Watchtower ONLINE LIBRARY

Watchtower ONLINE LIBRARY

Sesotho (South Africa)

Pesaleme 136:5

Bibele—Phetolelo ya Lefatshe le Letjha
- 5 O entse mahodimo ka bohlale+
  Hobane lerato la hae ha le fele le ka mohla.

Diproverbia 3:19

Bibele—Phetolelo ya Lefatshe le Letjha
- 19 Jehova o ile a theha lefatshe ka bohlale.+
  
  A tiisa mahodimo ka temoho.+

Esaia 40:22

Bibele—Phetolelo ya Lefatshe le Letjha
- 22 Modimo o dula ka hodima sedikadikwe sa lefatshe,+
  Baahi ba lona ba jwalo ka marutle.
  
  O otlolla mahodimo jwalo ka lesela le lesesaane la boleng bo phahameng,
  O a ala jwalo ka tente eo ho dulwang ho yona.+

Jeremia 10:12-16

Bibele—Phetolelo ya Lefatshe le Letjha
- 12 Ke yena Modimo ya entseng lefatshe ka matla a hae,
  Ka bohlale ba hae o entse lefatshe,+
  O otlolotse mahodimo ka bohlale* ba hae.+
  
  13 Lentswe la hae le etsa hore
  Metsi a mahodimong a lwebehlane,+
  O etsa hore maru* a nyolohe ho tswa dikgutlong tsa lefatshe.+
  
  O etsa lehadima* bakeng sa pula
  Mme o bulela moya moo a o kwaletseng teng.*+
  
  14 Motho e mong le e mong o etsa dintho ka ho se nahane le ka ho hloka tsebo.
  
  Motho e mong le e mong ya sebetsang ka tshepe o tla hlajwa ke dihlong ka lebaka la setshwantsho se betlilweng,+
  Etswe ditshwantsho* tsa hae tse entsweng ka tshepe di a thetsa
  Hape ha ho na moya* ho tsona.+
  
  15 Ha di na thuso, di lokelwa ke ho songwa.+
  
  Ha letsatsi la kahlolo le fihla, di tla timela.
  
  16 Empa Modimo wa Jakobo ha a tshwane le tsona,
  Ke yena ya entseng ntho e nngwe le e nngwe
  Mme Iseraele ke lere la lefa la hae.+
  
  Lebitso la hae ke Jehova wa mabotho.+