Dipesaleme
א [Aleph]
119 Ho thaba batho ba tshepahalang*
Le ba mamelang molao wa Jehova.+
2 Ho thaba batho ba etsang dintho tseo a ba hopotsang tsona,+
Ba mo batlang ka dipelo tsohle tsa bona.+
3 Ha ba etse dintho tse sa lokang.
Ba a mo mamela.+
7 Ke tla o rorisa ka pelo e ntle
Ha ke ithuta melao ya hao e lokileng.
8 Ke tla mamela melao ya hao.
E se eka o ke ke wa ntahla ka ho feletseng.
ב [Beth]
9 Mohlankana a ka etsang haeba a batla ho dula a etsa dintho tse nepahetseng?*
O lokela ho itlhokomela mme a mamele lentswe la hao.+
10 Ke o batla ka pelo yohle ya ka.
O se ke wa ntumella hore ke tlohele ho mamela ditaelo tsa hao.+
11 Ke boloka dintho tseo o di buang ka pelong ya ka+
E le hore ke se ke ka o sitelwa.+
12 Jehova, e se eka o ka roriswa.
Nthute melao ya hao.
13 Ke phatlalatsa melao yohle eo o e buileng.
16 Ke rata ditaelo tsa hao.
Nke ke ka lebala lentswe la hao.+
ג [Gimel]
18 Ke kopa o nthuse hore ke utlwisise
Dintho tse hlollang tse ngotsweng molaong wa hao.
19 Ke mpa feela ke le moditjhaba naheng ena.+
O se ke wa mpatela ditaelo tsa hao.
20 Ke labalabela ho tseba dikahlolo tsa hao
Ka dinako tsohle.
22 Etsa hore ba se ke ba ntella le ho nkgella fatshe
Ka ha ke entse dintho tseo o nkgopoditseng tsona.
23 Le ha dikgosana di kopane di bua hampe ka nna,
Ke nahanisisa ka melao ya hao.
E jwalo ka baeletsi ba ka.+
ד [Daleth]
Pholosa bophelo ba ka jwalo ka ha o tshepisitse.+
26 Ke o boleletse dintho tsohle tseo ke di entseng mme wa nkaraba.
Nthute melao ya hao.+
27 Nthuse ho utlwisisa hore na ditaelo tsa hao di bolelang
E le hore nka nahanisisa ka dintho tse ntle tseo o di entseng.+
28 Ke ntse ke sa robale ka lebaka la ho utlwa bohloko.
Mmatlafatse jwalo ka ha o ntshepisitse.
29 Nthuse hore ke se ke ka ba motho ya leshano.+
O nkgauhele ka hore o nthute molao wa hao.
30 Ke ikemiseditse ho dula ke tshepahala.+
Ke a hlokomela hore melao ya hao e lokile.
31 Ke kgomarela dintho tseo o nkgopotsang tsona.+
Jehova, o se ke wa dumella hore ke swetsehe.*+
ה [Heʼ]
37 Nthuse hore ke se ke ka sheba dintho tse se nang thuso.+
Ntsamaise tseleng ya hao e le hore ke dule ke phela.
39 Tlosa dintho tse ntlhabisang dihlong tse etsang hore ke tshohe
Hobane dikahlolo tsa hao di lokile.+
40 Bona ka moo ke batlang ho latela ditaelo tsa hao ka teng.
Pholosa bophelo ba ka hobane o lokile.
ו [Waw]
41 Jehova, e se eka o ka mpontsha hore o a nthata,+
E se eka o ka mpholosa jwalo ka ha o ntshepisitse*+
42 E le hore nka araba ya nnyefolang
Hobane ke tshepa seo o se buileng.
43 Nthuse hore ke dule ke bua ka nnete e ka lentsweng la hao
Hobane ke a o tshepa* hore o tla ahlola ka toka.
48 Ke tla o rapela ke phahamisitse matsoho hobane ke rata ditaelo tsa hao.+
Ke tla nahanisisa ka melao ya hao.+
ז [Zayin]
50 Ke matshediso a ka ha ke utlwile bohloko+
Hobane dintho tseo o di buang di etsa hore ke dule ke phela.
52 Jehova, ke hopola dikahlolo tsa hao tsa kgale.+
Di a ntshedisa.+
56 Ke tlwaetse ho etsa jwalo
Hobane ke mametse ditaelo tsa hao.
ח [Heth]
57 Jehova ke yena feela eo ke nang le yena.*+
Ke tshepisitse hore ke tla mo mamela.+
59 Ke hlahlobile tsela eo ke phelang ka yona
E le hore nka kgutlela ho wena mme ka mamela dikgopotso tsa hao.+
62 Ke tsoha hara mpa ya bosiu hore ke o lebohe+
Ka lebaka la dikahlolo tsa hao tse lokileng.
64 Jehova, lerato* la hao le bonahala lefatsheng lohle.+
Nthute melao ya hao.
ט [Teth]
65 Jehova, o nketseditse dintho tse ntle
Jwalo ka ha o tshepisitse.
67 Pele ke hlopheha ke ne ke ena le ho etsa dintho tse mpe*
Empa hona jwale ke mamela seo o se buang.+
68 O molemo+ le dintho tseo o di etsang di molemo.
Nthute melao ya hao.+
69 Ba ikgohomosang ba bua mashano ka nna
Empa ke mamela ditaelo tsa hao ka pelo yohle ya ka.
י [Yod]
73 O nkentse wa ba wa mpopa ka matsoho a hao.
Etsa hore ke utlwisise ditaelo tsa hao
Ha ke ithuta tsona.+
75 Jehova, ke a tseba hore dikahlolo tsa hao di lokile+
Le hore o ile wa nkgalemela hobane o tshepahala.+
Empa ke tla nahanisisa ka ditaelo tsa hao.+
79 E se eka ba o tshabang ba ka kgutlela ho nna,
Ba tsebang dikgopotso tsa hao.
כ [Kaph]
84 Ke tla ema ho fihlela neng?
O tla ahlola batho ba ntlhorisang neng?+
85 Ba ikgohomosang le ba sa batleng ho mamela melao ya hao
Ba ntjhekela mekoti.
86 Ditaelo tsohle tsa hao di a tshepahala.
Nthuse hobane batho ba ntlhorisa ntle ho lebaka.+
87 Ba batlile ba mphedisa lefatsheng
Empa ha ke a ka ka tlohela ditaelo tsa hao.
ל [Lamed]
89 Jehova, lentswe la hao le dula le le teng ka ho sa feleng.
Le tla dula le le teng jwalo ka mahodimo.+
90 O tshepahala melokong yohle.+
O tiisitse lefatshe e le hore le ka dula le le teng.+
91 Ka lebaka la melao ya hao, dintho tsohle tseo o di bopileng di ntse di le teng le kajeno,
Kaofela di laolwa ke wena.
93 Le ka mohla nke ke ka lebala ditaelo tsa hao
Hobane o sebedisitse tsona ho pholosa bophelo ba ka.+
95 Ba kgopo ba batla ho mphedisa
Empa ke nahanisisa ka dikgopotso tsa hao.
96 Ke bone hore dintho tse phethahetseng ho na le moo di fellang teng
Empa ha ho na moo melao ya hao e fellang teng.*
מ [Mem]
97 Ke rata molao wa hao haholo.+
Ke nahanisisa ka wona letsatsi lohle.+
100 Ke etsa dintho ka bohlale ho feta banna ba hodileng
Hobane ke mamela ditaelo tsa hao.
102 Ha ke kgelohe melao ya hao
Hobane ke wena ya nthutileng.
104 Ke etsa dintho ka bohlale ka lebaka la ditaelo tsa hao.+
Ke ka hoo ke hloileng tsela e nngwe le e nngwe ya leshano.+
נ [Nun]
105 Lentswe la hao ke lebone le kgantshang moo ke hatang teng
Hape ke lesedi le bonesang tsela ya ka.+
106 Ke entse kano ya ho mamela melao ya hao e lokileng
Mme ke tla e phetha.
107 Ke utlwile bohloko haholo.+
Jehova, pholosa bophelo ba ka jwalo ka ha o tshepisitse.+
108 Jehova, e se eka o ka amohela dinyehelo tsa ka tsa ho o rorisa tseo ke di etsang ka ho rata*+
Mme o nthute melao ya hao.+
112 Ke ikemiseditse ho mamela melao ya hao ka dinako tsohle
Ho fihlela qetellong.
ס [Samekh]
O se ke wa dumella hore tshepo ya ka e fetohe maswabi.+
119 O lahla bohle ba kgopo lefatsheng jwalo ka ha eka ke matlakala.+
Ke ka lebaka leo ke ratang dikgopotso tsa hao.
120 Mmele wa ka o a thothomela ka lebaka la ho o tshaba.
Ke tshaba dikahlolo tsa hao.
ע [Ayin]
121 Ke ahlotse ka toka ebile ke entse se lokileng.
O se ke wa ntlohela hore ke wele matsohong a ba batlang ho nkgatella.
122 Ntshepise hore dintho di tla ntsamaela hantle.
E se eka ba ikgohomosang ba ke ke ba nkgatella.
128 Ka hoo, ke nka ditaelo tsohle tse tswang ho wena e le tse lokileng.+
Ke hloile mashano ohle.+
פ [Pe]
129 Dikgopotso tsa hao di molemo haholo
Ke ka hoo ke di mamelang.
130 Batho ba ba le tsebo ha ba hlalosetswa mantswe a hao+
Le ba se nang boiphihlelo ba ba le kutlwisiso.+
133 Ntataise ka seo o se buang e le hore ke tsamaye moo ho sireletsehileng.*
O se ke wa dumella ntho le ha e le efe e mpe ho ntaola.+
134 Mpholose* ho batho ba nkgatellang
Mme ke tla latela ditaelo tsa hao.
צ [Tsade]
138 Dintho tseo o re hopotsang tsona di lokile
Ebile re ka di tshepa.
139 Tjheseho ya ka ya ho etsa thato ya hao e tuka jwalo ka mollo ka pelong ya ka+
Hobane dira tsa ka di iphapanyeditse mantswe a hao.
141 Ha ke motho wa bohlokwa ebile ke a nyatseha.+
Le ha ho le jwalo, ha ke a lebala ditaelo tsa hao.
143 Le hoja ke eba le matshwenyeho le mathata,
Ke ntse ke rata ditaelo tsa hao.
144 Dikgopotso tsa hao di dula di lokile.
Etsa hore ke di utlwisise+ e le hore ke dule ke phela.
ק [Qoph]
145 Nkarabe hle Jehova hobane ke o bitsa ka pelo ya ka yohle.
Ke tla mamela melao ya hao.
146 Mpholose hobane ke llela ho wena.
Ke tla mamela dikgopotso tsa hao.
147 Ke tsohile esale ka meso hore ke llele ho wena ho kopa thuso+
Hobane ke tshepetse mantsweng a hao.*
149 Jehova, e se eka o ka mmamela hobane o a nthata.+
O pholose bophelo ba ka hobane o ahlola ka toka.
150 Batho ba etsang dintho tse hlabisang dihlong* ba a nkatamela.
Ha ba sa mamela molao wa hao ho hang.
Ditaelo tsohle tsa hao ke nnete.+
ר [Resh]
154 Ntwanele* mme o mpholose.+
Pholosa bophelo ba ka jwalo ka ha o tshepisitse.
Pholosa bophelo ba ka hobane o ahlola ka toka.
157 Ba ntlhorisang le ba ntlhoileng ba bangata.+
Empa ha ke a tlohela dikgopotso tsa hao.
159 Bona ka moo ke ratang ditaelo tsa hao ka teng.
Jehova, pholosa bophelo ba ka hobane o a nthata.+
ש [Sin] kapa [Shin]
161 Dikgosana di ntlhorisa+ ntle ho lebaka
Empa ke hlompha dintho tseo o di buileng haholo.+
164 Ke o rorisa ka makgetlo a supileng ka letsatsi
Ka lebaka la dikahlolo tsa hao tse lokileng.
166 Jehova, ke tshepile hore o tla mpholosa
Ebile ke mamela ditaelo tsa hao.
ת [Taw]
169 Jehova, e se eka o ka nkutlwa ha ke lla ke o kopa thuso.+
Nthuse ho utlwisisa seo lentswe la hao le se bolelang.+
170 E se eka o ka nkutlwa ha ke o kopa hore o nkgauhele.
Mpholose jwalo ka ha o tshepisitse.
175 Ntumelle hore ke nne ke phele e le hore nka o rorisa.+
E se eka melao ya hao e ka nthusa.
176 Ke hlahlathetse jwalo ka nku e lahlehileng.+ Mpatle
Hobane ha ke a lebala ditaelo tsa hao.+