Diproverbia
20 Veine e tla o tshehisa ka batho,+ jwala bo morusu.+
Mang kapa mang ya kgeloswang ke tsona ha a bohlale.+
2 Tshabo eo morena a e bakang e tshwana le e bakwang ke ho rora ha tau.*+
Mang kapa mang ya mo halefisang o beha bophelo ba hae kotsing.+
3 Ke ntho e hlomphehang hore motho a qobe ho pheha kgang+
Empa lewatla le leng le le leng le rata ho pheha kgang.+
6 Batho ba bangata ba ithorisa ka hore ba lerato
Empa ke mang ya ka fumanang motho ya tshepahalang?
7 Ya lokileng o phela ka botshepehi.+
10 Dikala tsa ho bekga tse qhekellang le ditekanyo tse sa nepahalang,*
Ka bobedi ba tsona Jehova o a di nyonya.+
11 Esita le ngwana* o tsebahala ka diketso tsa hae
Hore na boitshwaro ba hae bo hlwekile ebile bo lokile.+
13 O se ke wa rata boroko, ho seng jwalo o tla futsaneha.+
Tsoha e le hore o be le dijo tse ngata.+
14 Moreki o re: “Ntho ena e mpe, e mpe!”
Ka mora moo o a tsamaya ebe jwale o a ithorisa.+
16 Nka seaparo sa motho haeba a itlamme hore o tla patala sekoloto sa motho e mong.+
Haeba a itlamme hore o tla patala sekoloto sa mosadi ya boitshwaro bo bobe,* o behe thepa ya hae paneng.+
17 Bohobe bo fumanweng ka bolotsana bo monate
Empa ka mora moo, motho o tla tlala lehlabathe ka hanong.+
18 Merero e tla atleha* ha ho buisanwa.*+
O lwane ntwa ya hao ka tataiso e bohlale.+
19 Motho ya ratang ho senya ba bang lebitso o tsamaya a ntsha makunutu.+
O se ke wa ba motswalle wa motho ya ratang ho seba.*
20 Mang kapa mang ya rohakang mme wa hae le ntate wa hae,
Lebone la hae le tla tingwa ha ho eba lefifi.+
22 O se ke wa re: “Ke tla iphetetsa.”+
Tshepa Jehova+ mme o tla o pholosa.+
24 Mehato ya motho e laolwa ke Jehova.+
Motho a ke ke a utlwisisa tsela eo a lokelang ho e nka.*
25 Ke leraba hore motho a itlame ka lepotlapotla hore o tla fa Modimo mpho+
Ebe ka mora moo, ke hona a nahanisisang ka boitlamo boo a bo entseng.+
27 Dintho tseo motho a di buang di* tshwana le lebone la Jehova,
Le ntseng le mo hlahloba ka harehare.
28 Lerato le botshepehi di sireletsa morena.+
O tshehetsa terone ya hae ka lerato.+