Buka ya Bobedi ya Bakorinthe
4 Re a mamella ka ha re fuwe mosebetsi ona ka lebaka la mohau wa Modimo. 2 Re hloile dintho tse etsetswang lekunutung le tse hlabisang dihlong. Ha re kgelose ba bang kapa hona ho sotha* lentswe la Modimo+ empa re bontsha batho seo lentswe la Modimo le hlileng le se buang. Ha re etsa jwalo, re hlaha ho Modimo re le batho ba etsang dintho tse ntle ka pela motho e mong le e mong.*+ 3 Haeba ditaba tse monate tseo re di bolelang di patilwe ka lesira, di patetswe batho ba tlo fediswa, 4 bao e seng badumedi, bao modimo wa lefatshe lena+ a foufaditseng dikelello tsa bona+ e le hore ba se ke ba kgantshetswa ke lesedi la ditaba tse monate tse kganyang tse mabapi le Kreste eo e leng setshwantsho sa Modimo.+ 5 Ha re ruta, ha re rute ka rona empa re ruta hore Jesu Kreste ke yena Morena le hore rona re basebeletsi ba lona ka lebaka la Jesu. 6 Modimo ke yena ya itseng: “Lesedi le ke le kganye lefifing”+ mme ka sefahleho sa Kreste, o kgantshitse dipelo tsa rona+ ka tsebo ya hae e kganyang.
7 Re fuwe mosebetsi ona o ikgethang+ le hoja re tshwana feela le dijana tsa letsopa+ tse tshetseng letlotlo le kgethehileng e le hore ho ka hlaka hore matla a sa tlwaelehang ao re nang le ona a tswa ho Modimo eseng ho rona.+ 8 Re peteditswe ka hohle empa ha re a petetswa hoo re ke keng ra sisinyeha, re tsielehile empa ha se hore ho hang ha re na tsela ya ho tswa.*+ 9 Re a hloriswa empa ha re a lahlwa kgerehlwa,+ re imetswe ke mathata* empa re a mamella.*+ 10 Re dula re le kotsing ya ho bolawa feela jwalo ka Jesu mme seo se bontsha batho hore re hloriswa jwalo ka yena.+ 11 Rona ba phelang re dula re le kotsing ya ho bolawa+ ka lebaka la Jesu mme seo se bontsha batho hore re hloriswa jwalo ka yena. 12 Le hoja re le kotsing ya ho bolawa, qetellong ke lona ba tlo fumana bophelo.
13 Mangolo a re: “Ke buile hobane ke ena le tumelo”+ le rona re bua hobane re ena le tumelo. 14 Re a tseba hore ya ileng a tsosa Jesu o tla re tsosa hore re be mmoho le Jesu mme o tla re isa ka pela Jesu.+ 15 Dintho tsena di etsahala bakeng sa lona e le hore batho ba bangata le ho feta ba ka fumana mosa* wa Modimo ebe ba a mo rorisa ka ho mo leboha.+
16 Ka hona ha re tele. Le haeba mmele ya rona e ntse e senyeha, dipelo le dikelello tsa rona di ntse di ntjhafatswa letsatsi le letsatsi. 17 Le hoja mathata e le a nakwana ebile a le bobebe, re tla fumana moputso o moholo ka ho fetisisa le o tla ba teng ka ho sa feleng.+ 18 Re dule re nahana ka dintho tseo re sa di boneng eseng tseo re di bonang.+ Dintho tseo re di bonang ke tsa nakwana empa tseo re sa di boneng ke tsa ka ho sa feleng.