“Ha re Tele”

4:16-18

A ko nahane ka malapa a mabedi a dulang matlong a kgale, a maemong a mabe. Lelapa le leng ha le a thaba empa le leng lona le thabile. Hobaneng? Hobane le a tseba hore haufinyane le tla dula ntlong e ntle, e ntjha.

Bahlanka ba Modimo ba na le tshepo e ba thusang ho mamella le hoja “popo yohle e ntse e tswela pele ho bobola ha mmoho le ho ba bohlokong ha mmoho ho fihlela jwale”. (Bar 8:22) Re a tseba hore mathata ao re nang le ona hona jwale le a ileng a re tshwenya ka nako e telele ke “a motsotswana mme a bobebe,” haholo ha re nahana ka lefatshe le letjha leo Modimo a re tshepisang lona. Ho nahana ka ditlhohonolofatso tse tlang tsa Mmuso wa Modimo ho tla re thusa hore re thabe mme re se ke ra tela.