Na o Fumana Molemo ka ho Bala Bukana ya Ho Hlahlobisisa Mangolo Ka Mehla?

Na ho bala temana ya letsatsi ka mehla ke e nngwe ya dintho tseo o di etsang ho ba motswalle wa Jehova? Haeba ha ho jwalo, qalella hona jwale. Batho bang ba thabela ho bala temana ya letsatsi hoseng e le hore ba ka nahanisisa ka dintlha tsa yona letsatsing leo. (Jos 1:8; Pes 119:97) O ka fumana molemo o eketsehileng jwang Lengolong la temana ya letsatsi? Bala ditemana tse potolohileng temana eo ho fumana dintlha tse eketsehileng. Leka ho nahana ka tlaleho ya Bibele e hlakisang molaomotheo o hlahang lengolong la temana ya letsatsi. Ebe o sebedisa molaomotheo oo bophelong ba hao. Ha lentswe la Modimo le ama diqeto tseo o di etsang, le tla o tataisa mme o tla fumana molemo.​—Pes 119:105.

Malapa a Bethele lefatsheng lohle a bala temana ya letsatsi ha mmoho ka nako ya dijo tsa hoseng. Morao tjena, mananeo ana a se a hlaha ho JW Broadcasting^® tlasa MANANEO A IKGETHILENG. O qetetse neng ho shebella a mang a mananeo a a? Mohlomong a mang a wona a bua ka dintho tse o amang. Ka mohlala, mohlala wa Lota o ka susumetsa diqeto tsa hao jwang?

SHEBELLA VIDEO E RENG LE SE KE LA RATA LEFATSHE (1JO 2:15), EBE O ARABA DIPOTSO TSE LATELANG:

• Ke molaomotheo ofe wa Bibele oo ho buuwang ka wona lenaneong lee la hoseng?

• Tlaleho ya Lota e bontsha kotsi efe ya ho rata lefatshe kapa dintho tse ho lona?​—Ge 13:12; 14:12; 19:3, 12, 13, 24-26

• Re ka bontsha jwang hore re rata Jehova eseng lefatshe kapa dintho tse ho lona?