Dipesaleme

137 Re ne re dutse dinokeng tsa Babilona,+

Re lla ha re hopola Sione.+

2 Re ile ra haka diharepa tsa rona difateng tsa popoliri tse Babilona.+

3 Ha re le moo, ba re tshwereng ba ile ba re re ba binele,+

Ba re somang ba ne ba re tsheha ba re:

“Re bineleng e nngwe ya dipina tsa Sione.”

4 Re ka bina pina ya Jehova jwang

Re le naheng e nngwe?

5 Haeba nka o lebala wena Jerusalema,

Letsoho la ka le letona le se ke la kgona ho etsa letho.*+

6 Haeba ke sa e hopole

Haeba ke sa nke Jerusalema e le yona e nthabisang

Ho feta dintho tsohle,

Molomo wa ka o se ke wa kgona ho bua.+

7 Jehova, hopola seo Baedomo ba ileng ba se bua

Letsatsing leo Jerusalema e weleng ka lona,

Ha ba ne ba re: “E heletseng! Le e dihe hore e putlame!”+

8 Wena motse wa Babilona o tlang ho fediswa haufinyane,+

Ho thaba motho ya tla o sotla

Ka tsela eo o neng o re sotla ka yona.+

9 Ho thaba motho ya tla tshwara bana ba hao

A ba otlanye mafikeng.+