Dipesaleme
Ho motsamaisi. Pesaleme ya Davida. Pina.
139 Jehova, o ntlhahlobile mme o a ntseba.+
2 O tseba ha ke dula le ha ke ema.+
O bona dintho tseo ke di nahanang o le hole.+
3 O a mpona ha ke le leetong le ha ke paqama.
O tseba dintho tsohle tseo ke di etsang.+
5 O mpotapotile hore o ntshireletse
Ebile o ntshwara ka letsoho.
6 Tsela eo o ntsebang ka yona e a hlolla.
Ho thata hore ke e utlwisise.+
8 Le haeba ke ne nka nyolohela lehodimong, o ne o tla mpona.
Le haeba ke ne nka robala ka Lebitleng,* o ne o ntse o tla mpona.+
9 Haeba ke ne nka fofa kapele ho feta ka moo kganya e hlahang ka teng hoseng
Hore ke yo dula lewatleng le hole haholo,
10 Le hona moo o ne o tla ntataisa ka letsoho la hao
O be o ntshware ka letsoho la hao le letona.+
11 Haeba ke re: “Nke ke ka bonahala ha ke le lefifing,”
Ho wena lefifi leo le ne le tla ba jwalo ka kganya.
Ho wena lefifi le tshwana le kganya.+
14 Ke a o rorisa hobane o nkentse ka tsela e hlollang haholo.+
Mesebetsi ya hao e metle,+
Ke tseba sena hantle.
16 O ile wa mpona ke sa le lesea le ka popelong.
Dikarolo tsohle tsa ka di ne di ngotswe bukeng ya hao
Le pele di eba teng.
Ho ne ho ngotswe matsatsi ao di ileng tsa boptjwa ka ona.
17 Modimo, dintho tseo o di nahanang di bohlokwa ho nna.+
Di ngata haholo.+
18 Ha ke ne nka leka ho di bala, di ne di tla feta palo ya lehlabathe.+
Le ha ke tsoha ke ne ke tla be ke eso qete ho di bala.*+
19 Modimo, haeba o ne o ka bolaya ba kgopo,+
Batho ba ratang ntwa* ba ne ba tla tloha ho nna,
20 Ba buang hampe ka wena ka morero o mobe.*
Ke dira tsa hao tse sebedisang lebitso la hao hampe.+
E se e le dira tsa ka.
23 Ntlhahlobe Modimo mme o bone se ka pelong ya ka.+
Ntlhahlobe mme o tsebe dintho tse ntshwenyang* tseo ke di nahanang.+
24 Sheba hore na ho na le ntho le ha e le efe e mpe ka pelong ya ka.+
O ntsamaise+ tseleng e tla dula e le teng ka ho sa feleng.