LAEBRARI E INTHANETENG

1 Timothea 4:1

Bibele—Phetolelo ya Lefatshe le Letjha
- 4 Lentswe le tswang ho Modimo* le bolela ka ho hlaka hore dinakong tse tlang ba bang ba tla wa tumelong. Ba tla mamela dithuto tsa bademona le melaetsa eo e seng nnete e bonahalang eka e tswa ho Modimo.+

2 Timothea 4:3, 4

Bibele—Phetolelo ya Lefatshe le Letjha
- 3 Ho na le nako eo ka yona batho ba ke keng ba mamela dithuto tsa nnete.*+ Ba tla latela ditakatso tsa bona, ba ipatlele mesuwe e tla ba bolella dintho tseo ba batlang ho di utlwa.*+ 4 Ba tla tlohela ho mamela nnete ebe ba mamela dipale tsa bohata.

1 Johanne 2:18, 19

Bibele—Phetolelo ya Lefatshe le Letjha
- 18 Bana ba ka, re se re le horeng ya ho qetela. Le utlwile hore mohanyetsi wa Kreste o a tla,+ le hona jwale ho se ho ena le bahanyetsi ba Kreste ba bangata+ e leng ntho e pakang hore re se re le horeng ya ho qetela. 19 Ba ile ba ikarola ho rona hobane e se karolo ya rona.+ Hoja e ne e le karolo ya rona, ba ka be ba dutse le rona. Empa ba ile ba ikarola ho rona e le hore ho bonahale hore ha se bohle bao e leng karolo ya rona.+