Dipesaleme
Ho motsamaisi. E letswe ka modumo wa “Dipalesa.”* Pesaleme ya bara ba Kora.+ Maskile.* Pina ya lerato.
45 Pelo ya ka* e anngwe ke ditaba tse monate.
Ke re: “Pina ya ka e bua ka morena.”+
E se eka leleme la ka le ka ba jwalo ka pene+ ya mokopitsi* ya hlwahlwa.+
2 O motle ka ho fetisisa ho bara ba batho.
Molomong wa hao ho tswa mantswe a mangata a mosa.+
Ke ka lebaka leo Modimo a o hlohonolofaditseng ka ho sa feleng.+
4 Bontsha bokgabane ba hao mme o hlole.*+
Palama pere ya hao mme o lwanele nnete, boikokobetso le toka,+
Letsoho la hao le letona le tla etsa* dintho tse makatsang.
5 Metsu ya hao e bohale, e etsa hore ditjhaba di wele ka pela hao.+
E hlaba dipelo tsa dira tsa morena.+
6 Modimo o o fa matla a ho busa* ka ho sa feleng.+
Lere la puso ya hao ke lere la toka.+
7 O rata toka+ mme o hloile bokgopo.+
Ke ka lebaka leo Modimo, Modimo wa hao, a o tlotsitseng+ ka oli mme a entseng hore o thabe+ ho feta dithaka tsa hao.
8 Diaparo tsohle tsa hao di tlotsitswe ka mira, lekgala le kasia hore di nkge ha monate.
Diletsa tse dikgwele tse tswang ntlong e kgolo ya borena e kgabisitsweng ka lenaka la tlou, di a o thabisa.
9 Ba bang ba basadi ba hao ba hlomphehang ke baradi ba marena.
Mofumahadi wa morena o eme ka letsohong la hao le letona, o kgabisitswe ka kgauta ya Ofire.+
10 Moradi, mamela mme o mamedisise o be o sekehe tsebe.
Lebala batho ba heno le ba lelapa la ntate wa hao.
12 Moradi wa Tire o tla tla ka mpho.
Batho ba ruileng ka ho fetisisa ba tla batla o ba hauhele.
13 Ka tlung ya borena* moradi wa morena o motle haholo.
Diaparo tsa hae di kgabisitswe ka kgauta.
14 O tla tliswa ho morena a apere diaparo tse ntle haholo.*
Barwetsana ba mo setseng morao ba tliswa ka pela hao.
15 Ba tla tliswa ka thabo le nyakallo.
Ba tla kena ka phaleising ya morena.
16 Bara ba hao ba tla nkela baholoholo ba hao sebaka.
O tla ba beha hore e be dikgosana lefatsheng lohle.+
17 Ke tla etsa hore lebitso la hao le tsebahale melokong yohle.+
Ke ka lebaka leo ditjhaba di tla o rorisa ka ho sa feleng.