Ho Tshepahalla Jehova

Mehlala ya batho ba ka Bibeleng e ka o thusang:

• Le 22:​17-22—Jehova o ne a lebeletse hore ha Baiseraele ba mo etsetsa mahlabelo, ba mo etsetse ka diphoofolo tse “phetseng hantle.” Polelwana “phetseng hantle” e ka boela ya bolela “botshepehi” ka Seheberu. Sena se bolela hore ho tshepahalla Jehova ho akareletsa ho mo sebeletsa le ho inehela ho yena ka ho feletseng

• Job 1:​1, 4, 5, 8; 2:3—Mohlaleng wa Jobo, re a ithuta hore e le hore motho a tshepahalle Jehova o lokela ho mo hlompha haholo, a rapele yena feela a be a qobe ho etsa dintho tseo Jehova a sa di rateng

Mehlala ya batho ba ka Bibeleng e ka o thusang:

• Job 31:​1-11, 16-33—Jobo o bontshitse hore o tshepahalla Jehova ka ho tshwara batho ba bang ka mosa, ka tlhompho le ka ho qoba ka ho feletseng boitshwaro bo bobe. O ne a rapela Jehova feela eseng ditshwantsho mme o ne a nka setswalle sa hae le Modimo e le sa bohlokwa ho feta dintho tseo a neng a ena le tsona

• Dan 1:​6-21—Daniele le metswalle ya hae e meraro ba ne ba mamela melao ya Jehova ho akarelletsa le molao o neng o thibela dijo tse itseng le hoja ba ne ba phela hara batho ba neng ba sa sebeletse Jehova