Diproverbia
5 Mora wa ka, mamela mantswe a ka a bohlale.
O mamele ka hloko seo ke se rutang ka temoho*+
2 E le hore o lebele bokgoni ba hao ba ho nahana
O be o bue nnete ka mehla.+
3 Etswe mantswe a mosadi ya boitshwaro bo bobe* a monate jwalo ka mahe a dinotshi,+
A boreledi ho feta oli.+
5 Maoto a hae a theohela lefung.
Mehato ya hae e lebisa Lebitleng.*
6 Ha a tsotelle tsela ya bophelo.
Ditsela tsa hae di hlahlatheletse moo a sa tsebeng.
7 Jwale bara ba ka, mmameleng
Mme le se ke la iphapanyetsa seo ke se buang.
8 Tsamaellang hole le yena,
Le se ke la atamela monyako wa ntlo ya hae+
9 E le hore le se ke la itlosa seriti+
Kapa la sotleha bophelo bohle ba lona+
10 E le hore batho ba bang ba se ke ba ja matla a lona+
Kapa dintho tseo le di sebeleditseng ka thata tsa jewa lefa ke motho e mong.
11 Ho seng jwalo, le tla lla qetellong ya bophelo ba lona
Ha mmele ya lona le matla a lona a fela,+
12 Le tla re: “Ke ne ke hloile ho kgalemelwa,
Ke* hloile ho bontshwa diphoso.
13 Ke ne ke sa mamele barupedi ba ka
Ke bile ke iphapanyetsa mesuwe ya ka.
16 Ke hobaneng ha o batla hore didiba tsa hao di hasane ka ntle
Le melapo ya hao ya metsi e hasane diterateng?+
18 Sediba sa hao se ke se hlohonolofatswe,*
O thabe le mosadi wa botjha ba hao,+
19 O jwalo ka kgama e tshehadi e ratehang kapa potsanyane*+ e ntle.
Matswele a hae a o kgotsofatse* ka dinako tsohle.
E se eka lerato la hae le ka o taha ka mehla.+
23 O tla shwa hobane ha a mamela ha a kgalemelwa,
A kgelohe ka lebaka la bothoto ba hae.