KAROLO YA 13

Re Lokela ho Etsang e le Hore re Kgahlise Modimo?

Qoba dintho tse mpe. 1 Bakorinthe 6:9, 10

Dintho tse Modimo a di hloileng—ho utswa, botawa, ho sebedisa dithethefatsi, ntwa, ho rapela ditshwantsho

Haeba re rata Jehova, re ke ke ra etsa dintho tseo a di hloileng.

Jehova ha a batle hore re utswe, re tahwe kapa re sebedise dithethefatsi.

Modimo o hloile ho bolaya, ho ntsha mpa le banna ba robalang le banna ba bang le basadi ba robalang le basadi ba bang. Ha a batle hore re be meharo kapa re lwane le batho ba bang.

Ha rea lokela ho rapela medimo ya ditshwantsho kapa hore re sebedisane le bademona.

Lefatsheng la Paradeise le tlang, ho ke ke ha ba le batho ba etsang dintho tse mpe.

Etsa se Molemo. Matthew 7:12

Dintho tseo Modimo a di ratang—ho bontsha ba bang lerato, ho bua nnete le ho tshwarela ba bang

E le hore re kgahlise Modimo, re lokela ho leka ho mo etsisa.

Bontsha batho ba bang hore o a ba rata ka hore o be mosa ho bona o be o fane.

Tshepahala.

Eba mohau o be o tshwarele batho ba bang.

Dipaki Tsa Jehova tse pedi di pakela monna e mong

Bolella batho ba bang ka Jehova le ditsela tsa hae.—Esaia 43:10.