19 Ntho e etsahallang motho e etsahalla le phoofolo. Jwalo ka ha phoofolo e shwa, motho o shwa ka mokgwa o tshwanang.+ Kaofela ba na le moya o le mong.+ Ka hoo, motho ha a phahamela phoofolo hobane ntho e nngwe le e nngwe ke lefeela. 20 Kaofela ba ya sebakeng se le seng.+ Kaofela ba tswa leroleng+ mme kaofela ba kgutlela leroleng.+

2 Ba lokileng le ba kgopo,+ ba molemo, ba hlwekileng le ba sa hlwekang, ba etsang sehlabelo le ba sa se etseng, kaofela ba hlahelwa ke ntho e tshwanang.+ Ya lokileng o tshwana le moetsadibe, ya etsang kano a sa nahane o tshwana le ya hlokolosi ha a etsa kano. 3 Ntho ena e etsahalang lefatsheng* e a nyahamisa: Dipelo tsa batho di tletse bobe hobane kaofela ba hlahelwa ke ntho e tshwanang.+ Hape dipelo tsa bona di tletse bohlanya ha ba sa ntse ba phela ebe ka mora moo ba a shwa.*

11 Ke hlokometse ntho e nngwe hape lefatsheng* hore ha se ka mehla ba lebelo ba hlolang peisong. Ha se ka mehla ba matla ba hlolang ntweng.+ Ha se ka mehla ba bohlale ba nang le dijo kapa maruo.+ Hape ha se ka mehla ba nang le tsebo ba atlehang+ hobane kaofela ba hlahelwa ke dintho ka tshohanyetso ka nako eo ba sa e lebellang.