Dipesaleme

17 Utlwa kopo ya ka mme o nketsetse toka hle Jehova.

Mamela sello sa ka ha ke kopa thuso.

Utlwa thapelo ya ka eo ke e etsang ke sa bue leshano.+

 2 E se eka o ka etsa qeto e lokileng ka nna.+

Mahlo a hao a ke a bone se lokileng.

 3 O hlahlobile pelo ya ka, wa ntlhahloba le bosiu.+

O ntlhwekisitse.+

O tla fumana hore ha ke a rera letho le lebe

Le hore molomo wa ka ha o a bua letho le phoso.

 4 Ha ke etse dintho tseo dinokwane di di etsang jwalo ka ha batho ba bang ba etsa,

Ke mamela mantswe a hao.+

 5 Maoto a ka a ke a tsamaye ditseleng tsa hao

E le hore a se ke a kgoptjwa.+

 7 Bontsha lerato* la hao ka ditsela tse hlollang,+

Wena Mopholosi wa ba balehelang letsohong la hao le letona hore ba fumane tshireletso

Ho ba o fetohelang.

 8 Ntshireletse jwalo ka thaka ya leihlo la hao.+

Mpate moriting wa mapheo a hao.+

 9 Ntshireletse ho ba kgopo ba ntlhaselang,

Ho dira tsa ka tse mpotolohileng tse batlang ho mpolaya.+

10 Ha ba na kutlwelobohloko.

Ba a ikgohomosa ha ba bua.

11 Ba re potapotile.+

Ba batla monyetla wa ho re diha.*

12 Ya kgopo o jwalo ka tau e batlang ho kgaola phofu ya yona dikoto,

O tshwana le tawana e ipatileng hore e hlasele.

13 Nthuse hle Jehova, mo lwantshe+ mme o mo dihele fatshe.

Mpholose ho ya kgopo ka sabole ya hao.

14 Mpholose ka letsoho la hao hle Jehova,

Ho batho ba lefatshe lena ba tshwenyehileng ka bophelo ba hona jwale feela,*+

Bao o ba fang dintho tse ngata tse molemo+

Le ba sielang bara ba bona ba bangata lefa.

15 Ha e le nna, ke tla bona sefahleho sa hao hobane ke lokile.

Ke tsoha ke kgotsofetse hobane o pela ka.*+