DIPROVERBIA

 2 Maele ana a ngoletswe hore motho a ithute* bohlale+ le ho mamela kgalemelo,*

A utlwisise dipolelo tse tebileng,*

 3 A amohele tayo+ e fanang ka kutlwisiso e tebileng,

E mo thusang ho ba motho ya lokileng,+ ho kgona ho ahlola ka toka+ le ho tshepahala,*

 4 A fa ba se nang boiphihlelo bohlale,+

A fa mohlankana tsebo le bokgoni ba ho nahana.+

 5 Motho ya bohlale o a mamela mme o tswela pele ho ithuta,+

Motho ya nang le kutlwisiso o fumana tataiso e nepahetseng.*+

 6 O tla utlwisisa maele le papiso,*

Mantswe a batho ba bohlale le dilotho tsa bona.+

 7 Mohato wa pele wa ho fumana tsebo* ke ho hlompha* Jehova.+

Ke dithoto* feela tse hloileng bohlale le kgalemelo.+

 8 Mora wa ka, o mamele ha ntate wa hao a o kgalemela.+

O se ke wa lahla dintho tseo mme wa hao a o rutileng tsona.*+

 9 Ke korone e ntle hloohong ya hao+

Le sefaha se setle molaleng wa hao.+

12 Re tla ba kwenya ba phela feela jwalo ka Lebitla,*

Re ba kwenye ba feletse jwalo ka ba theohelang ka sekoting.

13 A re nkeng matlotlo ohle a bona,

Re tla tlatsa matlo a rona ka thepa eo re e hapileng.

14 Tsamaya le rona,

Re tla arolelana thepa eo re e utswitseng.”*

16 Maoto a bona a mathela ho etsa bobe,

Ba potlakela ho tsholla madi.+

18 Ke ka hoo baetsadibe ba lallang batho ba se nang molato hore ba ba bolaye,

Ba a ipata e le hore ba ba timetse.

19 Ena ke mekgwa ya batho ba batlang maruo ka bolotsana

Mme ba tla bolawa ke ona.+

21 Bo hweletsa bo le diterateng tse phetheselang,

Bo le dikeiting tsa motse bo re:+

23 Mamelang ha ke le kgalemela*+

Mme ke tla le fa bohlale,*

Ke tla le thusa ho utlwisisa mantswe a ka.+

24 La nna la hana ha ke le bitsa,

Le sa tsotelle ha ke otlolla letsoho la ka,+

25 La nna la iphapanyetsa dikeletso tsa ka

Mme la hana kgalemelo ya ka,

26 Le nna ke tla le tsheha ha le hlahelwa ke koduwa,

Ke tla le soma ha tlokotsi e tla,+

27 Ha tlokotsi e tla jwalo ka sefefo,

Le koduwa ya lona e fihla jwalo ka setsokotsane,

Ha le hlahelwa ke ditsietsi le mahlomola.

28 Ka nako eo ba tla nne ba mpitse empa nke ke ka araba,

Ba tla mpatla ba be ba kgathale*+

29 Hobane ba ne ba hloile tsebo+

Ebile ha ba a ka ba kgetha ho hlompha* Jehova.+

30 Ba hanne keletso ya ka,

Ba nyefotse kgalemelo yohle ya ka.

31 Ka hoo, ba tla kotula seo ba se jetseng*+

Mme ba kgore merero ya* bona

32 Hobane ba se nang boiphihlelo ba tla bolawa ke ho tswa taolong,

Ba se nang kelello ba bolawe ke ho se tsotelle.

33 Empa ya mmamelang o tla dula a sireletsehile,+

A ke ke a kgathatswa ke ho tshaba tlokotsi.”+

2 Mora wa ka, haeba o amohela dipolelo tsa ka

O bile o boloka ditaelo tsa ka,+

 2 Ka ho etsa hore tsebe ya hao e mamele bohlale+

Le ho etsa hore pelo ya hao e labalabele temoho,+

 3 Ho feta moo, haeba o hweletsa kutlwisiso+

Mme o bitsa temoho,+

 4 Haeba o ntse o di batla jwalo ka silevera,+

O bile o di batlisisa jwalo ka matlotlo a patilweng,+

 5 O tla utlwisisa hore na ho tshaba Jehova ho bolelang+

Mme o tla tseba Modimo.+

 6 Jehova o fana ka bohlale,+

Molomong wa hae ho tswa tsebo le temoho.

 7 O bolokela ba lokileng bohlale,

Ke thebe bakeng sa ba tshepahalang.*+

 8 O lebela ditsela tsa toka

Mme o tla lebela tsela ya ba tshepahalang ba hae.+

 9 O tla utlwisisa ho nepahetseng, toka le botshepehi,

O tla utlwisisa tsela e nepahetseng.+

10 Ha bohlale bo kena ka pelong ya hao+

Le tsebo e o kgahlisa,+

11 Bokgoni ba ho nahana bo tla o lebela+

Le temoho e tla o sireletsa,

12 Ho o pholosa tseleng e kgopo,

Ho motho ya buang dintho tse tswileng tseleng,+

13 Ho ba furallang ditsela tse lokileng

Hore ba tsamaye ditseleng tsa lefifi,+

14 Ho ba thabelang bobe,

Ba thabelang dintho tse tswileng tseleng,

15 Ba metsamao e mebe

Le bao ditsela tsohle tsa bona e leng bokgopo.

16 Bohlale bo tla o pholosa ho mosadi wa letekatse,*

Ho mosadi ya boitshwaro bo bobe* ya ekang ka dipuo,+

17 Ya nyahlatsang motswalle* wa hae wa ho tloha botjheng+

A bile a lebala ditumellano tsa hae le Modimo.

18 Ho ya ha hae ho tshwana le ho ikisa lefung

Le tsela e yang ha hae e lebisa lebitleng.+

19 Ha ho le ya mong wa ba robalang le yena ya tla kgutla

Ebile ha ho le ya mong wa bona ya tla boela a fumane ditsela tsa bophelo.+

20 Ka hoo, tsamaya tseleng ya batho ba molemo,

O dule ditseleng tsa ba lokileng.+

21 Ke ba lokileng feela ba tla dula lefatsheng.

Ba dulang ba tshepahala* ba tla sala ho lona.+

3 Mora wa ka, o se ke wa lebala thuto ya ka,*

O mamele ditaelo tsa ka ka pelo yohle

 2 E le hore o phele nako e telele,

O be o phele ka kgotso.+

Di tlame molaleng wa hao,

Di ngole pelong ya hao.+

 4 Ha o etsa jwalo o tla ba le temoho,

O tla amohelwa ke Modimo le batho.+

 5 Tshepa Jehova+ ka pelo yohle ya hao,

O se ke wa itshetleha ka kutlwisiso ya hao.+

 6 O mo kenye mererong yohle ya hao,+

O tla otlolla ditsela tsa hao.+

 8 Ka ha ho etsa jwalo ho tla tshwana le moriana o fodisang mmele wa hao

Ebile ho tla o kgatholla.*

 9 Hlompha Jehova ka ho mo fa dintho tsa hao tsa bohlokwa,+

Ka ho mo fa tse ntlehadi* hara tseo o di kotutseng.*+

10 Jwale ditoro* tsa hao di tla tlala tswete! ka dijo+

Le veine ya hao e monate e tlale* hore e be e tsholohe.

11 Mora wa ka, o se ke wa hana tayo ya Jehova,+

O se ke wa nyonya kgalemelo ya hae+

12 Hobane Jehova o kgalemela bao a ba ratang+

Feela jwalo ka ha ntate a kgalemela mora eo a mo ratang.+

13 Ho thaba motho ya fumanang bohlale+

Le motho ya fumanang temoho

14 Hobane ho fumana bohlale ho molemo ho feta ho fumana silevera,

Ho ba le bona* ho molemo ho feta ho ba le kgauta.+

15 Bo bohlokwa haholo ho feta dikorale*

Mme ha ho letho leo o le lakatsang le ka bapiswang le bona.

16 Ka letsohong la bona le letona, bohlale bo tshwere bophelo bo bolelele.

Ka letsohong la bona le letshehadi, bo tshwere maruo le kganya.

17 Ditsela tsa bohlale di a thabisa

Ebile ditsela tsohle tsa bona di tlisa kgotso.+

18 Bohlale ke sefate sa bophelo,

Mang kapa mang ya bo tshwarang o tla phela, a fumane thabo.+

20 Ka tsebo ya hae madiba a ile a arolwa,

Maru a rotha phoka.+

Sireletsa bohlale le kelello ya hao,

22 Di tla o fa bophelo

Di be di kgabise molala wa hao.

23 O tla tsamaya tseleng ya hao o sireletsehile

Le leoto la hao le ke ke la kgoptjwa.*+

24 O ke ke wa tshaba letho ha o robetse.+

O tla robala mme boroko ba hao bo tla ba monate.+

25 O ke ke wa tshoha tlokotsi e ka hlahang ka tshohanyetso+

Kapa sefefo se tlelang ba kgopo.+

26 Etswe o tla be o tshepile Jehova,+

O tla thiba leoto la hao hore le se ke la tshwaswa ke leraba.+

27 Fana ka se molemo ho ba hlokang,+

Ha ho le matleng a hao ho ba thusa.+

28 O se ke wa re ho moahisani: “Tsamaya, o kgutle hosane mme ke tla o neha”

Empa o ena le hoo o ka fanang ka hona.

29 O se ke wa rerela moahisani wa hao letho le lebe+

Empa yena a o tshepa.

30 O se ke wa qabana le motho ntle ho lebaka+

Haeba a sa o fosetsa.+

31 O se ke wa honohela motho ya ratang ntwa+

Kapa wa latela le e nngwe ya ditsela tsa hae.

32 Jehova o nyonya motho ya bolotsana+

Empa ke motswalle wa ba lokileng.+

33 Jehova o tlisetsa lelapa la ya kgopo bomadimabe*+

Empa o hlohonolofatsa lehae la ba lokileng.+

34 O soma basomi+

Empa o hauhela ba ikokobeditseng.+

35 Ho tla buuwa hantle ka ba bohlale

Empa ba se nang kelello ho tla buuwa hampe ka bona.+

Le mamele ka hloko e le hore le be le kutlwisiso

 2 Ka ha ke tla le fa tayo e molemo.

 3 Ke ne ke le mora ya mamelang ho Ntate,+

Ke bile ke ratwa haholo ke Mme.+

 9 Bo tla o rwesa mokgabiso o motle hloohong,

Bo o kgabise ka korone e ntle.”

10 Mora wa ka, mamela o be o amohele mantswe a ka

Mme o tla phela halelele.+

11 Ke tla o ruta tsela ya bohlale,+

Ke o tataisetse ditseleng tse lokileng.+

12 Ha o tsamaya, mehato ya hao e ke ke ya sitiswa ke letho,

Haeba o matha, o ke ke wa kgoptjwa.

14 O se ke wa kena tseleng ya batho ba kgopo,

O se ke wa tsamaya tseleng ya ba kgopo.+

16 Hobane batho ba kgopo ha ba kgone ho robala ntle le hore ba etse bobe,

Ha ba sa kgope motho, ba sitwa ho robala.

17 Ba ja bohobe ba bokgopo,

Ntwa ke veine ya bona.

18 Empa tsela ya ba lokileng e tshwana le mahlasedi a meso

Ao kganya ya ona e ntseng e eketseha ho fihlela hara mpa ya motshehare.+

19 Tsela ya ba kgopo e jwalo ka lefifi,

Ha ba tsebe hore na ba kgoptjwa ke eng.

21 O se ke wa di lebala,

O di boloke ka pelong ya hao.+

22 Ke bophelo ho ba di amohelang+

Le bophelo bo botle mmeleng ya bona.

23 O sireletse pelo ya hao ho feta dintho tse ding tsohle+

Ka ha didiba tsa bophelo di tswa ho yona.

24 Tlohela dipuo tsa leshano,+

Dipuo tsa bolotsana di be hole le wena.

25 Mahlo a hao a lokela ho sheba pele,

O tsepamise mahlo a hao pele.+

26 Tlosa ditshitiso tseleng ya hao*+

E le hore ditsela tsohle tsa hao di loke.

27 O se ke wa kgelohela ka ho le letona kapa ka ho le letshehadi.+

Furalla dintho tse mpe.

O mamele ka hloko seo ke se rutang ka temoho*+

 2 E le hore o lebele bokgoni ba hao ba ho nahana

O be o bue nnete ka mehla.+

 3 Etswe mantswe a mosadi ya boitshwaro bo bobe* a monate jwalo ka mahe a dinotshi,+

A boreledi ho feta oli.+

 4 Empa qetellong o baba jwalo ka lengana,+

O bohale jwalo ka sabole e sehang ka nqa tse pedi.+

 7 Jwale bara ba ka, mmameleng

Mme le se ke la iphapanyetsa seo ke se buang.

 8 Tsamaellang hole le yena,

Le se ke la atamela monyako wa ntlo ya hae+

 9 E le hore le se ke la itlosa seriti+

Kapa la sotleha bophelo bohle ba lona+

10 E le hore batho ba bang ba se ke ba ja matla a lona+

Kapa dintho tseo le di sebeleditseng ka thata tsa jewa lefa ke motho e mong.

11 Ho seng jwalo, le tla lla qetellong ya bophelo ba lona

Ha mmele ya lona le matla a lona a fela,+

12 Le tla re: “Ke ne ke hloile ho kgalemelwa,

Ke* hloile ho bontshwa diphoso.

13 Ke ne ke sa mamele barupedi ba ka

Ke bile ke iphapanyetsa mesuwe ya ka.

14 Ke haufi le ho lahlehelwa ke sohle,

Ke ikutlwa ke swabile ka pela batho ba Modimo.”*+

15 Nwa metsi a tswang sedibeng sa hao

Le metsi a phallang* nokaneng ya hao.+

16 Ke hobaneng ha o batla hore didiba tsa hao di hasane ka ntle

Le melapo ya hao ya metsi e hasane diterateng?+

17 E ke e be tsa hao o le mong,

O se ke wa di arolelana le batho ba bang.+

18 Sediba sa hao se ke se hlohonolofatswe,*

O thabe le mosadi wa botjha ba hao,+

19 O jwalo ka kgama e tshehadi e ratehang kapa potsanyane*+ e ntle.

20 Mora wa ka, ke hobaneng ha o ka kgahlwa ke mosadi wa letekatse*

Kapa wa manama sefubeng sa mosadi ya boitshwaro bo bobe?*+

21 Jehova o bona ditsela tsa motho,

O hlahloba ditsela tsohle tsa hae.+

22 Ya kgopo o tshwaswa ke diphoso tsa hae,

O tla harelwa ke diropo tsa sebe sa hae.+

23 O tla shwa hobane ha a mamela ha a kgalemelwa,

A kgelohe ka lebaka la bothoto ba hae.

6 Mora wa ka, haeba o itlamme hore o tla patalla moahisani wa hao sekoloto,+

Haeba o entse tumellano le motho,*+

 2 Haeba tshepiso ya hao e fetohile leraba ho wena

Le mantswe a hao*+ a fetohile sefi,

 3 Etsa tjena mora wa ka hore o itopolle

Ka ha jwale o matsohong a moahisani wa hao:

 4 O se ke wa robala

Kapa hona ho otsela.

 5 Itopolle jwalo ka tshephe letsohong la setsomi

Jwalo ka nonyana letsohong la ya tshwasang dinonyana.

 6 Wena ya botswa,+ e ya ho bohlwa,

O ithute ho bona mme o hlalefe.

 7 Le hoja bo se na molaodi, motsamaisi kapa mmusi,

 8 Bo ipatlela dijo tsa bona hlabula,+

Bo bokella dijo tsa bona ha ho kotulwa.

10 O ntse o re: “A nke ke robale hanyenyane, nke ke re shwa! hanyenyane,

Ke phuthe matsoho hanyenyane ke iphomolele.”+

11 Bofutsana bo tla o fihlela jwalo ka leshodu

Le bohloki bo o tlele jwalo ka monna ya hlometseng.+

12 Motho ya se nang thuso a bile a le kgopo o tsamaya a bua mashano,+

13 O koba leihlo,+ o tapatapa ka leoto le ho supa ka menwana.

15 Ka hoo, koduwa ya hae e tla tla ka tshohanyetso,

Haufinyane o tla fediswa.+

16 Ho na le dintho tse tsheletseng tseo Jehova a di hloileng,

Ha e le hantle, ke dintho tse supileng tseo a di nyonyang:

17 Boikgohomoso,+ leshano,+ ho bolaya batho ba se nang molato,+

18 Ho rera bokgopo,+ ho potlakela bobeng,

19 Ho fana ka bopaki ba bohata+

Le ho qabanya bana ba motho.+

20 Mora wa ka, o mamele taelo ya ntate wa hao

Hape o se ke wa furalla thuto* ya mme wa hao.+

21 Di boloke pelong ya hao ka mehla,

O di fase molaleng wa hao.

22 Ha o tsamaya, di tla o tataisa,

Ha o robala, di tla o lebela.

23 Etswe taelo ke lebone,+

Molao ke lesedi.+

24 Di tla o lebela ho mosadi wa letekatse,+

Le mantsweng a mosadi ya boitshwaro bo bobe* a ekang.+

25 O se ke wa dumella pelo ya hao hore e kgahlwe ke botle ba hae+

Kapa wa mo dumella hore a o hape ka mahlo.

26 Monna o tla futsaneha*+ ka lebaka la letekatse

Empa o tla lahlehelwa ke bophelo ka lebaka la mosadi wa motho e mong.

29 Ho jwalo le ka mang kapa mang ya robalang le mosadi wa motho,*

Mang kapa mang ya thetsang mosadi eo o tla fuwa kotlo.+

30 Batho ha ba hloye leshodu

Hobane feela le utswa hore le kgore ha le lapile.

31 Empa ha le fumanwa, le tla lefa ka makgetlo a supileng,

Le fane ka matlotlo ohle a ntlo ya lona.+

32 Mang kapa mang ya febang le mosadi ha a na kelello,*

Ya etsang jwalo o a ipolaya.+

33 O tla fumana kotlo mme a ke ke a hlompheha,+

O tla tlotloloha ho ya ho ile.+

34 Poulelo e etsa hore monna a halefe,

Ha a iphetetsa, ha a qenehele letho.+

35 A ke ke a amohela matshediso a* mofuta le ha e le ofe,

Ho sa tsotellehe hore na o mo fa mpho e kgolo hakae, bohale ba hae bo ke ke ba kokobela.

7 Mora wa ka, mamela mantswe a ka

Mme o ipolokele ditaelo tsa ka jwalo ka letlotlo.+

 2 Mamela ditaelo tsa ka mme o phele,+

Sireletsa molao wa ka jwalo ka thaka ya leihlo la hao.

 3 Di tlame menwaneng ya hao,

O di ngole pelong ya hao.+

 4 Ere ho bohlale: “O ausi wa ka”

Mme o re ho kutlwisiso: “O mong ka nna.”

 5 Di tla o lebela kgahlanong le mosadi wa letekatse,*+

Kgahlanong le mosadi ya boitshwaro bo bobe* le mantswe a hae a monate.*+

 6 Ke ile ka hlahela ka fensetere ya ntlo ya ka

Yaba ke sheba tlase.

 7 Eitse ha ke ntse ke sheba ba se nang tsebo,*

Hara batjha ka bona mohlankana ya se nang kelello.*+

 8 O ile a feta pela seterata sa mosadi eo

Yaba o nka tsela e yang ntlong ya hae.

 9 E ne e le mantsiboya, ka shwalane,+

Bosiu bo se bo tshwara, ho le lefifi.

10 Yaba ke bona mosadi a mo kgahlanyetsa,

A apere jwalo ka* letekatse,+ a ena le morero wa bolotsana.*

12 O ka ntle, nengneng o diterateng,

O lalla batho pela khona e nngwe le e nngwe.+

16 Ke adile masela a line a matle hodima bethe ya ka,

Line ya Egepeta e mebalabala.+

18 Tloo, re ikgotsofatse ka lerato ho fihlela hoseng,

A re tayane ka lerato.

19 Monna wa ka ha a yo lapeng,

O etetse hole.

20 O tsamaile ka mokotla wa tjhelete

Mme o tla kgutla mohla kgwedi e tolokileng.”

22 Hanghang mohlankana eo o mo sala morao jwalo ka poho e tlo hlajwa,

Jwalo ka lewatla le tlanngweng hore le tlo fuwa kotlo.+

24 Jwale bara ba ka, mmameleng,

Mamelang ka hloko mantswe ao ke a buang.

26 O entse hore ba bangata ba shwe+

Mme o bolaile ba bangata.+

27 Ntlo ya hae e lebisa Lebitleng,*

E theohela nqalong ya bafu.

 2 Bo eme dibakeng tse phahameng+ haufi le tsela,

Bo eme mateanong a ditsela.

 3 Pela dikeiti tsa motse,

Menyakong eo ho kenwang ka yona,

Bo ntse bo hweletsa bo re:+

 4 “Ke a le bitsa, lona batho,

Ke hweletsa batho bohle.*

 5 Lona ba se nang tsebo, ithuteng bohlale,+

Lona ba se nang kelello, ebang le kutlwisiso.*

 6 Mamelang hobane ke bua ditaba tsa bohlokwa,

Ke bua dintho tse lokileng,

 7 Molomo wa ka o bua nnete,

Molomo wa ka o nyonya bokgopo.

 9 Kaofela ha tsona di hlakile ho ya nang le kelello

Hape di lokile ho ba fumaneng tsebo.

10 Kgethang thuto ya ka ho ena le silevera

Le tsebo ho ena le kgauta e ntle.+

11 Etswe bohlale bo molemo ho feta dikorale,*

Dintho tse ding tsohle tseo motho a ka di lakatsang ha se letho ha di bapiswa le bohlale.

12 Nna bohlale, ke dula le temoho,

Ke fumane tsebo le bokgoni ba ho nahana.+

15 Marena a ntse a busa ka lebaka la ka

Le diofisiri tse kgolo di etsa melao e lokileng ka lebaka la ka.+

16 Ke ka nna dikgosana di ntseng di busa

Le bahlomphehi ba ahlolang ka toka.

17 Ke rata ba nthatang,

Ba mpatlang ba tla mphumana.+

18 Ke na le maruo le tlhompho,

Matlotlo a sa senyeheng le ho loka.

20 Ke tsamaya tseleng ya ho loka,

Bohareng ba ditsela tsa toka.

21 Ke fana ka lefa le nonneng ho ba nthatang,

Ke tlatsa ditoro tsa bona.*

22 Jehova o ile a mpopa ke le qalo ya mosebetsi wa hae,+

Ke le wa pele dinthong tsa kgale tseo a di fihletseng.+

23 O ile a mpeha boemong bo phahameng ho tloha kgale,+

Ho tloha qalong, dinakong tsa pele lefatshe le eba teng.+

24 Ke ile ka hlaha* pele ho eba le mawatle,+

Pele ho eba le didiba tse tletseng metsi.

25 Pele dithaba di thehwa,

Pele ho eba le maralla, ke ile ka hlaha,

26 Pele a etsa lefatshe le naha

Le lekote la pele la mobu wa lefatshe.

27 Ke ne ke le teng ha a etsa mahodimo;+

Ha a beha moedi pakeng tsa lehodimo le lewatle,+

28 Ha a tsitsisa maru sepakapakeng,

Ha a etsa mehlodi ya lewatle,

29 Ha a sehela lewatle meedi

E le hore metsi a lona a se ke a tlola meedi+ eo a e behileng,*

Ha a rala metheo ya lefatshe,

30 Ke ne ke ena le yena ke le mosebetsi ya hlwahlwa.+

Letsatsi le letsatsi ke ne ke le eo a mo ratang haholo,+

Ka nako yohle ke ne ke thabile ka pela hae.+

31 Ke ne ke thabetse lefatshe la hae,

Ka ho kgetheha ke ne ke rata batho.

32 Jwale bara ba ka, mmameleng.

Ho thaba ba tsamayang ditseleng tsa ka.

33 Mamelang tayo+ mme le hlalefe,

Le se ke la e lahla.

34 Ho thaba motho ya mmamelang

Ka ho tla esale hoseng* menyako ya ntlo ya ka letsatsi le letsatsi,

Ka ho ema pela menyako ya ka.

35 Ya mphumanang o tla fumana bophelo+

Mme Jehova o tla mo amohela.

36 Empa ya iphapanyetsang nna o intsha kotsi,

Ba ntlhoileng ba rata lefu.”+

9 Bohlale ba nnete bo hahile ntlo ya bona,

Bo entse* dipilara tsa bona tse supileng.

 2 Bo hlophisitse nama,

Bo tswakile veine ya bona,

Bo tekile tafole ya bona.

 3 Bo romme basebetsi* ba bona

E le hore ba hweletse ba le qhoweng ya motse+ ba re:

 5 “Tloo, o je bohobe ba ka,

O nwe le veine eo ke e tswakileng.

 6 Furalla bothoto* e le hore o phele,+

Tswela pele ho tsamaya tseleng ya kutlwisiso.”+

 7 Ya kgalemelang mosomi o tla tlotlolleha+

Le ya kgalemelang motho ya kgopo o tla utlwa bohloko.

11 Ka lebaka la bohlale matsatsi a hao a tla ba mangata+

Mme o tla ekeletswa dilemo tsa ho phela.

12 Haeba o hlalefa, bohlale ba hao bo tla tswela wena molemo

Empa haeba o le mosomi, ke wena o le mong ya tla ja ditholwana tsa ho soma.

14 O dula monyako wa ntlo ya hae,

Hodima setulo sebakeng se phahameng sa motse,+

15 O hweletsa ba fetang ka tsela,

O re ho ba iphethelang mabaka a bona:

17 “Metsi a utswitsweng a monate

Le dijo tse jellwang sephiring di monate.”+

18 Empa ba se nang kelello ha ba tsebe hore ntlo ya hae e tletse bafu,

Hore baeti ba hae ba theohetse Lebitleng.*+

Mora ya bohlale o thabisa ntate wa hae+

Empa mora ya se nang kelello ke mesarelo ya mme wa hae.

 2 Matlotlo a fumanweng ka bokgopo e tla ba a se nang thuso

Empa ho loka ke hona ho lopollang motho lefung.+

 3 Jehova a ke ke a bolaisa ya lokileng tlala+

Empa o tla hanela ba kgopo ka ntho eo ba e batlang.

 4 Ya botswa o tla futsaneha+

Empa ya kgothetseng o tla rua.+

 5 Mora ya bohlale o bokella dijo nakong ya lehlabula

Empa mora ya robalang ha ho kotulwa o a itlotlolla.+

 6 Motho ya lokileng o tla hlohonolofatswa+

Empa mantswe a ba kgopo a pata ntwa eo ba e kwetlileng.

 7 Ya lokileng o tla hopolwa le ho hlohonolofatswa+

Empa lebitso la ba kgopo le tla bola.+

 8 Ya bohlale* o tla mamela keletso*+

Empa ya buang ka ho hloka kelello o tla timela.+

 9 Ya tshepahalang o tla tsamaya a sireletsehile+

Empa ya sa tshepahaleng o tla senoleha.+

10 Motho ya kobang leihlo ka bolotsana o baka masisapelo+

Mme ya buang ka ho hloka kelello o tla timela.+

11 Molomo wa ya lokileng ke mohlodi wa bophelo+

Empa mantswe a ba kgopo a pata ntwa eo ba e kwetlileng.+

12 Lehloyo ke lona le tsosang diqabang

Empa lerato le kwahela diphoso tsohle.+

13 Bohlale bo fumanwa mantsweng a* motho ya nang le kutlwisiso+

Empa thupa e shapa ya se nang kelello.*+

14 Ba bohlale ba baballa* tsebo+

Empa dipuo tsa lewatla di* baka dikgathatso.+

16 Mesebetsi ya motho ya lokileng e lebisa bophelong

Empa mesebetsi ya motho ya kgopo e lebisa sebeng.+

17 Ya mamelang ha a kgalemelwa ke tsela e lebisang bophelong*

Empa ya sa mameleng ha a kgalemelwa o kgelosa ba bang.

18 Ya patang lehloyo la hae o bua leshano+

Mme ya senyang ba bang lebitso* ha a na kelello.

19 Ha motho a bua haholo* a ke ke a qoba ho etsa phoso+

Empa ya laolang dipuo tsa* hae o etsa dintho ka bohlale.+

20 Leleme la ya lokileng le tshwana le silevera e ntle+

Empa pelo ya ya kgopo ha e na thuso.

21 Mantswe a ya lokileng a tataisa* ba bangata+

Empa mawatla a shwa ka lebaka la ho hloka kelello.+

22 Tlhohonolofatso e tswang ho Jehova e ruisa motho+

Ebile ha e tlise bohloko.*

23 Ho ya se nang kelello, ho etsa boitshwaro bo hlabisang dihlong ho jwalo ka papadi

Empa bohlale ke ba motho ya nang le kutlwisiso.+

24 Ntho eo ya kgopo a e tshohileng ke yona e tla mo hlahela

Empa dintho tseo ba lokileng ba di labalabelang di tla phethahatswa.+

25 Ha setsokotsane se feta, ya kgopo o tla ba siyo+

Empa ya lokileng ke motheo ka ho sa feleng.+

26 Jwalo ka vinika menong le jwalo ka mosi mahlong,

Motho ya botswa o jwalo ho ya mo hirileng.*

27 Ho hlompha* Jehova ho lelefatsa dilemo tsa bophelo+

Empa ba kgopo ba tla di fokoletswa.+

28 Tshepo* ya ba lokileng e tlisa thabo+

Empa tshepo ya ya kgopo e tla fela.+

29 Tsela ya Jehova ke tshireletso bakeng sa ya lokileng+

Empa ke tlokotsi ho ba kgopo.+

30 Ha ho mohla motho ya lokileng a tla wa+

Empa ba kgopo ba ke ke ba hlola ba dula lefatsheng.+

31 Molomo wa ya lokileng o hlahisa* bohlale

Empa leleme la ya leshano le tla kgaolwa.

32 Molomo wa ya lokileng o bua dintho tse thabisang

Empa molomo wa ya kgopo o bua leshano.

11 Jehova o nyonya sekala sa ho bekga se qhekellang

Empa o kgahliswa ke sekala se bekgang* ka tsela e nepahetseng.+

 2 Ha motho a iketelletsa pele, o tla lahlehelwa ke tlhompho+

Empa bohlale bo ho ba inyenyefatsang.+

 3 Botshepehi ba ba lokileng ke bona bo ba tataisang+

Empa leshano la ba bolotsana le tla ba timetsa.+

 4 Maruo* a ke ke a thusa letsatsing la kgalefo ya Modimo+

Empa ho loka ho tla lopolla lefung.+

 5 Diketso tse ntle tsa ya lokileng di tla otlolla tsela ya hae

Empa ya kgopo o tla wa ka lebaka la bokgopo ba hae.+

 6 Ba lokileng ba tla pholoswa ke ho loka ha bona+

Empa balotsana ba tla tshwaswa ke dintho tseo ba di ratang.+

 7 Ha motho ya kgopo a shwa, tshepo ya hae e a fela

Esita le matla ao a neng a a tshepile a a fela.+

 8 Ya lokileng o pholoswa mahlomoleng

Empa ya kgopo o kena ho ona.+

 9 Mokwenehi* o fedisa moahisani wa hae ka dipuo*

Empa ba lokileng ba pholoswa ke ho ba le tsebo.+

10 Dintho tse molemo tse etswang ke batho ba lokileng di tlisa thabo motseng

Empa ha ba kgopo ba timela ho ba le mohoo wa thabo.+

11 Tlhohonolofatso eo ba lokileng ba e fumanang e haha motse+

Empa mantswe a ba kgopo a senya motse.+

12 Motho ya se nang kelello* ha a hlomphe moahisani wa hae

Empa motho ya nang le temoho o a ithiba.+

13 Ya ratang ho senya batho lebitso o ntsha makunutu+

Empa motho ya tshepahalang o boloka lekunutu.*

14 Ha batho ba sa tataiswe ka bohlale,* ba a wa

Empa ha baeletsi ba le bangata batho ba a atleha.*+

15 Motho ya itlamang hore o tla patala sekoloto sa e mong o ikenya mathateng+

Empa ya sa potlakeleng ho etsa ditumellano o tla qoba mathata.

16 Mosadi ya mosa* o iphumanela thoriso+

Empa banna ba bahatelli ba ikgapela maruo.

17 Motho ya mosa o itswela molemo+

Empa motho ya sehloho o ipakela dikgathatso.*+

18 Ya kgopo o amohela moputso o se nang thuso+

Empa ya jalang ho loka o kotula moputso wa nnete.+

19 Ya dulang a etsa dintho tse lokileng o tla fumana bophelo+

Empa ya kgothalletseng ho etsa bokgopo* o tla shwa.

20 Jehova o nyonya ba dipelo di bolotsana+

Empa ba dulang ba tshepahala* ba a mo thabisa.+

21 Kgodiseha hore motho ya kgopo o tla fuwa kotlo+

Empa bana ba ya lokileng ba tla pholoha.

22 Mosadi e motle empa a se na kelello

O jwalo ka lesale la kgauta sefeneng sa kolobe.

23 Takatso ya ba lokileng e qetella ka botle+

Empa tshepo ya ba kgopo e fehla kgalefo.

24 Ya fanang o qetella a ena le ho hongata le ho feta+

Empa ya timanang le ha a lokela ho fana, o qetella e le mofutsana.+

25 Motho ya fanang o tla atleha,*+

Ya kgathollang ba bang le yena o tla kgathollwa.+

26 Batho ba tla rohaka ya timanang ka dijo*

Empa ba tla hlohonolofatsa ya di rekisang.

27 Ya kgothallang ho etsa se molemo o tla hauhelwa+

Empa ya phehellang ho etsa bobe, jwang kapa jwang bobe bo tla mo wela hodimo.+

28 Ya tshepang maruo a hae o tla wa+

Empa ba lokileng ba tla atleha feela jwalo ka makgasi a matala.+

29 Mang kapa mang ya tlisetsang ba ntlo ya hae dikgathatso* a ke ke a fumana letho,*+

Sethoto se tla sebeletsa ya bohlale.

30 Ditholwana tsa ya lokileng ke sefate sa bophelo,+

Ya hapang dipelo tsa ba bang* o bohlale.+

31 Haeba ya lokileng o tla fumana moputso o mo loketseng lefatsheng,

Hakaakang ka ya kgopo le moetsadibe.+

12 Ya ratang tayo o rata tsebo+

Empa ya hloileng ho kgalemelwa ha a na kelello.*+

 2 Jehova o rata motho ya lokileng

Empa o nyatsa motho ya nang le merero e mebe.+

 3 Motho a ke ke a itshireletsa ka ho ba kgopo+

Empa ba lokileng ba tla tshwana le sefate se ke keng sa fotholwa.

 4 Mosadi wa sebele ke korone ho monna wa hae+

Empa mosadi ya diketso di tlotlollang o jwalo ka lefu le bodisang masapo ho monna wa hae.+

 5 Menahano ya ba lokileng e na le toka

Empa keletso ya ba kgopo e a thetsa.

 6 Mantswe a ba kgopo a jwalo ka sera se laletseng ho bolaya*+

Empa mantswe a ba lokileng a a lopolla.+

 7 Ha ba kgopo ba dihuwa ba ke ke ba hlola ba eba teng

Empa ntlo ya ba lokileng e tla nne e eme.+

 8 Motho o roriswa ka lebaka la mantswe a hae a bohlale+

Empa ya pelo e mpe a ke ke a hlomphuwa.+

 9 Ho molemo ho kgellwa fatshe empa o ena le mosebeletsi

Ho ena le ho ithorisa empa o bolawa ke tlala.*+

11 Ya lemang masimo a hae o tla fumana dijo tse ngata+

Empa ya phehellang dintho tse se nang thuso ha a na kelello.*

12 Ya kgopo o kgalla phofu ya ba bang ba kgopo

Empa ba lokileng ba jwalo ka difate tse metso e tebileng mme ba beha ditholwana.

13 Motho ya kgopo o tshwaswa ke dipuo tsa hae tse mpe+

Empa ya lokileng o pholoha mahlomoleng.

14 Motho o atlehiswa ke dipuo tsa hae tse ntle*+

Mme mesebetsi ya matsoho a hae e tla mo putsa.

15 Lewatla le nahana hore le etsa dintho ka tsela e nepahetseng+

Empa ya bohlale o mamela keletso.*+

16 Lewatla le potlakela ho bontsha hore le halefile+

Empa ya bohlale o iphapanyetsa ditlhapa.

17 Paki e tshepahalang e bua nnete

Empa paki ya bohata e bua leshano.

18 Dipuo tse sa nahanwang di hlaba jwalo ka sabole

Empa dipuo tsa* ba bohlale di a fodisa.+

19 Melomo e buang nnete e tla mamella ka ho sa feleng+

Empa leleme le buang leshano le ke ke la tshwarella.+

20 Thetso e ka dipelong tsa ba rerang bobe

Empa ba bopang* kgotso ba na le thabo.+

21 Ba lokileng ba ke ke ba hlahelwa ke letho le kotsi+

Empa bophelo ba batho ba kgopo bo tla tlala mathata.+

22 Jehova o nyonya batho ba leshano+

Empa o thabiswa ke ba tshepahalang.

23 Motho ya bohlale ha a boledise tsebo ya hae

Empa lewatla le phatlalatsa bothoto ba lona.+

24 Ba kgothetseng ba tla busa+

Empa ba botswa e tla ba makgoba.+

25 Matshwenyeho a tetebetsa pelo ya motho+

Empa lentswe le nepahetseng le a e hlabolla.+

26 Ya lokileng o batlana le makgulo a mo loketseng

Empa tsela ya ba kgopo e a ba lahla.

27 Motho ya botswa a ke ke a tshwasa phofu+

Empa ho kgothala ke leruo la motho la bohlokwa.

28 Tsela ya ho loka e lebisa bophelong.+

Ya tsamayang tseleng eo a ke ke a shwa.

13 Mora ya bohlale o mamela tayo ya ntate wa hae+

Empa moikgohomosi ha a mamele ha a kgalemelwa.+

 2 Motho o tla fumana molemo ka lebaka la dipuo tsa hae tse ntle*+

Empa ba bolotsana ba lakatsa ntwa.

 3 Ya lebelang molomo wa hae* o sireletsa bophelo ba hae*+

Empa ya buang feela a sa nahane o tla timela.+

 5 Ya lokileng o hloile leshano+

Empa diketso tsa ba kgopo di baka mahlabisadihlong ebile di a swabisa.

 6 Ho loka ho sireletsa motho ya se nang molato+

Empa bokgopo bo diha moetsadibe.

 8 Morui o patala ka maruo a hae hore a pholose bophelo ba hae+

Empa bafutsana ha ba tshoswe le ho tshoswa.*+

 9 Lesedi la ba lokileng le kganya haholo*+

Empa lebone la ba kgopo le tla tingwa.+

10 Ho iketelletsa pele ho baka ntwa feela+

Empa ba bohlale ke ba batlang keletso.*+

11 Maruo a fumanwang kapele* a tla fela+

Empa maruo a bokellwang hanyane ka hanyane* a tla eketseha.

12 Ha ntho eo motho a e lebeletseng* e dieha ho phethahala, e kudisa pelo+

Empa ha seo a se lakatsang se phethahala, ke sefate sa bophelo.+

13 Mang kapa mang ya nyonyang molao* o tla kgola ditholwana tse bosula+

Empa ya hlomphang taelo o tla putswa.+

14 Thuto e* tswang ho motho ya bohlale ke mohlodi wa bophelo,+

E qobisa motho maraba a lefu.

15 Motho ya nang le temoho o ratwa ke batho

Empa ba bolotsana ba phela ka thata.

16 Motho ya bohlale o etsa dintho ka tsebo+

Empa sethoto se pepesa bothoto ba sona.+

17 Moromuwa ya kgopo o kena mathateng+

Empa moromuwa ya tshepahalang o tlisa pheko.+

18 Ya sa mameleng ha a kgalemelwa o tla futsaneha le ho tlotlolleha

Empa ya mamelang ha a kgalemelwa o tla fumana tlotla.+

19 Motho o a thaba ha ntho eo a e lakatsang e etsahala,+

Ba se nang kelello ha ba batle ho furalla bobe.+

20 Ya tsamayang le batho ba bohlale o tla hlalefa+

Empa ya sebedisanang le ba hlokang kelello dintho di tla mo tsamaela hampe.+

21 Tlokotsi e latella baetsadibe+

Empa ba lokileng ba putswa ke katleho.+

22 Motho ya lokileng o siela ditloholo tsa hae lefa

Empa leruo la moetsadibe le tla bolokelwa ya lokileng.+

23 Masimo a lenngweng a bafutsana a beha dijo tse ngata

Empa ba se nang toka ba ka nka masimo ao.*

24 Ya sa sebediseng thupa* o hloile ngwana wa hae+

Empa ya mo ratang o a mo kgalemela.*+

25 Ya lokileng o a ja mme a kgore+

Empa ba kgopo ba tla lapa.*+

14 Mosadi ya bohlale e le ka nnete o haha ntlo ya hae+

Empa wa lewatla o e heletsa ka matsoho a hae.

 2 Motho ya ditsela di lokileng o hlompha* Jehova

Empa ya ditsela di kgopo* o hloile Modimo.

 3 Dipuo tsa boikgohomoso tsa lewatla di tshwana le molamu

Empa dipuo tsa ba bohlale di tla ba sireletsa.*

 4 Moo ho se nang dikgomo sejelo se hlwekile

Empa matla a poho a etsa hore ho be le dijo tse ngata.

 5 Paki e tshepahalang e ke ke ya bua leshano

Empa paki ya bohata e bua leshano feela.+

 6 Motho ya ikgohomosang o batla bohlale empa ha a bo fumane

Empa tsebo e itlela ha bonolo ho motho ya nang le kutlwisiso.+

 7 Suthela hole le motho ya hlokang kelello

Hobane o ke ke wa fumana tsebo ho yena.*+

 8 Ka lebaka la bohlale, motho ya nang le temoho o tseba moo a yang

Empa lewatla le thetswa ke* ho hloka kelello ha lona.+

 9 Mawatla a tsheha diphoso tsa ona*+

Empa ba lokileng ba ikemiseditse ho boelana.*

10 Motho o tseba bohloko ba pelo ya hae

Ebile ha ho ya ka utlwisisang thabo e ka pelong ya motho.

11 Ntlo ya batho ba kgopo e tla fediswa+

Empa ntlo* ya ba lokileng e tla atleha.

12 Ho na le tsela e bonahalang eka e lokile ho motho+

Empa qetellong e lebisa lefung.+

14 Ya pelo e mpe o tla kotula ditholwana tsa ditsela tsa hae+

Empa motho ya lokileng o tla fumana moputso wa mesebetsi ya hae.+

15 Ya se nang tsebo* o dumela lentswe le leng le le leng

Empa ya bohlale o nahana ka mohato o mong le o mong wa hae.+

16 Ya bohlale o hlokolosi mme o furalla bobe

Empa ya se nang kelello ha a tsotelle* ebile o itshepa ho tlola.

17 Ya potlakelang ho halefa o etsa dintho ka bowatla+

Empa motho ya nahanang dintho hantle o hlouwe.

18 Lefa la ba se nang tsebo* e tla ba bothoto

Empa ba bohlale ba rweswa korone ya tsebo.+

19 Batho ba sa lokang ba tla lokela ho inamela ba lokileng,

Ba kgopo ba iname dikeiting tsa ya lokileng.

20 Mofutsana o hlouwe le ke baahisani ba hae+

Empa metswalle ya morui e mengata.+

21 Ya nyatsang moahisani wa hae o etsa sebe

Empa mang kapa mang ya qenehelang mofutsana o a thaba.+

22 Ba rerang bobe ba tla lahleha

Empa ba ikemiseditseng ho etsa hantle ba tla ratwa le ho tsheptjwa.+

23 Motho o rua molemo ha a sebetsa ka thata

Empa ho bua feela ho baka bofutsana.+

24 Korone ya ba bohlale ke leruo la bona

Empa bothoto ba ba se nang kelello bo tswala bothoto bo fetang.+

25 Paki ya nnete e pholosa bophelo ba batho

Empa e leshano e bua leshano feela.

26 Motho ya hlomphang* Jehova o mo tshepa ka hohle+

Ebile bana ba motho eo ba tla fumana setshabelo.+

27 Ho hlompha* Jehova ke sediba sa bophelo,

Ho etsa jwalo ho qobisa motho maraba a lefu.

28 Morena o kgaba ka setjhaba se sengata+

Empa mmusi ya se nang bafo o wele.

29 Motho ya diehang ho halefa o na le temoho+

Empa ya felang pelo o bontsha bothoto ba hae.+

30 Pelo e nang le kgotso e phedisa mmele wa motho*

Empa mona o bodisa masapo.+

31 Ya qhekellang mofutsana o rohaka Mmopi* wa hae+

Empa ya hauhelang ya futsanehileng o tlotlisa Mmopi.+

32 Ya kgopo o tla dihuwa ke bokgopo ba hae

Empa ya lokileng o tla sireletswa ka lebaka la botshepehi ba hae.+

33 Motho ya nang le kutlwisiso ha a ithorise* ka bohlale ba hae+

Empa ya se nang kelello o dula a ithorisa ka tsebo ya hae.

34 Setjhaba se lokileng se a phahamiswa+

Empa sebe ke ntho e swabisang ho batho.

35 Morena o kgahliswa ke mohlanka ya bontshang hore o na le temoho+

Empa o halefiswa ke ya itshwarang ka mokgwa o hlabisang dihlong.+

15 Karabo e bonolo* e leleka kgalefo+

Empa lentswe le hlabang* le fehla bohale.+

 2 Maleme a ba bohlale a sebedisa tsebo hantle+

Empa melomo ya dithoto e phasoloha dintho tse se nang kelello.

 3 Mahlo a Jehova a bona hohle,

A shebile ba kgopo le ba lokileng.+

 4 Mantswe a bonolo* ke sefate sa bophelo+

Empa dipuo tse bolotsana di a sithabetsa.

 5 Ya se nang kelello ha a mamele kgalemelo ya ntate wa hae+

Empa motho ya mamelang kgalemelo o bohlale.+

 6 Ho na le maruo a mangata ka tlung ya motho ya lokileng

Empa moputso wa ya kgopo o* mo bakela mathata.+

 7 Melomo ya ba bohlale e ntse e jala tsebo+

Empa dipelo tsa ba hlokang kelello ha di etse jwalo.+

 8 Sehlabelo sa ba kgopo se a nyonyeha ho Jehova+

Empa thapelo ya ba lokileng e a mo kgahlisa.+

 9 Jehova o nyonya tsela ya motho ya kgopo+

Empa o rata ya phehellang ho etsa se nepahetseng.+

10 Tayo e mpe* ho ya kgelohang tsela+

Empa mang kapa mang ya hloileng kgalemelo o tla shwa.+

11 Jehova o bona ba ka Lebitleng* le sekoting sa timetso,*+

Jwale a ka sitwa keng ho bona se ka dipelong tsa batho?+

12 Moikgohomosi ha a rate motho ya mo kgalemelang.+

A ke ke a kopa keletso ho ba bohlale.+

13 Pelo e thabileng e etsa hore sefahleho se kganye kgotso

Empa pelo e utlwileng bohloko e diha moya.+

14 Motho ya bohlale o* batla tsebo+

Empa melomo ya batho ba se nang kelello e ja* bowatla.+

15 Bophelo ba motho ya hlorileng bo bosula+

Empa motho ya pelo e thabileng* o dula a ena le kgotso.*+

16 Ho molemo ho ba le ho honyenyane empa o tshaba Jehova+

Ho feta ho ba le maruo a mangata a tsamayang le matshwenyeho.*+

17 Ho molemo ho ja meroho moo ho nang le lerato+

Ho feta ho ja poho e nonneng* moo ho nang le lehloyo.+

18 Motho ya bohale o baka diqabang+

Empa ya diehang ho halefa o fedisa kgang.+

19 Tsela ya motho ya botswa e tletse meutlwa+

Empa tsela ya ba lokileng e bataletse.+

20 Mora ya bohlale o thabisa ntate wa hae+

Empa motho ya hlokang kelello o tella mme wa hae.+

21 Ya se nang kelello* o thabela bowatla+

Empa motho ya nang le temoho o tsamaya tseleng e nepahetseng.+

22 Merero e a senyeha moo ho sa buisanweng*

Empa ha baeletsi ba le bangata ho ba le katleho.+

23 Motho o a thaba ha a fana ka karabo e ntle+

Mme lentswe le buuwang ka nako e nepahetseng le molemo haholo.+

24 Ya nang le temoho o tsamaya tseleng e lebisang bophelong+

E le hore e mo qobise tsela e theohelang Lebitleng.*+

25 Jehova o tla diha ntlo ya ba ikgohomosang+

Empa o tla sireletsa moedi wa masimo a mohlolohadi.+

26 Jehova o nyonya merero ya motho ya kgopo+

Empa o rata dipolelo tse thabisang.+

27 Ya etsang phaello ka bolotsana o tlisetsa ba ntlo ya hae mathata*+

Empa ya hloileng tjotjo o tla nne a phele.+

28 Motho ya lokileng o a nahana pele a bua*+

Empa melomo ya ba kgopo e phasoloha dintho tse fosahetseng.

29 Jehova o hole haholo le ba kgopo

Empa o utlwa thapelo ya ba lokileng.+

30 Sefahleho se edileng se thabisa pelo,

Tlaleho e monate e a matlafatsa.*+

31 Motho ya mamelang kgalemelo e fanang ka bophelo

O dula hara batho ba bohlale.+

32 Mang kapa mang ya hanang kgalemelo o hloile bophelo ba hae+

Empa mang kapa mang ya mamelang kgalemelo o fumana kutlwisiso.*+

33 Ho tshaba Jehova ho ruta motho ho ba bohlale+

Mme boikokobetso bo etsa hore motho a hlomphuwe.+

16 Motho o laola menahano ya hae*

Empa karabo eo a fanang ka yona* e tswa ho Jehova.+

 2 Ditsela tsohle tsa motho di bonahala di lokile* ho yena+

Empa Jehova o hlahloba hore na sepheo sa motho ke sefe.+

 3 Siya dintho tsohle tseo o di etsang matsohong a Jehova*+

Mme merero ya hao e tla atleha.

 4 Jehova o etsa hore ntho e nngwe le e nngwe e phethe morero wa hae,

O etsa hore le ba kgopo ba timetswe letsatsing la koduwa.+

 7 Ha Jehova a kgahlwa ke diketso* tsa motho,

O etsa hore esita le dira tsa hae di dule le yena ka kgotso.+

 8 Ho molemo ho futsaneha empa o le motho ya lokileng+

Ho feta ho ba morui ka bolotsana.+

 9 Le hoja motho a ka rera tsela ya hae ka hloko,

Ke Jehova ya mo tataisang.+

10 Morena o lokela ho phatlalatsa diqeto tse dumellanang le thato ya Modimo,*+

A ahlole ka toka ka dinako tsohle.+

11 Dikala tsa ho bekga tse tshepahalang ke tsa Jehova,

Majwe a ho bekga a ka mokotleng a tswa ho yena.+

12 Diketso tsa bokgopo di a nyonyeha ho marena+

Hobane terone e tsitsiswa ka toka.+

13 Dipolelo tse lokileng di thabisa marena

Mme a rata motho ya buang nnete.+

14 Kgalefo ya morena e jwalo ka moromuwa wa lefu+

Empa motho ya bohlale o a e kokobetsa.*+

15 Ho ratwa ke morena ho a phedisa,*

Ho jwalo ka leru la pula ka nako ya selemo.+

16 Ho fumana bohlale ho molemo ho feta ho fumana kgauta.+

Ho fumana kutlwisiso ho molemo ho feta ho fumana silevera.+

18 Boikakaso bo etella ho wa pele

Mme ya ikgohomosang o qetella ka ho wa.+

19 Ho molemo ho ikokobetsa* hara ba bonolo+

Ho feta ho arolelana maruo* le ba ikgohomosang.

20 Ya bontshang hore o na le temoho o tla atleha*

Mme ya tshepang Jehova o a thaba.

21 Ho tla thwe motho ya bohlale o na le kutlwisiso,+

Ya dipuo di mosa* ke yena ya mamelwang.+

22 Temoho ke sediba sa bophelo ho ba nang le yona

Empa dithoto di rutwa ke bothoto ba tsona.

23 Motho ya* bohlale o kgetha mantswe ka hloko+

Mme mantswe a hae a a susumetsa.

24 Mantswe a monate a jwalo ka mahe a dinotshi,

A monate mme a matlafatsa masapo.+

25 Tsela e ka bonahala eka e lokile ho motho,

Athe qetellong e lebisa lefung.+

26 Motho ya lapileng o sebetsa ka thata

Hobane a kgannwa ke tlala.+

27 Motho ya se nang thuso o rera bobe,+

Dipuo tsa hae di jwalo ka mollo o tlabolang.+

29 Motho ya dikgoka o eka moahisani wa hae

Ebile o mo lebisa tseleng e fosahetseng.

31 Moriri o moputswa ke korone ya botle*+

Ha motho a le tseleng ya ho loka.+

32 Ya diehang ho halefa+ o molemo ho feta monna ya matla

Mme ya laolang bohale ba hae* o molemo ho feta motho ya hapang motse.+

33 Lotho e a lahlwa+

Empa qeto e nngwe le e nngwe e etswang ka lotho e tswa ho Jehova.+

17 Ho molemo ho ja sekokotwana sa bohobe moo ho nang le kgotso*+

Ho feta ho ba le mokete* ntlong e tletseng diqabang.+

 2 Mohlanka ya nang le temoho o tla busa mora wa monga hae ya diketso di swabisang,

O tla ja lefa jwalo ka e mong wa bara ba monga hae.

 3 Silevera le kgauta di hlwekiswa ka ho qhibidihiswa mollong+

Empa Jehova ke yena ya hlahlobang dipelo.+

 6 Korone ya ba hodileng ke ditloholo,

Bana* ba ikotla sefuba ka batswadi ba bona.*

 9 Mang kapa mang ya tshwarelang* phoso o batla lerato+

Empa ya dulang a bua ka phoso o arola metswalle ya hlooho ya kgomo.+

10 Motho ya nang le kutlwisiso o a mamela ha a kgalemelwa+

Empa motho ya se nang kelello ha a mamele le ha a ka otlwa halekgolo.+

11 Motho ya kgopo o ipatlela borabele feela

Empa moromuwa ya kgopo o tla romelwa ho ya mo fa kotlo.+

12 Ho molemo hore motho a teane le bere e nketsweng madinyane

Ho feta hore a teane le sethoto se tshepileng bothoto ba sona.+

13 Haeba mang kapa mang a buseletsa botle ka bobe,

Bobe bo ke ke ba tloha ntlong ya hae.+

15 Mang kapa mang ya lokollang ya kgopo le mang kapa mang ya ahlolang ya lokileng,+

Ka bobedi ba a nyonyeha ho Jehova.

16 Ho na le molemo ofe ha sethoto se fumana bohlale

Empa se se na kelello?*+

17 Motswalle wa nnete o lerato ka dinako tsohle+

Mme ke ngwaneno eo o ka mo tshepang dinakong tsa mahlomola.+

18 Motho ya se nang kelello* o etsa tumellano

Mme o itlama ka pela moahisani hore o tla patalla motho e mong sekoloto.+

20 Ya pelo e bolotsana a ke ke a atleha*+

Mme ya leshano o tla wela tlokotsing.

21 Motswadi wa ngwana ya hlokang kelello o tla sarelwa,

Ntate wa ngwana ya se nang kelello ha a thabe.+

22 Pelo e thabileng ke moriana+

Empa ha motho a wele moya o fellwa ke matla.*+

23 Ya kgopo o tla nka tjotjo ka sekgukgu*

E le hore a sothe ditsela tsa toka.+

24 Motho ya nang le temoho o shebile bohlale feela

Empa ya hlokang kelello o thalatsa mahlo ho ya fihla moo lefatshe le fellang.+

25 Mora ya hlokang kelello o bakela ntate wa hae mesarelo

Hape o tshwarisa mme wa hae hlooho.*+

27 Motho ya nang le tsebo o a ithiba ha a bua,+

Athe motho ya nang le temoho o tla dula a kgobile matshwafo.+

 5 Ha se ntho e ntle ho ba leeme* ho ya kgopo+

Kapa ho hlokela ya lokileng toka.+

 6 Dipuo tsa ya hlokang kelello di baka dikgang+

Mme ka dipuo tsa hae o ipitsetsa thupa.+

 7 Motho ya se nang kelello o timetswa ke dipuo tsa hae+

Mme dipolelo tsa hae ke leraba bakeng sa hae.*

 9 Mang kapa mang ya botswa mosebetsing wa hae

Ke ngwanabo leshodu.*+

12 Motho ya pelo e ikgohomosang o tla wa+

Empa ya ikokobeditseng o tla roriswa.+

13 Mang kapa mang ya arabang taba pele a utlwa dintlha kaofela

Ke sethoto ebile o a itlotlolla.+

14 Motho ya nang le thabo ka pelong ya hae* a ka mamella ha a kula+

Empa ke mang ya ka mamellang pelo e sithabetseng?*+

15 Motho ya nang le kutlwisiso o fumana tsebo,+

Ba bohlale ba a mamela e le hore ba fumane tsebo.

16 Mpho ya motho e tla mo bulela tsela,+

E tla mo atametsa ho batho ba bohlokwa.

17 Wa pele wa ho teka taba ya hae o bonahala a nepile+

Ho fihlela e mong a tla mme a mo hloma dipotso.*+

18 Ho lahla lotho ho kgaola kgang+

Ebile ho fedisa qabang dipakeng tsa* dira tse matla.

21 Lefu le bophelo di matleng a leleme,+

Ba ratang ho bua ba tla ja ditholwana tsa lona.+

22 Motho ya fumanang mosadi wa sebele o fumane letlotlo la bohlokwa+

Mme motho eo o ratwa* ke Jehova.+

23 Mofutsana o kopa mohau ho morui

Empa morui o mo araba ka bohale.

24 Ho na le metswalle e ratang ho utlwisana bohloko+

Empa ho na le motswalle ya tshepahalang haholo ho feta ngwanabo motho.+

19 Ho molemo ho futsaneha empa o tshepahala+

Ho feta ho ba sethoto o bile o bua leshano.+

 2 Ha se ntho e ntle hore motho a hloke tsebo,+

Ya etsang dintho ka lepotlapotla* o etsa sebe.

 3 Bowatla ba motho bo mo lebisa tseleng e fosahetseng

Ebe pelo ya hae e halefela Jehova.

 4 Motho ya ruileng o ba le metswalle e mengata

Empa motho ya futsanehileng o tla lahlwa le ke motswalle wa hae ya mong.+

 5 Paki ya bohata e tla fumana kotlo,+

Motho ya leshano a ke ke a phonyoha.+

 6 Ba bangata ba batla ho ratwa ke mohlomphehi*

Mme e mong le e mong ke motswalle wa motho ya fanang ka dimpho.

 9 Paki ya bohata e tla fumana kotlo,

Ya leshano o tla timela.+

10 Sethoto ha se tshwanelwe ke ho hafa ka nkatana

Feela jwalo ka ha mohlanka a sa tshwanelwe ke ho busa dikgosana.+

11 Motho ya nang le temoho o dieha ho halefa+

Mme o tla hlomphuwa ka lebaka la ho iphapanyetsa phoso.*+

12 Kgalefo ya morena e tshwana le ho rora ha tau*+

Empa lerato la hae le jwalo ka phoka hodima dimela.

14 Ntlo le maruo ke lefa le tswang ho bontate

Empa mosadi ya bohlale ke mpho e tswang ho Jehova.+

16 Ya mamelang taelo o boloka bophelo ba hae,+

Ya sa tsotelleng ditsela tsa hae o tla shwa.+

17 Ya hauhelang mofutsana o adima Jehova+

Mme O tla mo putsa* ka lebaka la seo a se entseng.+

18 Kgalemela mora wa hao ha monyetla o sa le teng+

E le hore o se ke wa ba molato ha a se a shwele.+

20 Mamela keletso mme o amohele kgalemelo+

E le hore o hlalefe ka moso.+

21 Merero e ka pelong ya motho e mengata

Empa morero wa Jehova o tla ema o tiile.+

22 Ntho e kgahlehang ho motho ke lerato+

Ebile ho molemo ho futsaneha ho ena le ho ba motho ya leshano.

23 Ho tshaba Jehova ho lebisa bophelong,+

Ya mo tshabang o tla phela ka boiketlo, ha ho na letho le tla mo ntsha kotsi.+

24 Ya botswa o kentse letsoho la hae ka sekotlolong se seholo

Empa o tswafa le ho le isa ka hanong la hae.+

25 Shapa mosomi+ e le hore ya se nang tsebo a ka hlalefa,+

Kgalemela ya bohlale e le hore a eketse tsebo ya hae.+

26 Ya tshwarang ntate wa hae hampe le ya lelekang mme wa hae

Ke mora ya swabisang le ya tlotlollang.+

27 Mora wa ka, haeba o kgaotsa ho mamela ha o lauwa,

O tla kgeloha dithuto tsa tsebo.

28 Paki e kgopo e nyefola toka,+

Batho ba kgopo ba natefelwa ke ho etsa bokgopo.+

29 Basomi ba emetswe ke kahlolo+

Le mekokotlo ya ba hlokang kelello e emetswe ke phafa.+

 3 Ke ntho e hlomphehang hore motho a qobe ho pheha kgang+

Empa lewatla le leng le le leng le rata ho pheha kgang.+

 4 Ya botswa ha a leme mariha,

Ka hoo, e tla ba mokopakopa nakong ya kotulo ha a se na letho.*+

 5 Merero* e ka pelong ya motho e jwalo ka metsi a tebileng

Empa motho ya nang le temoho o a e kga.

 6 Batho ba bangata ba ithorisa ka hore ba lerato

Empa ke mang ya ka fumanang motho ya tshepahalang?

 8 Ha morena a dula teroneng ya hae hore a ahlole,+

Mahlo a hae a lemoha* bokgopo bohle.+

 9 Ke mang ya ka reng: “Ke hlwekisitse pelo ya ka,+

Ke hlwekile, ha ke na sebe”?+

10 Dikala tsa ho bekga tse qhekellang le ditekanyo tse sa nepahalang,*

Ka bobedi ba tsona Jehova o a di nyonya.+

11 Esita le ngwana* o tsebahala ka diketso tsa hae

Hore na boitshwaro ba hae bo hlwekile ebile bo lokile.+

12 Tsebe e utlwang le leihlo le bonang,

Jehova o di entse ka bobedi ba tsona.+

15 Ho na le kgauta le dikorale* tse ngata

Empa dipuo tsa ya bohlale di bohlokwa ho di feta.+

17 Bohobe bo fumanweng ka bolotsana bo monate

Empa ka mora moo, motho o tla tlala lehlabathe ka hanong.+

20 Mang kapa mang ya rohakang mme wa hae le ntate wa hae,

Lebone la hae le tla tingwa ha ho eba lefifi.+

21 Ha motho a fumana maruo* ka meharo,

A ke ke a thaba* qetellong.+

23 Jehova o nyonya ditekanyo tse sa nepahalang,*

Dikala tse qhekellang ha di a loka.

25 Ke leraba hore motho a itlame ka lepotlapotla hore o tla fa Modimo mpho+

Ebe ka mora moo, ke hona a nahanisisang ka boitlamo boo a bo entseng.+

26 Feela jwalo ka ha ditlhoka di arolwa ho koro,*+

Morena ya bohlale o tlosa batho ba kgopo.+

27 Dintho tseo motho a di buang di* tshwana le lebone la Jehova,

Le ntseng le mo hlahloba ka harehare.

29 Botle ba bahlankana ke matla a bona+

Mme bokgabane ba maqheku ke moriri o moputswa.+

30 Maqeba le matetetso a phekola* bokgopo,+

Thupa e hlwekisa pelo ya motho.

 2 Ditsela tsohle tsa motho di bonahala di lokile ho yena+

Empa Jehova o hlahloba dipelo.*+

 3 Ho etsa dintho tse lokileng le ho phetha toka

Ho thabisa Jehova ho feta sehlabelo.+

 4 Boikgohomoso le boikakaso

Ke lebone le kgantshang tsela ya ba kgopo mme dintho tsena ke sebe.+

 5 Merero ya motho ya kgothetseng e a mo thusa*+

Empa e mong le e mong ya lepotlapotla o tla futsaneha.+

 6 Ho fumana maruo ka ho bua leshano

Ho tshwana le mohodi o apohang, ke leraba le bolayang.*+

 8 Ditsela tsa motho ya molato di fosahetse

Empa diketso tsa ya hlwekileng di lokile.+

 9 Ho molemo ho dula khoneng ya marulelo

Ho feta ho dula ka tlung le mosadi ya ratang dikgang.*+

10 Motho ya kgopo o lakatsa bobe,+

Ha a hauhele moahisani wa hae.+

11 Ha mosomi a fumana kotlo, ya se nang boiphihlelo o a hlalefa

Le ha motho ya bohlale a fumana temoho, o eketsa tsebo ya hae.*+

12 Ya Lokileng* o shebile ntlo ya motho ya kgopo ka hloko,

O bakela ba kgopo tlokotsi.+

13 Mang kapa mang ya ithibang ditsebe hore a se ke a utlwa sello sa mofutsana

Le yena o tla lla mme a ke ke a mamelwa.+

14 Mpho e fanwang lekunutung e kokobetsa bohale,+

Mpho e fanwang sephiring,* e kokobetsa bohale bo tukang.

15 Ya lokileng o thabela ho phetha toka+

Empa ho batho ba diketso di kgopo, ke ntho e mpe.

16 Motho ya kgelohang tsela ya temoho,

O tla phomola ha mmoho le bafu.+

17 Ya ratang menate e tla ba mofutsana,+

Ya ratang veine le oli a ke ke a rua.

18 Ya kgopo o rekiswa bakeng sa ya lokileng,

Molotsana o tla nkelwa sebaka ke ya lokileng.+

19 Ho molemo ho dula naheng

Ho feta ho dula le mosadi ya ratang dikgang* le ho halefa.+

20 Motho ya bohlale o boloka matlotlo a bohlokwa le oli ka tlung ya hae,+

Motho ya se nang kelello yena o a di senya.*+

21 Mang kapa mang ya phehellang ho loka le lerato

O tla fumana bophelo, ho loka le tlhompho.+

22 Motho ya bohlale a ka hlasela* motse wa banna ba matla

E le hore a senye ntho eo ba e tshepileng.+

23 Ya laolang molomo wa hae le leleme la hae

O qoba dikgathatso.+

24 Motho ya ikgohomosang le ya ratang ho ithorisa,

Ke ya ikakasang a sa tshwenyehe le ka ditlamorao.+

25 Ntho eo motho ya botswa a e lakatsang e tla mo bolaya

Ka ha o hana ho sebedisa matsoho a hae.+

26 Ka lebaka la ho kgala, letsatsi lohle o dula a batla ho ekeletswa

Empa motho ya lokileng o a fana.+

28 Paki e leshano e tla timela+

Empa motho ya fanang ka bopaki ba seo a se utlwileng, o tla atleha.*

29 Motho ya kgopo ha a bonahale a swabile+

Empa ya lokileng ke yena eo tsela ya hae e sireletsehileng.*+

31 Pere e kwetlisetswa letsatsi la ntwa+

Empa Jehova ke yena ya sireletsang.+

 3 Ya bohlale o bona kotsi ebe o a ipata

Empa ba se nang kelello* ha ba ipate ebe ba fumana ditholwana tse bosula.*

 4 Motho ya ikokobeditseng a bile a tshaba Jehova

O tla fumana maruo, tlhompho le bophelo.+

 5 Meutlwa le difi di tseleng ya motho ya sa tshepahaleng

Empa ya ratang bophelo ba hae o emella hole le tsona.+

 7 Morui o busa mofutsana

Mme ya adingwang ke lekgoba la motho ya mo adimang.+

 8 Mang kapa mang ya jalang ho se loke o tla kotula tlokotsi,+

Molamu wa kgalefo ya hae o tla fela.+

 9 Motho ya fanang* o tla hlohonolofatswa

Hobane o arolelana dijo tsa hae le bafutsana.+

10 Leleka mosomi

Qabang e fele.

11 Motho ya ratang pelo e hlwekileng a bile a le dipuo di mosa

E tla ba motswalle wa morena.+

12 Mahlo a Jehova a sireletsa tsebo

Empa o shanofatsa mantswe a molotsana.+

13 Ya botswa o re: “Ho na le tau ka ntle,

E tla mpolaela seterateng.”+

15 Bowatla bo tlameletswe pelong ya ngwana*+

Empa thupa e mo kgalemelang e tla bo suthisetsa hole le yena.+

16 Ya etsetsang bafutsana bolotsana hore a ikekeletse maruo+

Le ya fang barui dimpho,

Qetellong o tla futsaneha.

17 Mamela mantswe a ba bohlale+ ka hloko

E le hore o amohele tsebo ya ka ka pelo yohle.+

18 Ke ntho e monate ho a boloka ka pelong ya hao+

E le hore kaofela ha ona a ka ba molomong+ wa hao ka dinako tsohle.

19 Ke o fa tsebo kajeno

E le hore tshepo ya hao e be ho Jehova.

20 Ke o ngolletse

E le hore ke o fe dikeletso le tsebo,

21 Ho o ruta mantswe a nnete le a tshepahalang

E le hore o kgutle le tlaleho e nepahetseng ho ya o rommeng.

22 O se ke wa utswetsa bafutsana hobane ba futsanehile+

Mme o se ke wa hatella ba hlokang ha o ena le nyewe le bona.*+

23 Jehova o tla buella nyewe ya bona,+

O tla timetsa ba ba utswetsang.

24 O se ke wa dula le sefelapelwana

Kapa wa tlwaelana le motho ya halefang le feela,

25 E le hore o se ke wa ithuta mekgwa ya hae

Yaba o itjhehela leraba.+

26 O se ke wa ba hara ba tshwaranang ka matsoho ho etsa tumellano,

Ba itlamelang ho patala dikoloto tsa batho ba bang.+

27 Haeba o se na letho leo o ka lefang ka lona,

Ba tla nka bethe ya hao o ntse o robetse ho yona.

28 O se ke wa tjhetjhisa moedi wa kgale,

Oo baholoholo ba hao ba o sehileng.+

O tla ema ka pela marena,+

A ke ke a ema ka pela batho feela.

23 Ha o dula fatshe o ja le morena,

O be hlokolosi ha o ja tse ka pela hao.

 2 O ithibe*

Haeba o le pelo e tshweu.*

 3 O se ke wa kgalla dijo tsa hae tse hlabosang

E le hore o se ke wa thetswa ka tsona.

 5 Ha o a shebisisa, a tla be a le siyo,+

A tla mela mapheo mme a fofele hodimo jwalo ka ntsu.+

 6 O se ke wa ja dijo tsa motho ya timanang,

O se ke wa kgalla dijo tsa hae tse hlabosang.

 8 O tla hlatsa dijo tseo o di jeleng

Mme pabatso ya hao e tla be e se na thuso.

 9 O se ke wa bua le motho ya hlokang kelello+

Hobane a ke ke a hlompha bohlale ba mantswe a hao.+

10 O se ke wa tjhetjhisa moedi wa kgale+

Kapa wa kena tshimong ya dikgutsana*

11 Hobane Mosireletsi* wa bona o matla,

O tla ba emela mme a o lwantshe.+

12 Mamela kgalemelo ka pelo ya hao yohle,

O mamele dipolelo tsa tsebo.

13 O se ke wa tima ngwana* kgalemelo.+

Haeba o mo shapa ka thupa, a ke ke a shwa.

14 O lokela ho mo shapa ka thupa

E le hore o mo pholose Lebitleng.*

15 Mora wa ka, ha o hlalefa,*

Pelo ya ka e tla thaba.+

16 Ke tla thaba ka pelo ya ka kaofela*

Ha molomo wa hao o bua dintho tse lokileng.

17 Pelo ya hao e se ke ya kgalla baetsadibe+

Empa o tshabe Jehova ka dinako tsohle.+

18 O tla ba le bokamoso+

Mme tshepo ya hao e ke ke ya fela.

19 Mora wa ka, mamela, o hlalefe

Mme o tsamaye* tseleng e nepahetseng.

20 O se ke wa ba hara ba nwang veine haholo,+

Hara ba jang nama ho feta tekano.+

21 Letahwa le motho ya jang ho feta tekano ba tla futsaneha,+

Ho otsela ha bona ho tla ba apesa marantha.

24 Ruri ntate wa motho ya lokileng o tla thaba,

Mang kapa mang eo e leng motswadi wa mora ya bohlale o tla thabiswa ke yena.

25 Ntate wa hao le mme wa hao ba tla thaba,

Mme wa hao ya o tswetseng o tla nyakalla.

26 Mora wa ka, o mmamele ka pelo yohle,

E se eka o ka thabela ho tsamaya ditseleng tsa ka.+

27 Letekatse ke sekoti se tebileng,

Mosadi ya boitshwaro bo bobe* ke sediba se moqotetsane.+

28 O lalla jwalo ka leshodu,+

O eketsa palo ya banna ba sa tshepahaleng.

30 Ke ya dulelang ho nwa veine nako e telele,+

Ya ntseng a batla veine e tswakilweng.

31 O se ke wa sheba mmala o mofubedu wa veine

Ha e shebahala e le monate ka koping, e lelemela ha monate

32 Hobane qetellong e loma jwalo ka noha,

E ntsha tjhefo jwalo ka marabe.

33 Mahlo a hao a tla bona dintho tse sa tlwaelehang,

Pelo ya hao yona e tla bua dintho tse tswileng tseleng.+

34 O tla ba jwalo ka motho ya robetseng bohareng ba lewatle,

O be jwalo ka motho ya robetseng hodimo palong e tshehetsang seile ya sekepe.

Ba nkotlile empa ha ke hopole le ho hopola.

Ke tla tsoha neng?+

Ke hloka veine e nngwe hape.”*

24 O se ke wa kgalla batho ba kgopo,

O se ke wa batla ho ba hara bona.+

 2 Dipelo tsa bona di thuisa ka ntwa

Le melomo ya bona e bua ka diketso tse kgopo.

 3 Ntlo e* hahwa ka bohlale,+

E tsitsiswa ka temoho.

 4 Ka tsebo dikamore tsa yona di tla tlala

Matlotlo a bohlokwa le a kgahlehang.+

 5 Motho ya bohlale o matla+

Mme ka tsebo motho o eketsa matla a hae.

 6 Ka tataiso e bohlale o tla lwana ntwa ya hao,+

Ka baeletsi ba bangata o tla hlola.*+

 7 Lewatla ha le kgone ho fumana bohlale ba nnete,+

Ha ho letho leo le ka le buang keiting ya motse.

 8 Mang kapa mang ya rerang bokgopo

Ho tla thwe ke molotsana.+

 9 Merero ya motho ya se nang kelello* e lebisa sebeng

Hape batho ba nyatsa mosomi.+

10 Ha o nyahama nakong ya mathata,*

O tla fellwa ke matla.

11 Lopolla ba iswang lefung,

O thibe ba thekesellang polaong.+

12 Haeba o re: “Empa re ne re sa tsebe,”

Na Ya hlahlobang dipelo a ke ke a lemoha menahano ya hao?+

Ya o shebileng ka hloko o tla tseba,

O tla buseletsa motho e mong le e mong ho ya ka mesebetsi ya hae.+

16 Hobane le ha ya lokileng a ka wa ka makgetlo a supileng, o tla ema+

Empa ba kgopo ba tla hlahelwa ke tlokotsi mme ba kgoptjwe.+

17 Ha sera sa hao se wa, o se ke wa thaba,

Ha se kgoptjwa, pelo ya hao e se ke ya nyakalla,+

20 Hobane mang kapa mang ya kgopo ha a na bokamoso+

Le lebone la batho ba kgopo le tla tingwa.+

21 Mora wa ka, o tshabe Jehova le morena+

Mme o se ke wa tlwaelana le marabele.*+

24 Mang kapa mang ya reng ho ya kgopo: “O lokile,”+

Batho ba tla mo rohaka, ditjhaba di mo nyatse.

25 Empa ba mo kgalemelang,+ dintho di tla ba tsamaela hantle,

Ba tla fumana ditlhohonolofatso.+

30 Ke ile ka feta haufi le tshimo ya motho ya botswa,+

Haufi le serapa sa morara sa motho ya hlokang kelello.*

Jarete e ne e tletse bobatsi,

Lerako la yona la majwe le wele.+

32 Ha ke ntse ke shebile, ka nahana ka thata ka taba ena,

Ka bona yaba ke ithuta thuto ena:*

33 Ha o ka robala hanyenyane, wa re shwa! hanyenyane,

Wa phutha matsoho hanyenyane hore o phomole,

34 Bofutsana bo tla o fihlela jwalo ka leshodu

Le bohloki bo o tlele jwalo ka monna ya hlometseng.+

 2 Modimo o tlotliswa ke ha taba e bolokwa e le sephiri,+

Marena ona a a tlotliswa ha a batlisisa taba.

 3 Feela jwalo ka ha mahodimo a phahame le lefatshe le tebile,

Dipelo tsa marena le tsona di ke ke tsa utlwisiswa.

 4 Tlosa dintho tse ditshila silevereng,

E tla sala e hlwekile haholo.+

 5 Tlosa motho ya kgopo ka pela morena

Mme terone ya morena e tla tsitsiswa ka lebaka la toka.+

 6 O se ke wa itlotlisa ka pela morena+

Hape o se ke wa dula le bahlomphehi.+

 7 Ho molemo hore yena a re ho wena: “Nyolohela mona,”

Ho feta hore a o tlotlolle ka pela bahlomphehi.+

 8 O se ke wa tatela ho hlahlela nyewe,

O tla etsang haeba moahisani wa hao a ka o hlola?+

10 Hobane ya o mametseng o tla o tlotlolla

Mme dintho tse mpe tseo o di buileng,* o ke ke wa di kgutlisa.

11 Lentswe le builweng ka nako e nepahetseng

Le jwalo ka diapole tsa kgauta ka dijaneng tsa silevera.+

12 Motho ya kgalemelang ka bohlale

O tshwana le lesale la kgauta le mokgabiso wa kgauta e hlwekileng ho motho ya mamelang.*+

13 Moromuwa ya tshepahalang

O jwalo ka serame sa lehlwa* letsatsing la kotulo

Ka ha o hlasimolla monga hae.+

14 Motho ya ithorisang ka hore o tlo fana ka mpho empa a sa etse jwalo,*+

O tshwana le maru le moya tse sa tliseng pula.

15 Molaodi o haptjwa ka mamello,

Mantswe a bonolo a* ka roba lesapo.+

16 Ha o fumana mahe a dinotshi, ja a o lekaneng feela,

Ha o ja a mangata haholo, o ka nna wa a hlatsa.+

17 O se ke wa tjhakela moahisani wa hao hangata

E le hore o se ke wa mo tena yaba o a o hloya.

18 Motho ya fanang ka bopaki ba bohata kgahlanong le moahisani wa hae+

O jwalo ka molamu wa ntwa, sabole le motsu o leoditsweng.

19 Ho tshepa motho ya sa tshepahaleng* dinakong tsa mahlomola

Ho tshwana le ho hlafuna ka leino le pshatlehileng le ho tsamaya ka leoto le holofetseng.

20 Motho ya binelang pelo e hlomohileng dipina+

O tshwana le motho ya hlobolang seaparo ha ho bata

Le vinika ha e tshelwa hodima soda.*

21 Haeba motho ya o hloileng a lapile, o mo fe bohobe hore a je,

Haeba a nyorilwe, o mo fe metsi hore a nwe.+

22 O tla be o bokella mashala hloohong ya hae*+

Mme Jehova o tla o putsa.

23 Moya o hlahang leboya o tlisa pula ya ditlwebelele,

Leleme le sebang lona le a halefisa.+

24 Ho molemo ho dula khoneng ya marulelo

Ho feta ho dula ka tlung le mosadi ya ratang dikgang.*+

25 Tlaleho e monate e tswang naheng e hole+

E tshwana le metsi a phodileng ha a nowa ke motho ya* kgathetseng.

26 Ha motho ya lokileng a inehela ho* ya kgopo,

O tshwana le sediba se dukilweng le se sentsweng.

28 Motho ya sa kgoneng ho laola bohale ba hae+

O jwalo ka motse oo marako a wona a heleditsweng.

26 Jwalo ka ha ho sa lebellwa hore lehlwa le kgethehe hlabula, le hore pula e ne nakong ya kotulo,

Motho ya se nang kelello+ ha a tshwanelwe ke tlhompho.

 2 Feela jwalo ka ha nonyana e ena le lebaka la ho baleha le lefokotsane le ena le lebaka la ho fofa,

Motho ha a bitsetswe bomadimabe ntle ho lebaka.*

 3 Sephadi se shapa pere, tonki e hulwa ka tomo,+

Thupa yona e shapa mekokotlo ya batho ba se nang kelello.+

 4 O se ke wa araba motho ya se nang kelello ho ya ka bothoto ba hae

E le hore o se ke wa tshwana le yena.

 5 Empa ha o araba motho ya se nang kelello, totobatsa bothoto ba hae

E le hore a se ke a nahana hore o bohlale.+

 6 Ya siyang ditaba matsohong a motho ya se nang kelello

O tshwana le motho ya pomang maoto a hae mme a itematsa.

 7 Maele melomong ya batho ba se nang kelello+

A tshwana le maoto a holofetseng.

 8 Ho rorisa motho ya se nang kelello+

Ho tshwana le ho faseletsa lejwe letjeketjaneng.

 9 Maele melomong ya batho ba se nang kelello

A tshwana le setlamatlama se meutlwa letsohong la letahwa.

10 Ya hirang motho ya se nang kelello kapa batho ba fetang ka tsela

O tshwana le motho ya sebedisang seqha, ya hlabang feela.*

11 Jwalo ka ha ntja e kgutlela mahlatseng a yona,

Ya se nang kelello le yena o pheta bowatla ba hae.+

13 Ya botswa o re: “Ho na le tawana tseleng,

Ho na le tau seterateng.”+

14 Jwalo ka ha lemati le ya pele le morao ha le ntse le buleha le kwaleha,

Ya botswa o ntse a fetoha hodima bethe ya hae.+

15 Ya botswa o kentse letsoho la hae ka sekotlolong se seholo

Empa o tswafa le ho le isa ka hanong.+

16 Ya botswa o nahana hore o bohlale

Ho feta batho ba supileng ba fanang ka karabo e nang le kelello.

17 Mofetakatsela ya halefiswang ke* qabang eo e seng ya hae+

O tshwana le motho ya tshwarang ntja ka ditsebe.

20 Ha patsi e le siyo mollo o a tima,

Ha ho se na moetselletsi kgang e a fela.+

21 Jwalo ka ha mashala a etsa hore mollo o hlene le patsi e hotetsa mollo,

Motho ya ratang dikgang le yena o fehla diqabang.+

22 Mantswe a ya ratang ho senya ba bang lebitso a tshwana le dijo tse monate.*

A theohela ha monate ho ya fihla ka mpeng.+

23 Mantswe a monate a tswang ho motho ya pelo e mpe+

A jwalo ka leqhetso la sejana se pshatlehileng sa letsopa se tlotsitsweng ka silevera.

24 Motho ya lehloyo o ikgakanya ka dipuo

Empa ka pelong o patile bolotsana.

25 O se ke wa mo tshepa le ha a ka bua ka bonolo

Hobane ho na le dintho tse supileng tse nyonyehang ka pelong ya hae.*

26 Le hoja a bua leshano ho pata lehloyo la hae,

Bokgopo ba hae bo tla hlahella ho batho.

27 Ya tjhekang sekoti o tla wela ka hara sona

Mme ya thetang lejwe le tla kgutlela ho yena le mo pidinye.+

28 Motho ya leshano o hloile bao a ba utlwisitseng bohloko*

Le motho ya rorisang ho tlola o baka tshenyo.+

27 O se ke wa ithorisa ka tsa letsatsi le hlahlamang

Hobane tsa le hlahlamang ha di tsejwe.*+

 2 Roriswa ke motho e mong,* eseng wena o ithorise,*

Batho ba bang ba o rorise,* eseng wena.*+

 3 Lejwe le lehlabathe di boima

Empa mathata a bakwang ke lewatla a boima ho di feta.+

 4 Bohale bo senya jwalo ka morwallo, kgalefo e sehloho

Empa ke mang ya ka mamellang poulelo?+

 6 Motswalle ya tshepahalang o fana ka keletso le ha e se monate+

Empa mosa wa sera* o mongata.*

 7 Motho ya kgotsheng ha a batle ho ja* mahe a dinotshi

Empa ho motho ya lapileng esita le ntho e babang e monate.

 8 Motho ya balehang ha hae,

O tshwana le nonyana e balehang sehlaheng sa yona.

 9 Oli le dibano di thabisa pelo

Jwalo ka motswalle ya o kgalemelang a se na boikaketsi.+

11 Mora wa ka, hlalefa mme o thabise pelo ya ka+

E le hore nka araba ya nthohakang.*+

12 Ya bohlale o bona kotsi ebe o a ipata+

Empa ba se nang kelello* ha ba ipate ebe ba fumana ditholwana tse bosula.*

14 Ha motho a hlohonolofatsa wa habo ka lentswe le phahameng hoseng haholo,

Wa habo o tla ho nka e le bomadimabe.

16 Mang kapa mang ya ka kgonang ho laola mosadi ya jwalo a ka laola moya,

A ka ba a fupara oli ka letsoho la hae le letona.

18 Ya hlokomelang sefate sa feie* o tla ja ditholwana tsa sona,+

Le ya hlokomelang monga hae o tla hlomphuwa.+

19 Jwalo ka ha motho a bona sefahleho sa hae ka metsing,

Ka ho tshwanang, pelo ya motho e mong ke seipone sa hae.

20 Lebitla le sekoti sa timetso* ha di kgotsofale,+

Le mahlo a motho ha a kgotsofale.

21 Jwalo ka ha silevera le kgauta di hlwekiswa ka ho qhibidihiswa mollong,+

Thoriso eo motho a e fuwang e a mo senola.

22 Esita le haeba o ka sila lewatla ka tshilwana*

Jwalo ka ha o sila koro,*

Le ke ke la fetoha.

24 Maruo a ke ke a dula a le teng,+

Le korone ha e* fetisetsanwe ka leloko ho ya ho ile.

25 Jwang bo botala bo a nyamela mme ho hlaha bo botjha,

Dimela tsa dithaba di a bokellwa.

26 O tla iketsetsa diaparo ka boya ba diramo tse nyenyane

Mme o reke tshimo ka diphooko.

27 Ho tla ba le lebese la dipodi le lekaneng bakeng sa hao,

Bakeng sa ho fepa lelapa la hao le basebetsi ba hao.

28 Ba kgopo ba a baleha le ha ho se ya ba lelekisang

Empa ba lokileng ba sebete jwalo ka tau.*+

 2 Ha baahi ba naha ba tlola melao,* naha e tla ba le mmusi ka mora mmusi+

Empa ka thuso ya motho ya nang le kutlwisiso le tsebo, mmusi o tla tshwarella.+

 3 Monna ya futsanehileng ya etsetsang ba tlase bolotsana+

O jwalo ka pula e hoholang dijo kaofela.

 4 Batho ba tlolang molao ba rorisa ya kgopo

Empa ba mamelang molao ba halefela ba tlolang molao.+

 5 Batho ba kgopo ba ke ke ba utlwisisa toka

Empa ba batlang Jehova ba ka utlwisisa ntho e nngwe le e nngwe.+

 6 Motho ya futsanehileng empa a tshepahala

O molemo ho feta morui ya tletseng bobodu.+

 7 Mora ya nang le kutlwisiso o boloka molao

Empa motswalle wa menyollo o tlotlolla ntate wa hae.+

 8 Motho ya atisang maruo a hae ka phaello le tswala+

O a bokellela motho ya hauhelang bafutsana.+

 9 Motho ya hanang ho mamela molao,

Esita le thapelo ya hae e a nyonyeha.+

10 Ya kgelosetsang ba lokileng tseleng e kgopo o tla wela ka sekoting sa hae+

Empa ba lokileng ba tla putswa ka se molemo.+

11 Motho ya ruileng o ipona a le bohlale+

Empa mofutsana ya sedi o tla mo lemoha.+

12 Ha ba lokileng ba hlola, ho ba le thabo e kgolo*

Empa ha batho ba kgopo ba fumana matla, batho ba a ipata.+

13 Motho ya patang diphoso tsa hae a ke ke a atleha+

Empa ya di bolelang mme a di bakela o tla hauhelwa.+

14 Ho thaba motho ya dulang a fadimehile*

Empa ya thatafatsang pelo ya hae o tla wela tlokotsing.+

15 Mmusi ya kgopo ya laolang bafutsana

O jwalo ka tau e rorang le bere e futuhang.+

16 Moetapele ya hlokang temoho o sebedisa matla a hae hampe+

Empa ya hloileng phaello ya bolotsana o tla lelefatsa bophelo ba hae.+

18 Motho ya phelang ka botshepehi o tla pholoha+

Empa ya bolotsana o tla wa hanghang.+

19 Motho ya lemang mobu wa hae o tla ba le dijo tse ngata

Empa ya sebeletsang dintho tse se nang thuso o tla futsaneha.+

20 Motho ya tshepahalang o tla hlohonolofala haholo+

Empa ya potlakelang ho rua o tla dula a le molato.+

21 Ho ba leeme* ha se ntho e ntle+

Empa motho a ka etsa phoso hore a fumane sengwathwana sa bohobe.

22 Motho ya mona* o kgalla ho rua

Empa ha a tsebe hore bofutsana bo tla mo wela hodimo.

23 Mang kapa mang ya kgalemelang motho+ o tla ratwa+

Ho feta ya fanang ka thoriso ya boikaketsi.

24 Mang kapa mang ya utswetsang ntate wa hae le mme wa hae ebe o re: “Ha se phoso,”+

Ke motswalle wa mashodu.+

25 Motho ya meharo* o baka moferefere

Empa ya itshetlehang ka Jehova o tla atleha.*+

26 Motho ya tshepang pelo ya hae ha a na kelello+

Empa ya etsang dintho ka bohlale o tla phonyoha.+

27 Mang kapa mang ya fang bafutsana a ke ke a hloka+

Empa ya iphapanyetsang bohloki ba bona o tla ba le bomadimabe bo bongata.

28 Ha ba kgopo ba fumana matla, motho o a ipata

Empa ha ba timela, ba lokileng ba a ngatafala.+

29 Motho ya satalatsang molala* ka mora ho kgalemelwa ka makgetlo+

O tla tswa kotsi mme a ke ke a fola.+

 2 Ha batho ba lokileng ba le bangata, setjhaba se a thaba

Empa ha ho busa motho ya kgopo, setjhaba se a lla.+

 3 Motho ya ratang ho ba bohlale o thabisa ntate wa hae+

Empa ya iketsang motswalle wa matekatse o senya maruo.+

 4 Morena o tsitsisa puso ya hae ka toka+

Empa motho ya batlang tjotjo o a e diha.

 5 Monna ya rorisang motswalle wa hae ho tlola

O tjhehela maoto a motswalle wa hae leraba.+

 6 Motho ya kgopo o tshwaswa ke phoso ya hae+

Empa ya lokileng o hweletsa ka thabo le ho nyakalla.+

 7 Motho ya lokileng o amehile ka ditokelo tsa bafutsana+

Empa ya kgopo ha a ba tsotelle.+

 8 Batho ba ithorisang ba tjhesa motse+

Empa ba bohlale ba leleka bohale.+

 9 Ha motho ya bohlale a entse kgang le lewatla,

Ba tla qwaketsana, ba somane empa ba ke ke ba kgotsofala.+

10 Batho ba ratang ho bolaya ba hloile mang kapa mang ya se nang molato,+

Ba batla ho bolaya batho ba lokileng.*

11 Motho ya se nang kelello o ntsha kgalefo ya hae+

Empa motho ya bohlale o a e laola.+

12 Ha mmusi a mamela mashano,

Bahlanka ba hae kaofela ba tla ba kgopo.+

14 Ha morena a ahlola bafutsana ka toka,+

Terone ya hae e tla dula e tiile.+

15 Thupa* le kgalemelo di a hlalefisa+

Empa ngwana ya sa kgalemelweng o hlabisa mme wa hae dihlong.

16 Ha batho ba kgopo ba ngatafala, bokgopo bo a eketseha

Empa ba lokileng ba tla ba bona ha ba wa.+

17 Kgalemela mora wa hao mme o tla o tlisetsa phomolo,

O tla o thabisa* haholo.+

18 Moo ho se nang pono* batho ha ba laolehe+

Empa ho thaba ba mamelang molao.+

19 Mohlanka a ke ke a kgalemelwa ka mantswe feela

Hobane le hoja a utlwisisa, ha a mamele.+

21 Haeba mohlanka a tefiswa ho tloha a sa le motjha,

Ha morao e tla ba motho ya se nang teboho.

23 Boikgohomoso ba motho bo tla mo kokobetsa+

Empa ya ikokobeditseng* o tla roriswa.+

25 Ho tshaba* batho ke* leraba+

Empa ya tshepang Jehova o tla sireletswa.+

26 Batho ba bangata ba batla ho ratwa ke* mmusi

Empa toka e tswa ho Jehova.+

27 Batho ba lokileng ba nyonya motho ya se nang toka+

Empa motho ya kgopo o nyonya batho ba etsang dintho tse lokileng.+

 2 Hara batho bohle, ke nna ya se nang tsebo+

Ebile ha ke na kutlwisiso eo motho a lokelang ho ba le yona.

 3 Ha ke a ithuta bohlale

Hape ha ke na tsebo eo Ya Halalelang ka ho Fetisisa a nang le yona.

 6 O se ke wa eketsa letho mantsweng a hae,+

Ho seng jwalo o tla o kgalemela

Ebe o fumanwa o le leshano.

 7 Ke kopa dintho tse pedi ho wena.

Ke ikopela tsona feela ha ke sa ntse ke phela.

10 O se ke wa etselletsa mohlanka ho monga hae,

Ho seng jwalo a ka nna a o rohaka yaba o fumanwa o le molato.+

11 Ho na le moloko o rohakang ntate wa wona

Ebile ha o hlomphe mme wa wona.+

12 Ho na le moloko o iponang o hlwekile+

Empa o sa hlwekiswa ditshila tsa* wona.

13 Ho na le moloko o iphahamisang haholo

Le o kgellang batho ba bang tlase.+

14 Ho na le moloko oo meno a wona e leng disabole,

Oo mehlahare ya wona e leng dithipa tse selakgang.

O ja bafutsana ba teng lefatsheng

Le bafutsana ba hara ditjhaba.+

Ho na le dintho tse tharo tse sa kgotsofaleng,

Dintho tse nne tseo ho seng mohla di reng: “Ho lekane.”

16 Lebitla*+ le popelo e sa imeng,

Naha e se nang metsi

Le mollo oo ho seng mohla o reng: “Ho lekane.”

17 Makgwaba a dikgohlo* a tla honya leihlo

La motho ya somang ntate wa hae le ya sa mameleng mme wa hae+

Mme madinyane a ntsu a tla ja leihlo la hae.+

18 Ho na le dintho tse tharo tseo nke keng ka di utlwisisa*

Le tse nne tseo ke sa di utlwisiseng:

19 Ntsu e fofang mahodimong,

Noha e hahabang hodima lefika,

Sekepe se tsamayang bohareng ba lewatle

Le boitshwaro ba monna ha a ena le morwetsana.

O a ja, a itlhakole melomo

Ebe o re: “Ha ke a etsa phoso.”+

21 Ho na le dintho tse tharo tse tsukutlang lefatshe

Le tse nne tseo le ke keng la di mamella:

22 Ha lekgoba le busa e le morena,+

Ha motho ya se nang kelello a ja dijo tse ngata ho tlola,

23 Ha mosadi ya hloilweng* a nyalwa,

Le ha mosebeletsi wa morwetsana a nka sebaka sa monga hae wa mosadi.+

24 Ho na le dintho tse nne tse nyenyane ka ho fetisisa lefatsheng

Empa di bohlale ka tlhaho:*+

25 Bohlwa ha bo matla*

Le ha ho le jwalo, bo bokella dijo tsa bona hlabula.+

26 Dipela+ ha se diphoofolo tse matla*

Empa di haha matlo a tsona mafikeng.+

27 Ditsie+ ha di na morena

Empa kaofela di tsamaya ka sehlopha.*+

28 Tjhetjheiki+ e itshwareletsa ka maoto a yona

Ebe e kena ka tlung ya morena.*

29 Ho na le tse tharo tse kgahlehang ha di tsamaya,

Tse nne tse bohehang ha di tsamaya:

31 Lekesi,* phooko

Le morena eo lebotho la hae le nang le yena.

32 Haeba ka ho hloka kelello o ile wa iphahamisa+

Kapa o rerile ho iphahamisa,

Beha letsoho molomong.+

33 Jwalo ka ha lebese le hlahisa botoro ha le fehlwa

Le nko e tswa madi ha e sothwa,

Ka tsela e tshwanang, ho fehla bohale ho hlahisa diqabang.+

 3 O se ke wa fana ka matla a hao ho basadi+

Kapa wa latela ditsela tse timetsang marena.+

 4 Ha ho a lokela marena, wena Lemuele,

Ha ho a lokela hore marena a nwe veine

Kapa hore babusi ba re: “Jwala ba ka bo kae?”+

 5 Ba se ke ba nwa mme ba lebala molao

Yaba ba hanela bafutsana ka ditokelo tsa bona.

 6 Fana ka jwala ho ba shwang+

Le veine ho ba sithabetseng.+

 7 Ba ke ba nwe mme ba lebale bofutsana ba bona,

Ba se ke ba hlola ba hopola mathata a bona.

 8 Buella batho ba sa kgoneng ho bua,

O sireletse ditokelo tsa bohle ba shwang.+

11 Monna wa hae o mo tshepa ka pelo yohle

Mme monna wa hae ha a hloke letho.

12 Ka matsatsi ohle a bophelo ba hae,

O putsa monna wa hae ka dintho tse molemo, eseng tse mpe,

13 O fumana boya ba dinku le line,

O thabela ho sebetsa ka matsoho.+

14 O tshwana le dikepe tsa rakgwebo,+

O tlisa bohobe ba hae ho tswa hole.

15 O boetse o tsoha esale ka matjeke,

O fa ba ntlo ya hae dijo

A fe le barwetsana ba mo sebeletsang dijo.*+

16 O hlahloba tshimo ebe o a e reka,

O lema serapa sa morara ka matsoho a hae.*

17 O itokisetsa mosebetsi o boima*+

Mme o matlafatsa matsoho a hae.

19 O tshwere toloki,

Matsoho a hae a tshwara thupa e ohlang.*+

20 O thusa bafutsana,

O thusa batho ba hlokang.+

23 Monna wa hae o a hlompheha dikeiting tsa motse+

Moo a dulang hara banna ba baholo ba motse.

24 O etsa diaparo tsa line* ebe o a di rekisa

Mme o rekisetsa borakgwebo mabanta.

25 O apere matla le bokgabane

Ebile ha a tshwenyehe ka* letsatsi le hlahlamang.

27 O amehile ka mesebetsi ya lelapa la hae

Hape ha a je bohobe ba botswa.+

29 Ho na le basadi ba sebele* ba bangata

Empa wena o ba feta kaofela.

30 Tjhebahalo e ntle e ka thetsa, le botle bo a fela*+

Empa mosadi ya hlomphang* Jehova o tla roriswa.+