Indvodzakati yaseSiyoni leyintfombi ntfo iyakwedzelela, ikuhleka bulima.
Indvodzakati yaseJerusalema ikunikinela inhloko.
23 Ngubani lona lomedzelele+ nalomhlambalatile?
Ngubani lona lomphakamisele livi lakho,+
Nalombuke ngemehlo lanendzelelo?
NguLongcwele waka-Israyeli!+
24 Ngetinceku takho wedzelele Jehova+ watsi,
‘Ngetincola tami temphi letinyenti
Ngitawukhuphukela eticongweni tetintsaba,+
Etindzaweni letikhashane kakhulu taseLebanoni.
Ngitawujuba imisedari yayo lemidze, nemijunipha yayo yelikhetselo.
Ngitawungena endzaweni yayo yekuphumula lesemajukujukwini, emahlatsini ayo lamnyama.
25 Ngitawugubha imitfombo yemanti, nginatse nemanti;
Ngitakomisa imifudlana* yaseGibhithe ngetinyawo tami.’
26 Awukeva yini? Kwahlelwa* kusukela kadzeni.
Loko ngakulungiselela* kusukela emalangeni lendlula.+
Nyalo ngitakuletsa.+
Wena utawenta emadolobha lavikelekile abe tindzala letingahlali muntfu.+
27 Bantfu labahlala kuwo batawuba bantfu labangenamsiti;
Batakwesatjiswa futsi batselwe ngelihlazo.
Batawufana nalokumila esigangeni kanye netjani lobuluhlata,
Batawufana netjani lobuseluphahleni lobuhangulwa ngumoya wasemphumalanga.
28 Kodvwa mine ngikwati kahle kutsi uhlala nini, kutsi uphuma nini nekutsi ungena nini,+
Nesikhatsi longitfukutselela ngaso,+
29 Ngobe kungitfukutselela kwakho+ nekubhavumula kwakho kufikile etindlebeni tami.+
Ngako ngitawufaka lihhuka lami emphumulweni yakho, ngifake nelitomu+ lami etindzebeni temlomo wakho,
Ngitawubese ngiyakuhola ngikubuyisela emuva ngendlela loweta ngayo.”
30 “‘Nalu luphawu lotawubona ngalo:* Kulomnyaka utakudla tintfo letitimilelako;* emnyakeni wesibili utakudla lokutinhlavu lokutawuhluma kuto; kodvwa emnyakeni wesitsatfu utawuhlanyela inhlanyelo uvune, futsi utawuhlanyela emasimu emagilebisi udle titselo tawo.+ 31 Bantfu bendlu yakaJuda labaphunyulile, lokungulabo labatawusala,+ batawufaka phansi imphandze ivete titselo ngetulu. 32 Ngobe labasele batawuphuma eJerusalema, nalabasindzile baphume eNtsabeni iSiyoni.+ Inshisekelo yaJehova wemabutfo itakwenta loko.+
33 “‘Ngako naku lokushiwo nguJehova ngenkhosi yase-Asiriya:+
“Angeke ingene kulelidolobha+
Nobe idubule umcibisholo lapho
Nobe ime embikwalo nelihawu
Nobe yente lutsango lwekuyivimbetela.”’+
34 ‘Itawujika ngendlela lete ngayo;
Angeke ingene kulelidolobha,’ kusho Jehova.
35 ‘Ngitalivikela lelidolobha+ futsi ngitalisindzisa ngenca yelibito lami+
Nangenca yenceku yami Davide.’”+
36 Ingilosi yaJehova yaphuma futsi yabulala emadvodza langu-185 000 lapho ema-Asiriya bekamise khona emathende. Batsi bantfu nabavuka ekuseni ngeluvivi, babona tidvumbu tigcwele yonkhe indzawo.+ 37 Ngako iNkhosi Senaheribi yase-Asiriya yabese iyahamba ibuyela eNineve+ yafike yahlala khona.+ 38 Yatsi isagucile endlini* yankulunkulu wayo Nisroki, emadvodzana ayo, bo-Adrameleki naShareseri, ayibulala ngenkemba+ ase abalekela eveni lase-Ararathi.+ Indvodzana yayo Esahadoni+ yaba yinkhosi esikhundleni sayo.
38 Kulawo malanga Hezekiya wahlatjwa kugula futsi besekagulela kufa.+ Umphrofethi Isaya+ indvodzana ya-Amozi weta kuye watsi, “Naku lokushiwo nguJehova: ‘Niketa umndeni wakho ticondziso, ngobe utawufa; angeke ululame.’”+ 2 Nakeva loko, Hezekiya wagucuka wabuka elubondzeni futsi wacala kuthantaza kuJehova watsi: 3 “Awu Jehova, ngiyakuncenga, ngicela ukhumbule+ indlela lengihambe ngayo ngekwetsembeka embikwakho nangenhlitiyo lephelele,+ futsi ngente lokuhle emehlweni akho.” Hezekiya wabese ucala kudzindza sililo.
4 Kwabese kufika livi laJehova ku-Isaya, latsi: 5 “Buyela emuva ufike utsi kuHezekiya,+ ‘Naku lokushiwo nguJehova Nkulunkulu waDavide khokho wakho: “Ngiwuvile umthantazo wakho.+ Ngitibonile netinyembeti takho.+ Ngitakwengetela iminyaka lengu-15 ekuphileni kwakho,*+ 6 futsi ngitakusindzisa kanye nalelidolobha esandleni senkhosi yase-Asiriya, ngiphindze ngilivikele lelidolobha.+ 7 Nasi sibonakaliso lesivela kuJehova sekukukhombisa kutsi Jehova utalifeza livi lalikhulumile:+ 8 Ngitakwenta sitfunti kuletitebhisi* ta-Ahazi kutsi sibuyele emuva ngetitebhisi letingu-10.”’”+ Ngako lilanga labuyela emuva ngetitebhisi letingu-10 kantsi beseliye embili ngesigaba lesingako.
9 Lawa ngemavi* labhalwa yiNkhosi Hezekiya yakaJuda ngalesikhatsi igula futsi yelulama ekuguleni kwayo.
10 Ngatsi: “Nangisengakagugi
Ngitawungena emagedeni eliThuna.*
Ngeke ngisachubeka ngiphila leleminye iminyaka yami lesele.”
11 Ngatsi: “Angeke ngimbone Jehova, angeke ngimbone Jehova eveni lalabaphilako.+
Angeke ngisababona bantfu
Nasengikulendzawo lapho khona konkhe kungasaphili.
12 Indzawo yami yekuhlala ikhweshisiwe futsi yasuswa kimi+
Njengelithende lemelusi.
Ngigocote imphilo yami njengemeluki;
Kukhona lochubeka angijuba njengemtiya wembongolo yekweluka.
Kusukela emini kuze kube sebusuku, uyangicedzela.+
13 Angesabi kuze kube sekuseni.
Njengelibhubesi, uchubeka angephula onkhe ematsambo ami;
Kusukela emini kuze kube sebusuku, uyangicedzela.+
Emehlo ami abuka etulu aze adzinwe:+
15 Ngingatsini nje?
Yena ukhulumile nami futsi watsatsa sinyatselo.
Ngitawuhlala ngitfobekile kuphila kwami konkhe
Ngenca yekucindzeteleka kwami lokukhulu.*
16 ‘Awu Jehova, bonkhe bantfu baphila ngaletintfo,*
Futsi kuto, kunekuphila kwemoya wami.
Wena utangenta ngelulame futsi ungigcine ngiphila.+
17 Esikhundleni sekuthula ngikhubeke kakhulu;
Kodvwa ngenca yekutsi uyangitsandza,*
Wangisindzisa emgodzini wekufa.+
Tonkhe tono tami, utijike ngemuva kwakho.*+
Labo labehlela emgodzini, angeke babeke litsemba labo ekwetsembekeni kwakho.+
19 Ngulabaphilako kuphela labangakudvumisa,
Njengobe nami ngikhona kukudvumisa lamuhla.
Babe angawafundzisa emadvodzana akhe mayelana nekwetsembeka kwakho.+
20 Awu Jehova ngisindzise,
Sitawudlala tingoma tami ngetinsimbi temculo letinetintsambo+
Onkhe emalanga ekuphila kwetfu sisendlini yaJehova.’”+
21 Isaya wabese utsi: “Letsani likhekheba lemakhiwa lomisiwe nimtfobe ngalo lelitfumba kute elulame.”+ 22 Hezekiya abebutile watsi: “Siyini sibonakaliso sekutsi ngitawukhuphuka ngiye endlini yaJehova?”+
39 Ngaleso sikhatsi, Merodaki-baladani inkhosi yaseBhabhulona, loyindvodzana yaBaladani, watfumela tincwadzi kanye nesipho kuHezekiya+ ngobe bekevile kutsi Hezekiya bekagula futsi besekeluleme.+ 2 Hezekiya watemukela* ngenjabulo letitfunywa futsi watikhombisa indlu yakhe lehlala umcebo+ lobewufaka ekhatsi lisiliva, ligolide, emafutsa ebhalisamu kanye nalamanye emafutsa laligugu, tikhali takhe kanye nako konkhe lobekukhona etindzaweni takhe tekubeka umcebo. Kute Hezekiya langazange atikhombise kona letitfunywa endlini* yakhe nakuyo yonkhe indzawo lebeyingaphansi kwakhe.
3 Ngemuva kwaloko Isaya umphrofethi wefika eNkhosini Hezekiya, wayibuta watsi: “Atsiteni lamadvodza, futsi bekabuyaphi?” Hezekiya watsi: “Bekabuya eveni lelikhashane, eBhabhulona.”+ 4 Wachubeka wambuta watsi: “Yini layibonile endlini* yakho?” Hezekiya waphendvula watsi: “Abone konkhe lokusendlini* yami. Kute lengingakawakhombisi kona etindzaweni tami letihlala umcebo.”
5 Isaya wabese utsi kuHezekiya: “Lalela nali livi laJehova wemabutfo, 6 Jehova+ utsi: ‘Kuta emalanga lapho konkhe lokusendlini* yakho nako konkhe lobekucongelelwe bokhokho bakho kuze kube ngulamuhla, kuyawutsatfwa kuyiswe eBhabhulona. Kute lokuyawusala.+ 7 Lamanye emadvodzana akho lotawatala ayawutsatfwa futsi ayawuba tindvuna tasesigodlweni senkhosi yaseBhabhulona.’”+
8 Hezekiya wabese utsi ku-Isaya: “Livi laJehova lolikhulumile lihle.” Wengeta watsi: “Kuhle nangabe kutawuba nekuthula nenhlalakahle nangisaphila.”*+
40 Nkulunkulu wenu utsi: “Dvudvutani, dvudvutani bantfu bami.+
2 Khulumani nebantfu baseJerusalema nize nitsintse tinhlitiyo* tabo,
Memetelani kubo kutsi umsebenti labaphocelelwe kutsi bawente sewufezekile,
Memetelani kutsi licala labo selihlawulelwe.+
Sebayitfole yonkhe inkhokhelo* yesono sabo esandleni saJehova.”+
3 Livi lalomemetako ehlane litsi:
“Lungisani indlela yaJehova!+
Yakhelani Nkulunkulu wetfu umgwaco lomkhulu locondzile+ lowendlula elugwadvule.+
4 Tonkhe tihosha atiphakanyiswe,
Tonkhe tintsaba nemagcuma akwehliswe.
Indzawo lenetindvudvuma ayilingane,
Indzawo letigodzigodzi ayibe sihosha.+
5 Inkhatimulo yaJehova itakwembulwa,+
Futsi bonkhe bantfu* batayibona kanyekanye+
Ngobe umlomo waJehova ukhulumile.”
6 Lalela! Kukhona lotsi: “Memeta!”
Lomunye uyabuta utsi: “Ngimemete ngitsini?”
“Bonkhe bantfu* banjengetjani lobuluhlata.
Konkhe kwetsembeka* kwabo kufana nembali yesiganga.+
Kuyacaca kutsi labantfu batjani lobuluhlata nje.
8 Tjani lobuluhlata buyoma,
Imbali iyabuna,
Kodvwa livi laNkulunkulu wetfu lihlala kuze kube phakadze.”+
9 Khuphukela entsabeni lephakeme,
Wena mfati loletsa tindzaba letimnandzi eSiyoni.+
Memeta kakhulu,
Wena mfati loletsa tindzaba letimnandzi eJerusalema.
Memeta ungesabi.
Memetela emadolobheni akaJuda utsi: “NanguNkulunkulu wenu.”+
Umvuzo wayo ukuyo,
Nemholo lewubhadele usembikwayo.+
11 Utawunakekela* umhlambi wakhe njengemelusi.+
Ngemkhono wakhe utawubutsela ndzawonye emazinyane etimvu,
Futsi utawabeka esifubeni sakhe.
Utatihola ngesineke leto letimunyisa emazinyane ato.+
Ngubani lobutsise lutfuli lwemhlaba walufaka esikalini+
Nobe lokale tintsaba ngetikali
Nalokale emagcuma ngetikali?
14 Ngubani latsatsise kuye kuze atfole kucondza,
Nome ngubani lomfundzisa indlela yekwehlulela ngekulunga,
Nome amfundzise lwati,
Nome amkhombise indlela yekucondza lokungiko?+
15 Tive tifana nelitfonsi lemanti ebhakedeni,
Futsi titsatfwa njengenhlavu yelutfuli etikalini.+
Uphakamisa tichingi njengelutfuli lolucolisakele.
16 Ngisho neLebanoni ayikeneli kutsi ingenta umlilo uhlale uvutsa,*
Netilwane takhona tesiganga, atikeneli kutsi tingaba ngumnikelo wekushiswa.
18 Ungamcatsanisa nabani Nkulunkulu?+
Yini longamfananisa nayo?+
19 Umbati wenta sithico,*
Losebenta ngensimbi usihuca ngeligolide,+
Aphindze ente tinketane telisiliva.
20 Ukhetsa sihlahla latawunikela ngaso,+
Sihlahla lesingeke sibole.
Ufunisisa umbati lonelikhono
Kuze akhe sithico lesingeke siwe.+
21 Anati yini?
Anikeva yini?
Anitjelwanga yini kusukela ekucaleni?
Anizange nicondzisise yini kusukela kwasekelwa umhlaba?+
22 Kukhona lohlala ngetulu kwendingilizi lengumhlaba,+
Futsi bantfu labahlala kuyo bafanana netintsetse.
Welula emazulu njengendvwangu lecolisakele,
Awendlale njengelithende lokuhlalwa kulo.+
23 Wehlisa tikhulu letiphakeme atente tibe lite
Wenta behluleli* bemhlaba babe yintfo lengekho.
24 Abakahlanyelwa,
Abakatjalwa,
Ticu tabo atikamili timphandze emhlabeni,
Baphuphutsiwe futsi boma,
Umoya ubaphephule njengetinhlanga.+
25 Longcwele utsi: “Ningangifananisa nabani, futsi ngubani leningangilinganisa naye?
26 Phakamiselani emehlo enu ezulwini nibone.
Ngubani lodale letintfo?+
NguLoyo lokhipha libutfo lato atibale ngayinye ngayinye;
Tonkhe utibita ngemagama.+
Ngenca yebukhulu bemandla akhe nangenca yemandla akhe lamangalisako,+
Kute ngisho nayinye lesalako.
27 Kungani wena Jakobe, nawe Israyeli nitsi,
‘Indlela yami ifihlekile kuJehova,
Futsi Nkulunkulu akayinaki indlela lengehlulelwa kabi ngayo’?+
28 Awati yini? Awukeva yini?
Jehova, uMdali wemikhawulo yemhlaba, unguNkulunkulu kuze kube phakadze.+
Akadzinwa futsi akakhatsali.+
Kucondza kwakhe akuphenyeki.+
30 Bafana batawudzinwa futsi bakhatsale,
Nemajaha atawugileka awe,
31 Kodvwa labo labetsembele kuJehova batawutfola emandla kabusha.
Batawukhuphuka ngetimphiko njengetinsweti.+
Batawugijima bangadzinwa;
Batawuhamba bangaphelelwa ngemandla.”+
41 “Ngilaleleni nithulile* nine tichingi;
Tive atitfole emandla ato kabusha.
Atisondzele bese tiyakhuluma.+
Asihlangane ndzawonye sitokwehlulelwa.
2 Ngubani lophakamise umuntfu emphumalanga,+
Wambita ngekulunga etinyaweni takhe,*
Kuze anikele tive kuye
Futsi amente ancobe emakhosi?+
Ngubani loyo lowasakata ngenkemba yakhe kube shengatsi lutfuli,
Awasakate njengetinhlanga letipheshulwa ngumoya embikwebutjoki bakhe?
3 Uyawacosha, endlule angaphazamiseki
Uwacosha etindleleni langazange anyatsele kuto.
4 Ngubani lotsetse sinyatselo futsi wenta loku,
Lobite titukulwane kusukela ekucaleni?
5 Tichingi tikubonile loku tase tiyesaba.
Imikhawulo yemhlaba ibese icala kuchachatela.
Iyasondzela futsi iyeta.
6 Nguloyo naloyo usita umngani wakhe
Bese utsi kumnakabo: “Cina.”
7 Indvodza lenelikhono emisebentini yetandla icinisa umuntfu losebenta ngensimbi;+
Loyo lowelula tintfo asebentisa ihhamela
Ucinisa loyo logandza insimbi lenkhulu ngehhamela.
Utsi ngetintfo letishiselwako: “Muhle lomsebenti.”
Ngemuva kwaloko, uticinisa ngetipikili kuze tingawi.
8 “Kodvwa wena, Israyeli, uyinceku yami,+
Wena, Jakobe lengikukhetsile,+
Wena ntalelwane* ya-Abrahama umngani wami,+
9 Wena lengakutsatsa emikhawulweni yemhlaba,+
Wena lengakubita etindzaweni tawo letikhashane.
10 Ungesabi ngobe mine nginawe.+
Ungakhatsateki ngobe mine nginguNkulunkulu wakho.+
Ngitakucinisa, nome kanjani ngitakusita,+
Nakanjani ngitakubamba ngesandla sami sangesekudla sekulunga.’
11 Bonkhe labatfukutselela wena batawuba nemahloni futsi batawuhlazeka.+
Labo labalwa nawe batakwentiwa lite futsi batawushabalala.+
12 Utawufuna emadvodza latawulwa nawe imphi, kodvwa angeke uwatfole;
Emadvodza lalwa nawe atawuba lite, atawufana nentfo lengekho sanhlobo.+
13 Ngobe mine Jehova Nkulunkulu wakho ngibamba sandla sakho sangesekudla,
Mine ngitsi kuwe: ‘Ungesabi, ngitakusita.’+
14 Ungesabi wena sibungu* lesinguJakobe,+
Nine ma-Israyeli ngitanisita,” kusho Jehova uMhlengi wenu,+ Longcwele waka-Israyeli.
15 “Ngikwente sihliphi sekubhula,+
Lithuluzi lelisha lekubhula lelinematinyo etinhlangotsini totimbili.
Utakwehla tintsaba uphindze utibhidlite
Utakwenta emagcuma afanane nemakhoba.
16 Utawela,
Futsi umoya utawaphephula;
Sivunguvungu sitawasakata.
17 “Labeswele netimphuya bafuna emanti kodvwa kute.
Lulwimi lwabo lomile ngenca yekweswela emanti.+
Mine Jehova ngitabaphendvula.+
Mine Nkulunkulu wema-Israyeli, angeke ngibalahle.+
Ngitawugucula lihlane libe sitiba semanti lesigcwele umhlanga
Netindzawo letingenamanti tibe tiyalu temanti.+
19 Elugwadvule ngitawuhlanyela sihlahla semsedari,
Semgamba, samabovana nesesipheshula.+
Elugwadvule ngitawuhlanyela sihlahla semjunipha,
Kanye nesihlahla semferi nesemsayipuresi,+
20 Kuze bonkhe bantfu babone futsi bati,
Banakisise futsi bacondze
Kutsi sandla saJehova lesente loku,
Nekutsi Longcwele waka-Israyeli ukudalile loko.”+
21 “Letsani indzaba yenu,” kusho Jehova.
“Letsani tikhalo tenu,” kusho iNkhosi yaJakobe.
22 “Letsani bufakazi futsi nisitjele tintfo letitakwenteka.
Sitjeleni tintfo letendlulile,*
Kuze sicabangisise ngato, sati nemiphumela yato.
Nobe nimemetele kitsi tintfo letiseta.+
23 Sitjeleni lokutakwenteka esikhatsini lesitako,
Kuze sati kutsi nibonkulunkulu.+
Yentani lokutsite, kungaba ngulokuhle nome lokubi,
Kuze simangale nasikubona.+
24 Nine niyintfo lengekho,
Lenikufezile akusilutfo.+
Nome ngubani lonikhetsako, uyenyanyeka.+
25 Ngisukumise lotsite enyakatfo futsi utawuta,+
Ngisukumise lotsite lovela emphumalanga+ lotawubita libito lami.
Utawugcobagcoba babusi* kube shengatsi balubumba,+
Abagcobagcobe njengembumbi lobhuca lubumba lolumanti.
26 Ngubani lowakhuluma ngaloku kusukela ekucaleni, kuze sitewukwati,
Nome kusukela etikhatsini letendlulile, kangangekutsi singatsi: ‘Ucinisile’?+
Kute lowakumemetela!
Kute lowakhuluma ngako!
Kute umuntfu loweva lokutsite kuwe!”+
27 Ngimi wekucala lowatsi eSiyoni: “Naba sebakhona!”+
EJerusalema ngitawutfumela lotawuletsa tindzaba letimnandzi.+
28 Kodvwa ngachubeka ngibuka futsi bekute muntfu;
Bekute ngisho namunye kubo longakhipha seluleko,
Futsi ngachubeka ngibacela kutsi baphendvule.
29 Bonkhe bayintfo lengekho.
Imisebenti yabo ilite.
Tithico tabo tensimbi* tingumoya futsi tilite.+
42 Nayi inceku yami+ lengiyisekelako!
Inceku yami lengiyikhetsile,*+ inceku yami lengiyemukele!+
Itawetsembeka futsi yehlulele ngekulunga.+
4 Angeke iphelelwe ngemandla nobe idzinwe kuze kube ngulapho iletsa kulunga emhlabeni;+
Tichingi solo timele umtsetfo* wayo.
5 Naku lokushiwo nguNkulunkulu weliciniso Jehova,
UMdali wemazulu, loMkhulu, lowelula emazulu,+
Loyo lowendlala umhlaba nemkhicito wawo,+
Loyo lobanika umoya bantfu labahlala kuwo+
Abanikete umoya labo labahamba etikwawo,+ utsi:
6 “Mine Jehova ngikubite ngekulunga;
Ngibambe sandla sakho.
Ngitakuvikela futsi utawuba sivumelwane emkhatsini wami nalabantfu+
Nekukhanya kwetive,+
7 Kuze wena uvule emehlo alabangaboni,+
Ukhulule siboshwa lesisejele lelisemgodzini
Kanye nalabo labahleti ebumnyameni labangaphandle kwelijele.+
8 Mine nginguJehova. Lelo libito lami;
Kute lengitamniketa inkhatimulo yami,*
Futsi ludvumo lwami angeke ngilunikete tithico letibatiwe.+
9 Bukani, tintfo takucala tifikile tendlula;
Nyalo ngimemetela tintfo letinsha.
Nginitjela ngato tisengakenteki.”+
10 Hlabelelani Jehova ingoma lensha,+
Hlabelelani ludvumo lwakhe emikhawulweni yemhlaba,+
Nine lenehlela elwandle nako konkhe lokugcwele kulo,
Nine tichingi kanye nebantfu labahlala kuto.+
11 Lihlane kanye nemadolobha alo akumemete,+
Ayimemete indzawo lapho kuhlala khona sive semaKhedari.+
Loko lokuhlala edvwaleni akumemete ngenjabulo;
Akumemete kuseticongweni tetintsaba.
12 Akukhatimulise Jehova
Kumemetele neludvumo lwakhe etichingini.+
13 Jehova utawuphuma njengendvodza lenemandla.+
Utawuvusa inshisekelo yakhe njengelisotja lelilichawe.+
Utawumemeta, yebo, utawukhipha umsindvo wasemphini;
Utativeta anemandla kunetitsa takhe.+
14 “Sengithule sikhatsi lesidze.
Bengisolo ngithulile futsi ngitibambile.
Njengemfati lobelekako,
Ngitawucuma, ngihefutele, ngiphindze ngidvonse umoya kakhulu; konkhe ngitawukwenta ngasikhatsi sinye.
15 Ngitawubhidlita tintsaba nemagcuma
Ngomise konkhe lokumile kuto.
Ngitawugucula imifula ibe tichingi
Ngiphindze ngomise titiba letigcwele umhlanga.+
16 Ngitawuhola labangaboni emehlweni ngendlela labangayati+
Ngibabangele kutsi bahambe etindleleni labangakatejwayeli.+
Ngitawushintja bumnyama lobusembikwabo bube kukhanya+
Ngiphindze ngishintje indzawo lemaginjoginjo ngiyente ibe yindzawo lebekile.+
Nguloku lengitabentela kona futsi angeke ngibalahle.”
17 Titsa titawujikiswa futsi titawuhlaziswa kakhulu,
Leto letetsembele etithicweni letibatiwe,
Leto letitsi etithicweni tensimbi:* “Nibonkulunkulu betfu.”+
18 Lalelani nine leningeva etindlebeni;
Bukani nibone nine labangaboni emehlweni.+
19 Ngubani longaboni emehlweni ngaphandle kwenceku yami,
Ngubani longeva etindlebeni njengesitfunywa lengisitfumako?
Ngubani longaboni emehlweni njengaloyo lotfole umvuzo,
Nalongaboni emehlweni njengesitfunywa saJehova?+
20 Ubona tintfo letinyenti kodvwa awuhlali ulindzile.
Uvule tindlebe takho, kodvwa awulaleli.+
21 Ngenca yekulunga kwakhe,
Jehova kumjabulisile kwenta umtsetfo* ube mkhulu nekuwukhatimulisa.
22 Laba bantfu labatsatselwe tintfo tabo baphindze bebelwa;+
Bonkhe bavaleleke emigodzini futsi babhace emajele.+
Batsatselwe tintfo tabo futsi kute nalongabasindzisa,+
Bebelwe netintfo tabo futsi kute umuntfu lobekangatsi: “Tibuyiseleni emuva!”
23 Ngubani lamkhatsini wenu lotawukuva loko?
Ngubani lotawunaka aphindze alalele esikhatsini lesiseta?
24 Ngubani lonikele Jakobe kubantfu labangemasela,
Lonikele Israyeli kubantfu labatsatsa tintfo talabanye?
Akusuye yini Jehova, Loyo lesimonile?
25 Ngako abesolo atfululela intfukutselo yakhe kuye,
Atfululela lulaka lwakhe nentfukutselo yakhe yemphi.+
Yacotfula konkhe lobekudvutane naye, kodvwa akazange anake.+
Yamvutsela kodvwa abesolo angakufaki enhlitiyweni.+
43 Naku lokushiwo nguJehova,
UMdali wakho, awu Jakobe, loyo lowakudala, Israyeli:+
“Ungesabi, ngoba mine ngikuhlengile.+
Ngikubite ngelibito lakho.
Wena uwami.
Nawuhamba ekhatsi emlilweni, angeke ushe,
Nelilangabi angeke likuhashule.
3 Ngobe mine nginguJehova Nkulunkulu wakho,
Longcwele waka-Israyeli, uMsindzisi wakho.
Nginikele iGibhithe yaba yinhlawulo yakho,
Nginikela iTopiya neSeba esikhundleni sakho.
Ngako ngitawunikela ngebantfu esikhundleni sakho,
Nginikele ngetive esikhundleni semphilo* yakho.
5 Ungesabi, ngobe mine nginawe.+
6 Ngitawutjela inyakatfo ngitsi, ‘Bayekele!’+
Bese ngitjela iningizimu ngitsi, ‘Ungababambi.
Letsa emadvodzana ami lakhashane, nemadvodzakati ami lasemikhawulweni yemhlaba,+
7 Letsa wonkhe umuntfu lobitwa ngelibito lami+
Loyo lengimdalele inkhatimulo yami,
Loyo lengimakhile futsi ngamenta.’+
8 Letsa sive lesingaboni kodvwa sibe sinawo emehlo,
Uletse sive lesingeva etindlebeni kodvwa sibe sinetindlebe.+
9 Tonkhe tive atihlangane endzaweni yinye,
Futsi bonkhe bantfu ababutsane ndzawonye.+
Ngubani emkhatsini wabo longakhuluma loku?
Nobe bangakhona yini kusenta sive tintfo takucala?*+
Abaletse bofakazi babo kuze bativete kutsi bacinisile,
Nobe balalele futsi batsi, ‘Loku kuliciniso!’”+
10 Jehova utsi: “Nine nibofakazi bami,+
Niyinceku yami lengiyikhetsile,+
Kuze nati futsi nikholwe ngimi*
Bese niyacondza kutsi solo ngingulofanako.+
Ngaphambi kwami, kute Nkulunkulu lowake wabunjwa,
Nangemuva kwami, kute lobe khona.+
11 Mine, mine nginguJehova,+ ngaphandle kwami kute umsindzisi.”+
12 “NginguLoyo lowamemetela, wasindzisa futsi wenta kwatiwa
Ngesikhatsi kusete bonkulunkulu betive emkhatsini wenu.+
Ngako nibofakazi bami,” kusho Jehova, “mine nginguNkulunkulu.+
13 Ngihlale ngingulofanako ngaso sonkhe sikhatsi;+
Futsi kute ngisho namunye longahlutfula nome ngabe yini lesesandleni sami.+
Nangitsatsa sinyatselo, ngubani longangivimba?”+
14 Naku lokushiwo nguJehova, uMhlengi wenu,+ Longcwele waka-Israyeli:+
“Ngenca yenu ngitawutfumela livi eBhabhulona futsi ngitawudzilita onkhe emagede,+
NemaKhaledi atawukhala emikhunjini yawo ngenca yekucindzeteleka.+
15 Mine nginguJehova, Longcwele wenu,+ uMdali wema-Israyeli,+ iNkhosi yenu.”+
16 Naku lokushiwo nguJehova,
Loyo lovula indlela ekhatsi elwandle
Lovula nendlela ngisho nalapho kunemagagasi khona,+
17 Nalokhipha incola yemphi kanye nelihhashi,+
Lokhipha libutfo kanye nemasotja langemachawe, utsi:
“Batawulala phansi bangavuki.+
Batawucinywa njengentsambo yesibane lesikhanyako.”
18 “Ningatikhumbuli tintfo letendlulile,
Futsi ningahlali nicabanga ngetintfo takadzeni.
19 Ngenta intfo lensha;+
Ngisho nanyalo seyicalile iyavela.
Aniyiboni yini?
20 Silwane sesiganga sitangihlonipha,
Nabojakalazi kanye netinshi,*
Ngobe ngenta kutsi kube nemanti ehlane,
Kube nemifula elugwadvule,+
Ngentela bantfu bami, labakhetsiwe bami,+ kuze banatse,
21 Bantfu lengatibumbela bona
Kuze bamemetele ludvumo lwami.+
23 Awukangiletseli timvu tayo yonkhe iminikelo yakho yekushiswa
Futsi awukangingcwelisi ngemihlatjelo yakho.
Angikakuphoceleli kutsi ungiletsele sipho,
Futsi angikakwenti wadzinwa ngekutsi ngifune ngenkhani emakha esihlahla semphepho.+
24 Awukangitsengeli umhlanga* lonongotelako ngemali yakho,
Awukangenetisi ngemanoni emihlatjelo yakho.+
Esikhundleni saloko, ungente ngasindvwa tono takho
Futsi ungente ngadzinwa ngemaphutsa akho.+
25 Mine, mine nginguLoyo lowesula tiphambeko* takho+ ngenca yelibito lami,+
Futsi angeke ngitikhumbule tono takho.+
26 Ngikhumbute; asiletse emacala etfu lesimangalelana ngawo;
Shano luhlangotsi lwakakho, utikhulumele kuze ukhombise kutsi umsulwa.
28 Ngako ngitatihlazisa tikhulu tendzawo lengcwele,
Futsi ngitawunikela Jakobe ekubhujisweni
Israyeli yena ngitamenta abe yintfo yekwetfukwa.+
44 “Nyalo, lalela wena Jakobe nceku yami,
Nawe wena Israyeli lengikukhetsile.+
3 Ngobe ngiyawumtselela emanti umuntfu lowomile*+
Ngibangele kutsi kugelete imifudlana endzaweni leyomile.
5 Lomunye uyawutsi: “Mine ngiwaJehova.”+
Lomunye uyawutibita ngelibito laJakobe,
Bese kutsi lomunye abhale esandleni sakhe atsi: “NgiwaJehova.”
Futsi uyawutibita ngelibito la-Israyeli.’
‘Mine ngiwekucala futsi ngiwekugcina.+
Kute lomunye Nkulunkulu ngaphandle kwami.+
7 Ngubani lofana nami?+
Akakhulume kuvakale, angitjele futsi anginike nebufakazi baloko!+
Ukhona yini lobekakhona kusukela ngesikhatsi lengasungula ngaso lesive kadzeni,
Ngubani longasho loko lokuseta
Naloko lokutawenteka?
8 Ningesabi,
Ningetfuki.+
Angikanitjeli yini kusenesikhatsi ngaphindze ngamemetela?
Nine nibofakazi bami.+
Ukhona yini lomunye Nkulunkulu ngaphandle kwami?
Cha, kute lelinye Lidvwala;+ kute lengilatiko.’”
9 Bonkhe labenta tithico letibatiwe abasilutfo,
Futsi tintfo labatitsandzako angeke tibasite ngalutfo.+
11 Bonkhe labatihlanganisa naye batawuhlazeka!+
Labo lababata tithico babantfu nje.
Bonkhe abahlangane ndzawonye, beme etindzaweni tabo.
Batakwesaba baphindze batselwe ngelihlazo kanye kanye.
12 Umuntfu losebenta ngensimbi usebentisa emalahle kuze alolonge lensimbi ngelithuluzi lakhe.*
Uyayakha ngemahhamela,
Asebentise nesandla sakhe lesinemandla.+
Bese uyalamba aphelelwe ngemandla;
Akanatsi manti futsi uyadzinwa.
13 Umbati welula intsambo yekukala, kuze advwebe ipulani yako asebentise ishoki lebovu
Usebentisa lishizolo futsi akukale ngekhampasi.
14 Kunaloyo umsebenti wakhe lokukugawula imisedari.
Ukhetsa luhlobo lolutsite lwesihlahla, um-okhi,
Uwuvumela kutsi ukhule ucine emkhatsini wetihlahla telihlatsi.+
Uhlanyela sihlahla* futsi sikhuliswe yimvula.
15 Sibese siba tinkhuni letisetjentiswa ngumuntfu kuze abase umlilo.
Utsatsa incenye yaso kuze otse;
Ubasa umlilo abhake sinkhwa.
Uphindze akhe ngaso nkulunkulu, futsi amkhonte.
Uyasibata sibe sithico bese ukhotsama embikwaso.+
16 Ihhafu yaso uyibasa emlilweni;
Ngaleyo hhafu wosa inyama latayidla esutse.
Uphindze abase ngaso umlilo wekotsa bese utsi:
“Awuva-ke! Ngaze ngafutfumala njengobe ngotsa lomlilo.”
17 Kodvwa ubata nkulunkulu ngencenye yaso lesele, ente sithico lesibatiwe.
Uyasikhotsamela futsi asikhonte.
Uthantaza kuso atsi:
“Ngisindzise ngobe ungunkulunkulu wami.”+
18 Abati lutfo, abacondzi lutfo,+
Ngobe emehlo abo avaleke ngci futsi ababoni,
Netinhlitiyo tabo aticondzisisi.
19 Kute locabanga ngako enhlitiyweni yakhe
Kute nalonelwati nobe kucondza, lotsi:
“Ihhafu yaso ngibase ngayo umlilo,
Ngemalahle aso ngibhake sinkhwa ngosa nenyama kuze ngidle.
Kufanele yini kutsi ngisebentise incenye yaso lesele kuze ngakhe intfo leyenyanyekako?+
Kufanele yini ngikhonte sigodvo* lesigawulwe esihlahleni?”
20 Udla umlotsa.
Inhlitiyo yakhe lembi imphambukisile.
Akakhoni kutisindzisa* futsi akasho atsi:
“Ngiphetse intfo lengenamsebenti esandleni sami sangesekudla.”
21 “Khumbula letintfo wena Jakobe, nawe wena Israyeli,
Ngobe uyinceku yami.
Ngakubumba futsi uyinceku yami.+
Awu Israyeli, angeke ngikukhohlwe.+
22 Ngiyakwesula tiphambeko takho kube shengatsi ngitesula ngelifu+
Netono takho ngiyawutesula kube shengatsi ngitesula ngelifu lelikhulu.
Buya kimi, ngobe ngitakutsenga kabusha.+
23 Memetani ngenjabulo nine mazulu,
Ngobe Jehova utsetse sinyatselo!
Memetani ngemsindvo wekuncoba, nine lenisemajukujukwini emhlaba!
Memetani ngenjabulo nine tintsaba,+
Nani mahlatsi kanye nato tonkhe tihlahla!
Ngobe Jehova umhlengile Jakobe,
Futsi ukhombisa buhle bakhe ku-Israyeli.”+
24 Naku lokushiwo nguJehova, uMhlengi wakho,+
Lowakubumba kusukela usesiswini, utsi:
“Mine nginguJehova lodale tonkhe tintfo.
Ngubani lobekanami?
25 Ngibangela kutsi tingaphumeleli tintfo letishiwo baphrofethi bemanga,*
Futsi ngimi lowenta bantfu lababiketela ngelikusasa kutsi bente njengetilima;+
Loyo lodida tihlakaniphi
Ente lwati lwato lube bulima;+
26 Loyo lowenta livi lenceku yakhe liphumelele
Aphindze atigcwalise ngalokuphelele tintfo letaphrofethwa titfunywa takhe;+
Loyo lotsi ngeJerusalema: ‘Kuyawuhlalwa kuyo,’+
Atsi ngemadolobha akaJuda: ‘Ayawukwakhiwa kabusha,+
Futsi ngiyawuvusetela tindzala tayo’;+
27 Loyo lotsi emantini lamanyenti: ‘Bohla,
Ngitawomisa yonkhe imifula yakho’;+
28 Loyo lotsi ngaKhuresi:+ ‘Ungumelusi wami,
Futsi utayenta yonkhe intsandvo yami’;+
Loyo lotsi ngeJerusalema, ‘Iyawukwakhiwa kabusha,’
Atsi ngelithempeli, ‘Sisekelo salo siyawubekwa.’”+
45 Naku lokushiwo nguJehova kulogcotjiwe wakhe, lokunguKhuresi,+
Loyo lengimbambe ngesandla sakhe sangesekudla+
Kuze ancobe tive embikwakhe,+
Kuze emuke emakhosi tikhali tawo,*
Kuze avule iminyango lemikhulu lesembikwakhe lenetivalo letimbili,
Kuze emagede angavalwa:
Futsi ngicondzise emagcuma,
Ngephule iminyango yelitfusi ibe ticucu,
Futsi ngijube tinsimbi ngitilahle phansi.+
3 Ngiyawukunika umcebo ebumnyameni
Ngikunike nemcebo lofihlwe etindzaweni letisemasitseleni,+
Kuze wati kutsi mine nginguJehova,
Nkulunkulu wema-Israyeli, lokubita ngelibito lakho.+
4 Ngenca yenceku yami Jakobe nangenca ya-Israyeli, lokhetsiwe wami,
Ngikubita ngelibito lakho.
Ngikunika libito leludvumo, ngisho naloku bewungangati.
5 Mine nginguJehova futsi kute lomunye.
Kute lomunye Nkulunkulu ngaphandle kwami.+
Ngitakucinisa, ngisho noma bewungangati,
6 Kuze bantfu bati
Kusukela ekuphumeni kwelilanga kuze kube sekushoneni kwalo,*
Kutsi kute lomunye ngaphandle kwami.+
Mine nginguJehova futsi kute lomunye.+
7 Ngidala kukhanya+ ngidale nebumnyama,+
Ngenta kuthula+ ngidale nenhlekelele;+
Mine Jehova ngenta tonkhe letintfo.
8 Nine mazulu nisani imvula lesuka etulu;+
Emafu awatfulule kulunga.
Umhlaba awuvuleke bese ukhicita insindziso,
Futsi awubangele kutsi kulunga kuphuphume ngesikhatsi sinye.+
Mine Jehova ngikudalile loko.”
9 Maye kuloyo lomelana* neMenti wakhe,
Ngobe umane nje ulucetu lolwentiwe ngelubumba
Ulucetu emkhatsini waletinye tincetu letentiwe ngelubumba letisakake phansi.
Lubumba lungasho yini kuMbumbi lutsi: “Wakhani?”+
Nobe intfo loyakhile ingasho yini itsi: “Ute tandla”?*
10 Maye kuloyo lotsi kubabe wakhe: “Utalani nje?”
Nalotsi kumfati: “Yini lena loyitalako?”*
11 Naku lokushiwo nguJehova, Longcwele waka-Israyeli,+ Loyo lowamdala:
“Ungangibuta yini ngetintfo letiseta
Uphindze unginike umyalo ngalokufanele ngikwente emadvodzaneni ami+ nasemisebentini yetandla tami?
12 Umhlaba ngawenta+ ngaphindze ngadala umuntfu kuwo.+
13 “Ngiphakamise umuntfu ngekulunga,+
Futsi ngitawenta tonkhe tindlela takhe ticondze.
Nguye lotawakha lidolobha lami+
Aphindze akhulule bantfu bami labatfunjiwe,+ ngaphandle kwekubhadalwa nome kudizelwa,”+ kusho Jehova wemabutfo.
14 Naku lokushiwo nguJehova:
“Inzuzo* yeGibhithe netintfo letitsengiswako* taseTopiya netebantfu baseSeba, lokubantfu labadze,
Tiyawufika kuwe futsi tibe takho.
Bayawukulandzela baboshwe ngetinketane.
Bayawufika bakukhotsamele.+
Bayawuthantaza batsi: ‘Nembala Nkulunkulu unawe,+
Futsi kute lomunye; kute lomunye Nkulunkulu.’”
15 Wena unguNkulunkulu lotifihlako,
Awu Nkulunkulu wema-Israyeli, Msindzisi.+
16 Bonkhe bayawuba nemahloni futsi batselwe ngelihlazo;
Labakha tithico bayawuhamba bahlazekile.+
17 Kodvwa ema-Israyeli ayawusindziswa nguJehova ngensindziso yaphakadze.+
Angeke nitselwe ngelihlazo nobe nihlazeke kuze kube phakadze.+
18 Ngobe naku lokushiwo nguJehova,
UMdali wemazulu+ longuNkulunkulu weliciniso,
Loyo lowadala umhlaba, uMenti wawo lowawumisa,+
Longazange awudalele lite nje,* kodvwa lawudalela kutsi kuhlalwe kuwo,+ utsi:
“Mine nginguJehova, kute lomunye.
19 Angizange ngikhulume ngisendzaweni lefihlekile,+ eveni lebumnyama;
Angizange ngitsi entalelwaneni* yaJakobe,
‘Ngifuneleni lite.’
Mine nginguJehova lokhuluma lokulungile futsi amemetele lokungiko.+
20 Hlanganani ndzawonye bese niyeta.
Sondzelani kanyekanye nine lenaphunyula etiveni.+
Abati lutfo labo labahambahamba betfwele tithico letibatiwe
Baphindze bathantaze kunkulunkulu longeke akhone kubasindzisa.+
21 Yetfulani umbiko wenu, letsani indzaba yenu.
Abakhulumisane ngebunye.
Ngubani lowakusho kadzeni loku
Nalowakumemetela kusukela etikhatsini letengcile?
Akusimi yini, mine Jehova?
Kute lomunye Nkulunkulu ngaphandle kwami;
Nkulunkulu lolungile neMsindzisi,+ kute lomunye ngaphandle kwami.+
22 Wotani kimi nisindziswe,+ nine mikhawulo yemhlaba,
Ngobe mine nginguNkulunkulu futsi kute lomunye.+
Onkhe emadvolo atawuguca embikwami,
Tonkhe tilwimi titawufunga ngekwetsembeka+
24 Titawutsi: ‘Jehova unguNkulunkulu wekulunga nemandla.
Bonkhe labo labamtfukutselele bayokuta kuye bahlazekile.
25 Yonkhe intalelwane* ya-Israyeli itawubona kutsi yente kahle kukhonta Jehova,+
Futsi itatigabatisa ngaye.’”
46 Beli uyaguca,+ Nebo uyagoba.
Tithico tabo tilayishwe tilwane, lokutilwane letetfwala imitfwalo,+
Letithico tifana nemitfwalo leyesindza tilwane letidziniwe.
3 “Ngilalele wenandlu yaJakobe, nani nonkhe nine lenisele endlini ya-Israyeli,+
Nine lebengisolo nginisekela kusukela naphuma esiswini.+
4 Utawuze uguge solo ngingashintji;+
Utawuze ube netimvu enhloko solo ngikwetfwele.
Njengobe ngentile, ngitakwetfwala futsi ngikutjatse ehlombe, ngiphindze ngikusindzise.+
5 Ngubani leningangifananisa naye nome ningilinganise naye nome ningicatsanise naye,+
Kangangekutsi singaze sifanane?+
6 Bakhona labo labanetipatji letigcwele ligolide;
Bakala lisiliva esikalini.
Bacasha umuntfu losebenta ngensimbi kutsi akhe sithico ngalo.+
Babese bayasikhotsamela, basikhonte.+
7 Bayasetfwala emahlombe abo;+
Bayasilayisha basibeke endzaweni yaso, sime khona lapho.
Asisuki endzaweni yaso.+
Bamemeta kuso kodvwa asibaphendvuli;
Asimsiti umuntfu nakacindzetelekile.+
8 Khumbulani loku futsi nibe nesibindzi.
Kufakeni enhlitiyweni, nine toni.
Mine nginguNkulunkulu futsi kute lofana nami.+
10 Kusukela ekucaleni ngisho loko lokutawuba siphetfo,
Futsi kusukela kadzeni ngisho tintfo letisengakenteki.+
11 Ngibita inyoni lesuka emphumalanga ledla tilwane,+
Eveni lelikhashane ngibita umuntfu lotawufeza sincumo*+ sami.
Ngikukhulumile futsi ngitakuletsa.
Kuyinjongo yami futsi ngitakufeza.+
12 Ngilaleleni nine leninetinhloko letilukhuni,
Nine lenikhashane nekulunga.
Ngitawusindzisa iSiyoni, nginike Israyeli buhle bami.”+
47 Yehla uhlale elutfulini,
Wena ntfombi ntfo yaseBhabhulona.+
Hlala phansi lapho kute khona sihlalo sebukhosi,+
Wena ndvodzakati yemaKhaledi,
Ngobe bantfu ngeke baphindze batsi uyincelencele futsi ngeke baphindze batsi bewutototiswa.
2 Tsatsa litje lekusila, usile fulaha.
Khumula iveyili yakho.
Khumula ingubo yakho, uvete imilente.
Yewela imifula.
3 Bungcunu bakho angeke bufihleke.
Lihlazo lakho liyawuba sebaleni.
Ngiyawuphindzisela+ futsi kute umuntfu loyongivimba.*
5 Hlala lapho ubindze bese uyahamba uya ebumnyameni,
Wena ndvodzakati yemaKhaledi;+
Ngeke baphindze bakubite ngekutsi uyiNdlovukazi yeMibuso.+
6 Ngabatfukutselela bantfu bami.+
Kodvwa awuzange ube nemusa kubo.+
Ngisho nalabagugile wabetfwesa lijoka lelesindzako.+
7 Watsi: “Ngiyawuhlala ngiyiNdlovukazi kuze kube phakadze.”+
Awuzange utinake letintfo;
Awuzange ucabange kutsi siyawuba yini siphetfo saloko.
8 Nyalo lalela la, wena lotsandza injabulo,+
Wena lohlala endzaweni lephephile, lotsi enhlitiyweni yakho:
“Ngimi kuphela, kute lomunye.+
Angeke ngibe ngumfelokati.
Angiyuze ngifelwe bantfwana.”+
9 Kodvwa letintfo letimbili tiyokufikela ngekutumeka lokukhulu, tikufikele ngelilanga linye:+
Uyawufelwa bantfwana uphindze ube ngumfelokati.
Letintfo tiyokufikela ngemandla lamkhulu,+
Ngenca yekutsakatsa kwakho kakhulu nangenca yayo yonkhe imilingo yakho lenemandla.+
10 Wetsembele ebubini bakho.
Utsite: “Kute longibonako.”
Kuhlakanipha kwakho nelwati lwakho, ngiko lokukuphambukisile,
Futsi utsi enhlitiyweni yakho: “Ngimi kuphela, kute lomunye.”
11 Kodvwa uyawufikelwa yinhlekelele,
Futsi tintfo takho lotigabako lotetsembile, angeke tiyivimbe.
Uyawufikelwa bumatima; angeke ukhone kubuvimba.
Uyawufikelwa yimbhubhiso ngekutumeka lokukhulu.+
12 Chubeka-ke nalokusebentisa kwakho imilingo nekutsakatsa kakhulu,+
Lobewusolo ukwenta ngekutimisela kusukela ebusheni bakho.
Mhlawumbe ungalutfola lusito;
Mhlawumbe ungamangalisa bantfu.
13 Beluleki bakho labanyenti sebakukhatsalisile.
Abasukume nyalo bakusindzise,
Labo labakhonta emazulu,* lababukisisa tinkhanyeti,+
Labo labakutjela njalo nakwetfwasa inyanga
Mayelana netintfo letitakwehlela.
14 Bafanana netinhlanga.
Bayawushiswa ngumlilo.
Angeke bakhone kutisindzisa* kulelilangabi.
Lawa akusiwo emalahle ekotsa,
Futsi lona akusiwo nje umlilo longawotsa.
15 Bayawukwenta njalo-ke kuwe,
Labo losebente nabo kamatima kusukela ebusheni bakho.
Bayawunhlanhlatsa, nguloyo naloyo abheke lapho atsandza khona.*
Kute loyokusindzisa.+
48 Lalela lapha wenandlu yaJakobe,
Wena lotibita ngekutsi ungu-Israyeli+
Wena lochamuka emtfonjeni wakaJuda*
Wena lofunga ngelibito laJehova,+
Wena lobita Nkulunkulu wema-Israyeli,
Ngisho nome loko ungakwenti ngeliciniso nangekulunga.+
2 Ngobe batibita ngelidolobha lelingcwele+
Futsi bafuna lusito lwaNkulunkulu wema-Israyeli,+
Libito lakhe lelinguJehova wemabutfo.
3 “Nganitjela kadzeni tintfo letendlulile.*
Taphuma emlonyeni wami,
Futsi nganitjela tona.+
Ngatsatsa sinyatselo ngekushesha futsi tenteka.+
4 Ngobe bengati kutsi unenkhani kangakanani
Bengati kutsi intsamo yakho ingumsipha wensimbi futsi libunti lakho lilitfusi,+
5 Ngakutjela kadzeni.
Ngakutjela kusengakenteki,
Kuze ungakhulumi utsi: ‘Loku kwentiwa sithico sami;
Sithico sami lesibatiwe nesithico sami sensimbi* ngito letatsi akwenteke loko.’
6 Ukuvile konkhe loku futsi wakubona.
Angeke yini ukumemetele?+
Kusukela nyalo kuchubeke, ngimemetela tintfo letinsha kuwe,+
Timfihlo lebewungatati.
7 Tisadalwa nanyalo futsi atidalwanga kadzeni,
Tintfo leningakaze nitive kuze kube ngulamuhla,
Kuze ningasho nitsi: ‘Besengivele ngitati.’
8 Cha, awukaze utive letintfo+ futsi awutati,
Futsi esikhatsini lesendlulile tindlebe takho betivalekile.
9 Kodvwa ngenca yelibito lami, ngitayibamba intfukutselo yami;+
Kuze ngidvunyiswe, ngitatibamba nginganenti lutfo
Futsi angeke nginicotfule.+
10 Ngikucwengile, kodvwa hhayi ngendlela lisiliva lelicwengwa ngayo.+
Ngikuvivinye* embawuleni lencibilikisako yetinhlupheko.+
11 Noma kanjani ngitawutsatsa sinyatselo ngenca yelibito lami,+
Ngobe ngingakuvumela kanjani kutsi ngihlanjalatwe?+
Kute lengimnika inkhatimulo yami.*
12 Lalela wena Jakobe, wena Israyeli, lengikubitile.
Mine angishintji.+ Ngiwekucala futsi ngiwekugcina.+
13 Sandla sami lucobo lwaso lesabeka sisekelo semhlaba,+
Futsi sandla sami sangesekudla sawendlala emazulu.+
Nangiwamemeta, ayasukuma kanye kanye.
14 Butsanani ndzawonye nonkhe nilalele.
Ngubani emkhatsini wabo lomemetele letintfo?
Jehova umtsandzile.+
Uyawukwenta loko Nkulunkulu latsandza kukwenta lokumelene neBhabhulona,+
Futsi sandla sakhe siyawumelana nemaKhaledi.+
15 Mine lucobo lwami ngikhulumile futsi ngimbitile.+
Ngimletsile futsi indlela yakhe iyawuphumelela.+
16 Sondzela lapha kimi, ulalele naku.
Kusukela ekucaleni angikafihli lutfo.+
Ngesikhatsi kwenteka bengikhona.”
Nyalo iNkhosi Lephakeme Jehova, ingitfumile kanye nemoya wayo.
17 Naku lokushiwo nguJehova, uMhlengi wakho, Longcwele waka-Israyeli:+
“Mine Jehova, nginguNkulunkulu wakho,
Loyo lokufundzisako kuze uzuze,*+
Loyo lokucondzisa endleleni lokufanele uhambe ngayo.+
18 Kube mane bewungayilalela imiyalo yami!+
Ligama laso litawuhlala likhona futsi angeke libhujiswe embikwami.”
20 Phumani eBhabhulona!+
Balekelani emaKhaledi!
Kumemeteleni ngenjabulo lenkhulu! Kumemeteleni!+
Kumemeteleni emikhawulweni yemhlaba.+
Tsanini: “Jehova uyihlengile inceku yakhe Jakobe.+
21 Abazange bome ngesikhatsi abahola etindzaweni letonakele.+
Wabangela kutsi emanti abo aphume edvwaleni;
Washaya lidvwala, kwaphuma emanti lamanyenti.”+
22 Jehova utsi: “Kute kuthula kulababi.”+
49 Ngilaleleni nine tichingi,
Nilalelisise nine tive letikhashane.+
Jehova wangibita ngingakatalwa.*+
Kusukela ngisesiswini samake, wakhuluma ngelibito lami.
2 Yena wenta umlomo wami wafanana nenkemba lekhaliphile;
Wangifihla emtfuntini wesandla sakhe.+
Wangenta ngaba ngumcibisholo lolotiwe;
Wangifihla emgodleni wakhe.
4 Kodvwa ngatsi: “Ngisebentele lite.
Ngisebentise emandla ami entfweni lengekho nalelite.
5 Manje-ke, Jehova, Loyo lowangibumba esiswini ngaba yinceku yakhe,
Utsite kufanele ngibuyisele Jakobe kuye,
Kuze Israyeli abutselwe ndzawonye kuye.+
Ngiyawukhatinyuliswa emehlweni aJehova,
Futsi Nkulunkulu wami sewube ngemandla ami.
6 Nkulunkulu watsi: “Akukeneli kutsi uyinceku yami
Kuze ukhulise tive taJakobe
Futsi ubuyisele emuva labo labebalondvolotiwe baka-Israyeli.
Ngiphindze ngakwenta waba kukhanya kwetive,+
Kuze insindziso yami ifike kuto tonkhe tincenye temhlaba.”+
7 Naku Jehova uMhlengi wa-Israyeli, Longcwele wakhe,+ lakushoko kuloyo lowedzelelwe,+ kuloyo lowenyanywa tive, kuloyo losisebenti sebabusi utsi:
“Emakhosi atawubona futsi asukume,
Netikhulu titawuguca
Ngenca yaJehova lowetsembekile,+
Longcwele waka-Israyeli lokukhetsile.”+
8 Naku lokushiwo nguJehova:
“Ngakuphendvula ngesikhatsi semusa,+
Futsi ngakusita ngelilanga lensindziso;+
Ngachubeka ngikuvikela kuze ube sivumelwane sebantfu bami,+
Kuze balungise lelive,
Kuze batsatse lifa labo lelilahliwe,+
9 Kuze utsi etiboshweni, ‘Phumani!’+
Futsi utsi kulabo labasebumnyameni,+ ‘Tiveteni!’
Bayawudla eceleni kwemigwaco,
Eceleni kwetindlela letibhodvukile* kuyawuba nemadlelo abo.
11 Ngiyawugucula tonkhe tintsaba tami tibe ngumgwaco,
Nemigwaco yami lemikhulu iyawuphakanyiswa.+
12 Labanye bachamuka khashane,+
Futsi labanye bachamuka enyakatfo nasenshonalanga,
Bese kutsi labanye bachamuke eveni laseSinimu.”+
13 Memetani ngenjabulo nine mazulu, ujabule wena mhlaba.+
Tintsaba atimemete ngenjabulo.+
14 Kodvwa iSiyoni yachubeka yatsi:
“Jehova ungilahlile+ futsi Jehova ungikhohliwe.”+
15 Umfati angamkhohlwa yini umntfwana wakhe losamunya
Nobe angeke yini amvele buhlungu umntfwana lowaphuma esiswini sakhe?
Ngisho nome angakhohlwa, mine angeke kwenteke ngikukhohlwe.+
16 Mine ngikudvwebile etandleni tami.
Lubondza lwakho luhlala lusembikwami.
17 Emadvodzana akho abuyela emuva ngekushesha.
Labo labakubhidlitile futsi bakubhubhisa batawuhamba, basuke kuwe.
18 Phakamisa emehlo akho ubuke yonkhe indzawo.
Bonkhe bayahlangana.+
Beta kuwe.
Jehova utsi: “Ngitifunga mine,
Utatihlobisa ngako konkhe kufanane nekutsi utihlobise ngebucwebe
Futsi utakugcoka njengamakoti.
19 Ngisho nome ngabe indzawo yakho yabhidlitwa futsi yangasahlali muntfu yase iba tindzala,+
Nyalo itawuba yincane kakhulu kulabo labahlala kuyo,+
20 Bantfwana labatalwa ngesikhatsi uhluphekile batawukhuluma uva, batsi,
‘Lendzawo seyincane kakhulu kutsi ngingahlala kuyo.
Ngicela indzawo lengitawuhlala kuyo khona la.’+
21 Uyawutsi enhlitiyweni yakho,
‘Ngubani babe walaba,
Njengobe ngingumfati loshonelwe bantfwana futsi ngingasabatfoli bantfwana,
Ngitfunjiwe futsi ngisiboshwa?
Ngubani lokhulise laba?+
22 Naku lokushiwo yiNkhosi Lephakeme Jehova:
23 Emakhosi atakunakekela,+
Nemadvodzakati awo ayawuba banakekeli bakho.
Ayawukhotsama kuwe, buso bawo butsintse phansi+
Akhotse lutfuli lolusetinyaweni takho,+
Uyawukwati kutsi mine nginguJehova;
Labo labetsembele kimi angeke bahlazeke.”+
24 Labo lasebavele batfunjiwe, bangatsatfwa yini echaweni lelinemandla,
Nobe bangakhululwa yini bantfu labatfunjwe ngumbusi locindzetelanako?
25 Naku lokushiwo nguJehova:
“Ngisho netitfunjwa telichawe lelinemandla tiyawukhululwa,+
Nalabo labatfunjwe ngumbusi locindzetelanako bayawukhululwa.+
Ngiyawumelana nalabo labamelene nawe,+
Futsi ngiyawusindzisa emadvodzana akho.
26 Ngitakwenta labo labakuphatsa kabi kutsi badle inyama yabo,
Futsi njengeliwayini lelinongotelako, batawudzakwa yingati yabo.
Bonkhe bantfu* kutawufanele bati kutsi mine nginguJehova,+
UMsindzisi wakho+ neMhlengi wakho,+
Loyo Lonemandla waJakobe.”+
50 Naku lokushiwo nguJehova:
“Siphi sitifiketi sedivosi+ samake wenu lengamcosha?
Nganitsengisa kuze ngibhadale sikweleti lebenginaso yini?
2 Kwentiwe yini-ke kutsi kube bete umuntfu lapha ngalesikhatsi ngifika?
Akazange abe khona leni lophendvulako nanginibita?+
Sandla sami sifisha kakhulu yini kutsi singehluleka kusindzisa,
Nobe ngite yini emandla ekusindzisa?+
Tinhlanti tayo tiyabola ngenca yekweswelakala kwemanti,
Futsi tiyafa ngenca yekoma.
3 Emazulu ngiwembatsisa bumnyama lobukhulu,+
Futsi ngiwambonya ngendvwangu yelisaka.”
4 INkhosi Lephakeme Jehova inginike lulwimi lwalabafundzisiwe,*+
Kuze ngati kutsi ngingamphendvula* njani ngelivi lelikahle* lokhatsele.+
Ingivusa njalo ekuseni;
Ivusa indlebe yami kuze ilalele, njengalabafundzisiwe.+
Angikaphambukeli kulenye indlela.+
6 Ngabanika umhlane wami labo lebebangibhambabula
Ngabanika tihlatsi tami labo lebebangihlutfula silevu.
Angizange ngibufihle buso bami etintfweni letihlazisako futsi ngavuma kutsi bukhafulelwe.+
7 Kodvwa iNkhosi Lephakeme Jehova itangisita.+
Kungako ngingeke ngitive ngihlazekile.
Kungako buso bami ngibente bafana nelitje lelicinile,+
Futsi ngiyati kutsi angeke ngihlaziswe.
8 Sewusedvute Loyo lotsite ngilungile.
Ngubani longangibeka licala?*+
Asisukume kanye kanye.*
Ngubani longimangalelako?
Akasondzele ete lapha kimi.
9 INkhosi Lephakeme Jehova itangisita.
Ngubani lotawutsi ngidliwe licala?
Bonkhe batawuguga kuhle kwesembatfo.
Batawudliwa ngumvunya.
10 Ngubani emkhatsini wenu lowesaba Jehova
Aphindze alalele livi lenceku yakhe?+
Ngubani lohambe ebumnyameni lobukhulu, lobute ngisho nalokuncane nje kukhanya?
Yena aketsembele ebitweni laJehova futsi etsembele kuNkulunkulu wakhe.
11 “Nonkhe nine lenicala umlilo,
Nibangela kutsi kundize emalangabi,
Hambani ekukhanyeni kwemlilo wenu,
Nisuse umlilo ngetinhlase.
Naku lenitakutfola lokuvela esandleni sami:
Nitawulala phansi niphetfwe tinhlungu.
51 “Ngilaleleni nine lenifunisisa kulunga,
Nine lenifuna Jehova.
Cabangani ngelidvwala lenacetulwa kulo
Cabangani nangenkwali lenagujwa kuyo.
3 Ngobe Jehova utayidvudvuta iSiyoni.+
Utawudvudvuta tonkhe tindzala tayo,+
Futsi utakwenta lihlane layo lifanane ne-Edeni+
Lugwadvule lwayo lube njengengadze yaJehova.+
Injabulo nentfokoto kutawutfolakala kuyo,
Kube nekubonga kanye nengoma lemnandzi.+
4 Nginakeni nine bantfu bami,
Ngilaleleni nine sive sami.+
Ngobe umtsetfo utawuphuma kimi,+
Kwehlulela kwami ngekulunga ngitakwenta kufanane nekukhanya etiveni.+
5 Kulunga kwami kuyasondzela.+
6 Phakamiselani emehlo enu emazulwini,
Niphindze nibuke phansi emhlabeni.
Ngobe emazulu atawunyamalala njengentfutfu;
Umhlaba utawuguga njengesembatfo,
Futsi bantfu labahlala kuwo batakufa njengetimbuzulwane.
Kunganesabisi kwedzelelwa bantfu,
Ningesatjiswa tinhlamba labanetfuka ngato.
8 Ngobe umvunya* utabadla ubacedze njengesembatfo;
Umvunya wetimphahla utabacedza nya kube shengatsi boya bemvu.+
Kodvwa kulunga kwami kutawuhlala kuze kube phakadze,
Nensindziso yami itawuba khona situkulwane ngesitukulwane.”+
9 Vuka! Vuka! Gcoka emandla,
Wena mkhono waJehova!+
Vuka njengakadzeni, njengasetitukulwaneni letendlulile.
10 Akusuwe yini lowomisa lwandle, emanti alapho kushona kakhulu khona?+
Loyo lowenta tindzawo letijulile telwandle taba ngumgwaco walabahlengiwe kuze bewele?+
11 Labakhululiwe baJehova batawubuya.+
Injabulo nentfokoto, kutawuba kwabo
Futsi kukhala nekulila kutawubaleka.+
12 “Mine matfupha nginguLoyo lonidvudvutako.+
Nimesabelani nje umuntfu lotawufa+
Nendvodzana yemuntfu letawubuna njengetjani lobuluhlata?
Lilanga lonkhe benisolo nesaba intfukutselo yemcindzeteli,
Nimesaba shengatsi angakhona kunibhubhisa.
Iphi-ke nyalo lentfukutselo yalomcindzeteli?
14 Loyo loboshwe ngetinketane utawukhululwa masinyane;+
Angeke afe futsi uya emgodzini
Angeke akweswele nekudla.
15 Kodwa mine nginguJehova Nkulunkulu wakho
Lonyakatisa lwandle, ente nemagagasi alo atfukutsele,+
Libito lakhe nguJehova wemabutfo.+
16 Ngitawufaka emavi ami emlonyeni wakho,
Futsi wena ngitakumbonya ngesitfunti sesandla sami,+
Kuze ngihlanyele emazulu, ngibeke nesisekelo semhlaba+
Ngiphindze ngitsi eSiyoni: ‘Nine nibantfu bami.’+
17 Vuka! Vuka! Sukuma wena Jerusalema,+
Wena lodzakwe yintfukutselo lesendzebeni lebanjwe sandla saJehova.
Udzakiswe yindzebe;
Uyiminyele lendzebe lebangela kutsi udzayitele.+
18 Kuwo onkhe lamadvodzana lawatala kute ngisho nayinye lekhona kuze imhole,
Futsi kute ngisho nayinye kulamadvodzana lawakhulisa lembambe ngesandla.
19 Letintfo letimbili tikwehlele.
Ngubani lotawuvelana nawe?
Wehlelwe kucotfulwa nembhubhiso, indlala nenkemba!+
Ngubani lotakudvudvuta?+
20 Emadvodzana akho aculekile.+
Alele kuwo onkhe emakona etitaladi
Njengemvu yesiganga lebanjwe lugibe.
Intfukutselo yaJehova nekwekhuta kwakhe kwehlele kuwo.”
21 Ngako ngicela ulalele la,
Wena mfati losetinhlungwini futsi lodzakiwe, ube ungakadzakwa liwayini.
22 Naku lokushiwo yiNkhosi Jehova, Nkulunkulu wakho lolwela bantfu bakhe:
“Esandleni sakho ngitawutsatsa lendzebe lekubangela kutsi uyendze,+
Lendzebe, lokuyindzebe yami yelulaka;
Angeke uphindze unatse kuyo.+
Ngako wena wente umhlane wakho wafana nelibala,
Wafana nesitaladi sabo labahamba kuso.”
52 Vuka! Vuka! Gcoka emandla+ wena Siyoni!+
Gcoka tembatfo takho letinhle+ wena Jerusalema, dolobha lelingcwele!
Ngobe angeke kuphindze kungene longakasoki nalongcolile kuwe.+
2 Tsintsitsa tintfuli, sukuma uhlale esihlalweni lesihloniphekile wena Jerusalema.
Tsambisa tinketane* letisentsanyeni yakho, wena ndvodzakati yaseSiyoni letfunjiwe.+
3 Ngobe naku lokushiwo nguJehova:
4 Ngobe naku lokushiwo yiNkhosi Lephakeme Jehova:
“Bantfu bami bacale bayohlala eGibhithe njengetihambi;+
Babese bacindzetelwa yi-Asiriya ngaphandle kwesizatfu.”
5 “Yini-ke lokufanele ngiyente lana?” kusho Jehova.
“Ngobe bantfu bami batsetfwe ngaphandle kwemali.
Babusi babo bachubeka bamemeta ngenjabulo,”+ kusho Jehova,
“Futsi libito lami lichubeka ledzelelwa, lilanga lonkhe.+
6 Ngaleso sizatfu bantfu bami batawulati libito lami;+
Ngaleso sizatfu, bayokwati ngalelolanga kutsi ngimi lona lokhulumako.
Ngimi vele!”
7 Maye tinhle etintsabeni tinyawo taloyo loletsa tindzaba letimnandzi,+
Loyo lomemetela kuthula,+
Loyo loletsa tindzaba letimnandzi talokutsite lokuncono,
Loyo lomemetela insindziso,
Loyo lotsi eSiyoni: “Nkulunkulu wakho sewuyiNkhosi!”+
8 Lalela! Bogadzi bakho bayamemeta.
Bamemeta kanyekanye ngenjabulo,
Ngobe batawubona kahle* ngesikhatsi Jehova abuyisa iSiyoni.
9 Tfokotani, memetani ngenjabulo kanyekanye nine tindzala taseJerusalema,+
Ngobe Jehova ubadvudvutile bantfu bakhe;+ uyihlengile iJerusalema.+
10 Jehova wembule umkhono wakhe longcwele embikwato tonkhe tive;+
Yonkhe imikhawulo yemhlaba itawubona imisebenti yensindziso* yaNkulunkulu wetfu.+
11 Sukani, sukani, phumani lapho,+ ningatsintsi lutfo lolungcolile!+
12 Ngobe angeke nihambe ngekwesaba,
Futsi angeke kudzingeke kutsi nize nibaleke,
Ngobe Jehova utanihambela embili,+
Futsi Nkulunkulu wema-Israyeli utawuba ngumvikeli wenu wangemuva.+
13 Inceku yami+ iyawukwenta ngekuhlakanipha.
Iyawuphakanyiselwa etulu,
Iyawukhushulwa futsi iphakanyiselwe etulu kakhulu.+
14 Njengobe bebabanyenti lebebayibukisisa bamangele,
Yoniwa kwendlula nome ngabe ngubani
Nebuhle bayo bonakaliswa kwendlula kwebantfu,
15 Ngako iyawumangalisa tive letinyenti.+
Emakhosi ayawuvala imilomo yawo* embikwayo,+
Ngobe ayawukubona loko labekangakatjelwa kona
Futsi ayawucabangisisa ngaloko labekangakakuva.+
53 Ngubani lokholwe nguloko lakuve kitsi?*+
Ngubani lobone emandla* aJehova?+
2 Uyawuvela njengelihlumela+ embikwakhe,* avele njengemphandze eveni lelomile.
Kwaba shengatsi buso bakhe bufihlelwe tsine.*
Wedzelelwa futsi sambukela phansi.+
Kodvwa tsine satsatsa shengatsi ushaywe nguNkulunkulu, wamjezisa futsi wamhlupha.
6 Sonkhe sinhlanhlatse njengetimvu,+
Nguloyo naloyo utihambele ngendlela yakhe,
Futsi Jehova ubangele kutsi emacala etfu sonkhe etfwalwe nguye.+
Waletfwa njengemvu iya ekuhlatjweni,+
Njengemvu lensikati lebindzile embikwebahhuli bayo,
Futsi akazange awuvule umlomo wakhe.+
8 Watsatfwa ngenca yekungehlulelwa kahle;*
Futsi ngubani lotatikhatsata ngemininingwane yesitukulwane sakhe?*
9 Wanikwa indzawo yekungcwatjwa* kanye nalababi,+
Futsi wangcwatjwa netinjinga,*+
Abe angakenti lutfo lolubi*
Futsi bekute emanga emlonyeni wakhe.+
10 Kodvwa bekuyintsandvo yaJehova kumfihlita futsi wamvumela kutsi agule.
Nangabe utawunikela ngekuphila* kwakhe kube ngumnikelo welicala,+
Yena utawubona intalelwane* yakhe, engete nemalanga akhe,+
Futsi ngaye, intsandvo yaJehova itawuphumelela.+
11 Ngenca yetinhlungu* takhe, utawenetiswa ngulatakubona.
Ngelwati lwakhe, lolungile wami, inceku yami,+
Utawubangela kutsi bantfu labanyenti babe ngulabalungile,+
Futsi utakwetfwala emacala abo.+
12 Ngaleso sizatfu, ngitamnika sabelo emkhatsini walabanyenti,
Futsi utakwehlukaniselana nebantfu labanemandla loko lokutsetfwe emphini,
Ngobe wanikela ngekuphila* kwakhe*+
Futsi wabalwa kanye netoni;+
Wetfwala sono sebantfu labanyenti,+
Waphindze walamulela toni.+
54 “Memeta ngenjabulo wena mfati lote imbeleko, futsi longabatfoli bantfwana!+
Jabula kakhulu futsi umemete ngenjabulo+ wena longazange sewuhelwe,+
Ngobe emadvodzana* alolahliwe manyenti kakhulu
2 “Yenta indzawo yelithende lakho ibe yinkhulu kakhulu.+
Yelula tindvwangu telithende lakho lekukhontela lelikhulu.
Ukhululeke nje, welule tintsambo telithende lakho,
Futsi wente tikhonkhwane talo ticine.+
3 Ngobe imincele yakho iyawelulwa ngesekudla nangesencele.
Intalelwane yakho iyawutsatsa lifa letive,
Futsi iyawuhlala emadolobheni langenamuntfu.+
Ngobe utalikhohlwa lihlazo lasebusheni bakho,
Futsi angeke uphindze ulikhumbule lihlazo lekuba ngumfelokati.”
5 “Ngobe uMdali wakho Lomkhulu+ ufana nendvodza* yakho,+
NguJehova wemabutfo libito lakhe,
Futsi Longcwele waka-Israyeli unguMhlengi wakho.+
Utawubitwa ngekutsi unguNkulunkulu wemhlaba wonkhe.+
6 Ngobe Jehova wakubita shengatsi ungumfati lolahliwe futsi loselusizini,*+
Shengatsi ungumfati lowashada ebusheni bakhe wase uyalahlwa,” kusho Nkulunkulu wakho.
7 “Ngobe ngakulahla kwesikhashana nje,
Kodvwa ngemusa lomkhulu ngiyawuphindze ngikubuyise.+
8 Ngesikhukhula sentfukutselo ngakufihlela buso bami kwesikhashana nje,+
Kodvwa ngenca yekutsi lutsandvo lwami lolucotfo luhlala phakadze, ngiyawuba nemusa kuwe,”+ kusho uMhlengi wakho,+ Jehova.
9 “Loku kunjengasesikhatsini saNowa kimi.+
Njengobe nje ngafunga kutsi emanti esikhatsi sakhe angeke aphindze ambonye umhlaba,+
Ngako ngiyafunga ngitsi angeke ngiphindze ngikutfukutselele nobe ngikwekhute.+
10 Ngobe tintsaba tingasuswa
Nemagcuma anganyakatiswa,
Kodvwa lutsandvo lwami lolucotfo angeke lususwe kuwe,+
Nesivumelwane sami sekuthula angeke sinyakatiswe,”+ kusho Jehova, Loyo lonemusa kuwe.+
11 “Awu wena mfati losetinhlungwini,+ lohlaselwe tivunguvungu, wangadvudvutwa,+
Ngikwakha ngematje nangeludzaka lolucinile
Futsi sisekelo sakho ngisakha ngesafire.+
12 Ngitakwakha lubondza lwemibhoshongo yakho ngemarubhi,
Ngakhe emagede akho ngematje lakhatitelako,*
Futsi yonkhe imincele yakho ngitayakha ngematje laligugu.
14 Uyawusimamiswa ngekulunga.+
Uyawususwa ube khashane nekucindzetelwa,+
Angeke wesabe lutfo futsi kute lokutakwetfusa,
Ngobe loko angeke kusondzele kuwe.+
15 Nakungenteka kube khona lokuhlaselako,
Kuyobe kungakasho mine.
Nome ngabe ngubani lokuhlaselako uyawuncotjwa.”+
16 “Mine matfupha ngidale umuntfu lonelikhono,
Lovutsela umlilo wemalahle,
Umsebenti wakhe kwakha sikhali.
Mine lucobo lwami ngidale nemuntfu lobhubhisako lotawuletsa imbhubhiso.+
17 Kute sikhali lesakhelwe kulwa nawe lesiyawuphumelela,+
Nakwehlulelwa wena uyawulahla lulwimi lolumelene nawe.
Leli lifa letinceku taJehova,
Futsi kulunga kwato kusuka kimi,” kusho Jehova.+
55 Wotani nonkhe nine lenomile,+ wotani nitotfola emanti!+
Wotani nine leningenamali, wotani nitotsatsa nidle!
Yebo, wotani nitotsatsa liwayini nelubisi+ ngaphandle kwemali, ningabhadali.+
2 Nichubekelani nekubhadala imali yalokungasiso sinkhwa,
Futsi niwumoshelani umholo* wenu entfweni lenganesutsisi?
3 Lalelani futsi nite kimi.+
Lalelani khona nitewuchubeka* niphila,
Futsi ngitakwenta sivumelwane saphakadze nani+
Ngitawetsembeka, nginikhombise lutsandvo lolucotfo lengalwetsembisa Davide.+
5 Wena uyawubita sive longasati,
Futsi bantfu besive lesingakwati bayawugijimela kuwe
Ngenca yaJehova Nkulunkulu wakho,+ Longcwele waka-Israyeli,
Ngobe utakukhatimulisa.+
6 Funani Jehova asatfolakala.+
Mbiteni asesedvutane.+
7 Umuntfu lomubi akashiye indlela yakhe+
Nalokhohlakele akayekele imicabango yakhe;
Akabuyele kuJehova lotawuba nemusa kuye,+
Abuyele kuNkulunkulu wetfu ngobe utamtsetselela ngekukhululeka lokukhulu.+
8 “Ngobe imicabango yami ayifanani nemicabango yenu,+
Netindlela tami atifanani netindlela tenu,” kusho Jehova.
9 “Ngobe njengobe emazulu aphakeme kunemhlaba,
Kanjalo-ke netindlela tami tiphakeme kunetindlela tenu
Nemicabango yami iphakeme kunemicabango yenu.+
10 Njengobe nje imvula nelichwa kwehla kuvela ezulwini
Futsi kungabuyeli khona kungakawumantisi umhlaba, futsi njengobe kuwubangela kutsi utsele, kube khona lokuhlumako,
Kunikete umhlanyeli inhlanyelo, nalodlako kumnikete kudla,
11 Liyawuba njalo-ke nelivi lami leliphuma emlonyeni wami.+
Angeke libuyele kimi lingakabi nemphumela,+
Kodvwa nakanjani liyawukwenta nome ngabe yini lengijabulisako,*+
Futsi nakanjani liyawuphumelela kuloko lengilitfumele kona.
Tintsaba nemagcuma tiyawujabula kakhulu, timemete ngenjabulo embikwenu+
Futsi tonkhe tihlahla tesiganga tiyawushaya tandla.+
13 Esikhundleni setihlahla temanyeva, kuyawumila tihlahla temjunipha,+
Esikhundleni sesihlahla lesinemanyeva kuyawumila sihlahla samabovana.
Loku kuyawubangela kutsi Jehova atiwe* yonkhe indzawo,+
Futsi kuyawuba luphawu lwaphakadze lolungeke luphele.”
56 Naku lokushiwo nguJehova:
“Sekelani timiso letilungile+ futsi nente lokuhle,
Ngobe insindziso yami itawufika ngekushesha
Futsi kulunga kwami kutawembulwa.+
2 Uyajabula umuntfu lowenta loku
Nendvodzana yemuntfu lebambelela kuko,
Leyo legcina liSabatha futsi lengalihlambalati+
Iphindze ibambe sandla sayo kulo lonkhe luhlobo lwebubi.
3 Umuntfu wekuhamba lotihlanganisa naJehova+ akukafaneli atsi,
‘Nakanjani Jehova utangehlukanisa nebantfu bakhe.’
Futsi umtsenwa akukafaneli atsi, ‘Mine nje ngisihlahla lesomile.’”
4 Ngobe naku lokushiwo nguJehova kubatsenwa labagcina emasabatha ami nalabakhetsa kwenta lokungijabulisako nalababambelela esivumelwaneni sami:
5 “Ngitabanika sikhumbuto kanye neligama ngekhatsi endlini yami nangekhatsi kwetindvonga tami,
Lokuyintfo lencono kunemadvodzana nemadvodzakati.
Ngitawubanika ligama lelihlala kuze kube phakadze,
Lokuligama lelingeke liphele.
6 Mayelana nebantfu bakuletinye tive labatihlanganisa naJehova kuze bamkhonte,
Batsandze libito laJehova+
Futsi babe tinceku takhe,
Bonkhe labo labagcina liSabatha nalabangalihlambalati
Futsi lababambelela esivumelwaneni sami,
7 Ngitawuphindze ngibaletse entsabeni yami lengcwele+
Futsi ngibajabulise ngekhatsi endlini yami yemthantazo.
Iminikelo yabo yekushiswa kanye nemihlatjelo yabo itakwemukeleka e-al’thare lami.
Ngobe indlu yami kutawutsiwa yindlu yemthantazo yato tonkhe tive.”+
8 INkhosi Lephakeme Jehova, leyo lebutsela ndzawonye bantfu labahlakatekile baka-Israyeli,+ itsi:
“Ngiyawubutsisela kuye nalabanye, ngaphandle kwalabo lesengivele ngibabutsisile.”+
9 Nonkhe nine tilwane tesiganga, wotani nitokudla,
Nani nonkhe nine tilwane tesiganga lenisemahlatsini.+
10 Bogadzi bakhe ababoni emehlweni,+ kute ngisho namunye kubo lonakile.+
Bonkhe batinja letingenamsebenti, letingakhonkhotsi.+
Bayahehetela futsi balele phansi; bayakutsandza kulala.
11 Batinja letitsandza kakhulu kudla;
Akwenteki besutse.
Babelusi labete kucondza.+
Bonkhe batihambela ngendlela yabo;
Bonkhe ngelutsi lwabo batifunela inzuzo ngekungetsembeki futsi batsi:
12 “Wotani, asitsatseni liwayini,
Futsi asinatseni tjwala size sidzakwe.+
Kusasa kutawufana nalamuhla, futsi kutawuba ncono kakhulu!”
57 Lolungile sewushabalele,
Kodvwa kute lokufaka enhlitiyweni loko.
2 Ungena endzaweni lenekuthula.
Baphumula emibhedzeni* yabo, bonkhe labahamba ngekulunga.
3 “Kodvwa nine sondzelani,
Nine madvodzana emtsakatsi,
Nine bantfwana besiphingi nengwadla:
4 Nihlekisa ngabani?
Ngubani lona lenimvulela imilomo yenu futsi nimkhokhele lulwimi lwenu?
Anisibo yini bantfwana labatfolwe ngesono,
Bantfwana benkhohliso,+
5 Labo labashiswa yinkhanuko etihlahleni letinkhulu,+
Ngephansi kwato tonkhe tihlahla letinhle,+
Labo lababulala bantfwababo etihosheni,+
Nasemkhatsini wemadvwala?
6 Ematje labusheleleti alesihosha asabelo sakho.+
Yebo vele, asabelo sakho.
Ngisho nawo uwatsela ngeminikelo yalokunatfwako futsi uwaphe tipho.+
Kufanele yini mine ngenetiswe* nguletintfo?
7 Entsabeni lendze nalephakeme, wendlale umbhedze wakho,+
Futsi ukhuphukele lapho kuze unikele umhlatjelo.+
8 Ngemuva kwesivalo nasensikeni yesivalo ubeke sikhumbuto sakho.
Ungishiyile, wakhumula waba ngcunu;
Ukhuphukile wenta umbhedze wakho waba mkhulu.
Wente sivumelwane nabo.
9 Wehlele kuMeleki* nemafutsa
Kanye nemakha lamanyenti.
Utfumele titfunywa takho khashane
Kuze wehlele eThuneni.*
10 Usebente kamatima ekulandzeleni tindlela takho letinyenti,
Kodvwa awukakhulumi watsi, ‘Kute litsemba!’
Utfole emandla lavusetelwe.
Kungako ungaphelelwa ngemandla.*
11 Ngubani lona lokhatsateke ngaye nalomesabako
Kangangekutsi bewungaze ucale kucamba emanga?+
Wena ungikhohliwe.+
Kute lokufake enhlitiyweni.+
Angikachubeki yini ngibindzile futsi ngangasho lutfo?*+
Ngaleyondlela awukakhombisi kungesaba.
13 Nawukhalela lusito,
Letinhlobonhlobo tetithico takho angeke tikusindzise.+
Umoya utatiphephula tonkhe,
Umoya nje lophuma ngemakhala utatiphephula,
Kodvwa loyo lokhosela kimi utawutsatsa lelive libe lifa lakhe
Aphindze atsatse intsaba yami lengcwele ibe yakhe.+
14 Kutawutsiwa, ‘Yakhani, yakhani umgwaco! Lungisani indlela!+
Khweshisani nome ngabe ngusiphi siphazamiso endleleni yebantfu bami.’”
15 Naku lokushiwo nguLosetulu naLophakeme,
“Ngihlala endzaweni lephakeme nalengcwele,+
Kodvwa nginalabo labephukile nalabanemoya lophansi,
Kuze ngivusetele umoya walophansi
Futsi ngivuselele inhlitiyo yalabo labephukile.+
16 Ngobe angeke ngimelane nabo kuze kube phakadze
Nobe ngihlale ngibatfukutselele;+
Ngobe umoya wemuntfu bewungaba phansi ngenca yami,+
Ngisho netilwane lengitidalile betingaphefumula kalukhuni.
17 Ngamtfukutselela ngenca yemkhuba wakhe wekufuna inzuzo ngekungetsembeki, ngenca yekwenta sono,+
Ngako ngamshaya, ngafihla buso bami futsi bengitfukutsele.
Kodvwa wachubeka ahamba njengelihlubuka,+ alandzela inhlitiyo yakhe.
18 Sengitibonile tindlela takhe,
Kodvwa ngitamelapha+ futsi ngimhole+
Ngitawuphindze* ngimdvudvute,+ yena kanye nalabo labamlilelako.”+
19 “Ngidala sitselo setindzebe.
Kuthula lokuchubekako kutawuniketwa loyo lokhashane naloyo lodvutane,”+ kusho Jehova,
“Futsi ngitamelapha.”
20 “Kodvwa lababi bafana nelwandle loluyalutelako lolungeke luthule,
Emanti alo achubeka aphakamisa lukhula neludzaka lwelwandle.
21 Kute kuthula kulababi,” kusho Nkulunkulu wami.+
58 “Memeta ngalo lonkhe liphimbo lakho; umemete nje ungesabi!
Phakamisa livi lakho njengeluphondvo.
Memetela kubantfu bami kuvukela kwabo,+
Memetela tono tabo endlini yaJakobe.
2 Bangifuna onkhe malanga,
Futsi bayakutsandza kwati tindlela tami,
Kube shengatsi basive lesenta kulunga
Futsi abakayilahli imitsetfo yaNkulunkulu wabo.+
Bacela kutsi ngehlulele ngendlela lelungile,
Kube shengatsi batsandza kusondzela kuNkulunkulu:+
3 ‘Kungani ungaboni nasizila kudla?+
Futsi kungani unganaki nasitibangela tinsizi?’*+
4 Kuzila kwenu kudla kuphela ngekuhhwilitisana nangekulwa,
Futsi nibese nishayana ngesibhakela sebubi.
Angeke nizile kudla ngalendlela bese nicabanga kutsi emavi enu atawuviwa ezulwini.
5 Kufanele yini kube njena kuzila kudla lengikukhetsako,
Njengelilanga lapho lotsite atibangela tinsizi,*
Agobisa inhloko yakhe njengetjani lobudze,
Ente umbhedze wakhe ngendvwangu yelisaka nangemlotsa?
Kungiko yini loku lenikubita ngekuzila kudla nelilanga lelijabulisako kuJehova?
6 Cha, naku kuzila kudla lengikukhetsako:
Kutsi kuchachwe tinketane tebubi,
Kukhunyulwe tintsambo telijoka,+
Kukhululwe locindzetelekile,+
Nekutsi kwephulwe onkhe emajoka emkhatsini;
7 Kudla nalabalambile,+
Kuhlalisa labeswele nalabete emakhaya endlini yakho,
Kugcokisa longcunu nawumbona,+
Nekungamfulatseli loyo loyingati yakho.
8 Ngemuva kwaloko, kukhanya kwakho kutawukhanya njengekusa,+
Futsi utawusheshe welapheke.
Kulunga kwakho kutawuhamba embikwakho,
Futsi inkhatimulo yaJehova itakugadza ngemuva.+
9 Utawubese uyamemeta, futsi Jehova akuphendvule;
Utawukhalela lusito, yena atsi: ‘Nangu mine!’
Nangabe nje ususa lijoka emkhatsini wenu
Futsi niyekela kukhombana ngemuno nekukhuluma tintfo letilimatako,+
10 Nangabe uniketa lolambile loko nawe lokufisako*+
Futsi wenetise labo labacindzetelekile,*
Kukhanya kwakho kutawubese kuyakhanya ngisho nasebumnyameni,
Nebumnyama bakho butawufana nemini.+
11 Jehova utakuhola njalo
Enetise netidzingo takho* ngisho naseveni lelomile;+
Utawucinisa ematsambo akho,
Futsi wena utawuba njengengadze leniselwa kahle,+
Nanjengemtfombo lonemanti langapheli.
12 Batakwakha kabusha tindzala takadzeni ngenca yakho,+
Futsi utawubuyisela tisekelo tetitukulwane letendlulile.+
Utawubitwa ngekutsi ungulovusa tindvonga letidzilikile,+
Lovusa imigwaco lokutawuhlalwa emaceleni ayo.
13 Nangabe ngeliSabatha, lokulilanga lami lelingcwele, ungakwenti* loko lokukujabulisako+
Futsi ubita liSabatha ngekutsi lilanga lenjabulo lenkhulu, lilanga lelingcwele laJehova, lilanga lekukhatinyuliswa,+
Futsi ulikhatimulise esikhundleni sekwenta loko lokukujabulisako nekukhuluma emagama lalite,
14 Utawubese utfola injabulo lenkhulu kuJehova,
Futsi ngitakwenta ugibele etindzaweni letiphakeme temhlaba.+
59 Sandla saJehova asisifisha kutsi singehluleka kusindzisa,+
Nendlebe yakhe ayikavaleki kutsi ingehluleka kuva.+
2 Emaphutsa enu ngiwo lanehlukanise naNkulunkulu.+
Tono tenu timbangele kutsi anifihlele buso bakhe,
Futsi akasafuni kunilalela.+
3 Ngobe tandla tenu tingcoliswe yingati+
Neminwe yenu ingcoliswe sono.
Tindzebe tenu tikhuluma emanga,+ nelulwimi lwenu lutikhulumela phansi tintfo letimbi.
4 Kute lofuna kulunga,+
Futsi kute loya enkantolo ngeliciniso.
Betsembe lite+ futsi bakhuluma intfo lengenamsebenti.
Bamitsa tinkinga, batale tintfo letiyingoti.+
5 Bachobosela emacandza enyoka lenebutsi,
Futsi baphotsa bulembu.+
Nome ngabe ngubani lodla emacandza ayo utawufa,
Futsi licandza lelifihlitiwe lichobosela inyoka lenebutsi.
6 Bulembu babo angeke bube sembatfo sabo,
Futsi angeke bakugcoke loko labakwentile.+
Imisebenti yabo iyingoti,
Nasetandleni tabo kunemisebenti yebudlova.+
7 Tinyawo tabo tigijimela ekwenteni bubi,
Futsi bagijimela kucitsa ingati lete licala.+
Imicabango yabo iyimicabango leyingoti;
Tindlela tabo tigcwele kulimata nekuhlupha labanye.+
8 Abakwati kuthula,
Futsi tindlela tabo atikalungi.+
Imigwaco yabo igwegwile;
Futsi bonkhe labahamba ngayo ngeke bakwati kuthula.+
9 Kungako kwehlulela kahle kukhashane natsi,
Nekulunga asikutfoli.
Sichubeka silangatelela kukhanya, kodvwa kunebumnyama;
Silangatelela kukhanya, kodvwa sichubeka sihamba ebumnyameni.+
10 Siphutsata lubondza njengalabangaboni emehlweni;
Sichubeka siphutsata njengebantfu labete emehlo.+
Emini siyagileka kube shengatsi sekuhlwile;
Kulabo labanemandla kufana nekutsi sifile.
11 Sonkhe siyabhodla njengemabhele
Futsi siyalila njengematuba.
Sinelitsemba lekwehlulelwa ngekulunga, kodvwa kute;
Sinelitsemba lekusindziswa, kodvwa kukhashane natsi.
Ngobe kuvukela kwetfu kunatsi;
Siwati kahle emacala etfu.+
13 Sonile futsi simphikile Jehova;
Simfulatsele Nkulunkulu wetfu.
14 Kwehlulela ngekulunga kuchilitelwe emuva,+
Nekulunga kume khashane;+
Ngobe liciniso* alikho etindzaweni tawonkhe wonkhe,
Nalokulungile akukhoni kungena.
16 Wabona kutsi akunamuntfu,
Futsi kwametfusa kutsi kute lofuna kulamula,
Ngako umkhono wakhe lucobo lwawo wabaletsela insindziso,*
Nekulunga kwakhe kwamsekela.
17 Wabese ugcoka kulunga njengesembatfo semphi sekutivikela
18 Utabaniketa nangu umvuzo waloko labakwentile:+
Lulaka kulabamelene naye, sehlulelo etitseni takhe.+
Netichingi utatinika inkhokhelo yato.
19 Kusukela ekushoneni kwelilanga batakwesaba libito laJehova
Nenkhatimulo yakhe ekuphumeni kwelilanga,
Ngobe utawungena njengemfula logijimako,
Lochutjwa ngumoya waJehova.
20 “ESiyoni kutawufika uMhlengi,+
Utawufika+ kubantfu baJakobe labaphendvukako etonweni tabo,”+ kusho Jehova.
21 “Ngulesi sivumelwane sami lengisenta nabo,”+ kusho Jehova. “Umoya wami lokuwe kanye nemavi ami lengiwafake emlonyeni wakho, angeke akhishwe emlonyeni wakho, emlonyeni webantfwana* bakho nasemlonyeni wesitukulwane* sakho, kusukela nyalo kuze kube phakadze,” kusho Jehova.
60 “Sukuma wena mfati,+ khanya ngobe kukhanya kwakho sekufikile.
Inkhatimulo yaJehova iyakukhanyisa.+
2 Bumnyama butawumbonya umhlaba
Nebumnyama lobukhulu bumbonye tive;
Kodvwa Jehova utawukhanya kuwe,
Nenkhatimulo yakhe itawubonakala kuwe.
4 Phakamisa emehlo akho ubuke kuto tonkhe tinhlangotsi takho.
Bonkhe sebahlanganisiwe; beta kuwe.
5 Ngaleso sikhatsi utawubona, ujabule kakhulu,+
Inhlitiyo yakho itawugcumagcuma,
Ngobe umnotfo welwandle utawuletfwa kuwe;
Nemcebo wetive ute kuwe.+
6 Emakamela lamanyenti kakhulu atawugcwala eveni lakho,*
Kutawugcwala emakamela lamadvuna lasemancane akaMidiyani newase-Efa.+
Bonkhe bantfu labasuka eSheba batawuta;
Batawuta betfwele ligolide nemakha esihlahla semphepho.
Batawumemetela ludvumo lwaJehova.+
7 Yonkhe imihlambi yaseKhedari+ itawubutselwa kuwe.
Timvu letindvuna taseNebayothi+ titawuba lusito kuwe.
8 Bobani laba labandiza njengemafu,
Labandiza njengematuba nakaya endzaweni lahlala kuyo?*
9 Ngobe tichingi titawetsembela kimi;+
Imikhumbi yaseThashishi ihamba phambili,
Kuze iletse emadvodzana akho lasuka khashane,+
Kanye nelisiliva neligolide lawo,
Kuze advumise libito laJehova Nkulunkulu wakho naLongcwele waka-Israyeli,
10 Bantfu bakuletinye tive batakwakha lubondza lwakho,
Futsi emakhosi abo atakusebentela+
Ngobe ngikushaya ngentfukutselo yami,
Kodvwa ngenca yemusa wami ngitawuba nesihawu kuwe.+
11 Emagede akho atawuhlale avulilwe;+
Angeke avalwe busuku nemini,
Kuze akuletsele umcebo wetive,
Futsi emakhosi ato atawuhamba embili.+
12 Ngobe nome ngabe ngusiphi sive nembuso longeke utitfobe kuwe, utawushabalala,
Netive titawubhujiswa.+
13 Buhle beLebanoni butawufika kuwe,+
Tihlahla temjunipha, temferi netemsayipuresi titawuta kanyekanye,+
Kuze tihlobise indzawo yami yekukhontela;
Ngitawukhatimulisa indzawo yetinyawo tami.+
14 Emadvodzana alabo labakuhlukumeta atawuta aguce embikwakho;
Bonkhe labo labakwedzelelako kufanele baguce etinyaweni takho,
Futsi batakubita ngekutsi ulidolobha laJehova,
ISiyoni yaLongcwele waka-Israyeli.+
15 Nanobe ngakushiya futsi bantfu bakwenyanya, kwaba bete nalohamba kuwe,+
Ngitakwenta kutsi bantfu bakudvumise phakadze,
Ube yimbangela yekujabula, kuto tonkhe titukulwane.+
16 Uyawunatsa lubisi lwetive,+
Umunye nemabele emakhosi;+
Nakanjani uyawukwati kutsi mine, Jehova, nginguMsindzisi wakho,
Nekutsi Lonemandla waJakobe unguMhlengi wakho.+
17 Esikhundleni selitfusi ngiyawuletsa ligolide,
Esikhundleni sensimbi ngiyawuletsa lisiliva,
Esikhundleni selugodvo ngiyawuletsa litfusi,
Esikhundleni sematje, ngiyawuletsa insimbi;
Ngiyawubeka kuthula kube babonisi bakho
Futsi kulunga kuyawuba ngiko lokukwabela umsebenti.+
18 Angeke kuphindze kube nebudlova eveni lakho
Angeke kuphindze kube nembhubhiso netindzala eminceleni yakho.+
Lubondza lwakho uyawulubita ngekutsi yiNsindziso,+ nemagede akho uwabite ngekutsi Ludvumo.
19 Ngobe lilanga angeke lisakukhanyisela emini,
Futsi kukhanya kwenyanga angeke kukukhanyisele,
Ngobe Jehova uyawuba kukhanya kwakho kwaphakadze,+
Futsi Nkulunkulu wakho uyawuba buhle bakho.+
20 Lilanga lakho angeke liphindze lishone,
Futsi inyeti yakho angeke iphindze ifiphale,
Ngobe Jehova uyawuba kukhanya kwakho kwaphakadze,+
Nemalanga akho ekulila ayawube asaphelile.+
21 Bonkhe bantfu bakho bayawuba ngulabalungile;
Bayawuhlala kulelive kuze kube phakadze.
22 Lomncane uyawuba yinkhulungwane
Longasilutfo abe sive lesinemandla.
Mine Jehova lucobo lwami ngitakusheshisa loko ngesikhatsi sako.”
61 Umoya weNkhosi Lephakeme Jehova usetikwami,+
Ngobe Jehova ungigcobile kuze ngimemetele tindzaba letimnandzi kulabamnene.+
Ungitfumele kutsi ngibophe emanceba alabo labanetinhlitiyo letephukile,
Ngimemetele ngekukhululwa kwalabatfunjiwe
Nekutsi tiboshwa titawuphindze tibone,+
2 Ungitfume kutsi ngimemetele umnyaka waJehova wemusa
Nelilanga laNkulunkulu wetfu lemphindziselo,+
Futsi ngidvudvute bonkhe labalilako,+
3 Ngisite labo labalilela iSiyoni,
Ngibanike kwekushucula esikhundleni semlotsa,
Ngibanike emafutsa enjabulo esikhundleni sekulila,
Ngabanika nesembatfo sekudvumisa esikhundleni semoya lowephukile.
Bayawubitwa ngekutsi tihlahla letinkhulu tekulunga,
Titjalo taJehova, kuze bamkhatimulise.+
4 Bayawukwakha kabusha tindzala takadzeni;
Bayawuvusa tindzawo takadzeni letabhidlitwa,+
Futsi bayawulungisa emadolobha lebekabhidlitiwe,+
Balungise tindzawo letasala tingenamuntfu etitukulwaneni ngetitukulwane.+
5 “Bantfu labangatiwa bayawusukuma beluse imihlambi yenu,
Bantfu bekuhamba+ bayawuba balimi benu nebanakekeli bemasimu enu emagilebisi.+
7 Esikhundleni selihlazo, niyawutfola incenye lephindvwe kabili,
Futsi esikhundleni sekuhlazeka, bayawumemeta ngenjabulo nabatfola incenye yabo.
Nakanjani bayawuba nencenye lephindvwe kabili eveni labo.+
Bayawuba nenjabulo lehlala phakadze.+
Ngitababhadala ngekwetsembeka,
Futsi ngitakwenta sivumelwane saphakadze nabo.+
10 Ngiyawujabula kakhulu ngaJehova.
Umphefumulo wami uyawujabula ngaNkulunkulu wami.+
Ngobe ungembatsise tembatfo tensindziso;+
Wangigocotela ngengubo* yekulunga,
Njengemkhwenyane lofaka umshuculo lonjengewemphristi,+
Nanjengamakoti lotihlobisa ngemihlobiso yakhe.
11 Njengobe nje umhlaba uveta emahlumela awo
Nalokuhlanyelwe engadzeni kuhluma,
Kanjalo neNkhosi Lephakeme Jehova
62 Angeke ngithule ngenca yeSiyoni,+
Futsi angeke ngihlaliseke ngenca yeJerusalema
Kuze kube ngulapho kulunga kwayo kukhanya njengekukhanya lokukhulu+
Nensindziso yayo ikhanya njengelutsi lwesibane lolukhanyako.+
Uyawubitwa ngeligama lelisha,+
Loletsiwe ngumlomo waJehova lucobo lwakhe.
3 Uyawuba ngumchele webuhle esandleni saJehova,
Ube ngumshuculo wasebukhosini esandleni saNkulunkulu wakho.
4 Angeke uphindze ubitwe ngekutsi ungumfati lolahliwe,+
Futsi angeke kuphindze kutsiwe live lakho alinamuntfu.+
Kodvwa uyawubitwa ngekutsi unguNjabulo Yami Ikuye,+
Nelive lakho liyawubitwa ngekutsi nguLoshadile.
Ngobe Jehova uyawujabula ngawe,
Futsi live lakho liyawufana nemuntfu loshadile.
5 Njengobe nje lijaha lishada nentfombi ntfo,
Nemadvodzana akho ayawushada nawe.
Ngendlela umkhwenyane lajabula ngayo ngamakoti wakhe,
Kanjalo naNkulunkulu wakho uyawujabula ngawe.+
6 Awu Jerusalema, ngibeke bogadzi etulu elubondzeni lwakho.
Lilanga nelilanga, busuku nebusuku, futsi akukafaneli bathule.
Nine lenikhuluma ngaJehova,
Ningaphumuli,
7 Ningamniki kuphumula kuze kube ngulapho asimamisa iJerusalema,
Aze ente kutsi idvunyiswe ngumhlaba.”+
8 Jehova ufunge ngesandla sakhe sangesekudla, ufunge ngemkhono wakhe lonemandla, watsi:
“Lokutinhlavu kwakho angeke ngiphindze ngikunike titsa takho kutsi tikudle,
Futsi bantfu bakuletinye tive angeke ngiphindze ngibanike liwayini lakho lelisha lolisebentele kamatima.+
9 Kepha labo lababutsa lokutinhlavu, batakudla futsi batawudvumisa Jehova;
Labo lababutsa emagilebisi, batawunatsa liwayini emabaleni ami langcwele.”+
10 Phumani, phumani ngemagede.
Balungiseleni indlela labantfu.+
Yakhani, yakhani umgwaco lomkhulu.
Susani ematje kuwo.+
11 Jehova umemetele emikhawulweni yemhlaba watsi:
“Tsanini endvodzakatini yaseSiyoni,
‘Insindziso yakho iyeta.+
Umvuzo wakhe ukuye,
Futsi loko labhadala ngako kusembikwakhe.’”+
12 Bayawubitwa ngekutsi sive lesingcwele, sive Jehova lasihlengile,+
Futsi wena uyawubitwa ngekutsi Ungulofunwa Kakhulu, Lidolobha Lelingakalahlwa.+
63 Ngubani lona lotako losuka ka-Edomu,+
Lona losuka eBhosra+ agcoke timphahla letikhatitelako,*
Lona logcoke timphahla letinhle,
Lomashako futsi lonemandla?
“Ngimi lona lokhuluma tintfo letilungile,
Lonemandla lamakhulu ekusindzisa.”
2 Tibangelwa yini timphahla takho kutsi tibe bovu,
Tibangelwa yini tembatfo takho kutsi tifanane netaloyo logcobagcoba emagilebisi?+
3 “Ngigcobagcobe emagilebisi ngingedvwana endzaweni yekuhlutela liwayini.
Kute kuletive longilekelele.
Ngichubekile ngigcobagcoba titsa tami ngentfukutselo yami,+
Ngichubekile ngitigcobagcoba ngelulaka.
Tembatfo tami ngititsele ngengati yato,
Futsi ingcolise tonkhe timphahla tami.
4 Ngobe lilanga lekuphindzisela lisenhlitiyweni yami,+
Nemnyaka webantfu bami lengibahlengile sewufikile.
5 Ngabuka, kodvwa kute lowangisita;
Ngadvumala ngobe kute lowangilekelela.
6 Ngagcobagcoba tive ngentfukutselo yami,
Ngabangela kutsi tidzakwe lulaka lwami+
Ngacitsa nengati yato emhlabatsini.”
7 Ngitawukhuluma ngemisebenti yaJehova yelutsandvo lolucotfo,
Ngikhulume ngemisebenti yaJehova lokufanele idvunyiswe,
Ngenca yako konkhe Jehova lasentele kona,+
Tintfo letinhle letinyenti latentele indlu yaka-Israyeli,
Latente ngenca yemusa wakhe nelutsandvo lwakhe lolucotfo.
8 Ngobe watsi: “Laba babantfu bami mbamba, emadvodzana latakwetsembeka.”*+
Ngako waba nguMsindzisi wabo.+
9 Ngaso sonkhe sikhatsi nabacindzetelekile, naye bekacindzeteleka.+
Sitfunywa* sakhe sabasindzisa.+
Ngelutsandvo lwakhe nangeluvelo lwakhe wabahlenga,+
Kuwo onkhe emalanga akadzeni, wabaphakamisa wabetfwala.+
10 Kodvwa bamvukela+ futsi bawuvisa buhlungu umoya wakhe longcwele.+
11 Babese bakhumbula tikhatsi takadzeni,
Ngetikhatsi taMosi inceku yakhe, batsi:
“Uphi Loyo lowabeweta lwandle+ bakanye nebelusi bemhlambi wakhe?+
Uphi Loyo lowafaka umoya wakhe longcwele kuye,+
12 Loyo lowenta umkhono wakhe lokhatimulako wabamba sandla sangesekudla saMosi,+
Loyo lowehlukanisa emanti embikwabo+
Kuze atentele ligama laphakadze,+
13 Uphi Loyo lowabenta badzabula emkhatsini wemanti lashonako,
Kangangekutsi abazange bagileke,
Bahamba njengelihhashi lihamba ehlane?
14 Njengemfuyo nayewukela esihosheni,
Umoya waJehova wabaphumuta.”+
Lena ngiyo indlela lowahola ngayo bantfu bakho,
Kuze wena utakhele ligama lelihle.+
15 Buka usezulwini ubone
Buka usendzaweni yakho lephakeme yebungcwele nenkhatimulo.*
Ngigodlelwe kona.
16 Ngobe wena unguBabe wetfu;+
Ngisho noma kungenteka kutsi Abrahama akasati
Nekutsi Israyeli angasiboni,
Awu Jehova, wena unguBabe wetfu.
Kusukela kadzeni ubitwa ngekutsi unguMhlengi wetfu.+
17 Kungani wena Jehova usivumela kutsi sihambe ngetindlela tetfu?
Kungani uvumela tinhlitiyo tetfu kutsi tibe lukhuni size singasakwesabi?+
Mane ubuye ngenca yetinceku takho,
Lokutive letilifa lakho.+
18 Sive sakho lesingcwele salitsatsa sikhashana lelive.
Titsa tetfu tigcobagcobe indzawo yakho lengcwele.+
19 Sekwendlule sikhatsi lesidze solo sifana nebantfu labangazange babuswe nguwe,
Sifana nebantfu labangazange sebabitwe ngelibito lakho.
64 Kube mane nje bewungadzabula emazulu ekhatsi bese uyehla
Kuze kunyakate tintsaba ngenca yakho,
2 Njengalapho umlilo ulumeka tinsaba,
Futsi ubilisa emanti.
Titsa takho betiyawubese tiyalati libito lakho,
Netive betiyawuchachatela embikwakho.
3 Ngesikhatsi wenta tintfo letimangalisako lebesingakaze sibe nelitsemba lekutsi titakwenteka,+
Wena wehla kwanyakata tintsaba embikwakho.+
4 Kusukela kadzeni kute loweva nobe lowabeka indlebe,
Futsi kute liso lelabona lomunye Nkulunkulu ngaphandle kwakho,
5 Wena uhlangene nalabo labatsandza kwenta lokuhle,+
Labo labakukhumbulako futsi labahamba etindleleni takho.
Wena watfukutsela ngesikhatsi sichubeka sona,+
Sakwenta sikhatsi lesidze loko.
Kufanele yini nyalo sisindziswe?
6 Sonkhe sesifanana nemuntfu longcolile,
Futsi tonkhe tento tetfu tekulunga tifana nesicephu semfati losesikhatsini.+
Sonkhe sitawubuna njengelicembe,
Nemaphutsa etfu atasiphephula njengemoya.
7 Kute lobita libito lakho,
Kute lowetama kufuna lusito lwakho,
Ngobe wena usifihlele buso bakho,+
Futsi ubangela kutsi sondze ngenca yeliphutsa letfu.
8 Kodvwa wena, awu Jehova, unguBabe wetfu.+
Tsine silubumba futsi wena unguMbumbi wetfu;+
Sonkhe singumsebenti wesandla sakho.
9 Awu Jehova, ungasitfukutseleli kakhulu,+
Futsi ungawakhumbuli emaphutsa etfu kuze kube phakadze.
Sicela usinake ngobe sonkhe sibantfu bakho.
10 Emadolobha akho langcwele agucuke aba lihlane.
ISiyoni seyigucuke yaba lihlane,
IJerusalema yaba yindzawo lengenalutfo.+
11 Indlu* yetfu yebungcwele neyenkhatimulo,*
Lapho bokhokho betfu bebakudvumisela khona,
Seyishiswe ngemlilo+
Futsi tonkhe tintfo lebesititsandza setibhujisiwe.
12 Awu Jehova, ngemuva kwako konkhe loku, utawuchubeka yini utibambile?
Utawuchubeka yini ubindzile futsi usiyekele sihlupheke kabuhlungu kanjena?+
65 “Ngatembula kulabo labangazange bangicele;
Ngatfolwa ngulabo labebangazange sebangifune.+
Ngatsi esiveni lebesingalibiti libito lami, ‘Nangu mine, nangu mine!’+
2 Lilanga lonkhe ngavula tandla tami, ngativulela sive lesinenkhani,+
Ngativulela labo labahamba endleleni lembi,+
Labalandzela imicabango yabo;+
3 Sive lesihlale singikhuba,+
Senta imihlatjelo emasimini+ neminikelo yekushiswa etitinini.
Etitjeni tabo kunemsobho wetintfo letingcolile.+
5 Batsi: ‘Mani khona lapho; ungasondzeli lapha kimi,
Ngobe mine ngingcwele kakhulu kunawe.’*
Laba bayintfutfu emakhaleni ami, bangumlilo lovutsa lilanga lonkhe.
6 Kubhaliwe embikwami,
Angeke ngihlaliseke,
Kodvwa ngitabajezisa,+
Ngitabajezisa ngenca yako konkhe labakwentile*
7 Ngenca yetono tabo netono tabokhokho babo,”+ kusho Jehova.
“Ngobe bente iminikelo yekushiswa etintsabeni
Futsi bangihlambalatile basemagcumeni,+
Ngitawucale ngibajezisele tonkhe tento tabo letimbi.”*
8 Naku lokushiwo nguJehova:
“Njengobe nje liwayini lelisha litfolakala esikhehleni semagilebisi
Bese lomunye utsi: ‘Ungasilahli, ngobe kukhona lokuhle* lakuso,’
Ngako nami ngitakwenta njalo ngenca yetinceku tami;
Angeke ngitibhubhise tonkhe.+
9 Ngiyawukhipha intalelwane* kuJakobe
Futsi kaJuda kuyawuba naloyawutsatsa tintsaba tami tibe lifa lakhe;+
Liyawuba lebantfu bami lengibakhetsile,
Tinceku tami tiyawuhlala khona.+
10 ISharoni+ iyawuba lidlelo letimvu
Sihosha* sase-Akhori+ siyawuba yindzawo lakuphumula khona tinkhomo,
Sibe yindzawo yebantfu bami labangifunako.
11 Kodvwa nine niyincenye yalabo labashiya Jehova,+
Labo labayikhohliwe intsaba yami lengcwele,+
Labo labadekela nkulunkulu weNhlanhla litafula,
Nalabo labagcwalisa tindzebe tabo ngeliwayini lelididiyelwe, batigcwalisele nkulunkulu Wekudalelwa.
12 Ngako-ke siphetfo senu kuyawuba kubhubha ngenkemba,+
Futsi nonkhe niyawuguca phansi kuze nibulawe,+
Ngobe nganibita kodvwa anizange nisabele,
Ngakhuluma nani kodvwa anizange ningilalele;+
Benisolo nenta lokubi emehlweni ami
Futsi nakhetsa kwenta lengikwenyanyako.”+
13 Ngako iNkhosi Lephakeme Jehova itsi:
“Tinceku tami tiyawukudla kodvwa nine niyawulamba.+
Tinceku tami tiyawunatsa+ kodvwa nine niyokoma.
Tinceku tami tiyawujabula+ kodvwa nine niyawuhlazeka.+
14 Tinceku tami tiyawumemeta ngenjabulo ngenca yenhlitiyo lejabulile,
Kodvwa nine niyawukhala ngenca yebuhlungu benhlitiyo
Futsi niyawulila ngenca yemoya lowephukile.
15 Niyawushiya ligama leliyosetjentiswa ngulabakhetsiwe bami nabacalekisa,
Futsi iNkhosi Lephakeme Jehova iyawunibulala nonkhe,
Kodvwa tinceku tami iyawutibita ngalelinye ligama;+
16 Kuze kutsi nome ngabe ngubani lotifunela sibusiso emhlabeni
Abusiswe nguNkulunkulu weliciniso,*
Futsi nobe ngabe ngubani lofungako emhlabeni
17 Ngidala emazulu lamasha nemhlaba lomusha;+
Tintfo lesetendlulile angeke tisakhunjulwa,
Futsi angeke tisanivisa buhlungu.+
18 Ngako-ke jabulani nitfokote phakadze ngaloko lengikudalako.
Ngobe ngidala iJerusalema leyawubangela kutsi nijabule
Futsi bantfu bakhona batawubangela injabulo.+
19 Ngiyawujabula ngeJerusalema, ngitfokote ngebantfu bami;+
Angeke kuphindze kuvakale umsindvo wekukhala nobe wekukhala ngenca yekucindzeteleka.”+
20 “Kuleyondzawo, angeke kuphindze kube neluswane loluyawuphila emalanga lambalwa nje,
Futsi angeke kuphindze kube nemuntfu lomdzala longeke aphile sikhatsi lesidze.
Ngobe nome ngabe ngubani lofa aneminyaka lengu-100 uyawutsatfwa ngekutsi abesengumfanyana nje,
Futsi soni siyawucalekiswa ngisho nome sineminyaka lengu-100 budzala.*
22 Angeke bakhe bese kuhlala lomunye,
Futsi angeke bahlanyele bese kudla lomunye.
Ngobe emalanga ebantfu bami ayawuba njengemalanga esihlahla,+
Futsi umsebenti wetandla tebantfu bami lengibakhetsile uyawubajabulisa kakhulu.
Futsi angeke batale bantfwana labatawubhekana nenhlekelele,
Ngobe bayintalelwane* yalabo lababusiswe nguJehova,+
Futsi intalelwane yabo iyawube ikanye nabo.+
24 Kuyawutsi basengakangibiti, ngibaphendvule;
Batsi basakhuluma, ngibeve.
25 Imphisi iyawudla ndzawonye nelizinyane lemvu,
Libhubesi liyawudla tjani njengenkunzi,+
Lutfuli luyawuba kudla kwenyoka.
Angeke tilimate lutfo futsi angeke tente umonakalo kuyo yonkhe intsaba yami lengcwele,”+ kusho Jehova.
66 Naku lokushiwo nguJehova:
“Emazulu asihlalo sami sebukhosi futsi umhlaba usenabelo setinyawo tami.+
2 “Sandla sami ngiso lesente tonkhe letintfo,
Futsi lena ngiyo indlela letaba khona ngayo,” kusho Jehova.+
“Loyo lengitamnaka
Ngumuntfu lotfobekile, lowephukile emoyeni futsi lolihloniphako livi lami.+
3 Umuntfu lohlaba inkunzi ufana nemuntfu lobulala lomunye.+
Umuntfu lowenta umhlatjelo ngemvu, ufanana nemuntfu lowephula intsamo yenja.+
Umuntfu lonikela ngesipho ufana nemuntfu lonikela ngengati yengulube.+
Umuntfu lowenta umnikelo wesikhumbuto ngemakha esihlahla semphepho,+ ufana nemuntfu lokhuluma emavi lamnandzi.*+
Bakhetse tindlela tabo,
Futsi bajatjuliswa* tintfo letenyanyekako.
4 Ngako ngitawukhetsa tindlela tekubajezisa,+
Ngibaletsele tintfo labatesabako
Ngobe ngesikhatsi ngibabita, kute lowangiphendvula;
Nangalesikhatsi ngikhuluma nabo, kute lowangilalela.+
Bebachubeka benta tintfo letimbi emehlweni ami,
Futsi bakhetsa kwenta tintfo lengitenyanyako.”+
5 Lalelani naku lokushiwo nguJehova nine lenihlonipha livi lakhe:
“Bomnakenu labanitondzako nalabanicwayako ngenca yelibito lami batsite, ‘Shengatsi Jehova angangcweliswa!’+
Kodvwa yena utativeta kini, futsi aniletsele injabulo,
Futsi ngibo labatawubese bayahlazeka.”+
6 Kunemsindvo lomkhulu lovela kulelidolobha, umsindvo lovela ethempelini.
Lona ngumsindvo lovela kuJehova lohambisana nekutiphindziselela etitseni takhe.
7 Ngaphambi kwekutsi afikelwe ngumhelo, watala.+
Ngaphambi kwekutsi afikelwe tinhlungu tekutala, wabeleka umntfwana longumfana.
8 Ngubani loke weva ngentfo lenjena?
Ngubani loke wabona tintfo letinjena?
Live lingatalwa yini ngelilanga linye?
Sive singatalwa yini ngasikhatsi sinye?
Kodvwa iSiyoni yatsi nje nayicalwa ngumhelo yatala emadvodzana ayo.
9 Jehova utsi: “Kungenteka yini ngiletse sikhatsi sekubeleka, bese ngenta umntfwana angasaphumi?”
“Kungenteka yini kutsi ngivimbe kubelekwa kwemntfwana kani vele sewusemnyango?” kusho Nkulunkulu wakho.
10 Jabulani kanye neJerusalema futsi nitfokote kanye nayo,+ nonkhe nine leniyitsandzako.+
Jabulani kakhulu kanye nayo nonkhe nine leniyililelako,
11 Ngobe nitawumunya lubisi lwayo nenele, nenetiswe libele layo lendvudvuto,
Nitalunatsa kakhulu futsi nijabule ngebukhatikhati bayo lobukhulu.
12 Naku lokushiwo nguJehova:
Nitayimunya niphindze nibekwe esifubeni,
Futsi niyawudlaliselwa emadvolweni.
13 Njengamake lodvudvuta indvodzana yakhe,
Nami ngitawuchubeka nginidvudvuta;+
Futsi nitawudvudvutwa ngenca yeJerusalema.+
14 Nitakubona loku, futsi tinhlitiyo tenu titawujabula,
Ematsambo enu atawuhluma kuhle kwetjani lobusandza kumila.
15 “Ngobe Jehova utawufika njengemlilo,+
Netincola takhe tifanana nemoya lomkhulu,+
Kuze aphindzisele ngekutfukutsela lokukhulu,
Futsi utabekhuta ngemalangabi emlilo.+
16 Ngobe Jehova uyawukhipha sehlulelo ngemlilo,
Uyawumelana nabo bonkhe bantfu ngenkemba yakhe;
Futsi bantfu labayobe babulewe nguJehova, bayawuba banyenti.
17 Jehova utsi: “Bonkhe labo labatingcwelisako nalabatihlambululako kuze bangene emasimini*+ balandzela loyo losemkhatsini, labo labadla inyama yetingulube,+ netintfo letingcolile kanye nemagundvwane,+ batawuphela nya. 18 Njengobe ngiyati imisebenti yabo nalabakucabangako, ngiyeta kuze ngibutsanise bantfu bato tonkhe tive netilwimi, futsi bayawukuta batewubona inkhatimulo yami.”
19 “Ngitawubeka luphawu emkhatsini wabo, futsi labanye balabo labaphunyukile ngitawubatfumela etiveni, ngitabayisa etiveni talabo labanelikhono lekusebentisa butjoki, lokuyiThashishi,+ iPhuli neLudi.+ Ngitawubatfumela naseThubali, eJavani+ kanye nasetichingini letikhashane, lokutindzawo letingakaze titfole umbiko lomayelana nami nobe tibone inkhatimulo yami; futsi batawumemetela inkhatimulo yami etiveni.+ 20 Tiyawubuyisa bonkhe bomnakenu labakuto tonkhe letive,+ babe sipho kuJehova. Bayawufika ngemahhashi, ngetincola, ngetinkalishi letimbonyiwe, ngeminyuzi nangemakamela lanematubane. Bayawukhuphukela entsabeni yami lengcwele, iJerusalema. Kuyawuba njengalapho bantfu baka-Israyeli baletsa sipho sabo endlini yaJehova ngesitja lesihlobile,” kusho Jehova.
21 “Labanye babo ngiyawubenta baphristi, labanye ngibente emaLevi,” kusho Jehova.
22 “Njengobe nje emazulu lamasha nemhlaba lomusha+ lengikudalako kuyawuchubeka kumile embikwami, kanjalo nentalelwane* yakho neligama lakho kuyawuhlala njalo,” kusho Jehova.+
23 “Kusukela ekwetfwaseni kwenyanga kuya ekwetfwaseni kwalenye, kusukela elangeni lelisabatha kuya kulelinye lisabatha,
Bonkhe bantfu batawuta bakhotsame embikwami,”*+ kusho Jehova.
24 “Batawuhamba bayobuka tidvumbu tebantfu labangivukele;
Ngobe timphetfu letikuto angeke tife,
Nemlilo lotishisako angeke ucime,+
Ngoba batawuba yintfo leyenyanyekako kubo bonkhe bantfu.”*
Lokusho kutsi “Insindziso yaJehova.”
Nobe “inkhosi yawo.”
Nobe “lidlangala.”
Nobe “labasele.”
Nobe “ticondziso.”
Nobe “Umphefumulo wami sewuyayitondza.”
Nobe “Tjwala bakolo.”
Kungenteka letihlahla netingadze betihlobene nekukhonta tithico.
Nobe “Emalangeni ekugcina.”
Nobe “sicondziso.”
Nobe “acondzise tindzaba.”
Nobe “labahlale bashintja ingcondvo.”
Nobe “ngibe ngudokotela wakho.”
Nobe “imiphefumulo yabo.”
NgesiHebheru kutsi, “Batawudla titselo temisebenti yabo.”
Nobe “nabacindzetela kakhulu.”
Lokusho, luphawu lolubekwe emtimbeni wesigcili nobe wesiboshwa ngekushiswa.
Lokusho, lihlazo lekungashadi nekuba bete bantfwana.
NgesiHebheru kutsi, “emangcoliso.”
Nobe “wekungcongcisa.”
NgesiHebheru kutsi, “tipani letingu-10.” Loku kungaba ngema-hectare lamane.
NgesiHebheru kutsi, “li-bath.” Fundza Sandzisanchazo B14.
NgesiHebheru kutsi, “lihomeri.” Fundza Sandzisanchazo B14.
NgesiHebheru kutsi, “li-efa.” Fundza Sandzisanchazo B14.
Nobe “iShiyoli,” lokusho lithuna lebantfu. Fundza Tinchazelo Temagama.
Nobe “ngekulunga.”
Nobe “Sincumo; Seluleko.”
Nobe “sicondziso.”
Nobe “bulungele kudubula.”
Nobe “emabhubesi lamancane lanemdlonga.”
NgesiHebheru kutsi, “Ngithulisiwe.”
Lokusho kutsi “Kutawubuyela Labasele Kuphela.”
Kungaphindze kubekwe ngekutsi, “silihlamahlame.”
Nobe “iShiyoli,” lokusho lithuna lebantfu. Fundza Tinchazelo Temagama.
Lokusho kutsi “Nkulunkulu Unatsi.”
Lokusho, iYufrathe.
Kungenteka kusho “Kugijimela Kuyotitsatsela Tintfo, Kuta Ngekushesha Uyotsatsa Tintfo Talabo Lobehlulile.”
Nobe “bangifakazele; bafakazele kutsi kuliciniso.”
NgesiHebheru kutsi, “ngasondzelela.”
Lokusho, umfati wa-Isaya.
IShilowa bekungumsele wemanti.
Lokusho, iYufrathe.
Fundza Isa 7:14.
Nobe “Bophani tinkhalo tenu.”
Nobe “sifakazelo.”
Nobe “sicondziso.”
Nobe “ngilangatelela.”
Nobe “sifakazelo.”
Nobe “hulumende; kubusa kwesikhulu.”
Nobe “hulumende; kubusa kwesikhulu.”
NgesiHebheru kutsi, “ngemuva.”
Kungaphindze kubekwe ngekutsi, “ligala lesihlahla selusundvu nemhlanga.”
Nobe “tintsandzane tabo.”
Nobe “tebantfwana labete bobabe.”
Nobe “ludvumo.”
Nobe “sijeziso.”
Nobe “lizembe.”
Kungaphindze kubekwe ngekutsi, “Litfole nelibhubesi kuyawudla ndzawonye.”
Nobe “Tive tiyawumfuna.”
Lokusho, iBhabhulona.
NgesiHebheru kutsi, “lihlombe.”
Kungaphindze kubekwe ngekutsi, “utakomisa.”
NgesiHebheru kutsi, “lulwimi.”
Lokusho, iYufrathe.
Kungaphindze kubekwe ngekutsi, “utawushaya wehlukane ube yimifudlana lengu-7.”
NgesiHebheru kutsi, “sakhamuti lesisikati,” lokubhekisele kubo bonkhe labantfu labafaniswa nemuntfu lomsikati.
NgesiHebheru kutsi, “kulabangcwelisiwe bami.”
Nobe “umhlobiso.”
NgesiNgisi kutsiwa yi-Ostrich.
Kungaphindze kubekwe ngekutsi, “Nemadimoni lanjengetimbuti.”
Nobe “Utabanika kuphumula.”
Nobe “lamavi ekumphukuta.”
Nobe “iShiyoli,” lokusho lithuna lebantfu. Fundza Tinchazelo Temagama.
NgesiHebheru kutsi, “Timbuti letindvuna.”
Nobe “iShiyoli,” lokusho lithuna lebantfu. Fundza Tinchazelo Temagama.
Nobe “eShiyoli,” lokusho lithuna lebantfu. Fundza Tinchazelo Temagama.
NgesiHebheru kutsi, “endlini.”
Nobe “njengeligala.”
Nobe “lesilungele kushaya.”
Nobe “inyoka lenebutsi legijima ngesivinini lesikhulu.”
Nobe “eThempelini.”
Tatiwa nangekutsi ngema-poplar aseYufrathe.
Nobe “ngelutsandvo lolucotfo.”
Nobe “emagala akhona esindvwa tikhehle temagilebisi labovu.”
Kungaphindze kubekwe ngekutsi, “Ngobe kumemeta kwasemphini sekwehlile ngenca yesitselo sakho sasehlobo nangenca yesivuno sakho.”
Nobe “itawubalwa ngekucophelela ngendlela sisebenti lesicashiwe lesibala ngayo”; lokusho kutsi yiminyaka lemitsatfu ncamashi.
NgesiHebheru kutsi, “emadvodzana aka-Israyeli.”
Nobe “eTsafeni.”
Fundza Tinchazelo Temagama.
Nobe “abonkulunkulu balesinye sive.”
Nobe “Njengelukhula.”
Fundza Tinchazelo Temagama.
Nobe “sive lesinemandla lamakhulu lesigcobagcobako.”
Nobe “sive lesinemandla lamakhulu lesigcobagcobako.”
Nobe “batawudzabuka etinhlitiyweni.”
Nobe “taseMemfisi.”
Kungaphindze kubekwe ngekutsi, “ligala lesihlahla selusundvu nobe umhlanga.”
Nobe “indvuna yelibutfo.”
Nobe “bekasele netimphahla tangephansi.”
Nobe “lebebabutsandza buhle bayo.”
Kungenteka kushiwo sifundza saseBhabhulona yasendvulo.
NgesiHebheru kutsi, “tingculu tami tibuhlungu kakhulu.”
NgesiHebheru kutsi, “Indvodzana.”
Lokusho kutsi “Kubindza.”
Nobe “itawubalwa ngekucophelela ngendlela sisebenti lesicashiwe lesibala ngayo”; lokusho kutsi ngumnyaka munye ncamashi.
Kushiwo iJerusalema.
Lesi simuntfutiso lesiyinkondlo, lokungenteka siyindlela yekuveta luvelo.
Nobe “yebagibeli bemahhashi.”
Nobe “ilungisa.”
Nobe “Bagibeli bemahhashi.”
Nobe “nemahlumela.”
NgesiHebheru kutsi, “inhlanyelo.”
Lokusho, umfula lophambuke eMfuleni iNayili.
NgesiHebheru kutsi, “tintfombi ntfo.”
Kungaphindze kubekwe ngekutsi, “sikhumulo semikhumbi.”
NgesiHebheru kutsi, “emalanga.”
Nobe “umhlaba.”
Kungaphindze kubekwe ngekutsi, “liyoma.”
Nobe “sasendvulo.”
Kungaphindze kubekwe ngekutsi, “liyoma.”
Nobe “enshonalanga.”
Nobe “Umhlobiso.”
NgesiHebheru kutsi, “embikwalabadzala bakhe.”
Nobe “Teluleko.”
NgesiHebheru kutsi, “utawugwinya.”
Nobe “Uyawucedza.”
Kungaphindze kubekwe ngekutsi, “labo labanganyakatiseki.”
Nobe “ibekile.”
Nobe “Imiphefumulo yetfu ilangatelela.”
Lokusho, kufuna bantfu bati futsi bakhumbule libito laNkulunkulu.
Nobe “labacondzile.”
NgesiHebheru kutsi, “Sidvumbu.”
Kungaphindze kubekwe ngekutsi, “ematolo etihlahla.”
Nobe “uyawutala labo labete emandla labafile.”
Nobe “sijeziso.”
NgesiHebheru kutsi, “Leviyathani.” Fundza Tinchazelo Temagama.
Kungenteka kubhekiselwa ku-Israyeli, lana lowentiwe simuntfutiso wabitwa ngemfati futsi ufananiswa nensimu yemagilebisi.
Fundza Tinchazelo Temagama.
Lokusho, iYufrathe.
Fundza Tinchazelo Temagama.
Kungenteka kubhekisela enhlokodolobha, lokuyiSamariya.
Nobe “kutikhukhumeta; kutigcabha.”
Nobe “kutikhukhumeta; kutigcabha.”
Nobe “iShiyoli,” lokusho lithuna lebantfu. Fundza Tinchazelo Temagama.
Nobe “iShiyoli,” lokusho lithuna lebantfu. Fundza Tinchazelo Temagama.
Kungaphindze kubekwe ngekutsi, “Nabakubona, batawesaba kakhulu.”
Nobe “njengasetsafeni.”
Nobe “umhlaba wonkhe.”
Fundza umbhalo longentasi wa-Eks 9:32.
Nobe “uyamyala; uyamjezisa.”
Nobe “Lonenjongo.”
Nobe “kuhlakanipha kwakhe lokusebentisekako kukhulu.”
Kungenteka kusho kutsi “Litiko Leli-al’thare laNkulunkulu,” lokungenteka kubhekiselwa eJerusalema.
NgesiHebheru kutsi, “Bantfu labangatiwa.”
Nobe “umphefumulo wakhe ungenalutfo.”
Nobe “umphefumulo wakhe wome kakhulu.”
Nobe “teluleko.”
Nobe “Maye vele nenta tintfo letingenangcondvo!”
Lokusho, kushintja ebusweni lokubangelwa kuhlazeka nekudvumala.
NgesiHebheru kutsi, “labacitsa tjwala bube ngumhlatjelo kubonkulunkulu,” lapha kushiwo kwakha sivumelwane.
Nobe “ngaphandle kwekubuta kimi.”
NgesiHebheru kutsi, “endzaweni lephephile yaFaro.”
Nobe “inyoka lenebutsi legijima ngesivinini lesikhulu.”
Fundza Tinchazelo Temagama.
Nobe “sicondziso.”
NgesiHebheru kutsi, “letibusheleleti.”
Nobe “labalindzele ngekulangatelela.”
Nobe “tithico letincibilikisiwe.”
Kungaphindze kubekwe ngekutsi, “bese nitsi tiyenyanyeka.”
NgesiHebheru kutsi, “lokukhuluphele nalokunemafutsa.”
NgesiHebheru kutsi, “sisefo sekutiva ungasilutfo.”
Nobe “Nanitingcwelisela.”
Nobe “alandzela umsindvo.”
“IThofethi” lapha isetjentiswe njengendzawo yekushisela tintfo lemelela lokutsite, imelela imbhubhiso.
Nobe “kubagibeli bemahhashi.”
Nobe “umlilo.”
Nobe “kwenta ngendlela lengakafaneli.”
Nobe “umphefumulo walolambile.”
Nobe “emandla.”
Lokubhekisele esitseni.
Kungaphindze kubekwe ngekutsi, “liyoma.”
Nobe “Indzawo levikelekile.”
Nobe “utawuzindla.”
NgesiHebheru kutsi, “lolujulile.”
Nobe “sakhamuti.”
Nobe “titawugeleta ingati.”
Kushiwo iBhosra, lokuyinhlokodolobha yaka-Edomu.
NgesiHebheru kutsi, “ematje.”
NgesiNgisi kutsiwa yi-Ostrich.
Kungaphindze kubekwe ngekutsi, “lidimoni lelimise kwembuti.”
NgesiHebheru kutsi, “lesilehlukanisile asebentisa intsambo yekukala.”
NgesiHebheru kutsi, “njengesafroni.”
Fundza Tinchazelo Temagama.
Nobe “umphatsindzebe lomkhulu.”
Nobe “sigodlo.”
Nobe “lwesiSiriya.”
Nobe “sigodlo.”
Nobe “sigodlo.”
Nobe “lekujikijelwa ngemagama.”
NgesiHebheru kutsi, “bantfwana sebasondzele emlonyeni wesibeletfo.”
NgesiHebheru kutsi, “umoya kuyo.”
NgesiHebheru kutsi, “wayendlala.”
Kungaphindze kubekwe ngekutsi, “emkhatsini.”
Nobe “imisele yeNayili.”
NgesiHebheru kutsi, “kwentiwa.”
Nobe “ngakuhlela.”
Lokusho, Hezekiya.
Nobe “lokumiliswa tinhlavu letiwele phansi.”
Nobe “ethempelini.”
NgesiHebheru kutsi, “emalanga.”
Kungenteka kutsi letitebhisi betisetjentiselwa kubekisa sikhatsi, njengelithulusi lekubekisa sikhatsi.
Nobe “yindzaba.”
Nobe “iShiyoli,” lokusho lithuna lebantfu. Fundza Tinchazelo Temagama.
Kungaphindze kubekwe ngekutsi, “njengagilonki.”
NgesiHebheru kutsi, “Bani sicinisekiso sami.”
Nobe “bumunyu bemphefumulo wami.”
Lokusho, livi laNkulunkulu netento takhe.
Nobe “utsandza umphefumulo wami.”
Nobe “utisuse tonkhe tono tami emehlweni akho.”
Nobe “iShiyoli,” lokusho lithuna lebantfu. Fundza Tinchazelo Temagama.
NgesiHebheru kutsi, “watijabulela.”
Nobe “esigodlweni.”
Nobe “esigodlweni.”
Nobe “lokusesigodlweni.”
Nobe “esigodlweni.”
NgesiHebheru kutsi, “emalangeni ami.”
Nobe “Khulumani ngendlela ledvudvutako.”
Nobe “lephindvwe kabili.”
Nobe “yonkhe inyama.”
Nobe “Yonkhe inyama.”
Nobe “lutsandvo lolucotfo.”
Nobe “utakwelusa.”
Budze lobusemkhatsini wesitfupha nacilikicane nangabe uvule sandla. Fundza Sandzisanchazo B14.
Kungaphindze kubekwe ngekutsi, “longacondza.”
Nobe “ngeke ibe netinkhuni letenele.”
Nobe “sithico lesincibilikisiwe.”
Nobe “babusi.”
Nobe “Thulani embikwami.”
Lokusho, kumsebentela.
NgesiHebheru kutsi, “nhlanyelo.”
Lokusho, umuntfu longeke akwati kutivikela futsi lophansi.
NgesiHebheru kutsi, “tekucala.”
Nobe “babusi labangemasekela.”
Nobe “tithico letincibilikisiwe.”
Nobe “umphefumulo wami loyikhetsile.”
Nobe “sicondziso.”
Nobe “Angiyihlanganyeli namuntfu inkhatimulo yami.”
Nobe “tithico letincibilikisiwe.”
Nobe “sicondziso.”
Nobe “Sicondziso.”
Nobe “umphefumulo.”
NgesiHebheru kutsi, “inhlanyelo.”
Kungenteka kubhekisela etintfweni tekucala letitakwenteka esikhatsini lesitako.
Nobe “netsembele kimi.”
NgesiNgisi kutsiwa yi-Ostrich.
Lona ngumhlanga lonukelela kahle.
Nobe “tento tekuvukela.”
Kungenteka kubhekiselwa kubafundzisi beMtsetfo.
Nobe “kusukela watalwa.”
Lokusho kutsi “Lolungile,” leli ligama leliveta sigaba lesihloniphekile sa-Israyeli.
Nobe “indzawo lete emanti.”
NgesiHebheru kutsi, “inhlanyelo.”
Tatiwa ngekutsi ngema-poplar aseYufrathe.
Nobe “sithico lesincibilikisiwe.”
Nobe “bhusha.”
Nobe “endlini yetithico.”
NgesiNgisi kutsi, “laurel.” Lesi sihlahla lesihlala siluhlata futsi emacemba aso kuphekwa ngawo.
Nobe “sigodvo lesomile.”
Nobe “kusindzisa umphefumulo wakhe.”
Nobe “bantfu labakhuluma lokulite.”
NgesiHebheru kutsi, “Ngiyawuchacha tinkhalo temakhosi.”
Nobe “Kusukela emphumalanga kuya enshonalanga.”
Nobe “lophikisana.”
Kungaphindze kubekwe ngekutsi, “Nome lubumba lungasho yini lutsi: ‘Umsebenti wakho ute tibambo’?”
Nobe “Yini lena lekubangela umhelo?”
Kungaphindze kubekwe ngekutsi, “Tisebenti.”
Kungaphindze kubekwe ngekutsi, “batsengisi.”
Kungaphindze kubekwe ngekutsi, “Longazange awudalele kutsi ungabi nalutfo.”
NgesiHebheru kutsi, “enhlanyelweni.”
NgesiHebheru kutsi, “inhlanyelo.”
Lokusho, letithico letetfwelwe nguletilwane.
Nobe “imiphefumulo yato.”
NgesiHebheru kutsi, “tekucala.”
Nobe “nginguLongcwele.”
Nobe “injongo; seluleko.”
Nobe “injongo; seluleko.”
Kungaphindze kubekwe ngekutsi, “kute lengiyawuhlangana naye lengiyoba nemusa kuye.”
Kungaphindze kubekwe ngekutsi, “Labo labehlukanisa emazulu; Labo labaphengula ngekufundza tinkhanyeti.”
Nobe “kusindzisa imiphefumulo yabo.”
NgesiHebheru kutsi, “abheke esifundzeni sakhe.”
Kungaphindze kubekwe ngekutsi, “lositukulwane saJuda.”
NgesiHebheru kutsi, “tekucala.”
Nobe “sithico lesincibilikisiwe.”
Nobe “ngikuhlolisisile.” Kungaphindze kubekwe ngekutsi, “ngikukhetsile.”
Nobe “kute lengiyihlanganyela naye inkhatimulo yami.”
Nobe “usitakale.”
NgesiHebheru kutsi, “inhlanyelo.”
NgesiHebheru kutsi, “esibeletfweni.”
Nobe “Jehova utangentela lokulungile.”
Kungaphindze kubekwe ngekutsi, “Eceleni kwemagcuma lete lutfo.”
Nobe “lipali leliluphawu.”
NgesiHebheru kutsi, “ngesifuba.”
NgesiHebheru kutsi, “Yonkhe inyama.”
Nobe “lulwimi loluceceshwe kahle.”
Kungaphindze kubekwe ngekutsi, “ngingamcinisa.”
NgesiHebheru kutsi, “ngelivi.”
Nobe “longiphikisako.”
Nobe “Asibukane buso nebuso.”
Nobe “lowanibeleka ngemhelo.”
Nobe “emandla.”
Nobe “labanesicondziso.”
Kungaphindze kubekwe ngekutsi, “sibungu.”
Fundza Tinchazelo Temagama.
NgesiHebheru kutsi, “itawuba setinhloko tabo.”
Nobe “emphefumulweni wakho.”
Nobe “tintsambo.”
Nobe “batatibonela matfupha.”
Nobe “kuncoba.”
Nobe “ayawuthula atsi dvu.”
Kungaphindze kubekwe ngekutsi, “loko lesikuvile?”
NgesiHebheru kutsi, “umkhono.”
Kungase kubhekisele kumuntfu lobukile nobe kuNkulunkulu.
Nobe “Kute lokutsandzekako endleleni labukeka ngayo lokungenta sikhangeke.”
Kungaphindze kubekwe ngekutsi, “Bekafana nalotsite bantfu labamfulatselako.”
NgesiHebheru kutsi, “ngenca yekucindzeteleka nesehlulelo.”
Nobe “indlela yakhe yekuphila?”
Nobe “Wabulawa.”
Nobe “Utonikwa indzawo yekungcwatjwa.”
NgesiHebheru kutsi, “umuntfu lonjingile.”
Nobe “budlova.”
Nobe “ngemphefumulo.”
NgesiHebheru kutsi, “inhlanyelo.”
Nobe “lokukhatsata umphefumulo wakhe.”
Nobe “umphefumulo.”
NgesiHebheru kutsi, “watfulula kuphila kwakhe kwaze kwaba sekufeni.”
Nobe “bantfwana.”
Nobe “inkhosi.”
Nobe “inkhosi.”
NgesiHebheru kutsi, “lowephukile emoyeni.”
Nobe “ngematje emlilo.”
Nobe “bantfwana.”
Nobe “bantfwana.”
Nobe “imali leniyisebentele kamatima.”
Nobe “Umphefumulo wenu utawujabula.”
NgesiHebheru kutsi, “lokunonile.”
Nobe “umphefumulo wenu utewuchubeka.”
Nobe “leyintsandvo yami.”
Nobe “kutamakhela ligama.”
Lokusho, kufa.
Lokusho, ethuneni.
Nobe “Kufanele yini ngitidvudvute?”
Kungenteka kubhekisela ekukhontweni kwetithico.
Kungaphindze kubekwe ngekutsi, “enkhosini.”
Nobe “eShiyoli,” lokusho lithuna lebantfu. Fundza Tinchazelo Temagama.
NgesiHebheru kutsi, “ungadzinwa.”
Nobe “ngaze ngafihla tindzaba?”
Nobe “Ngitamncephetela.”
Nobe “nasibangela umphefumulo wetfu tinsizi?”
Nobe “nenta loko lokunijabulisako.”
Nobe “labangela umphefumulo wakhe tinsizi.”
Nobe “umphefumulo wakho lokufisako.”
Nobe “imiphefumulo lecindzetelekile.”
Nobe “temphefumulo wakho.”
NgesiHebheru kutsi, “ujikisa lunyawo lwakho.”
Nobe “ujabulele.”
Nobe “kwetsembeka.”
Nobe “kwetsembeka.”
NgesiHebheru kutsi, “futsi kwaba kubi emehlweni akhe.”
Nobe “wabancobela.”
Nobe “sekuncoba.”
Nobe “lijazi lelingenamikhono.”
NgesiHebheru kutsi, “wenhlanyelo.”
NgesiHebheru kutsi, “wenhlanyelo yenhlanyelo yakho.”
Nobe “ekukhanyeni kwentsatsakusa yakho.”
NgesiHebheru kutsi, “kuwe.”
Nobe “indlu yami yebuhle.”
Nobe “etimbotjeni tendlu yawo?”
Nobe “utakwenta ube muhle.”
Nobe “ngemcebo.”
NgesiHebheru kutsi, “inhlanyelo.”
NgesiHebheru kutsi, “inhlanyelo.”
Nobe “ngelijazi lelingenamikhono.”
NgesiHebheru kutsi, “mfati.”
Nobe “lipali leliluphawu.”
Kungaphindze kubekwe ngekutsi, “letibovu njengengati.”
Nobe “wangenta ngancoba.”
Nobe “langeke angihlubuke.”
Nobe “Ingilosi lemelele yena.”
Nobe “buhle.”
NgesiHebheru kutsi, “lokuvusa kutsintseka kwakho ngekhatsi.”
Nobe “labamlindzele ngesineke.”
Nobe “Lithempeli.”
Nobe “buhle.”
Kungaphindze kubekwe ngekutsi, “etindlini tetjani lokuhlalwa kuto nakugadziwe.”
Kungaphindze kubekwe ngekutsi, “Ngobe ngitakukhombisa bungcwele bami.”
Nobe “Ngitawufaka liholo labo esifubeni sabo.”
Nobe “Ngitawufaka liholo labo esifubeni sabo.”
NgesiHebheru kutsi, “sibusiso.”
NgesiHebheru kutsi, “inhlanyelo.”
Nobe “LiTsafa.”
Nobe “lowetsembekile.” NgesiHebheru kutsi, “Amen.”
Nobe “lowetsembekile.” NgesiHebheru kutsi, “Amen.”
Nobe “tinkinga.”
Kungaphindze kubekwe ngekutsi, “Soni lesitawufa singakefiki eminyakeni lengu-100 sitawutsatfwa njengemuntfu localekisiwe.”
NgesiHebheru kutsi, “bayinhlanyelo.”
Kungaphindze kubekwe ngekutsi, “lodvumisa sithico.”
Nobe “imiphefumulo yabo ijatjuliswa.”
Nobe “emandla.”
Lokusho, emasimu elikhetselo lasetjentiselwa kukhonta tithico.
NgesiHebheru kutsi, “inhlanyelo.”
Nobe “batongikhonta.”
NgesiHebheru kutsi, “yonkhe inyama.”