Inkinga Leyandzako Yekuba Nesitunge​—Litsini LiBhayibheli

Ngekusho kwembikoa wakamuva lotsatselwe emhlabeni wonkhe, cishe umuntfu munye kulabane utiva anesitunge.

• “Kutiva uwedvwa kungahlasela nobe ngabe ngubani, ngisho nobe angakanani nobe ahlala kuphi.”​—Chido Mpemba, lisekela lasihlalo we-World Health Organization’s Commission on Social Connection.

Ngalokwehlukile kulokucatjangwa bantfu labanyenti, situnge asiphatsi bantfu labadzala kuphela nobe bantfu labahlala bodvwa, kodvwa siphindze siphatse nebantfu labasha, bantfu labaphile kahle, bantfu labaphumelelako ekuphileni kanye nebantfu labashadile. Kutiva uwedvwa kanye nesitunge kungenta umuntfu agule futsi kutsintse nendlela lativa ngayo.

• “Situnge singetulu nje kwekungativa kahle,” kusho Dr. Vivek Murthy, U.S. surgeon general. Uchubeka atsi: “Silinganiso sebantfu lababulawa situnge nobe kutiva uwedvwa singangesebantfu lababulawa kubhema titiki teligwayi letingu-15 njalo ngelilanga.”

Litsini liBhayibheli

UMdali wetfu akafuni sitive sisodvwana. Kusukela ekucaleni, injongo yaNkulunkulu beyikutsi bantfu bajabulele budlelwane lobuhle nalobenetisako nalabanye.

• Simiso seliBhayibheli: “Nkulunkulu watsi: ‘Akusikuhle kutsi umuntfu ahlale yedvwa.’”​—Genesisi 2:18.

Nkulunkulu ufuna sakhe buhlobo naye. Wetsembisa kusondzela kitsi nasenta imetamo yekusondzela kuye.​—Jakobe 4:8.

• Simiso seliBhayibheli: “Bayajabula labo labanakisisa tintfo letiphatselene naNkulunkulu, ngobe uMbuso wemazulu ngewabo.”​—Matewu 5:3.

Nkulunkulu ufuna simkhonte sikanye nalabanye. Nasenta njalo sitawujabula.

• Simiso seliBhayibheli: “Asinakaneni kuze sikhutsatane elutsandvweni nasemisebentini lemihle, singakuyekeli kuhlangana kwetfu ndzawonye, . . . kodvwa asikhutsatane.”​—KumaHebheru 10:24, 25.

Kuze utfole lokwengetiwe mayelana nekubaluleka kwekulwa nesitunge, fundza sihloko lesitsi “Ukuba Nesizungu Ezweni Eligcwele Ezokuxhumana,” lesitfolakala ngesiZulu.