20 Kapelepele Moshe le Arone ba etsa feela jwalo ka ha Jehova a laetse. Arone a phahamisa molamu mme a otla metsi a Noka ya Nile ka pela Faro le bahlanka ba hae yaba metsi ohle a noka a fetoha madi.+

6 Arone a otlollela letsoho hodima metsi a Egepeta mme dinqanqane tsa nyoloha le ho kwahela naha ya Egepeta.

17 Ba etsa jwalo. Arone a otlolla letsoho leo a tshwereng molamu wa hae ka lona yaba o otla lerole la lefatshe mme menwang ya hlasela batho le diphoofolo. Lerole lohle la lefatshe la fetoha menwang naheng yohle ya Egepeta.+

6 Letsatsing le latelang Jehova a etsa sena mme diphoofolo tsohle tsa Baegepeta tsa shwa+ empa ha ho a ka ha shwa le ha e le phoofolo e le nngwe ya Baiseraele.

10 Ba nka molora ka seboping mme ba ema ka pela Faro. Moshe a o hasanya moyeng mme wa fetoha mathopa a tswang boladu hodima batho le diphoofolo.

23 Moshe a phahamisetsa molamu wa hae mahodimong mme Jehova a tlisa diaduma le sefako yaba mollo* o theohela lefatsheng. Jehova a nna a nesa sefako naheng ya Egepeta.

12 Jehova a re ho Moshe: “Otlollela letsoho la hao hodima naha ya Egepeta e le hore ditsie di ka nyolohela ho yona mme di je dimela tsohle tsa naha, di je dintho tsohle tse siilweng ke sefako.”

21 Jehova a re ho Moshe: “Phahamisetsa letsoho la hao mahodimong e le hore ho ka ba le lefifi naheng ya Egepeta, lefifi le letsholetsho.”