Dipesaleme

Ho motsamaisi. E binwe ka modumo wa “O se ke wa Senya.” Pesaleme ya Asafe.+ Pina.

75 Re a o leboha, Modimo, re a o leboha.

O haufi le rona,*+

Batho ba bolela mesebetsi ya hao e hlollang.

2 O re: “Ha ke behile nako,

Ke ahlola ka toka.

3 Ha lefatshe le baahi bohle ba lona ba thothomela,

Ke nna ya ileng a etsa hore dipilara tsa lona di dule di tiile.” (Selah)

4 Ke re ho ba ikgohomosang, “Le se ke la ikgohomosa,”

Ke re ho ba kgopo, “Le se ke la ithorisa ka hore le na le matla.*

5 Le se ke la ithorisa ka hore le na le matla a maholo*

Kapa la bua le ikgohomosa.

6 Bophahamo ha bo tswe

Botjhabela, bophirimela kapa borwa.

7 Modimo ke Moahlodi.+

O kokobetsa motho e mong ebe o phahamisa e mong.+

8 Ho na le kopi letsohong la Jehova.+

Veine e entse lekweba ebile e tswakilwe hantle.

O tla e qhala,

Batho bohle ba kgopo lefatsheng ba tla e nwa ba sa siye letho.”*+

9 Empa ha e le nna, ke tla bua ka ho sa feleng ka dintho tseo Modimo a di entseng.

Ke tla binela* Modimo wa Jakobo dithoriso.

10 O re: “Ke tla fedisa matla* ohle a ba kgopo

Empa ke tla eketsa matla* a ba lokileng.”