Ke Hobaneng ha Baiseraele ba ne ba Nyehela?

1:3; 2:1, 12; 3:1

Molao wa Moshe o ne o laetse Baiseraele hore ba etse dinyehelo kapa mahlabelo. Ho etsa sena ho ne ho thabisa Jehova hape ho ne ho tshwantshetsa sehlabelo sa Jesu sa thekollo kapa melemo e neng e tliswa ke sehlabelo seo.​—Heb 8:3-5; 9:9; 10:5-10.

• Jwalo ka ha diphoofolo tse neng di etswa mahlabelo di ne di lokela ho ba tse phetseng hantle ebile di se na sekodi ka ho tshwanang, sehlabelo sa Jesu se ne se phethahetse mme mmele wa hae o ne o se na sekodi.​—1Pe 1:18, 19; sheba le setshwantsho se leqepheng le qalang

• Feela jwalo ka ha dinyehelo tsa setjheso di ne di lokela ho fanwa ka pelo yohle ka ho tshwanang, Jesu le yena o ile a fana ka mmele wa hae e le sehlabelo ka pelo yohle ho Jehova

• Feela jwalo ka ha batho ba neng ba fana ka sehlabelo se kopanetsweng ba ne ba na le kgotso le Modimo, ka ho tshwanang le batlotsuwa ba jang Dijo Tsa Shwalane Tsa Morena ba na le kgotso le Modimo