Dipesaleme
Ho motsamaisi. Pesaleme. Pina.
66 Hweletsang Modimo le thabile, lona bohle ba lefatsheng.+
2 Binelang* lebitso la hae le kganyang dipina tsa thoriso.
Mo halaletseng mme le mo rorise.+
3 E reng ho Modimo: “Mesebetsi ya hao ke e hlollang haholo.+
Ka lebaka la matla a hao a maholo,
Dira tsa hao di tla ikokobetsa ka pela hao.+
4 Batho bohle lefatsheng ba tla o kgumamela.+
Ba tla o binela dithoriso.
Ba tla binela lebitso la hao dithoriso.”+ (Selah)
5 Tloong le tlo bona mesebetsi ya Modimo.
Dintho tseo a di etseditseng bara ba batho di a hlolla.+
6 O ile a fetola lewatle hore e be naha e ommeng.+
Ba tshetse nokeng ka maoto.+
Re ne re thabile moo ka lebaka la seo a re etseditseng sona.+
7 O busa ka matla a hae ka ho sa feleng.+
Mahlo a hae a dula a shebile ditjhaba.+
Ba manganga ba se ke ba iphahamisa.+ (Selah)
Ha a tlohelle maoto a rona hore a kgoptjwe.*+
O re hlwekisitse feela jwalo ka ha silevera e hlwekiswa.
11 O re kentse letloweng la ho tsoma.
O behile morwalo o boima haholo hodima rona.
12 O dumeletse batho hore ba re hatakele.*
Re fetile mollong le metsing
Yaba o re tlisa sebakeng seo re ka phomolang ho sona.
13 Ke tla kena ka tlung ya hao ka dinyehelo tse feletseng tsa setjheso.+
Ke tla phetha dikano tsa ka tseo ke o etseditseng tsona+
14 Tseo ke o tshepisitseng tsona ka molomo wa ka+
Le tseo ke di buileng ha ke ne ke tshwenyehile.
15 Ke tla o etsetsa dinyehelo tsa setjheso ka diphoofolo tse nonneng
Ka mosi wa sehlabelo sa diramo.
Ke tla nyehela ka dipoho le ka diphooko.* (Selah)
17 Ke ile ka mo bitsa ka molomo wa ka
Ka mo rorisa ka leleme la ka.
20 Ho roriswe Modimo, ya sa kang a iphapanyetsa thapelo ya ka
Kapa a hana ho mpontsha lerato.