Ho Fodisa ka Letsatsi la Sabatha

3:1-5

Ke hobaneng ha Jesu a ne a saretswe haholo ka lebaka le boitshwaro ba Baetapele ba bodumedi ba Sejuda? Hobane ba ile ba etsa hore letsatsi la Sabatha le be boima ka ho eketsa dithibelo tse ngata tse sa hlokahaleng. Ka mohlala, ho bolaya letsetse ho ne ho sa dumellwa. Ho fodisa ho ne ho dumelletswe ha feela bophelo ba motho bo le kotsing. Sena se ne se bolela hore ha motho a ne a robehile masapo kapa a nonyetsehile o ne a ke ke a thuswa ka letsatsi la Sabatha. Sena se bontsha ka ho hlaka hore baetapele bao ba bodumedi ba ne ba sa tsotelle monna ya neng a omelletse letsoho.