30 O etse aletare e le sebaka seo ho tjhesetswang dibano+ ho sona. O e etse ka sefate sa leoka.+ 2 E be le mahlakore a mane a lekanang, e be bolelele ba disenthimithara tse ka bang 45* le bophara ba disenthimithara tse ka bang 45 mme e be bophahamo bo ka etsang mithara.* Manaka a yona e be ntho e le nngwe le yona.+ 3 O sebedise kgauta e hlwekileng ho kwahela karolo e ka hodimo ya aletare le ho kwahela mahlakore ohle a yona le manaka a yona mme o e etsetse mokgabiso wa kgauta ho e potoloha. 4 Hape o e etsetse direng tse pedi tsa kgauta tlasa mokgabiso oo wa yona mahlakoreng a yona a mabedi a shebaneng mme direng tseo di tla kenya dipalo tseo e tla jarwa ka tsona. 5 O etse dipalo tseo ka sefate sa leoka mme o di kwahele ka kgauta.