49 Jehova o tla romela setjhaba se tswang hole,+ se tswang qetellong ya lefatshe hore se le hlasele, se tla le fofela jwalo ka ntsu,+ setjhaba seo le ke keng la utlwisisa puo ya sona,+ 50 setjhaba se bohale se ke keng sa qenehela motho ya tsofetseng kapa e motjha.+ 51 Se tla ja mehlape ya lona le ditholwana tsa naha ya lona ho fihlela le fedisitswe. Se ke ke sa le siela dijo, veine e ntjha kapa oli, manamane kapa dikonyana ho fihlela se le fedisitse.+

17 Ba tla ja dijalo le bohobe ba lona.+

Ba tla bolaya bara le baradi ba lona.

Ba tla ja mehlape ya lona ya dinku le dipodi le ya diphoofolo tse kgolo.

Ba tla senya difate tsa lona tsa morara le tsa feie.*

Metse ya lona e sireleditsweng ka thata eo le e tshepang, ba tla e fedisa ka sabole.”