Lengolo la Pele la Petrose

5 Ke etsa kopo ena ho baholo ba teng hara lona hobane le nna ke moholo jwalo ka bona ebile ke bone ha Kreste a hloriswa mme jwalo ka lona ke tla fumana tlotla e tla senolwa.+ 2 Ke kopa hore le dise mohlape oo Modimo+ a le fileng wona hore le o hlokomele le be le o sebeletse le le balebedi. Le o hlokomele hobane le rata eseng hobane le qobeletswe ka ha ke yona ntho eo Modimo a e batlang.+ E be ka lerato eseng hobane ka meharo le batla ho ithuisa.+ 3 Le se ke la hatella batho ba Modimo+ empa le behele mohlape mohlala.+ 4 Ha modisa ya ka sehloohong+ a bonahaditswe, le tla fuwa korone ya kganya e ke keng ya senyeha.+

5 Lona bahlankana, le ikokobeletse baholo.*+ Kaofela ha lona le ikokobetse ha le sebedisana hobane Modimo ha a rate batho ba ikgohomosang empa ho ba ikokobeditseng o mosa.*+

6 Le ikokobeletse Modimo ya matla e le hore a ka le phahamisa nakong e loketseng.+ 7 Lahlelang dintho tsohle tse le tshwenyang ho yena+ hobane o a le tsotella.+ 8 Ebang bohlale mme le fadimehe.+ Sera sa lona Diabolose se tsamaya jwalo ka tau e purumang e batlang ho harola e mong.+ 9 Le ha ho le jwalo, le mo hanyetse+ ka hore le be le tumelo e matla, le tsebe hore dintho tse bohloko tse le hlahelang di ntse di hlahela bana ba bo lona bohle lefatsheng.+ 10 Ka mora hore le utlwe bohloko ka nakwana, Modimo ya bontshang mosa* ka ditsela tse sa tshwaneng, ya le bitseditseng hore le tlotliswe ka ho sa feleng+ ka Kreste, o tla qetela kwetliso ya lona. O tla le tiisa,+ a le thuse hore le dule le tshepahala a be a le matlafatse.+ 11 Matla ke a hae ka ho sa feleng. Amen.

12 Ke kopile Silvanase*+ ngwanabo rona ya tshepahalang hore a nthuse ho ngola lengolo lena e le hore ke le kgothatse le hore ke le bontshe hore ka nnete Modimo o bile mosa haholo ho lona. Le se ke la o tlohela. 13 Mosadi* ya Babilona ya kgethilweng jwalo ka lona o re le dumele le Mareka+ mora wa ka o re le dumele. 14 Le dumedisane ka lerato.*

E se eka kaofela ha lona balatedi ba Kreste le ka ba le kgotso.