MATLOTLO A TSWANG BIBELENG | GENESE 32-33

Na o Lwanela ho Fumana Tlhohonolofatso?

E le hore re fumane tlhohonolofatso ya Jehova re lokela ho sebetsa ka thata ho tiisa hore ho mo sebeletsa ke yona ntho ya bohlokwa ka ho fetisisa bophelong ba rona. (1Ko 9:26, 27) Ha re sebeletsa Jehova re lokela ho ba le boikutlo bo tshwanang le ba Jakobo ha a ne a lwantshana le lengeloi. Re bontsha hore re feela re batla tlhohonolofatso ya Jehova ka . . .[1]

Ho lokisetsa diboka hantle
Ho ba teng tshimong ka mehla
Ho etsa sohle se matleng a rona ho thusa ba bang ka phuthehong

Setshwantsho: Mme ya motjha dilemong ya phathahaneng. 1. O a rapela pele a qala letsatsi la hae. 2. O jesa lesea la hae pele a ya tshimong. 3. O thabetse ho ba tshimong le baradi ba hae ba babedi le baradibabo rona ba phuthehong ya habo.

Ho sa tsotellehe maemo a thata ao o leng ho wona, rapela Jehova ka mehla hore a o thuse mme a o hlohonolofatse ha o ntse o etsa boiteko bo matla ba ho mo sebeletsa.

IPOTSE, ‘Nka sebetsa ka thata dikarolong dife bophelong ba ka e le hore Jehova a ntlhohonolofatse?’