4 Jehova o ile a roma bahlanka bohle ba hae ba baprofeta ho lona. O ile a ba roma ka makgetlokgetlo* empa ha le a ka la mamela kapa la sekeha tsebe hore le utlwe.+ 5 Ba ne ba re: ‘Ka kopo e mong le e mong wa lona a ke a tlohele mekgwa ya hae e mebe le mesebetsi ya hae e mebe.+ Haeba le etsa jwalo, le tla tswela pele ho dula halelele naheng eo Jehova a e fileng lona le baholoholo ba lona ho tloha kgale.