Dipesaleme

94 Jehova, Modimo ya iphetetsang ho ba kgopo,+

Bontsha hore na o mang, o fe ba kgopo kotlo.

 5 Jehova, ba hatakela setjhaba sa hao,+

Ba hatella lefa la hao.

 6 Ba bolaya mohlolohadi le moditjhaba

Ebile ba bolaya dikgutsana.*

11 Jehova o tseba menahano ya batho

Hore e tshwana feela le phefumoloho.+

12 Jah, ho thaba motho eo o mo kgalemelang,+

Eo o mo rutang molao wa hao+

13 Hore o mo fe kgotso matsatsing a tlokotsi,

Ho fihlela ya kgopo a tjhekelwa sekoti.+

14 Jehova a ke ke a furalla batho ba hae+

Kapa a lahla lefa la hae.+

15 Kahlolo e tla boela e etswe ka toka,

Bohle ba dipelo di ntle ba tla e latela.

17 Haeba Jehova a ne a sa nthusa,

Nka be ke shwele.+

18 Ha ke ne ke re: “Leoto la ka le a thella,”

Jehova, o ne o ntshehetsa ka lerato la hao.+

19 Ha ke tshwenyehile haholo,

O ile wa ntshedisa wa ba wa etsa hore ke thabe.+

20 Ha ho na moo o kopanang teng le babusi* ba kgopo

Hobane ba baka mathata ka ho loha mano, ba etsa eka ba latela molao.+

21 Ba hlasela ya lokileng ka sehloho+

Ebile ba ahlolela ya se nang molato lefu.+

22 Empa Jehova e tla ba setshabelo sa ka se sireletsehileng,*

Modimo wa ka ke lefika la ka leo ke balehelang ho lona.+

23 O tla etsa hore diketso tsa bona tse mpe di kgutlele ho bona,+

A etse hore dintho tse mpe tseo ba di etsang di ba fedise.