Dipesaleme
Pesaleme ya Davida.
2 Ke yena ya nthatang le ya ntshireletsang,
Ke setshabelo sa ka se sireletsehileng* le mopholosi wa ka,
Ke thebe ya ka le Modimo eo ke balehetseng ho yena,+
Ya hlolang ditjhaba hore ke di laole.+
4 Bophelo ba motho bo bokgutshwane jwalo ka phefumoloho feela.+
Matsatsi a hae a jwalo ka seriti se fetang.+
5 Jehova, theola* mahodimo a hao mme o theohe.+
Thetsa dithaba mme o etse hore di kubelle mosi.+
6 Kgantsha lehadima mme o hasanye dira tsa ka.+
Lahlela metsu ya hao e le hore o di ferekanye.+
7 Otlolla matsoho a hao o le lehodimong.
Mpholose metsing a mangata,
O mpholose matsohong a baditjhaba,+
8 Ba buang leshano ka melomo ya bona
Le ba phahamisang matsoho a bona a matona ho ikana empa ba bua leshano.
9 Modimo, ke tla o binela pina e ntjha.+
Ke o binele dithoriso ka seletsa sa dikgwele tse leshome,
10 Ke binele ya etsang hore marena a hlole,*+
Ya pholosang mohlanka wa hae Davida hore a se ke a bolawa ka sabole.+
11 O mpholose matsohong a baditjhaba,
Ba buang leshano ka melomo ya bona
Le ba phahamisang matsoho a bona a matona ho ikana empa ba bua leshano.
12 Bara ba rona ba tla ba jwalo ka dimela tse nyenyane tse holang kapele,
Baradi ba rona ba tshwane le dipilara tsa dikhona tse betletsweng ntlo ya boreneng,
Mehlape ya rona e masimong a rona e tla eketseha, e be mengata hoo e ke keng ya balwa.
14 Le hoja dikgomo tsa rona di emere, di ke ke tsa folotsa kapa tsa hlahelwa ke kotsi.*
Ho ke ke ha eba le batho ba llang mabaleng a rona.
15 Ho thaba batho bao dintho di ba tsamaelang tjena.
Ho thaba batho bao Modimo wa bona e leng Jehova.+