Ezekiele

43 O ile a nkisa keiting e shebileng ka botjhabela.+ 2 Ha ke le moo, ka bona kganya ya Modimo wa Iseraele e hlaha ka botjhabela,+ modumo wa lentswe la hae o ne o le jwalo ka modumo wa metsi a mangata+ mme lefatshe le ile la tlala kganya ya hae.+ 3 Pono ena e ne e tshwana le pono eo ke ileng ka e bona ha ke ne ke* tlo fedisa motse, e ne e tshwana le ntho eo ke ileng ka e bona nokeng ya Kebare.+ Ke ile ka kgumama fatshe ke inamisitse hlooho.

4 Kganya ya Jehova e ile ya kena ka tempeleng* ka keiti e shebileng ka botjhabela.+ 5 Moya* o ile wa nkuka wa nkisa lebaleng le ka hare, ka bona tempele e tletse kganya ya Jehova.+ 6 Ka utlwa motho a bua le nna a le ka tempeleng yaba motho eo o a tla mme o ema pela ka.+ 7 O ile a re ho nna:

“Mora motho, sena ke sebaka sa terone ya ka+ le seo ke behang maoto a ka ho sona,+ ke moo ke tla dula teng hara setjhaba sa Iseraele ka ho sa feleng.+ Baiseraele le marena a bona ha ba sa tla hlola ba silafatsa lebitso la ka le halalelang+ ka ho se ntshepahalle* le ka ditopo tsa marena a bona. 8 Ba ile ba beha monyako wa bona pela monyako wa ka le kosene ya monyako wa bona pela kosene ya monyako wa ka e le hore ho be le lebota feela dipakeng tsa ka le bona.+ Ba ile ba silafatsa lebitso la ka le halalelang ka dintho tse nyonyehang tseo ba neng ba di etsa. Ka hoo, ke ile ka ba fedisa ke halefile.+ 9 Ba ke ba kgaotse ho se ntshepahalle ba be ba tlose ditopo tsa marena a bona ba di ise hole le nna mme ke tla dula hara bona ka ho sa feleng.+

10 Mora motho, hlalosetsa Baiseraele hore na tempele e entswe jwang+ e le hore ba tle ba swabele diphoso tsa bona.+ Ba lokela ho ithuta hore na e entswe jwang.* 11 Haeba ba swabela dintho tsohle tseo ba di entseng, o lokela ho ba bontsha polane ya motheo wa tempele, tsela eo e entsweng ka yona le menyako ya yona e tswang le e kenang.+ O ba bontshe melao le ditaelo tsa polane yohle ya motheo, o di ngole fatshe ba ntse ba o bona e le hore ba ka di mamela le ho di latela.+ 12 Ona ke molao wa tempele. Sebaka sohle se potolohileng karolo e ka hodimo ya thaba ke sona se halalelang ka ho fetisisa.+ Ona ke molao wa tempele.

13 Tsena ke ditekanyo tsa aletare ka dimithara*+ (halofong e nngwe le e nngwe ya mithara* ho ile ha eketswa tekanyo ya bophara ba seatla).* Karolo e ka tlase ya yona e ne e ka ba halofo ya mithara le bophara ba yona e ka ba halofo ya mithara. E ne e ena le moedi ho potoloha karolo e ka thoko mme o ne o ka etsa bophara ba disenthimithara tse ka bang 22.* Ena ke karolo e ka tlase ya aletare. 14 Ho tloha karolong e ka tlase ho ya sethaleng sa pele se potolohileng, e ne e ka ba ka hodimonyana ho mithara* mme bophara ba yona e ka ba halofo ya mithara.* Ho tloha sethaleng se senyenyane se e potolohileng ho ya sethaleng se seholo se e potolohileng, e ne e ka ba dimithara tse ka hodimonyana ho tse pedi* mme bophara ba yona e ka ba halofo ya mithara.* 15 Leifo la aletare le ne le le bophahamo ba dimithara tse ka hodimonyana ho tse pedi* ebile le ena le manaka a mane a shebileng hodimo.+ 16 Leifo la aletare le ne le ena le mahlakore a mane a lekanang, bolelele ba lona e le dimithara tse ka hodimonyana ho tse tsheletseng* le bophara ba lona e le dimithara tse ka hodimonyana ho tse tsheletseng.*+ 17 Mahlakore a mane a potolohileng sethala a ne a le bolelele ba dimithara tse ka hodimonyana ho tse supileng* le bophara ba dimithara tse ka hodimonyana ho tse supileng,* moedi o se potolohileng e ne e ka ba disenthimithara tse 26* le mahlakore ohle a karolo ya sona e ka tlase e ka ba halofo ya mithara.*

“Ditepisi tsa sona di ne di shebile ka botjhabela.”

18 A re ho nna: “Mora motho, Jehova Mmusi wa Dintho Tsohle o re: ‘Tsena ke ditaelo tse lokelang ho latelwa ha ho etswa aletare e le hore ho etsetswe dinyehelo tsa setjheso ho yona ho be ho fafatswe madi ho yona.’+

19 ‘O fane ka pohwana e tswang mohlapeng e le nyehelo ya sebe+ ho baprista ba Balevi bao e leng ditloholo tsa Tsadoke+ ba tlang ka pela ka ho tla ntshebeletsa,’ ke Jehova Mmusi wa Dintho Tsohle ya tjhong. 20 O nke a mang a madi a yona o a tlotse manakeng a mane a aletare, dikhoneng tse nne tse potolohileng sethala le ho potoloha moedi e le ho hlwekisa aletare sebeng le ho e etsetsa sehlabelo sa ho tshwarelwa dibe.+ 21 Ka mora moo, o nke pohwana ya nyehelo ya sebe e le hore e tjhesetswe sebakeng se kgethilweng sa tempele, ka ntle ho sehalalelo.+ 22 Ka letsatsi la bobedi, o fane ka phooko* e phetseng hantle e le nyehelo ya sebe. Baprista ba tla hlwekisa aletare sebeng jwalo ka ha ba ile ba e hlwekisa sebeng ka pohwana.’

23 Ha o qeta ho e hlwekisa sebeng, o nyehele pohwana e phetseng hantle le ramo e phetseng hantle ho tswa mohlapeng. 24 O di hlahise ka pela Jehova mme baprista ba di tshele ka letswai+ ebe ba di nyehela e le nyehelo ya setjheso e feletseng ho Jehova. 25 Letsatsi le leng le le leng ka matsatsi a supileng, o fane ka phooko e le nyehelo ya sebe+ ha mmoho le pohwana le ramo e tswang mohlapeng, e be tse phetseng hantle.* 26 Baprista ba tla etsetsa aletare sehlabelo sa tshwarelo ya dibe ka matsatsi a supileng, ba tla e hlwekisa ba be ba e lokisetse ho sebediswa. 27 Ha matsatsi ao a fetile, ka letsatsi la borobedi,+ baprista ba tla etsa dinyehelo aletareng ka dinyehelo tsa lona tsa setjheso tse feletseng le mahlabelo a kopanetsweng mme le tla nthabisa,+ ke Jehova Mmusi wa Dintho Tsohle ya tjhong.”