Kulilungelo Kwakha Tindzawo Tetfu Tekukhontela Kanye Nekutinakekela

Kwakha lithempeli laka-Israyeli bekungumsebenti lomkhulu futsi bekubita imali lenyenti. Nobe kunjalo, ema-Israyeli awusekela ngemdlandla lomsebenti. (1Khr 29:2-9; 2Khr 6:7, 8) Indlela lalinakekela ngayo naseliphelile lelithempeli, yakhombisa kutsi bekunjani kukholwa kwawo. (2Kh 22:3-6; 2Khr 28:24; 29:3) Lamuhla, emaKhristu acitsa sikhatsi sawo lesinyenti akha, ahlanta futsi anekekela emaHhola eMbuso kanye nemaHhola eMhlangano. Kusebenta kanye naJehova kulomsebenti kulilungelo lelikhulu futsi kuyincenye yekukhonta kwetfu.​—Hla 127:1; Sem 7:15.

SINGAFAKA SANDLA NGEKUTSI . . .

• 

  Sigcogce njalo emuva kwemihlangano. Nangabe timo takho tingakuvumeli, ucelwa kutsi umane ubutse lokuseceleni kwakho.

• 

  Sihlanganyele njalo emsebentini wekuhlanta nekugcina liHhola LeMbuso lisesimeni lesikahle. Umsebenti uyatesaba tandla futsi kumnandzi kusebenta nasibanyenti.​—lv 92-93 ¶18..

• 

  Sisekele ngemali. Nobe ngabe iyincane kangakanani, nayisuka enhlitiyweni Jehova uyajabula.​—Mak 12:41-44.

• 

  Nangabe timo takho tivuma ungavolontiya emsebentini wekwakha nekulungisa tindzawo tekukhontela. Akudzingeki kutsi uwati kahle lomsebenti kute uvolontiye.