“Le Tswele Pele ho Nahana ka Dintho Tsena”

Dintho dife? Bafilipi 4:8 e re re nahane ka dintho tsa nnete, dintho tseo ho amehwang ka tsona ka botebo, dintho tse lokileng, dintho tse hlwekileng, dintho tse ratehang, dintho tse buuwang hantle, bokgabane le dintho tse lokelwang ke thoriso. Ke nnete hore sena ha se bolele hore Mokreste o lokela ho dula a nahana ka Bibele feela. Le ha ho le jwalo, dintho tseo re di nahanang e lokela ho ba tse thabisang Jehova. Ha re a lokela ho nahana dintho tse tla etsa hore ho be thata ho tshepahalla Jehova.​—Pes 19:14.

Ho ka ba thata ho qoba menahano e fosahetseng. Re lokela ho lwana le ho se phethahale ha rona le tshusumetso ya Satane, e leng “modimo wa tsamaiso ena ya dintho.” (2Ko 4:4) Ka ha ke yena ya laolang metjha ya phatlalatso ya lefatshe lena, dintho tseo re di shebellang thelebesheneng, tseo re di mamelang radiong, tse hlahang Inthaneteng le tseo re di balang dibukeng, di silafetse. Re lokela ho kgetha ka hloko dintho tseo re di kenyang dikelellong tsa rona hobane seo se ka ama menahano ya rona mme ha morao sa ama le tsela eo re etsang dintho ka yona.​—Jak 1:14, 15.

SHEBELLANG VIDEO E RENG QOBA DINTHO TSE KA ETSANG HORE O SE KE WA TSHEPAHALA​—BOIKGOHOMOSO, EBE LE ARABA DIPOTSO TSE LATELANG:

• 

  Morabo rona o ne a shebile eng founung, hona seo se ile sa mo ama jwang?

• 

  Bagalata 6:7, 8 le Pesaleme ya 119:37 di ile tsa mo thusa jwang?