18 Ya ikarolang ho batho ba bang o shebile feela ho kgotsofatsa ditakatso tsa hae.
O hanyetsa bohlale bohle.
2 Motho ya se nang kelello ha a batle ho utlwisisa letho.
A ka mpa a senola se ka pelong ya hae.+
3 Ha motho a le kgopo, o tla tellwa.
Hape ha motho a etsa dintho tse swabisang, o tla tlotlolleha.+
4 Mantswe a motho a jwalo ka bodiba.+
Sediba sa bohlale se jwalo ka metsi a phallang.
5 Ha se ntho e ntle ho ba leeme ho ya kgopo+
Kapa ho hlokela ya lokileng toka.+
6 Dipuo tsa ya hlokang kelello di baka dikgang+
Mme ka dipuo tsa hae o ipitsetsa thupa.+
7 Motho ya se nang kelello o timetswa ke dipuo tsa hae+
Mme dipolelo tsa hae ke leraba bakeng sa hae.
8 Mantswe a ya ratang ho senya ba bang lebitso a tshwana le dijo tse monate.+
A theohela ha monate ho ya fihla ka mpeng.+
9 Mang kapa mang ya botswa mosebetsing wa hae
Ke ngwanabo leshodu.+
10 Lebitso la Jehova ke tora e matla.+
Ya lokileng o balehela ho lona mme o a sireletswa.+
11 Maruo a morui ke motse wa hae o matla.
Monahanong wa hae, a jwalo ka lerako le sireletsang.+
12 Motho ya pelo e ikgohomosang o tla wa+
Empa ya ikokobeditseng o tla roriswa.+
13 Mang kapa mang ya arabang taba pele a utlwa dintlha kaofela
Ke sethoto ebile o a itlotlolla.+
14 Motho ya nang le thabo ka pelong ya hae a ka mamella ha a kula+
Empa ke mang ya ka mamellang pelo e sithabetseng?+
15 Motho ya nang le kutlwisiso o fumana tsebo,+
Ba bohlale ba a mamela e le hore ba fumane tsebo.
16 Mpho ya motho e tla mo bulela tsela,+
E tla mo atametsa ho batho ba bohlokwa.
17 Wa pele wa ho teka taba ya hae o bonahala a nepile+
Ho fihlela e mong a tla mme a mo hloma dipotso.+
18 Ho lahla lotho ho kgaola kgang+
Ebile ho fedisa qabang dipakeng tsa dira tse matla.
19 Ho kokobetsa bohale ba motswalle ya utlwisitsweng bohloko, ho thata ho feta ho hapa motse o matla.+
Dikgang di arola batho jwalo ka ditshepe tsa dikeiti tsa motse o matla.+
20 Dipuo tsa motho di tshwana le dijo tse mo kgorisang.+
O tla kgora ditholwana tsa dipuo tsa hae.
21 Lefu le bophelo di matleng a leleme,+
Ba ratang ho bua ba tla ja ditholwana tsa lona.+
22 Motho ya fumanang mosadi wa sebele o fumane letlotlo la bohlokwa+
Mme motho eo o ratwa ke Jehova.+
23 Mofutsana o kopa mohau ho morui
Empa morui o mo araba ka bohale.
24 Ho na le metswalle e ratang ho utlwisana bohloko+
Empa ho na le motswalle ya tshepahalang haholo ho feta ngwanabo motho.+