Dipesaleme
BUKA YA BORARO
(Pesaleme ya 73-89)
Pina ya Asafe.+
73 Ka nnete Modimo o molemo ho batho ba Iseraele, ho ba dipelo di hlwekileng.+
2 Ha e le nna, maoto a ka a batlile a kgeloha.
Maoto a ka a batlile a thella.+
4 Ba shwa ba sa utlwe bohloko.
6 Ka lebaka leo, boikgohomoso ke sefaha sa bona.+
Ntwa ke seaparo sa bona.
7 Mahlo a bona a matenya* hobane ba atlehile.*
Ba finyeletse dintho tse ngata ho feta ka moo ba neng ba nahanne ka teng.
8 Ba a soma ebile ba bua dintho tse mpe.+
Ka boikgohomoso ba tshosa ba bang ka hore ba tla ba hatella.+
9 Ba bua jwalo ka ha eka ba hodimo lehodimong,
Ba tsamaya hohle lefatsheng ba bua dintho tseo ba di ratang.
12 Bana ke ba kgopo, bao dintho di dulang di ba tsamaela hantle.+
Ba dula ba eketsa maruo a bona.+
13 Ha ho thuse letho hore ebe ke hlwekisitse pelo ya ka
Le hore ebe ke hlatswitse matsoho a ka ho bontsha hore ha ke na molato.+
15 Empa haeba ke ne ke buile dintho tsena,
Nka be ke bile motho ya sa tshepahaleng ho batho ba hao.
16 Ha ke leka ho utlwisisa,
Ke ne ke tshwenyeha
17 Ho fihlela ke kena ka sehalalelong se seholo sa Modimo
Ke bile ke bona bokamoso ba bona.
18 O ba beha moo ho thellang.+
O etsa hore ba we mme ba fediswe.+
19 Ba tla fediswa ka ho panya ha leihlo.+
Ba tla fediswa ka potlako le ka tsela e tshosang.
22 Ke ne ke sa nahane ebile ke sa utlwisise.
Ho wena ke ne ke tshwana le phoofolo e se nang kelello.
23 Empa hona jwale ke dula ke ena le wena.
O tshwere letsoho la ka le letona.+
25 Ke mang ya bohlokwa ho nna mahodimong ho feta wena?
Ntle ho wena, ha ho na letho leo ke le batlang lefatsheng.+
26 Mmele wa ka le pelo ya ka di ka fellwa ke matla
Empa Modimo o sireletsa pelo ya ka, ke lefika la ka ebile ke yena feela eo ke nang le yena* ka ho sa feleng.+
27 Ba hole le wena ba tla fediswa.
O tla fedisa* bohle ba o tlohelang ka lebaka la boitshwaro bo bobe.*+
28 Empa ha e le nna, ho atamela ho Modimo ho ntswela molemo.+
Ke entse Jehova Mmusi wa Dintho Tsohle setshabelo sa ka
Hore ke bolele mesebetsi yohle ya hae.+