Ba Amohele ka Mofuthu

Ke bo mang ba amohelwang ka mofuthu? Mang kapa mang ya tlang dibokeng tsa rona tsa Bokreste, ho tloha ho ba qalang ho tla dibokeng le bao e leng kgale ba sa tle dibokeng. (Bar 15:7; Heb 13:2) E ka nna ya eba Paki mmoho le rona ya etileng ya tswang naheng e nngwe kapa Mokreste eo e leng kgale a sa tle dibokeng le tshimong. O ne o ka ikutlwa jwang ha o ne o le boemong boo? Na o ne o ke ke wa thabela ho dumediswa ka tsela e mofuthu? (Mat 7:12) Kahoo, etsa boiteko ba ho dumedisa ba bang pele le ka mora seboka. Ha re etsa jwalo, diboka e tla ba sebaka seo motho a ka thabelang ho ba ho sona mme sena se tlotlisa Jehova. (Mat 5:16) Ho ka etsahala hore o se ke wa kgona ho kopana le bohle ba leng teng. Ho sa tsotellehe seo, kaofela ha rona re tla ikutlwa re amohelehile ha feela re phetha karolo ya rona.a

Kamohelo ya baeti ha e bontshwe feela ka diketsahalo tse ikgethang tse kang Sehopotso empa ka dinako tsohle. Ha ba qalang ho tla dibokeng ba bontshwa lerato la Bokreste, ba ka susumelletseha ho rorisa Jehova le ho ba karolo ya borapedi bo hlwekileng.—Joh 13:35.