THUTO YA 10

Fetofetola Modumo wa Lentswe

Liproverbia 8:4, 7

KAKARETSO: Hlakisa dintlha tsa hao hape o bontshe boikutlo ka seo o se buang ka hore o fetofetole modumo, lebelo le botebo ba lentswe la hao.

Fetofetola modumo wa lentswe. Phahamisa lentswe ho hlakisa dintlha tsa hao le ha o kgothatsa bamamedi. Etsa se tshwanang ha o bala mangolo a buang ka dikahlolo tsa Modimo. Theola modumo wa lentswe ha o bua ka ntho e tshosang le ha o batla hore bamamedi ba batle ho tseba ho eketsehileng ka taba.

O se ke wa phahamisa lentswe haholo hoo bamamedi ba ka utlwang e ka wa ba omanya. Etsa sohle hore o se ke wa etsa dintho tse tla etsa hore batho ba shebe wena ho ena le hore ba mamele puo ya hao.
Botebo ba lentswe. Tebisa lentswe ha o bontsha bohlokwa ba taba le ha o hlalosa boholo kapa botelele ba ntho e itseng. Tebisa lentswe ha o bua ka ntho e utlwisang bohloko.
Fokotsa kapa o eketse lebelo. Bontsha tjheseho ha o bua ka taba e thabisang. Fokotsa lebelo ha o bua ka dintlha tsa bohlokwa.

E le hore o se ke wa makatsa bamamedi, ha o a lokela ho fetola lebelo ho sa hlokahale. O se ke wa bua kapele hoo bamamedi ba hao ba ka qetellang ba sa utlwe hore na o ntse o reng.