15 Lengeloi la Jehova la bitsa Abrahama ka lekgetlo la bobedi le le mahodimong, 16 la re: “Jehova o re, ‘Ke hlapanya ka nna+ hore ka lebaka la seo o se entseng le hore ha o a ka wa nkganela ka mora wa hao ya mong feela,+ 17 ke tla o hlohonolofatsa mme ke etse hore bana* ba hao ba be bangata jwalo ka dinaledi tsa mahodimo le jwalo ka lehlabathe le lebopong la lewatle+ mme ngwana* wa hao o tla nka metse* ya dira tsa hae.+

10 Modimo a re ho yena: “Lebitso la hao ke Jakobo.+ Empa ha o sa tla bitswa Jakobo. O se o tla bitswa Iseraele.” A qala ho mo bitsa Iseraele.+ 11 Modimo a boela a re ho yena: “Ke nna Modimo ya Matla Ohle.+ Ata mme o ngatafale. O tla ba ntate wa ditjhaba tse ngata+ mme marena a tla tswa ho wena.*+

13 Modimo o ile a ikana ka yena+ ha a ne a tshepisa Abrahama hore o tla mo hlohonolofatsa hobane ha ho motho e moholo ho mo feta. 14 Modimo o ile a re: “Ke tla o hlohonolofatsa mme ke etse hore bana* ba hao ba be bangata.”+