Diproverbia
2 Mohlanka ya nang le temoho o tla busa mora wa monga hae ya diketso di swabisang,
O tla ja lefa jwalo ka e mong wa bara ba monga hae.
3 Silevera le kgauta di hlwekiswa ka ho qhibidihiswa mollong+
Empa Jehova ke yena ya hlahlobang dipelo.+
4 Motho ya kgopo o mamela ka hloko dipuo tse bohloko.
Molotsana o mamela dipuo tse hlabang.+
5 Motho ya somang mofutsana o rohaka Mmopi* wa hae.+
Ya thabelang koduwa ya e mong o tla fumana kotlo.+
7 Dipuo tse lokileng* ha di tshwanele motho ya se nang kelello.+
Leshano le lona ha le tshwanele morena.*+
8 Mpho e tshwana le lejwe la bohlokwa ho motho ya fanang ka yona.+
E mo atlehisa nthong e nngwe le e nngwe eo a e etsang.+
9 Mang kapa mang ya tshwarelang* phoso o batla lerato+
Empa ya dulang a bua ka phoso o arola metswalle ya hlooho ya kgomo.+
10 Motho ya nang le kutlwisiso o a mamela ha a kgalemelwa+
Empa motho ya se nang kelello ha a mamele le ha a ka otlwa halekgolo.+
12 Ho molemo hore motho a teane le bere e nketsweng madinyane
Ho feta hore a teane le sethoto se tshepileng bothoto ba sona.+
14 Ho qala ntwa ho tshwana le ho bulela letamo la metsi.*
Pele kgang e qhoma, o itsamaele.+
15 Mang kapa mang ya lokollang ya kgopo le mang kapa mang ya ahlolang ya lokileng,+
Ka bobedi ba a nyonyeha ho Jehova.
17 Motswalle wa nnete o lerato ka dinako tsohle+
Mme ke ngwaneno eo o ka mo tshepang dinakong tsa mahlomola.+
18 Motho ya se nang kelello* o etsa tumellano
Mme o itlama ka pela moahisani hore o tla patalla motho e mong sekoloto.+
19 Ya ratang dikgang o tla etsa diphoso.+
Mang kapa mang ya dulang a ithorisa o ipitsetsa tlokotsi.*+
21 Motswadi wa ngwana ya hlokang kelello o tla sarelwa,
Ntate wa ngwana ya se nang kelello ha a thabe.+
24 Motho ya nang le temoho o shebile bohlale feela
Empa ya hlokang kelello o thalatsa mahlo ho ya fihla moo lefatshe le fellang.+
26 Ha ho hotle ho fa ya lokileng kotlo.*
Ho otla bahlomphehi ha se ntho e lokileng.
27 Motho ya nang le tsebo o a ithiba ha a bua,+
Athe motho ya nang le temoho o tla dula a kgobile matshwafo.+
28 Esita le motho ya se nang kelello, ha a thola o tla nkwa a le bohlale.
Ya kwalang molomo wa hae o tla nkwa a ena le temoho.