Dipesaleme

43 Nkahlole,+ Molimo,

U tsamaise nyeoe+ ea ka khahlanong le sechaba se sa tšepahaleng.

E se eka u ka mpholosa ho motho ea thetsang le ea sa lokang.+

 2 Etsoe u Molimo oa qhobosheane ea ka.+

U ntahletse’ng?

Ke hobane’ng ha ke tsamaea ke hlomohile ka lebaka la khatello ea sera?+

 3 Romela leseli la hao le ’nete ea hao.+

E se eka li ka ntsamaisa.+

E se eka li ka ntlisa thabeng ea hao e halalelang le tabernakeleng ea hao e khōlō.+

 4 Ke tla tla aletareng ea Molimo,+

Ho Molimo, thabo ea ka e fetisisang.+

Ke tla u roka ka harepa, Molimo, Molimo oa ka.+

 5 Uena moea oa ka, ke hobane’ng ha u feletsoe ke tšepo,+

Ke hobane’ng ha u le morusu ka hare ho ’na?

Letela Molimo,+

Etsoe ke sa ntse ke tla mo roka joaloka poloko ea ka e khōlō le joaloka Molimo oa ka.+