PINA YA 117
Eba Motho ya Molemo
E Hatisitsweng
1. Jehova Ntate wa rona,
O molemo hakaakang!
Ebile o’a halalela.
Re ka o tshepa, Ntate.
O molemo dinthong tsohle,
O re bontshitse mohau.
Re tla sebeletsa wena
Re be re o rorise.
2. Batho bohle ba Jehova
Le bona ba molemo.
Ba ruta batho ka Mmuso
Mme ba itshwara hantle.
Thuto ya hao e molemo,
E thusa ba bangata.
Re rapella moya wa hao
Hore re be molemo.
3. Re thuse ho ba molemo
Ho bana ba bo rona.
Re ba rate, re ba thuse
Ka ditlhoko tsa bona.
Ka kopo hlo’nolofatsa
Dintho tseo re di etsang
Ka lapeng le ka phuthehong
Le hohle moo re leng teng.
(Sheba le Pes. 103:10; Mar. 10:18; Bagal. 5:22; Baef. 5:9.)