Dipesaleme
Ho motsamaisi. Pesaleme ya bara ba Kora.+ Maskile.*
44 Modimo, re utlwile ka ditsebe tsa rona,
Baholoholo ba rona ba re boleletse+
Dintho tseo o ileng wa di etsa mehleng ya bona,
Mehleng ya kgale.
Wa silakanya ditjhaba mme wa di leleka.+
3 Baholoholo ba rona ha ba a ka ba dula naheng eo ka lebaka la sabole ya bona,+
Ha se ka matla a bona ba ileng ba hlola.+
Empa ba ile ba hlola ka letsoho la hao le letona,+ ka matla a hao le ka mosa wa hao*
Hobane o ne o ba rata.+
Laela* hore Jakobo a hlole.
5 Ka matla a hao re tla leleka bahanyetsi ba rona.+
Ka lebitso la hao re tla hatakela ba re hlaselang.+
8 Modimo, re tla o rorisa letsatsi lohle,
Re tla rorisa lebitso la hao ka ho sa feleng. (Selah)
9 Empa o re lahlile mme o re tlotlolotse,
Ha o tsamaye le masole a rona.
10 Ka mehla o etsa hore re balehe bahanyetsi ba rona.+
Ba re hloileng ba nka ntho e nngwe le e nngwe eo ba e batlang.
11 O nehelana ka rona hore re fediswe jwalo ka dinku.
O re hasantse hara ditjhaba.+
12 O rekisa batho ba hao ka theko e tlase haholo.+
Ha o fumane phaello ha o ba rekisa.
13 O etsa hore baahisani ba rona ba re nyatse,
Le hore bohle ba re potapotileng ba re tshehe ba be ba re nyefole.
15 Ke utlwa ke tlotlolohile letsatsi lohle,
Ke swabile haholo.
16 Ba a nnyatsa ebile ba a nnyefola,
Ka lebaka la sera sa rona se iphetetsang.
18 Dipelo tsa rona ha di a o kwenehela
Le maoto a rona ha a kgeloha tseleng ya hao.
19 O entse hore re hlolwe moo diphokojwe di dulang teng.
O re kwahetse ka lefifi le letsho.
20 Haeba re lebetse lebitso la Modimo wa rona
Kapa re phahamiseditse modimo e mong matsoho hore re mo rapele,
21 Na Modimo a ke ke a tseba taba ee?
O tseba diphiri tse ka pelong ya motho.+
22 Re bolawa ka mehla ka lebaka la hao.
Re nkwa jwalo ka dinku tse lokelang ho hlajwa.+
23 Tsoha. Ke hobaneng ha o ntse o robetse, Jehova?+
Tsoha o re thuse. O se ke wa re lahla ka ho sa feleng.+
24 Ke hobaneng ha o pata sefahleho sa hao?
Ke hobaneng ha o lebala hore re matshwenyehong le hore re hateletswe?
25 Re theoletswe tlase leroleng.
Mmele ya rona e hateletswe fatshe.+