Tikhombo Tencwajana Yekubhalela Emhlanganweni
MARCH 4-10
UMCEBO LOSEVINI LANKULUNKULU | ROMA 12–14
“Kusho Kutsini Kutsandza Bazalwane”
(Roma 12:10) Nonkhe tsandzanani ngelutsandvo lwebuzalwane. Nihambe embili ekuhloniphaneni.
it-1 55
Tsandzanani
Kutsandza bazalwane (NgesiGriki, phi·la·del·phiʹa, kusho, “indlela lesitsandza ngayo bazalwane”) kufanele kuhlale kukhona kumalunga elibandla lebuKhristu. (Rom 12:10; Heb 13:1; fundza na1Ph 3:8.) Nobe kunjalo, buhlobo lobukhona emkhatsini wemalunga elibandla kufanele bucine, njengebuhlobo lobukhona emkhatsini wemalunga emndeni. Ngisho nobe emalunga elibandla atsandzana, kodvwa ayacelwa kutsi achubeke atsandzana ngalokugcwele.—1Te 4:9, 10.
Ligama lesiGriki lelitsi phi·loʹstor·gos, lelisho ‘kutsandzana,’ lisetjentiswa kumuntfu lotsandza lomunye ngendlela titsandzani letenta ngayo. Lenye inchazelo yaleligama lelitsi sterʹgo, isetjentiswa nakuchazwa lutsandvo lwemvelo loluba khona emalungeni emndeni. Umphostoli Pawula wacela emaKhristu kutsi alwele kuba nelutsandvo. (Rom 12:10) Pawula waphindze waveta kutsi emalanga ekugcina bekayawubonakala ngekuba nebantfu ‘labete lutsandvo’ (NgesiGriki. aʹstor·goi) futsi bantfu labanjalo bafanelwa kufa.—2Tm 3:3; Rom 1:31, 32.
(Roma 12:17-19) Ningaphindziseli lokubi ngalokubi kunobe ngubani. Yetamani kwenta lokuhle kubo bonkhe bantfu. 18 Nakungenteka, yentani konkhe lokusemandleni enu kuze nibe nekuthula nabo bonkhe bantfu. 19 Bazalwane labatsandzekako, ningatiphindziseleli, futsi yekelani lulaka, ngobe kubhaliwe kutsi: “Jehova utsi: ‘Kuphindzisela kwami, ngimi lengitawuphindzisela.’”
w09 10/15 8 ¶3
“Nibe Nekuthula Nabo Bonkhe Bantfu”
3 Fundza Roma 12:17. Pawula watsi nasiphatfwa kabi akukafaneli siphindzisele. Kubalulekile kulalela leseluleko ikakhulukati emakhaya lanebantfu labasetinkholweni letingafani. EmaKhristu lashadile kufanele angawenti umkhuba wekuphindzisela nobe kwenta tento letite umusa kuloyo lashade naye. ‘Kuphindzisela lokubi ngalokubi’ akutilungisi tintfo. Esikhundleni saloko, kuphindzisela kungenta simo sibe sibi kakhulu.
w07 7/1 24-25 ¶12-13
“Ningaphindziseli Lokubi Ngalokubi Kunobe Ngubani”
12 Seluleko saPawula lesilandzelako sendlela yekuphatsa lababoFakazi kanye nalabangasibo boFakazi sitsi: “Ningaphindziseli lokubi ngalokubi kunobe ngubani.” Lamavi lawa alandzela emavi lebekawashito latsi: “Tondzani lokubi.” Ngetulu kwakokonkhe, umuntfu angasho kanjani kutsi uyakutondza lokubi nangabe enta intfo lembi kute aphindzisele kulabanye bantfu? Nasenta kanjalo kutawufana nekutsi sinelutsandvo ‘lwekutentisa.’ Pawula uphindze atsi: “Yetamani kwenta lokuhle kubo bonkhe bantfu.” (Roma 12:9, 17) Siwasebentisa njani lamavi lankha?
13 Ekucaleni, encwadzini layibhalela baseKhorinte, Pawula wabhala ngekuhlushwa kwebaphostoli. Watsi: “Ngobe sesibe ngumbukiso kulelive, kokubili etingilosini nakubantfu. . . . Nasetfukwa, siyabusisa; nasiphatfwa kabi, siyabeketela; nasihlanjalatwa, siphendvula ngemusa.” (1 Khorinte 4:9-13) Nalamuhla, live liwanakile emaKhristu eliciniso. Nangabe bantfu babona tintfo letinhle lesitentako ngisho nalapho siphatfwa kabi kungahle kube lula ngabo kutsi bawulalele umlayeto lesiwendlulisela kubo.—1 Phetro 2:12.
(Roma 12:20, 21) Kodvwa “nangabe sitsa sakho silambile, siphe kudla; nasomile, sinike kwekunatsa; ngobe ngekwenta njalo utawube ubutsisa emalahle lavutsako etikwenhloko yaso.” 21 Ungavumi kuncotjwa ngulokubi, kodvwa chubeka uncoba lokubi ngalokuhle.
Tsetselelanani Ngekukhululeka
13 Kungenteka ngaletinye tikhatsi ucabange kutsi ungamsita umuntfu lobekakuphetse kabi kutsi emukele timiso tebuKhristu. Umphostoli Pawula wabhala kutsi: “Nangabe sitsa sakho silambile, siphe kudla, nangabe somile, sinatsise; ngobe ngekwenta njalo utawube umtsela ngemahloni ekutisola. Ningehlulwa ngulokubi, kodvwa yehlulani lokubi ngalokuhle.” (Rom. 12:20, 1) Ngekuba nemusa nawuphetfwe kabi ungenta nesimo lesilukhuni sibe ncono futsi wente bantfu bavete buhle babo. Ngekukhombisa kucondza neluvelo—ngisho nesihe—kumuntfu lokonile, ungakhona kumsita kutsi afundze emaciniso eliBhayibheli. Kunobe ngusiphi simo, imphendvulo lenemusa iniketa lona lomunye umuntfu litfuba lekucabanga ngekutiphatsa kwakho lokuhle.—1 Phet. 2:12; 3:16.
Kufunisisa Umcebo Evini LaNkulunkulu
(Roma 12:1) Ngako ngiyanincenga bazalwane ngemusa waNkulunkulu, kutsi ninikele imitimba yenu ibe ngumhlatjelo lophilako, longcwele nalowemukelekako kuNkulunkulu, lokungumsebenti longcwele leniwenta ngemandla ekucabanga.
lvs 76-77 ¶5-6
Indlela Yekukhetsa Tekutijabulisa
5 Konkhe lesikwenteko kutsintsa kukhonta kwetfu Jehova. Pawula wakuchaza loku nakatsi: “Ninikele imitimba yenu ibe ngumhlatjelo lophilako, longcwele nalowemukelekako kuNkulunkulu.” (Roma 12:1) Jesu watsi: “Kufanele utsandze Jehova Nkulunkulu wakho ngayo yonkhe inhlitiyo yakho, nangawo wonkhe umphefumulo wakho, nangayo yonkhe ingcondvo yakho, nangawo onkhe emandla akho.” (Makho 12:30) Ngaso sonkhe sikhatsi, sifuna kumniketa lokuncono kakhulu Jehova. Ngesikhatsi semaIsrayeli, nangabe bantfu bebafuna kunikela ngesilwane kuJehova, bekulindzeleke kutsi banikele ngesilwane lesiphilile. Nangabe bekukhona lokungahambi kahle ngalesilwane, Nkulunkulu bekangasemukeli. (Levithikhusi 22:18-20) Ngendlela lefanako, kukhonta kwetfu ngeke sekwamukeleke kuJehova. Kanjani?
6 Jehova utsi: “Kufanele nibe ngcwele, njengobe nami ngingcwele.” (1Ph 1:14-16; 2Ph 3:11) Jehova wemukela kukhonta kwetfu nangabe kungcwele, nobe kuhlantekile. (Dutheronomi 15:21) Kukhonta kwetfu angeke kube ngcwele nasenta tintfo Jehova latenyanyako, letifaka ekhatsi bugwadla, budlova nobe nakuhambisana nemadimoni. (Roma 6:12-14; 8:13) Jehova uva buhlungu nasitijabulisa ngetintfo letinjalo. Loko kutawenta kukhonta kwetfu kungcole, kungemukeleki kuJehova futsi kulimate nebuhlobo betfu naye.
(Roma 13:1) Bonkhe bantfu abatfobele tiphatsimandla, ngobe kute ligunya lelingaveli kuNkulunkulu; futsi tiphatsimandla letikhona nyalo tisetikhundleni tato letikaliwe letitinikwe nguNkulunkulu.
w08 6/15 31 ¶4
Emaphuzu Lagcamile Encwadzi YaRoma
13:1—Tiphatsimandla “tisetikhundleni tato letikaliwe letitinikwe nguNkulunkulu” ngayiphi indlela? Tiphatsimandla telive ‘tisetikhundleni tato letikaliwe letitinikwe nguNkulunkulu’ ngendlela yekutsi tibusa ngekuvunyelwa nguNkulunkulu, futsi Jehova wakubona kusengakenteki kubusa kwato. Loku kufakazelwa nguloko lakusho mayelana nebabusi labanyenti lokukhulunywa ngabo eBhayibhelini.
Kufundvwa KweliBhayibheli
(Roma 13:1-14) Bonkhe bantfu abatfobele tiphatsimandla, ngobe kute ligunya lelingaveli kuNkulunkulu; futsi tiphatsimandla letikhona nyalo tisetikhundleni tato letikaliwe letitinikwe nguNkulunkulu. 2 Ngako loyo lomelene netiphatsimandla usuke amelene nalokubekwe nguNkulunkulu, futsi labo labamelene nato batfola sijeziso sabo. 3 Ngobe labo lababusako kufanele besatjwe, bangesatjwa ngulabenta lokulungile, kodvwa besatjwe ngulabenta lokubi. Nangabe ufuna kungatesabi tiphatsimandla, chubeka wenta lokuhle, futsi titakudvumisa ngaloko; 4 ngobe tisebentela Nkulunkulu kuze kuzuze wena. Kodvwa nangabe wenta lokubi, kufanele wesabe ngobe atiyiphatseli lite inkemba. Titisebenti taNkulunkulu, futsi tibaphindziseli kuze tivete lulaka lwakhe kulabo labenta tintfo letimbi. 5 Ngako-ke kunesizatfu lesibalulekile sekutsi nine bantfu nititfobele, hhayi ngenca yalolo lulaka kuphela, kodvwa nangenca yabonembeza benu. 6 Kungako nikhipha imitselo; ngobe tiphatsimandla titisebenti taNkulunkulu letisita sive, naletichubeka tenta lomsebenti. 7 Bonkhe banikeni loko lokubafanele. Lofuna umtselo, mnikeni umtselo; lofuna kubhadalwa, mbhadaleni; lofuna kwesatjwa, mesabeni; nalofuna ludvumo, mnikeni ludvumo. 8 Akubete lutfo lenilukweleta umuntfu, ngaphandle kwekutsandzana, ngobe loyo lotsandza lomunye umuntfu usuke alalela uMtsetfo. 9 Ngobe imitsetfo letsi: “Ungaphingi, ungabulali, ungebi, ungahahi,” nanobe ngumiphi leminye, ihlanganiswe nganankha emavi: “Kufanele utsandze makhelwane wakho njengobe utitsandza wena.” 10 Lutsandvo alukwenti lokubi kumakhelwane; ngako lutsandvo lukugcwaliseka kweMtsetfo. 11 Naloku kwenteni ngobe niyasati sikhatsi, kutsi sevele ngilo li-awa lekutsi niphaphame ebutfongweni, ngobe nyalo kusindziswa kwetfu sekusedvute kunangesikhatsi siba ngemakholwa. 12 Busuku sebuyaphela; imini seyisondzele. Ngako asilahleni imisebenti yebumnyama, sihlome ngetikhali tekukhanya. 13 Asihambe ngendlela lefanele njengasemini, hhayi ngemicimbi lengalawulwa, kudzakwa, kutiphatsa kabi ngekwelicansi, kutiphatsa lokubi kwekweyisa, kucabana kanye nemona. 14 Kodvwa gcokani iNkhosi Jesu Khristu, futsi ningakuhleli kusengaphambili kwenelisa tifiso tenyama.
MARCH 11-17
UMCEBO LOSEVINI LANKULUNKULU | ROMA 15–16
“Tsembela KuJehova Kute Ucinisele Uphindze Udvudvuteke”
(Roma 15:4) Ngobe tonkhe tintfo letabhalwa kadzeni tabhalelwa kufundzisa tsine, kuze kutsi ngekucinisela kwetfu nangendvudvuto lesiyitfola emiBhalweni sitewuba nelitsemba.
‘Khalani Nalabakhalako’
11 Indzaba yaJesu lemayelana nendlela ladzabuka ngayo ngesikhatsi kufe Lazaro, ingulesinye setibonelo kuletinyenti lokukhulunywa ngato eVini laNkulunkulu letisidvudvutako. Akumangalisi-ke kwati kutsi “tonkhe tintfo letabhalwa kadzeni tabhalelwa kufundzisa tsine, kuze kutsi ngekucinisela kwetfu nangendvudvuto lesiyitfola emiBhalweni sitewuba nelitsemba.” (Rom. 15:4) Ngako, nangabe ufelwe, nawe ungadvudvuteka kulemiBhalo lelandzelako:
▪ “Simakadze uhlala asedvute nabo labanetinhlitiyo letephukile uyabasindzisa labanemoya lowephukile.”—Hla. 34:18, 19.
▪ “Ngesikhatsi inhlitiyo yami iphitsiteliswa ngimicabango, kudvudvuta kwakho [Jehova] kuyawutfokotisa umphefumulo wami.”—Hla. 94:19.
▪ “Shengatsi iNkhosi yetfu Jesu Khristu naNkulunkulu longuBabe wetfu, lowasitsandza nalowasinika indvudvuto yaphakadze nelitsemba lelihle ngemusa wakhe, bangadvudvuta tinhlitiyo tenu futsi banicinise.”—2 Thes. 2:16, 17.
(Roma 15:5) Shengatsi Nkulunkulu losisita kutsi sicinisele nalosidvudvutako angenta indlela lenicabanga ngayo ibe njengeyaKhristu Jesu,
“Vumelani Kucinisela Kucedzele Umsebenti Wako”
5 Cela Jehova akuphe emandla. Jehova ‘nguNkulunkulu losisita kutsi sicinisele nalosidvudvutako.’ (Roma 15:5) Nguye losati kahle simo setfu, indlela lesitiva ngayo nendlela lesikhule ngayo. Ngako ukwati kahle loko lesikudzingako kute sicinisele. LiBhayibheli litsi: “Wesutsisa kufisa kwabo bonkhe labamesabako, uyabeva nabakhalako, abasindzise.” (Tihlabelelo 145:19) Nkulunkulu utayiphendvula njani imithantazo yetfu yekucela emandla kute sicinisele?
(Roma 15:13) Shengatsi Nkulunkulu lonika litsemba anganigcwalisa ngenjabulo nekuthula ngekwetsembela kwenu kuye, khona nitewugcwala litsemba ngemandla emoya longcwele.
“Kufanele Utsandze Jehova Nkulunkulu Wakho”
11 Jehova ‘usinika litsemba lelisigcwalisa ngenjabulo nekuthula.’ (Rom. 15:13) Litsemba lesiliniketwe nguNkulunkulu lisenta sikhone kubeketelela tintfo letivivinya kukholwa. Labo labagcotjiwe ‘labahlala betsembekile kuze kube sekufeni, batawunikwa umchele wekuphila kwasezulwini.’ (Semb. 2:10) Labo labagcina bucotfo labanelitsemba lekuphila emhlabeni, batawujabulela tibusiso taphakadze ePharadisi leletsenjisiwe. (Luk. 23:43) Sitiva njani ngalamatsemba? Awasenti yini sijabule, futsi sibe nekuthula kanye nelutsandvo ngeMuphi wato “tonkhe tipho letinhle naletiphelele”?—Jak. 1:17.
Kufunisisa Umcebo EVini laNkulunkulu
(Roma 15:27) Kuliciniso kutsi bakujabulele kwenta kanjalo, futsi ecinisweni bebabakweleta; ngobe nangabe betive bahlanganyele nabo tintfo tabo letivela kuNkulunkulu, nabo bebanesikweleti sekutsi babasite ngetintfo tabo.
w89 12/1 24 ¶3
“Kuvivinywa Kwelutsandvo Lwetfu Lolucotfo”
Kuliciniso, bazalwane babo labaTive bekufanele bente lokutsite mayelana nelusizi lebebakulo. Ngetulu kwako konkhe, ‘bebakweleta’ emaKhristu aseJerusalema. Letindzaba letimnandzi betingachamuki yini eJerusalema tiya kubeTive? Pawula wacabanga: “Nangabe emaKhristu langemaJuda atenta nebantfu beTive tintfo letiphatselene naNkulunkulu, beTive bebanesikweleti sekutsi nabo basite emaJuda ngetintfo labanato.”—Roma 15:27, The New English Bible.
(Roma 16:25) KuNkulunkulu lonenta nicine ngekuvumelana netindzaba letimnandzi lengitimemetelako nangekushumayela ngaJesu Khristu, ngekuvumelana nekwembulwa kwemfihlo lengcwele lebekusolo kungakhulunywa ngayo kusukela kadzeni.
it-1 858 ¶5
Kuhlela, Nekwati Tintfo Tisengakenteki
Mesiya nobe Khristu, bekayintalo letsenjisiwe futsi bonkhe bantfu labalungile emhlabeni wonkhe bebatawubusiswa ngaye. (Gal 3:8, 14) Nakukhulunywa kwekucala ‘ngalenhlanyelo,’ kwakuse nsimini yaseEdeni ngemuva kwekuhlubuka kwebantfu bekucala, kodvwa asengakatalwa Abela. (Ge 3:15) Loku kwenteka eminyakeni lengu-4000 ngaphambi kwekutsi kwembulwe ‘imfihlo lengcwele’ lebeyitawubonakala nasekufike Mesiya ‘loyintalo.’ Kuliciniso kutsi lemfihlo ‘bekusolo kungakhulunywa ngayo kusukela kadzeni.’—Rom 16:25-27; Efe 1:8-10; 3:4-11.
Kufundvwa KweliBhayibheli
(Roma 15:1-16) Tsine lesicinile kufanele setfwale butsakatsaka balabo labangakacini, futsi singatijabulisi tsine. 2 Nguloyo naloyo kitsi akajabulise makhelwane wakhe ngetintfo letinhle futsi amakhe. 3 NaKhristu akatijabulisanga yena, njengobe nje kubhaliwe kutsi: “Kuhlambalata kwalabo lebebakuhlambalata kwehlele kimi.” 4 Ngobe tonkhe tintfo letabhalwa kadzeni tabhalelwa kufundzisa tsine, kuze kutsi ngekucinisela kwetfu nangendvudvuto lesiyitfola emiBhalweni sitewuba nelitsemba. 5 Shengatsi Nkulunkulu losisita kutsi sicinisele nalosidvudvutako angenta indlela lenicabanga ngayo ibe njengeyaKhristu Jesu, 6 kuze kutsi ngavi linye, nonkhe nikhatimulise Nkulunkulu longuYise weNkhosi yetfu Jesu Khristu. 7 Ngako-ke yemukelanani, njengobe nje naKhristu asemukela, kuze kukhatinyuliswe Nkulunkulu. 8 Ngobe ngiyanitjela kutsi Khristu waba sikhonti salabo labasokile kuze afakazele kutsi Nkulunkulu uneliciniso, khona atewucinisekisa tetsembiso Nkulunkulu latenta kubokhokho babo, 9 kuze netive titewukhatimulisa Nkulunkulu ngenca yemusa wakhe. Njengobe nje kubhaliwe kutsi: “Kungako ngitakuvuma embikwetive, ngihlabele ngidvumise libito lakho.” 10 Kuphindze kutsiwe: “Jabulani nine tive nikanye nebantfu bakhe.” 11 Kuphindze futsi kutsiwe: “Dvumisani Jehova nonkhe nine tive, nebantfu bonkhe abamdvumise.” 12 Na-Isaya watsi: “Kutawuba khona umliba waJese, futsi kutawuvela loyo lotawubusa tive; tive titakwetsembela kuye.” 13 Shengatsi Nkulunkulu lonika litsemba anganigcwalisa ngenjabulo nekuthula ngekwetsembela kwenu kuye, khona nitewugcwala litsemba ngemandla emoya longcwele. 14 Nami ngiyaciniseka ngani bazalwane, kutsi nihlale nikulungele kwenta lokuhle, njengobe nigcwaliswe ngalo lonkhe lwati, nekutsi niyakhona kwelulekana. 15 Kodvwa-ke nginibhalela ngesibindzi lesikhulu ngaletinye tintfo, kuze ngiphindze nginikhumbute, ngenca yemusa lengiwunikwe nguNkulunkulu, 16 khona ngitewuba yinceku yaKhristu Jesu etiveni. Ngenta umsebenti longcwele wetindzaba letimnandzi taNkulunkulu, kuze umnikelo waletive utokwemukeleka, ungcweliswe ngemoya longcwele.
MARCH 18-24
UMCEBO LOSEVINI LANKULUNKULU | 1 KHORINTE 1–3
“Ungumuntfu Locondziswa Yinyama Yini Nobe Ungumuntfu Locondziswa Ngumoya?”
(1 Khorinte 2:14) Umuntfu locondziswa yinyama akatemukeli tintfo temoya waNkulunkulu, ngobe tibulima kuye; futsi ngeke atati, ngobe tihlolwa ngemoya waNkulunkulu.
Kusho Kutsini Kuba Ngumuntfu Locondziswa Ngumoya?
4 Asesicale sibone indlela umuntfu locondziswa yinyama lacabanga ngayo. Wemukela indlela bantfu balelive labacabanga ngayo lesekelwe etifisweni tabo tebugovu. Umphostoli Pawula wayichaza ngekutsi ‘ngumoya losebenta emadvodzaneni ekungalaleli.’ (Ef. 2:2) Lomoya wenta bantfu labanyenti kutsi bemukele umkhuba wekulandzela linyenti lovamile kulelive. Banaka kakhulu tifiso tabo tenyama. Umphumela uba kutsi labanyenti babo benta loko labakubona kulungile futsi abanendzaba nekuphila ngetimiso taNkulunkulu. Umuntfu locabanga ngetintfo tenyama ukhatsateka kakhulu ngesikhundla sakhe, umcebo kanye nekuvikela emalungelo akhe.
5 Singaphindze simbone ngani umuntfu locondziswa yinyama? Singambona ngekutsi ente “imisebenti yenyama.” (Gal. 5:19-21) Encwadzini yekucala layibhalela emaKhristu aseKhorinte, umphostoli Pawula wachaza letinye tintfo letentiwa bantfu labacondziswa yinyama. Loku kufaka ekhatsi kukhutsata kwehlukana, kukhetsa, kubanga, kumangalelana, kungatfobeli bunhloko kanye nekwecisa nabadla nalapho banatsa. Umuntfu wenyama nakalingwa, uba butsakatsaka futsi uvele ancotjwe silingo. (Taga 7:21, 22) Juda watsi bantfu labanjalo “bete nemoya waNkulunkulu.”—Juda 18, 19.
(1 Khorinte 2:15, 16) Kodvwa umuntfu locondziswa ngumoya uhlola tonkhe tintfo, kepha yena akahlolwa ngumuntfu. 16 “Ngubani lowati imicabango yaJehova, kangangekutsi angate ameluleke?” Kodvwa tsine siyayati imicabango yaKhristu.
Kusho Kutsini Kuba Ngumuntfu Locondziswa Ngumoya?
6 Kusho kutsini kucondziswa ngumoya? Umuntfu locondziswa ngumoya unebuhlobo lobuhle naNkulunkulu futsi wehlukile kumuntfu locondziswa yinyama. Bantfu labacondziswa ngumoya balwela ‘kulingisa Nkulunkulu.’ (Ef. 5:1) Loku kusho kutsi bayetama kucabanga ngendlela Nkulunkulu lacabanga ngayo futsi babuka tintfo ngendlela yena latibuka ngayo. Nkulunkulu ungumuntfu mbamba kubo. Ngalokwehlukile kubantfu labacondziswa tifiso tabo, benta konkhe labangakwenta kute baphile ngekuvumelana netimiso taNkulunkulu. (Hla. 119:33; 143:10) Esikhundleni sekutsi banake imisebenti yenyama, bantfu labanebuhlobo lobuhle naNkulunkulu, batsela “titselo temoya.” (Gal. 5:22, 23) Cabanga ngaloku: Umuntfu lonelikhono ebhizinisini uhlale acabanga ngalo. Ngendlela lefanako, umuntfu lonebuhlobo lobuhle naNkulunkulu uhlale acabanga ngekumkhonta.
Kusho Kutsini Kuba Ngumuntfu Locondziswa Ngumoya?
15 Singamlingisa njani Khristu? UmBhalo wa-1 Khorinte 2:16 ukhuluma ngekuba ‘nemicabango yaKhristu.’ Roma 15:5 ukhuluma ngekutsi sente “indlela lesicabanga ngayo ibe njengeyaKhristu Jesu.” Ngako kuze silingise Jesu, kufanele siyati indlela lacabanga ngayo futsi sibucondze kahle buntfu bakhe. Kufanele bese silandzela tinyatselo takhe. Jesu uhlale acabanga ngebuhlobo bakhe naNkulunkulu. Ngako nasilingisa Jesu sisuke silingisa Jehova. Letizatfu tenta kucace kutsi kubaluleke kangakanani kutsi sifundze kucabanga ngendlela Jesu lacabanga ngayo.
Kufunisisa Umcebo EVini LaNkulunkulu
(1 Khorinte 1:20) Siphi sihlakaniphi? Siphi sati semtsetfo? Uphi umuntfu walelive lotsandza timphikiswane? Nkulunkulu akakwentanga yini kuhlakanipha kwalelive kwaba bulima?
it-2 1193 ¶1
Kuhlakanipha
Kuhlakanipha kwalelive kwalilahla lilungiselelo laNkulunkulu leleta ngaKhristu, kwatsi kubulima; babusi balelive nanobe bebakhona kwahlulela emacala latsite, baphindze ‘bayibetsela neNkhosi lekhatimulako.’ (1 Khor. 1:18; 2:7, 8) Kodvwa Nkulunkulu, wabese uveta kuhlakanipha kwalo kutsi kubulima, ngekutsi ente emadvodza alo lahlakaniphile ahlazeke, ngekutsi asebentise loko lamadvodza lebekacabanga kutsi ‘kuyintfo yaNkulunkulu lebonakala ibulima’ waphindze wasebentisa nebantfu lebebacabanga kusi batilima, bete emandla kanye nalabangakabaluleki, kute afeze tinjongo takhe letingeke tincotjwe ngumuntfu. (1 Khor. 1:19-28) Pawula wakhumbuta emaKhritsu aseKhorinte kutsi “inhlakanipho yalelive nobe yebabusi” itawuba lite; njengoba kuhlakanipha lokunjalo bekungasiyo incenye yemlayeto webaphostoli lovela kuNkulunkulu. (1 Khor. 2:6, 13) Wacwayisa emaKhristu aseKholose kutsi angatfunjwa “ngekuhlakanipha kwebantfu [phi·lo·so·phiʹas, lelisho kutsandza kuhlakanipha] nekuyenga lokulite ngemasiko ebantfu.”—Khol. 2:8; catsanisa nemavesi 20-23.
(1 Khorinte 2:3-5) Ngeta kini ngebutsakatsaka, ngekwesaba, nangekutfutfumela lokukhulu; 4 futsi emavi ami naloko lengangikushumayela kwakungasiwo emavi ekuhlakanipha lahungako, kodvwa bekukubonakaliswa kwemoya nemandla, 5 khona kukholwa kwenu kungetuba sekuhlakanipheni kwebantfu, kodvwa kube semandleni aNkulunkulu.
w08 7/15 27 ¶6
Emaphuzu Lagcamile Encwadzi YaKhorinte
2:3-5. Ngesikhatsi afakaza eKhorinte, indzawo yemaGriki lebeyidvume ngemfundvo kanye nemafilosofi, kungenteka Pawula bekakhatsatekile ngekutsi bekatawukhona yini kwenta bantfu bamlalele. Nobe kunjalo, akazange avumele butsakatsaka nobe kwesaba lokungenteka bekanako kutsi kumphatamise ekwenteni umsebenti lebekawunikwe nguNkulunkulu. Ngendlela lefanako, natsi akukafaneli sivumele nobe ngabe ngusiphi simo sisivimbele kutsi simemetele tindzaba letimnandzi teMbuso waNkulunkulu. NjengaPawula, singatsembela kuJehova siciniseka kutsi utasisita.
Kufundvwa KweliBhayibheli
(1 Khorinte 1:1-17) Mine Pawula kanye naSostenesi umzalwane wetfu, lengakhetfwa kutsi ngibe ngumphostoli waJesu Khristu ngentsandvo yaNkulunkulu, 2 ngibhalela libandla laNkulunkulu leliseKhorinte, lokungini nine leningcweliswe ebunyeni naKhristu Jesu, nabitelwa kutsi nibe ngulabangcwele, nikanye nabo bonkhe lababita libito leNkhosi yetfu Jesu Khristu kuyo yonkhe indzawo, loyiNkhosi yetfu neyabo: 3 Shengatsi ningaba nemusa nekuthula lokuvela kuNkulunkulu longuBabe wetfu, naseNkhosini lenguJesu Khristu. 4 Ngihlale ngimbonga Nkulunkulu ngani, ngesizatfu semusa wakhe lanibonise wona ngaKhristu Jesu; 5 ngobe kuko konkhe nentiwe naceba kuye, ngelikhono lekukhuluma leliphelele nangelwati loluphelele, 6 njengobe nje nebufakazi lobumayelana naKhristu bentiwe bacina kini, 7 kuze kube bete sipho leniseswelako, njengobe nilindzele kwembulwa kweNkhosi yetfu Jesu Khristu ngekulangatelela. 8 Utawuphindze anicinise kudzimate kube sekugcineni, khona nitewutfolakala nite licala ngelilanga leNkhosi yetfu Jesu Khristu. 9 Nkulunkulu wetsembekile, futsi nguye lowanibita kutsi nibe nebudlelwane neNdvodzana yakhe lenguJesu Khristu iNkhosi yetfu. 10 Ngako ngiyanincenga bazalwane ngelibito leNkhosi yetfu Jesu Khristu, kutsi nonkhe nikhulume ngekuvumelana futsi kube bete kwehlukana emkhatsini wenu, kodvwa nibe munye ngalokuphelele emcondvweni munye nasekucabangeni lokufanako. 11 Ngobe labanye bendlu yaKlowe bangitjelile ngani bazalwane bami, kutsi kukhona kuphikisana emkhatsini wenu. 12 Lengikushoko kutsi ngamunye wenu utsi: “Mine ngiwaPawula,” lomunye utsi: “Mine ngiwa-Apholosi,” lomunye utsi: “Mine ngiwaKhefase,” lomunye yena utsi: “Mine ngiwaKhristu.” 13 Ngako Khristu ubonakala ehlukene ekhatsi. NguPawula yini lowabetselwa ngenca yenu? Futsi nabhajatiswa egameni laPawula yini? 14 Ngiyabonga ngekutsi kute lengambhabhatisa kini ngaphandle kwaKhrispusi naGayusi, 15 kute kubete longatsi nabhajatiswa egameni lami. 16 Futsi ngabuye ngabhabhatisa nendlu yaStefanasi. Kodvwa angati nobe ukhona yini lomunye lengambhabhatisa kulaba labanye. 17 Ngobe Khristu akazange angitfume kutsi ngibhabhatise, kodvwa wangitfuma kutsi ngimemetele tindzaba letimnandzi, kepha hhayi ngekuhlakanipha kwenkhulumo, kute lugodvo Khristu labetselwa kulo lungentiwa intfo lengenamsebenti.
MARCH 25-31
UMCEBO LOSEVINI LANKULUNKULU | 1 KHORINTE 4-6
“Imvubelo Lencane Iyibilisa Yonkhe Inhlama”
(1 Khorinte 5:1, 2) Kubikwe kutsi emkhatsini wenu kunebudlundlulu lobungazange sebube khona ngisho nakubantfu betive, kutsi indvodza letsite ihlala nemfati weyise. 2 Niyatigabatisa yini ngaloku? Bekungakafaneli yini nilile, kuze lomuntfu lowente loku asuswe emkhatsini wenu?
(1 Khorinte 5:5-8) kufanele umuntfu lonjalo nimnikele kuSathane kuze kubhujiswe inyama, khona simo lesihle selibandla sitewulondvolotwa ngelilanga leNkhosi. 6 Kutigabatisa kwenu akusikuhle. Anati yini kutsi imvubelo lencane iyibilisa yonkhe inhlama? 7 Susani imvubelo lendzala, khona nitewuba yinhlama lensha njengobe nite kulata. Ngobe ecinisweni Khristu loliPhasika letfu sewuvele unikelwe. 8 Ngako asiwugcineni lomkhosi, kodvwa hhayi ngemvubelo lendzala, nobe ngemvubelo yebubi nekungcola, kodvwa ngesinkhwa lesite imvubelo sebucotfo neliciniso.
(1 Khorinte 5:13) Nkulunkulu abe ehlulela labo labangephandle? “Msuseni umuntfu lomubi emkhatsini wenu.”
it-2 230
Imvubelo
Umphostoli Pawula wasebentisa umfanekiso lofanako ngesikhatsi ayala libandla lebuKhristu laseKhorinte kutsi lisuse umuntfu lowenta bundlundlulu ebandleni, watsi: “Anati yini kutsi imvubelo lencane iyibilisa yonkhe inhlama? Susani imvubelo lendzala, khona nitewuba yinhlama lensha njengobe nite kulata. Ngobe ecinisweni Khristu loliPhasika letfu sewuvele unikelwe.” Wabese uyachaza kutsi ukhuluma ngani nakakhuluma ‘ngemvubelo’ watsi: “Asiwugcineni lomkhosi, kodvwa hhayi ngemvubelo lendzala, nobe ngemvubelo yebubi nekungcola, kodvwa ngesinkhwa lesite imvubelo sebucotfo neliciniso.” (1Ko 5:6-8) Lapha, Pawula bekakhuluma ngeMkhosi Wesinkhwa Lesite Imvubelo, lobewentiwa ngemuva kwemkhosi weliPhasika. Njengobe imvubelo lencane beyingabilisa yonkhe inhlama, nelibandla lilonkhe belitawungcola emehlweni aJehova uma lingamsusi umuntfu lomubi emkhatsini walo. Bekufanele bayisuse lemvubelo emkhatsini wabo, njengobe nemaIsrayeli bekungakafaneli atfolakale anemvubelo etindlini tawo ngelilanga lalomkhosi.
it-2 869-870
Sathane
Kusho kutsini ‘kunikela umuntfu kuSathane kuze kubhujiswe inyama’?
Ayala libandla laseKhorinte ngendlela lokufanele lente ngayo nangabe lilunga lelibandla liphinge nemfati wababe walo, umphostoli Pawula wabhala: “Umuntfu lonjalo nimnikele kuSathane kuze kubhujiswe inyama.” (1Ko 5:5) Lona bekungumyalo wekutsi bamsuse umuntfu lonjalo ebandleni, bangatihlanganisi naye. (1Ko 5:13) Kunikela ngaye kuSathane bekutawusho kutsi uyasuswa ebandleni futsi uyiswa eveni lelibuswa nguSathane. ‘Njengemvubelo lencane’ lekuyo yonkhe inhlama, lomuntfu ‘bekayinyama’ nobe bekangumuntfu locondziswa yinyama ebandleni; futsi ngekususa lomuntfu lomubi, libandla lelicondziswa ngumoya bekutawufana nekutsi libulala ‘lenyama’ emkhatsini walo. (1Ko 5:6, 7) Ngendlela lefanako, Pawula wanikela Humenayosi na-Alekzanda kuSathane, ngobe bebadukile ekukholweni, sebete nembeza lomsulwa futsi sebawile ekukholweni.—1Tm 1:20.
(1 Khorinte 5:9-11) Nganibhalela encwadzini yami kutsi ningahlanganyeli netingwadla bekungasho kutsi kufanele nisuke ningabikho emhlabeni. 11 Kepha netiphingi. 10 Angisho bona bantfu labangakholwa labatingwadla netiphingi, nome lababukhali, nebaphangi, nome labakhonta tithico. Loko manje nginibhalele ngatsi ningahlanganyeli nemuntfu lekutsiwa ungumzalwane kantsi uyingwadla, nome siphingi, nome ngulobukhali, nome ngulokhonta tithico, nome ngulowetfukanako, nome sidzakwa, nome sigebengu; ningete nadla ngisho nekudla nemuntfu lonjalo.
lvs 241, liphuzu lelisekugcineni
Kuyekeliswa Kuba NguFakazi
Nangabe umuntfu lowente sono lesikhulu angaphendvuki futsi angafuni kulandzela ticondziso taJehova, ngeke achubeke alilunga lelibandla. Kufanele ayekeliswe kuba nguFakazi. Nangabe umuntfu ayekelisiwe kuba nguFakazi, buyaphela bungani betfu naloyo muntfu futsi siyayekela kukhuluma naye. (1 Khorinte 5:11; 2 Johane 9-11) Lilungiselelo lekuyekelisa umuntfu kuba nguFakazi livikela libandla kanye neligama laJehova. (1 Khorinte 5:6) Kuyekeliswa kuba nguFakazi kusijeziso lesisita umuntfu kutsi aphendvuke futsi abuyele kuJehova.—Lukha 15:17.
Sehluko 3, sigaba 19
Kufunisisa Umcebo EVini LaNkulunkulu
(1 Khorinte 4:9) Ngobe ngibona shengatsi Nkulunkulu ubeke tsine baphostoli kutsi sibe sekugcineni enkhundleni njengebantfu labafanelwe kufa, ngobe sesibe ngumbukiso kulelive, kokubili etingilosini nakubantfu.
w09 5/15 24 ¶16
Tingilosi—‘Tidalwa Letingumoya Letenta Umsebenti Wekushumayela’
16 EmaKhristu lasetinkingeni ‘angumbukiso etingilosini.’ (1 Kor. 4:9) Tingilosi tijabula kakhulu natisibona setsembekile, futsi tiyajabula nalapho umuntfu lowente sono aphendvuka. (Luka 15:10) Tingelosi tiyababona besifazane labangemaKhristu labatiphatsa ngendlela lejabulisa Nkulunkulu. LiBhayibheli libonisa kutsi “umfati kufanele abe neluphawu lwenhlonipho enhloko yakhe ngenca yetingilosi.” (1 Kor. 11:3, 10) Kuliciniso kutsi, tingilosi tiyajabula natibona besifazane kanye naletinye tikhonti taNkulunkulu letisemhlabeni tibambisana nesicondziso lesivela kuNkulunkulu kanye nelilungiselelo lebunhloko. Kulalela lokunjalo kusikhumbuto lesifanelekako kulamadvodzana aNkulunkulu lasezulwini.
(1 Khorinte 6:3) Anati yini kutsi sitawehlulela tingilosi? Pho tingasehlula njani-ke tindzaba talokuphila?
it-2 211
Umtsetfo
Umtsetfo loya etiNgilosini. Tingilosi, ngisho tisesikhundleni lesingetulu kunebantfu, nato tiyawutfola umyalo nemitsetfo levela kuNkulunkulu. (Heb 1:7, 14; Hla 104:4) Jehova bekamcondzisa futsi amnika imitsetfo naSathane lowagcine angumphikisi wakhe. (Job 1:12; 2:6) Mikhayeli loyingilosi lenkhulu bekasibona futsi asihlonipha sikhundla saJehova sekuba nguMehluleli loMkhulu, ngobe kwatsi nakusuka kungevani emkhatsini wakhe naDeveli watsi: “Shengatsi Jehova angakwekhuta.” (Juda 9; catsanisa naZak. 3:2) Tonkhe tingilosi tingephansi kwesikhundla saJesu lasinikwe nguNkulunkulu Jehova. (Heb 1:6; 1Ph 3:22; Mat 13:41; 25:31; Flp 2:9-11) Ngesizatfu saloko, ngekuyalwa nguJesu, ingilosi yamikisa umlayeto kuJohane. (Sem 1:1) Nobe kunjalo, ku-1 Khorinte 6:3 umphostoli Pawula wakhuluma ngalabagcotjiwe baKhristu lababelwe kutsi behlulele tingilosi, ngobe ngandlela tsite batawuba nelilungelo lekwehlulela emadimoni.
Kufundvwa KweliBhayibheli
(1 Khorinte 6:1-14) Ukhona yini kini lotsi nakanekungevani nalotsite aye enkantolo kubantfu labangakholwa, angayi kulabangcwele? 2 Anati yini kutsi labangcwele batawehlulela live? Nangabe live litawehlulelwa ngini, ningehlulwa yini-ke kwehlulela tindzaba letincane kangaka? 3 Anati yini kutsi sitawehlulela tingilosi? Pho tingasehlula njani-ke tindzaba talokuphila? 4 Nangabe-ke nitawehlulela tindzaba talokuphila, kungani nikhetsa labo libandla lelibabukela phansi kutsi babe behluleli? 5 Loku ngikukhuluma kuze nginibangele emahloni. Kute yini lohlakaniphile emkhatsini wenu longakhona kwehlulela bazalwane bakhe? 6 Umzalwane umangalela umzalwane wakhe enkantolo, kubantfu labangakholwa nekwenta! 7 Kusho kutsi senivele nehlulekile nangabe nimangalelana nodvwa. Anivumi leni koniwa? Anivumi leni-ke kudlelwa? 8 Kodvwa nine niyona futsi nidlele labanye, ngisho nebazalwane benu imbala. 9 Anati yini kutsi bantfu labangakalungi ngeke balidle lifa leMbuso waNkulunkulu? Ningadukiswa. Tidlundlulu, labakhonta titfombe, tiphingi, emadvodza lenta lokuphambene nemvelo, emadvodza lalalana nemadvodza, 10 emasela, bantfu lababukhali, tidzakwa, labetfukako, nobe tigebengu ngeke balidle lifa leMbuso waNkulunkulu. 11 Nanobe kunjalo, nguloko labanye benu lebebangiko. Kodvwa senihlantiwe, seningcwelisiwe, futsi sekutsiwe nilungile egameni leNkhosi yetfu Jesu Khristu nangemoya waNkulunkulu wetfu. 12 Tonkhe tintfo tivumelekile kimi, kodvwa akusito tonkhe letilusito. Tonkhe tintfo tivumelekile kimi, kodvwa ngeke ngivume kugcilatwa ngunobe yini. 13 Kudla kwesisu, nesisu sekudla; kodvwa Nkulunkulu utawukwenta kutsi totimbili letintfo tibe lite. Ngako umtimba awusiwo webudlundlulu, kodvwa weNkhosi; neNkhosi yemtimba. 14 Nkulunkulu wayivusa iNkhosi, futsi ngemandla akhe, natsi utasivusa ekufeni.