-
Pesaleme 42:sehloohwana-11Phetolelo ea Lefatše le Lecha ea Mangolo a Halalelang
-
-
Ho motsamaisi. Maskile bakeng sa bara ba Kora.
42 Joaloka khama e tšehali e hlolohetsoeng melapo ea metsi,
Ka ho tšoanang moea oa ka o hlolohetsoe uena, Molimo.+
2 Moea oa ka o nyoretsoe Molimo,+ o nyoretsoe Molimo ea phelang.+
Ke tla tla neng ’me ke hlahe ka pel’a Molimo?+
3 Ho ’na meokho ea ka e fetohile lijo bosiu le motšehare,+
Ha ba ntse ba re ho ’na letsatsi lohle: “Molimo oa hao o hokae?”+
4 Ke tla hopola lintho tsena, ’me ke tla tšolla moea oa ka ka hare ho ’na.+
Etsoe ke ne ke feta hammoho le letšoele,
Ke ne ke tsamaea butle ka pel’a lona ho ea ntlong ea Molimo,
Ka lentsoe la mohoo oa thabo le liteboho,+
La letšoele le entseng mokete.+
5 Uena moea oa ka, ke hobane’ng ha u feletsoe ke tšepo,+
Ke hobane’ng ha u le morusu ka hare ho ’na?+
Letela Molimo,+
Etsoe ke sa ntse ke tla mo roka joaloka poloko ea ka e khōlō.+
6 Molimo oa ka, moea oa ka o feletsoe ke tšepo ka hare ho ’na.+
Ke ka lebaka leo ke u hopolang,+
Ho tsoa naheng ea Jordane le litlhōrōng tsa Hermone,+
Ho tsoa thabeng e nyenyane.+
7 Boliba bo bong bo hoeletsa bo bong
Ha ho utloahala molumo oa liphororo tsa hao.
Metsi ’ohle a hao a loebehlanang le maqhubu a hao+—
A fetile holim’a ka.+
8 Jehova o tla laela mosa oa hae o lerato motšehare,+
Pina ea hae e tla ba le ’na bosiu;+
Ho tla ba le thapelo e eang ho Molimo oa bophelo ba ka.+
9 Ke tla re ho Molimo lefika la ka:+
“U ntebaletse’ng?+
Ke hobane’ng ha ke tsamaea ke hlomohile ka lebaka la khatello ea sera?”+
-
-
Pesaleme 45:sehloohwana-17Phetolelo ea Lefatše le Lecha ea Mangolo a Halalelang
-
-
Ho motsamaisi malebana le Likhahla. Ea bara ba Kora. Maskile. Pina ea basali ba ratoang.
45 Pelo ea ka ea tlōla-tlōla ka lebaka la taba e khahlisang.+
Ke re: “Mesebetsi ea ka e malebana le morena.”+
E se eka leleme la ka e ka ba pene+ ea mokopitsi ea nang le tsebo.
2 Ka sebele u motle ho feta bara ba batho.+
Khahleho e tšolletsoe holim’a molomo oa hao.+
Ke ka lebaka leo Molimo a u hlohonolofalitseng ho isa nakong e sa lekanyetsoang.+
4 Ka bokhabane ba hao u tsoele pele ho atleha;
Palama molemong oa ’nete le boikokobetso le ho loka,
Letsoho la hao le letona le tla u rupela ka lintho tse tšabehang.
6 Molimo ke terone ea hao ho isa nakong e sa lekanyetsoang, esita le ka ho sa feleng;+
Lere la borena ba hao ke lere la borena la ho loka.+
7 U ratile ho loka+ ’me u hloile bokhopo.+
Ke ka lebaka leo Molimo, Molimo oa hao,+ a u tlotsitseng+ ka oli ea thabo e khaphatsehang+ ho feta balekane ba hao.+
8 Liaparo tsohle tsa hao ke myra le lekhala le kasia;+
Ho tsoa ntlong e khōlō ea ’muso ea lenaka la tlou+ liletsa tse likhoele li u thabisitse.
9 Barali+ ba marena ba har’a basali ba hao ba bohlokoa.
Mofumahali o eme ka letsohong la hao le letona ka khauta ea Ofire.+
13 Morali oa morena o khanya haholo ka har’a ntlo;
Liaparo tsa hae li khabisitsoe ka khauta.
14 O tla tlisoa ho morena ka seaparo se lohiloeng.
Baroetsana ba mokolokong oa hae e le metsoalle ea hae ba ntse ba tlisoa ho uena.+
15 Ba tla tlisoa ka thabo le nyakallo;
Ba tla kena ka tlung ea ’muso ea morena.
-